رواية عنيده ولكن الفصل الثامن والثلاثون 38 قلم اسو أحمد
رواية عنيده ولكن الجزء الثامن والثلاثون
رواية عنيده ولكن البارت الثامن والثلاثون
رواية عنيده ولكن الحلقة الثامنة والثلاثون
المقدم محمد حطيتو للكينج حراصه كتير على الباب وفى المستشفى كله علشان مايعرفش يهرب من هنا
معتز
حصل يا فندم ووزعنا الحراصه على كل المداخل والمخارج للمستشفى وكمان حطينا حرص عند روتيلا وابوها كمان وهنا مراد جنب قدر وكمان هانجبلها حراصه هنا للحمايه لازم سلمتها
مازن
و الكينج جبناله احسن ظباط فى الداخليه كلها وانا ومعتز هنعمل ورديات حراصه عليه لحد ماتنتهى فترت علاجه هنا
المقدم محمد
برافو عليكم يا ولاد ، ثقتى فيكم كانت فى محلها وبالاخص انت يا مازن كان دورك فى المهمه دى انت وساره اكتر من رائع وخصوصا انكم كنتو متقنين ادوركم جدا والكل صدق الرساله
ساره
هههههه ماتفكرنيش ده كان يوم اسود ساعتها ” وتنظر إلى مازن ” بس انت كنت اوفر اووى ساعتها يا مازن
مازن
معلش ياروحى بس مش انتى إللى قيلالى اعمل كده
اسماء ومعتز
انا مش فاهم/ه حاجه
احمد
ولا انا
ليضحك مازن
ههههههه انا هفهمكم كل حاجه بس تعالو اقعدو الأول ” ليذهبو ويجلسو جميعا لينظر مازن إلى الجميع ” لما ظهرة تيلا انا فعلا مكنتش اعرف انها اختى وده كان رد فعل طبيعى بس لما ساره عطتنى الرساله وقريتها ونفذتها بالحرف الواحد و..
فلاش بك..
فى المستشفى
كان مازن مصدوم حتى اعطته ساره الرساله ونظر لهو نظره فهمها هو ليفتح ينظر لها ليجد عليها ” اقلب الورقه ” لينظر لها ومن ثم ينظر للورقه التى اعطته أيها ساره ويفتحها ويقلب الورقه ويقرء ما بهى
كانت كالتالى
” مازن العميد محمد كلفنا بمهمه ولازم نبين قدامهم انك بتكرهنى حتى انك ممكن تتبره منى علشان يصدقوا ولو شوفتنى بعيط أو بموت اياك ترجع فى كلامك لازم الكل يصدق وبعد ما تتخانق معايا قول انتى اختى ولا اعرفك ومالكيش أخ اسمه مازن من النهارده ولما تخرج من المستشفى اكيد هيكونو مرقبينك فاتصرف بحزر شديد واياك يشكو فيك فاهم اعمل اي حاجه تخليهم يصدقو انك فعلا بتكرهنى وبتكره بابا وماما حتى تيلا عايزاك تعاملها وحش جدا لحد ما يقتنعو بكده والباقي هتعرفه من العميد محمد ”
بك..
مازن
واللى حصل بعد كده انتو عرفي ، بس كده أدى كل إللى حصل ولما طلعت من المستشفى لقيتهم فعلا بيرقبونى علشان كده روحت على البحر و…
فلاش بك..
على البحر
يجلس مازن وهو يبكى بشده من الذي عرفه للتو لينظر للورقه التى تركها لهو والده بغضب وحزن شديد
مازن بصراخ لكى يسمعوه
ليه عملت فيا كده هااا ؟ ليه ؟ ده انا رغم كل إللى عملته معايا سمحتك وقولت معزور بس توصل ليك الجرئه ** انك تعمل كل ده وفى الآخر تقولى سامحنى ينعل *** ياشيخ ” ويضرب بيده على الحجر الذي يجلس عليه بقوه ” روح ياشيخ ربنا ينتقم منك على إللى عملته فيا انا واخواتى حتى وانت ميت مش عاتقنا *** يا *** ” لينظر للورقه مره اخره ويدعس بيده عليها لتصبح كتله صغيره جدا ليقف ويذم يده عليها أكثر ويقول بغضب ” عمري ما هسامحك على ظلمك ليا انا واخواتى و مابقاش مازن لو ماجبتش حقهم يا ** ” ويرمى الورقه بقوه فى البحر لتسبح بعيدا جدا من شدت قوت التيار المائي لينظر لها قليلا ويذهب الى سيارته ويركبها ويذهب
بك..
