روايات

رواية عالم حيوانات الفصل الأول 1 بقلم محمد طه

رواية عالم حيوانات الفصل الأول 1 بقلم محمد طه

رواية عالم حيوانات الجزء الأول

رواية عالم حيوانات البارت الأول

رواية عالم حيوانات الحلقة الأولى

__الجاموسة__
صباح الخير يا معزه كفياكي نوم إصحي بقي
__المعزه وهيا بتتاوب__
صباح الخير يا تيته جاموسة
__الجاموسة بعصبيه__
تيته ف ودانك اللي شبه ودان الحمارة دي
قولتلك مليون مره قبل كده
ما تقوليليش يا تيته أنا جاموسة هانم
__المعزه تستفزها__
خلاص صباح الخير يا تيته جاموسة هانم
__الجاموسة بغضب__
إنتي مش هترتاحي
غير لما أدوس ف بطنك وأرتاح منك
__الحمارة وهيا بتتاوب__
وبعدين بقي ف موال كل يوم ده
حرام عليكم عايزه أنام
إنتوا بتصحو بدري عشان تتحلبو
أنا بقي ذنبي إيه أصحي كل يوم بدري
__الجاموسة__
مبسوطه يا معزه خليتي الحمارة يطلعلها صوت
__البقرة بنحنحه__
بقولك إيه يا جاموسة هانم
__الجاموسة بفرحه__
سامعين يا شويه حيوانات
سامعين العسل اللي بتتكلم
أؤمري يا بقرة قلبي
__البقرة__
أنا ماليش مزاج أتحلب النهارده
حاسه كده إني تعبانه ودايخه
ولو أتحلبت هتعب أكتر
__المعزه بجر شكل__
تعبانه ودايخه
هوا إنتي كنتي بتسرحي فين إمبارح
بس العيب مش عليكي
العيب على العجل اللي مش عارف يلمك
وسايبك لعجول الشوارع
__البقرة__
ما بلاش أنا يا معزه إنتي بتزعلي من هزاري
__الجاموسة__
سيبك منها يا بقره
وألف سلامة عليكي يا حبيبتي
وأنتي خلاص أجازه من الحلب النهارده
__المعزه بعصبيه__
وأنتي بصفتك إيه يا تيته جاموسة
تديلها أجازه ولا هيا عشان بتقولك يا جاموسة هانم
__النعجة وهيا بتتاوب__
صوتك عالي ليه يا معزه عالصبح
_بقلم…محمد طه عبد المجيد
__المعزه تتصنع البكاء__
إلحقيني يا نعجة يا أختي وانصفيني
كلهم جايين عليا ومحدش طايقني
__النعجة بحكمه__
إنتي اللي بتجري شكلهم يبقي تستحملي
__(مع دخول مفاجئ للفحل)__
__المعزة بعصبيه وصوت عالي__
جرا إيه يا فحل أفندي مش تخبط وأنته داخل
ولا هيا زريبة من غير بواب
__الفحل أفندي__
أنا آسف يا مدام معزة
بس هيا فعلاً زريبة
__المعزة بدلع__
إحم إحم مدام معزة
لأ ولا يهمك يا فحل أفندي
إنته تدخل براحتك وف أي وقت يعجبك
__البقرة بنظره رومانسيه وصوت كيوت__
صباح الخير يا فحل أفندي
نهارك أشطه بالحليب البقري
__الفحل__
نهارك سعيد يا بقرة هانم
__الجاموسة برفع حاجب وعصبيه__
هانم دا لقبي أنا يا فحل أفندي
__الفحل مرتبكاً__
صباح الخير يا جاموسة هانم
__الجاموسة بغضب__
صباحك بلون جسمك خير عايز إيه
__الفحل__
كنت جاي أبلغ الحمارة إن الحمار
ما جاش الزريبة من لليلة إمبارح
__الحمارة__
يووووووووووه تاه تاني……….

يتبع…..

لقراءة الفصل التالي : اضغط هنا

لقراءة الرواية كاملة اضغط على : (رواية عالم حيوانات)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى