رواية رمضان جانا الفصل الثاني 2 بقلم نور أحمد
رواية رمضان جانا الجزء الثاني
رواية رمضان جانا البارت الثاني
رواية رمضان جانا الحلقة الثانية
= اية الى جابك عندنا يلا
بصتلها برفعه حاجب
– حصلك اية يا بومه! جيت اطمن عليكي؟
فاطمه: مش هتبطلي طولة لسان والله خساره الخضه الى اتخضها عليكي انا قايمه اجبلك عصير يا حبيبي
= هاتيله تمر بتلج ولا اقولك هوا لما يمسكه هيسقع لوحده اصله بيشع برود
قعدت قدمها و بصتلها بقلق – هو انتي كويسة؟
= انت قلقان بجد بقي
شبكت ايدي بتوتر – اهه اصل شكلك تعبان خالص
= لا كويسة
– يا شيخه؟
= ايوا يابني عيب دا حبه برد انا زي الف …
اتشييييييييي
كتمت ضحكي وانا ببصلها وهي بترجع لقعدتها بتعب بعد العطسه الشديده الى حصلت – لا واضح واضح انهم حبه برد ، انا بس جيت اشوف طبق البسبوسه بيقول اي
= ملحقتش اعمل بقي استني لما اخف يخويا
كنت سرحان في عيونها التعبانين من غير ما تلاحظ لحد ما دخلت طنط
فاطمه : اتفضل يا حبيبي
امنيه : اية دا وانا فين عصيري!!
فاطمه: لاء انتي عيانه اسكتي هعملك ينسون
امنيه : يخربيت الظلم
يوسف : خلاص هبقي اديكي شوية
امنيه : لا بقرف
يوسف : مهزقه
فاطمه : ماما اخبارها اية يا يوسف
يوسف : كويسة
امنيه : قال يعني مراحتش معاها يجيبوا ورق عنب لبكره
فاطمه : يخربيتك يابت بطلي حشريه كدا
امنيه : انا حشريه! يوسف دافع عني
يوسف : بنتك دي حشريه اوي
امنيه : يوسف اطلع بره
فاطمه : اتلمي ها
يوسف : سبيها بتهزر يا طنط هيا هزارها تنح شبها
امنيه : مبهزرش هيهيهي
ماما اعمليلي ينسون زوري هيموتني
فاطمه : طيب يختي
يوسف : الف سلامه عليكي يا نجمه
امنيه : كله من عينيك
يوسف : شوف التلزيق وانا هحسدك انتي يا معفنه
امنيه : معفنه اية دا انت بتغير مني إيهيهيهي
يوسف : إيهيهيهي ؟ واغير منك
امنيه : اه دا انا كنت ورده مفتحه
يوسف : ولسه والله
– لا نتلم شوية عيب كدا
= ملكيش فالوش الطيب انتي
– يواد؟
= اه والله بومه
– طب غور بقي
= مش قاعد عشان سواد عينيكي
– امال متلقح ليه
= وحشتيني
طلعت مني بثقه فضلت مراقب رياكشنها الغريب وحركه ايدها المتوتره وهي بترجع شعرها ورا ودنها
– دا انت .. انت اصلا بتفضل تنكشني
= مهو النكش دا محبه
وشها بدء يحمر وانا بحاول امنع ابتسمتي لكن فشلت
– انت بتضحك ليه؟
رفعو كتافي بأستنكار= انا اطلاقا مضحكتش!
– طب أ.. أ ابقي سلملي على طنط
قومت وانا بستعد اني اتحرك وببصلها وهي بتحاول تتماسك وبتفشل برضو
= خدي العلاج وبلاش فرك كتير لحسن الجو ممل مش لاقي حد ارازي فيه غيرك
– هخف واساوي وشك بأستيكر سبونج بوب الى ورايا
= خفي بس انتي يلا باي يختي
فاطمه : اقعد حبه
– لا خلاص بقي انا قولت اطمن على صرصار البلاكونه
= نهارك اسود انا صرصار
– هو انا قلت امنيه؟
فاطمه و يوسف ضحكوا
امنيه : طب طرقنا بقي
وخرجت من عندها وانا مرتاح بعد ما اطمنت عليها..
مش عارف ليه حاسس في عدم وجودها اني فاقد شيء كبير اوي في يومي
– احم
= الله دا البلاكونه نورت! خفيتي؟
– ماما ادتني كونجستال نمت حبه وحاسه اني بقيت احسن
= طب كويس
– هنزل معاك نجيب سحور
= اهو شوفي مين بيتلزق
ابتسمت بأستسلام
– مالك كدا لسه تعبانه ولا اية
= انا متقدملي عريس
– نعم ياروح فاطمه؟
يتبع…
لقراءة الفصل التالي : اضغط هنا
الرواية كاملة اضغط على : (رواية رمضان جانا)
2 تعليقات