المقدم محمد
لا وكمان قبض على واحد من أكبر عصابة تجار الأعضاء فى مصر وانقذ حياة بنت
مازن
دى كانت صدفه والله يا جماعه ههههههههه ” ويقول بهمس ” بس احلى صدفه
ساره بهمس
هاعرف مين البت دى بس لما نخلص من كل ده ونرتاح ” وتعلى صوتها ” وطبعا مازن كتب رساله غير إللى ادتهالو ان ابوه ظالم وعمره ما حبه وانا مش اخته وتيلا احم … علشان يصدقو ولما رما الورقه فى البحر كان حاطتها فى ظرف عازل للماء علشان لما ياخدوه يقرو الكلام ده حصل فعلا اول ما مشي راحو وخدوها بسرعه ووصلوها للكينج
مازن
والكينج بقي قام مغير فيها وكتب كلام زواده عن إللى انا كنت كاتبه وعطها ل مروان ومروان اول ما قرها اتعصب والكينج فضل يوز فيه أنه يقتلنا وفعلا راح ل ساره وحاول يقتلها
ساره
ساعتها انا قولتله الحقيقه كامله وهو ندم ” وتنظر لهم ” بس ساعتها كنت حاسه انى مش هشوفكم تانى يا بنات ” وتنظر لهم وتنزل دموعها لتحضنها اسماء”
اسماء
ماتقوليش كده تانى ، بعد الشر عليكى ياقلبي
معتز
يعنى دلوقتى لما اجى اطلب ايديها اروح ل مروان ولا ليك يا مازن ولا لمين
ساره بصدمه
هاااااا
لينظر لها معتز بكل حب
بحبك يا ساره ومش من النهارده من اول مره شوفتك فيها فى الفندق وانتى مش عارفه تتكلمى مع الرسبشن كويس ولما اتكعبلتى ووقعتى فى حضنى كنت عايز الوقت يقف فى وقتها ونفضل كده ” ليصتبغ وجه ساره بالون الاحمر من شدة الخجل وتخبء وجهها فى اسماء ”
مازن
هوووووو حيلك حيلك يا كابتن ايه كيس جوافه انا قدامك ، بصلى هنا ياض وانا بكلمك
معتز بغيظ
يخربيت ام فصلانك يا شيخ ، هو الواحد مايعرفش يقول ام دى كلمتين على بعض ، يا ساتر عليك
مازن
طب مافيش جواز هااا ” وينهض من مكانه ”
معتز
وانا مش هديك المعلومات إللى طلبتها بتاعت سندس هااا
لتقف ساره
وانا هنط من فوق التربيظه
اسماء
اسمها من فوق برج إيفل يا غبيه
ساره
اه علشان اموت صح لا ياختى انا لسه عايزاه اعيش شبابي واتجوز الواد المز إللى هناك ده ههههه
معتز
مز ؟؟! مازن انا بستئزنك ارجع فى كلامى
مازن
خمس دقايق والمؤذون يكون هنا
ليجلس معتز ويضع يده على خده
يعنى انا خلاص كده اتدبست فى وحده هبله
ساره وهى بتردح بطريقه كوميديه
مالها الهبله دى يا عمرررررر هاااا ؟؟
معتز
زى العسل ومجننه امى معها وليل ونهار بفكر فيها وبحبها و” يجلس على ركبته ” تقبلى تكون نصي التانى يا ساره ووعد منى هعيشك طول عمرك سعيده وعمري فى يوم ما هزعلك
لتمد يدها وتمسك يده
اكيد موافقه طبعا ، ده انا ماصدقة ” لينهض معتز ويقترب ليحضنها ليمسك مازن من هدومه ”
مازن
لا يابا احنا ماعندناش كده ، الكلام ده بعد كتب الكتاب
معتز
خلاص اروح اجيب المؤذن بسرعه بقي
مازن
مافيش جواز غير لما اتنيل انا الأول ” وينظر إلى ساره ” ولا ايه رايك يا ساره
ساره بفرحه
اكيد طبعا يا ميزو ، وهيبقي في يوم واحد كمان وقدر وروتيلا وتيلا معانا كمان
معتز بغيظ
ربنا على المفتري والظالم ، ااااه يانى ياماااا
ليخرج مراد إليهم
يا بنات قدر فاقت تعالو ” ليدخلو جميعا إليها وتجري ساره واسماء إليها ويحضنوها ويوسوها حتى انهم نجحو فى ارجاع الضحكه والبسمه لها ”
___________________________
أمام المستشفى
يقف تاكسي وتنزل منه فتاه ترتدى سلوبته حمره وعليها سويت شرت ابيض وشعرها كرلى لتنظر إلى الورقه واسم المشفى وتتأكد من الاسم وتنظر للسائق
= شكرا جدا ياعمو معلش تعبتك معايا
السائق
العفو على ايه يا سندس يا بنتى ده انتى زيك زى نهى واكتر والله
لتبتسم سندس
الله يخليك يا عم إبراهيم مش عارفه من غيرك كنت هاجى ازاى بس
عم إبراهيم
المهم عندى انكم تكونو كلكم بخير يابنتى ، ويبقي سلميلى على روتيلا ومراد وقوليلهم ياخدو بالهم من نفسهم شويه مش كل يوم فى مستشفه شكل ههههههههه
لتفتح سندس باب العربيه الخلفي لتأخذ حقئبها
انا اخر ماهزهق منهم هخليهم يعيشو فيها احسن بدل المشوره والخضه عليهم كل شويه كده
عم إبراهيم
روحى انتى يابنتى شوفيهم وانا هنزلهم وهحطهملك عند الاستقبال ويبقي لما تخلصي خديهم
سندس
هنزلهم انا مش عايزاه اتعبك يا عم إبراهيم ، كفايه تعبك معايا كل ده
ليقطعها إبراهيم بقليل من الحده
اسمعى الكلام وبلاش غلبه كتير ، ويلا روحى عند اخوكى وانا هنزلهم وادخلهملك ماشي
لتبتسم سندس
ماشي يا عم إبراهيم ” وتذهب إلى المستشفى وتدخل وتسأل الاستقبال عن الغرفه وعندما استدارت لتذهب خبطت فى شخص ما وانسكبت القهوه عليها لتنظر لهو بغضب ” مش تفتح يا…. “وتنظر بصدمه ”
مازن بصدمه وفرحه
هو انتى ؟؟!
