رواية انتولوجيا الفصل العاشر 10 بقلم اسماعيل موسى

رواية انتولوجيا الجزء العاشر

رواية انتولوجيا البارت العاشر

رواية انتولوجيا الحلقة العاشرة

الاخيره
بعد بحث وتقصى عرف فارس ان فهمى ووالده كانو مستولين على أموال رجل أعمال مستغلين صغر عمر بنته، لكن البنت رجعت وخدت حقها وكل املاكها
فارس كان قلقان جدآ على شغله وخايف البنت دى تفسخ عقد الشراكه معاه ودا كان مشروع مهم جدا بالنسبه ليه
خاصه بعد ما عرف ان البنت دى صعبه وشديده وقامت بطرد موظفين كتير من المصنع والشركات بتاعتها بعد ما رجعت املاكها
شراكة فارس مع فهمى ووالده كانت حلم بالنسبه ليه، لانهم قوه صناعيه وتسويقيه كبيره، كيان ضخم جدا فى السوق
الحلم دا دلوقتى مهدد بمزاجية بنت ميعرفهاش، طلعت من تحت الارض، خدت حقها وسلمت عمها لحبل المشنقه
فارس طلب اكتر من مره يقابل مديرة الشركات والمصنع وطلبه كان بيتقال بالرفض او بالتأجيل
السكرتاريه كانت بتوصله رساله واحده بس، ان مديرة الشركه، زهره هانم، حريصه على الشراكه إلى ما بينهم
وانه ميقلقش والهانم هتقابله فى الوقت المناسب
من اكتر من عشر ايام زهره سابت الفيلا ومحدش عارف طريقها، سابت لفارس رسالة اعتذار
وانها محتاجه تقعد مع نفسها شويه من وقتها وفارس حاله متغير والى زاد عليه خبر القبض على مكرم
بتهمة قتل اخوه رجل الأعمال المشهور أدهم صدقى
لكن الاخبار إلى وصلته من السكرتاريه طمنته وخلته يروح كل يوم الفرع الجديد ويهتم بيه اكتر من اى مكان تانى
عشان يثبت نفسه قدام شريكته الجديده
فارس كل يوم كان بيكتشف أهمية زهره وتأثير غيابها
الفرع دا زهره كانت هتمسكه وتديره لولا اختفائها المفاجئ
إلى فارس فسره مره جنان
ومره غيره
ومره حب
ومره هروب
حتى الجامعه زهره بطلت تروحها امر محير جدا بالنسبه لفارس
زهره لما اتخلصت من عمها وجوزها فهمى وراحت المصنع اول حاجه عملتها حملت تنضيف كبيره لكل الموظفين إلى كانو مع عمها، خاصه الشؤن القانونيه، وخلت المحامى عصمت مسؤل عن الشؤن القانونيه الخاصه بالشركات والمصنع
شغلها فى شركة فارس خلاها فاهمه كل حاجه وكانت بتقيم الموظف من نظره واحده بس
كمان كان فيه خبر حلو مستنيها الشرطه قبضت على الدكتور إلى شخص حالة وفاة والدها ازمه قلبيه
بينما هو كان مسموم ودا إلى خلى حياتها تنقلب بالشكل ده
سرعان ما استقرت الأوضاع قدام زهره وقدرت تفرض سيطرتها واسلوبها على الكل
زهره كانت متعطشه للقياده والرياده ودا كان واضح جدا من توجهاتها
قدرت زهره اخيرا تتنفس بارتياح وتفكر فى نفسها والى حصل معاها
اخر ذكرى لفارس مع صديقته فى غرفته كانت مضيقاها
لكن الى كان مضايقها اكتر اسلوب تعامله معاها
واشعارها بالدونيه وتقليل شائنها قدام صديقته ابنة رجل الأعمال المشهور
إلى اكتشفت زهره ان شركاتها ومصانعها أكبر منه مية مره
كان فى بالها فكره واحده بس، انها لازم تغفرله بعد كل إلى عمله معاها
واعتقدت ان استمرار الشراكه ما بينهم فى الفرع الجديد تعتبر كافيه جدا
لان اسلوبه كان لسه جارحها
صراخ فارس فيها امام صديقته، امشى اعملى قهوه وتعالى بسرعه لسه بيرن جوه عقلها وكان لازم تعاقبه كويس
فضلت زهره منتظره، تراقب من بعيد كل حاجه إلى أن توطدت علاقة فارس بصديقته وخدها على الشركه عشان يفرجها على الفرع الجديد فى التجمع إلى بقى مطمن على نجاجه
لقيت زهره ان دا الوقت المناسب لظهورها، من النجمه الخبر راح على الفرع ان المديرة الجديده هتشرف النهرده
الساعه 8 الصبح زهره كانت فى الفرع قاعده فى مكتب الاداره على كرسى المدير بتراجع الحسابات والصفقات بعنيها
بكل سرعه وبتابع نشاط الموظفين
اول ما فارس وصل الفرع عرف من الساعى ان المديره الجديده وصلت
وقال لصديقته هعرفك على شريكتى الجديده إلى بتملك معظم اسهم الفرع
رافق فارس صديقته على مكتب الاداره وال ما فتح الباب لقى زهره قاعده على المكتب بتراجع الكشوف والأوراق بتركيز شديد
فارس اتخض، وقعد يبص حواليه خايف المديره الجديده تظهر فجأه وتعاقب زهره
صديقته سألته ودى بتعمل ايه هنا فى المكتب؟
فارس قال استنى بس لحظه، زهره؟ اعتقد ان دا مش الوقت المناسب لظهورك، انا عمال اتحايل عليكى بقالى شهر متلقيش وقت تظهرى فيه غير النهرده؟
زهره وماله النهرده يا فارس؟
فارس، المديره الجديده جايه هنا ولو شافتك هتبقى مشكله كبيره
صديقته بعصبيه، انت بتتكلم معاها كده ليه؟ خليها تمشى من هنا
فارس يلا زهره امشى من فضلك؟
زهره وهى بتقلب الأوراق، لحظه واحده يا فارس وهخلص
فارس بغضب وصراخ، بقلك مديرة الشركه هتوصل فى اى لحظه انتى مش بتفهمى؟
سيبى المكتب يلا وانا هبقى اطلبك
صديقة فارس بسخريه، البنت بتعاملك كأنك اخوها او صديقها نسيت انها خدامه عندك؟
زهره بهدوء انا مش خدامه عند حد
صديقة فارس، لا خدامه وهتفضلى طول عمرك خدامه مش معنى انك لبستى واتزوقتى
تنسى اصلك
زهره، انتى بنت سافله وقليلة أدب
صديقة فارس بصراخ، انت هتسيبها تشتمنى يا فارس وانت واقف كده؟
خدامتك إلى لمتها من الشوارع تشتمنى انا ريرى الفايق ابنة أكبر رجل أعمال فى مصر؟
قرب فارس من زهره وهو مرتبك وغضبان ومتعصب ورفع ايده بكل قوه
وضرب بيها زهره
زهره كانت ممكن تتلافى القلم وتبعد عنه ، لكنها سابت خدها قدام فارس لحد ما ضربها
وقفت زهره ومشيت ناحيت الباب وهى بتبص على فارس
لحظات ومديرة الشركه هتكون هنا يا فارس بيه
دخلت زهره الحمام غسلت وشها وخدت نفسها وظبطت مكياجها ورجعت على المكتب
والساعى
والسكرتيره
ومدير الحسابات حواليها وقعدت على كرسى الاداره وسط ذهول فارس وصديقته
وقعت بعض الأوراق وبعد ما خلصت ابتسمت، اعرفكم بنفسى زهره أدهم صدقى
مديرة الفرع تبعآ لنص الاتفاقيه الموقعه بين شركتنا وشركة فارس بيه
فارس كان قاعد متلخبط وايده إلى ضرب بيها زهره مرتعشه والبنت إلى معاه مش قادره تصدق ولا كلمه
مش مستوعبه إلى حصل
زهره كملت كلامها، فارس بيه انت ليك دين قديم عليا لازم اسدده
انا اتنازلت عن نصيبى فى الفرع لصالح شركتك
الأوراق إلى كنت بوقعها لما ضربتنى كانت أوراق تنازلى عن حصتى
فارس بصدمه وحزن ، استنى بس يا زهره، انا مكنتش فاهم حاجه
زهره بحزم، زهره هانم لو سمحت
دلوقتى هسيبك مع الهانم واتمنى تعزمنى على حفلة خطوبتكم
مشيت زهره ناحيت الباب وقبل ما تخرج نادت على فارس
فارس قرب منها، رفعت ايدها وضربته على وشه
كده نبقى خالصين
تحرك اسطول سيارات زهره من قدام الفرع ناحيت مصنعها وشركاتها
فى الايام الاحقه مصنع زهره وشركاتها بقيت من أنجح الشركات فى مصر كلها
انشأت فروع جديده فى بلاد أفريقيه واروبيه وبقى عندها اكتر من 20000 موظف
زهره فضلت منتظره دعوة فارس ليها على حفلة خطوبته لكن دا محصلش
وتوقعت زهره ان فارس رفض يعزمها ونسيت الموضوع لأنها كانت منشغله جدا
بعد اربع سنين اتقابلت زهره وفارس صدفه فى حفله بتاعت رجل أعمال
وكانت اول مره يشوفو بعض، كان لقاء حذر
ولاحظت زهره ان فارس لوحده مش معاه مراته
وعرفت ان فارس رفض الجواز لحد دلوقتى ولما سألته عن السبب اكتفى بكلمة ظروف خاصه
وطلب انه يقابلها مره تانيه، فكرت زهره إلى بقيت خبيره فى الناس
هل فارس يستحق فرصه تانيه؟
فى جزء من قلبها لسه متعلق معاه، وعقلها بيقلها لا، مفيش حد بيتغير
لكن زهره منحته فرصه تانيه
زهره اتفجأت ان فارس بيطلب ايدها للجواز
وقبل ما ترد عليها قدملها ملف وطلب منها تبص عليه!
فارس عارف انها حاجه صغيره متجيش حاجه قدام شركاتك ومصانعك لكن دا كل إلى املكه
انا مقدرش اعيش بعيد عنك يا زهره
فارس اتنازل لزهره عن كل فلوسه وشركته وفروعها
زهره انت فاكر انى محتاجه فلوسك يا فارس؟
فارس لا، انا عارف انك مش محتاجه فلوسى لكن حبيت ابينلك قد ايه انا اتغيرت؟
زهره تقبلى بشاب ما يمكلش اى حاجه للجواز منك؟
فكرة زهره لمده طويله قبل ما تقول ايوه
تمت