سندس
لا مش انا ” وتجري بسرعه ليذهب ورائها حتى دخلت عند غرفه قدر و مراد ” لينظر لها بدهشه لتجري عليه بسرعه وتحضنه ” انت كويس ياروحى
قدر بغيره
ودى مين دى كمان ، كانت ناقصه هى صح
ساره
ههههههههههههه عشنا وشوفناكى غيرانه يا قدر
قدر بغيره
البت دى مش هتجيبها لبره غير لما اقوم اجيبها من شعرها
ليقترب مازن من قدر
قدر قولى لمراد يبعد عنها بدل ما البسهم قضيت تحرش
قدر بغيظ
لبسهم وانا هشهد على كلامك ، بص بنت المنكوبه لازقه فيه ازاى
مازن
وهو ما صدق الزفت ده ولازق فيهم
اسماء بهمس
اهدى شويه يا ولعه منك ليها شويه ، كده هيسمعوكم
قدر
اطلعى منها والنبي يا اسماء احسن اقوم اجيبها من شعرها بت الورمه دى
لينظر مراد إلى قدر ليجد وجهها مثل الطماطم من كثير الغيره والغضب ليبتسم بشده
ايوه كويس ياقلبي ” ويخرجها من حضنه ” بس ازاى جيتى هنا بالسرعه دى ازاى مش المفروض كنتى تيجى بكره
سندس
لا ما انا لما عرفت باللى حصل ماقدرتش ماجيش الصراحه واشوفك واطمن عليك ياقلبي انت وروتى وكمان لقيت عم إبراهيم الله يستره دنيا واخره يارب وجابنى بسرعه على هنا ، بس قولى صحيح هى فين هااا ههههههههه
مراد بهمس
إللى هناك دى اللى هتنط فى كرشك كمان شويه دى
لتنظر لها سندس
ههههههههههههههه دى شكلها من النوع الغيور ، ” لتطبطب على كتفه “ربنا معاك ياوالدى ” وتذهب ناحيتها وتبتسم ” انتى قدر صح
قدر بغيظ
لا واقع هيهيهيهي
لتضحك سندس كثيرا وتمد يدها
انا سندس اخت مراد
قدر بفرحه
اخت مراد !!! بتتكلمى جدا ؟
سندس
اه بجد ههههههههه
قدر
قولى والله
سندس
والله اخته اوريكى البطاقه كمان علشان تصدقى
قدر
هههههههههه لا مش للدرجه دى يعنى ” وتاخذها فى حضنها وهى فرحانه جدا انها اخته ولا تقل فرحتها من فرحة مازن أيضا ، لينظر لهم مراد بفرحه شديده فاخيرا اتفقوا سويا وهذه البسمه التى عادت لها من جديد ليحمد ربنا على انهو رزقه حبها وأنها ستكون من نصيبه وهى بكامل صحتها ويشكره أيضا ان جميع احبته بخير وأخيرا عادة البسمه لهم جميعا ”
__________________________
فى شقت ساره
تيلا
ايه إللى جابك هنا تانى يا مروان ؟؟ ” لتكمل بسخريه ” ولا قولت دى لسه عايشه لازم اخلص عليها هى كمان صح و…
ليصرخ مروان
تيلا اسكتى خالص ” وينظر إلى كريمه ويجلس على ركبتيه ” كوكى يا حبيبتي ممكن تروحى اوضتك لحد ما اتكلم انا ومامى شويا ” ويقرب يده منها لتبعد كريمه وجهها وتنظر إلى أمها ”
تيلا :
روحى يا حبيبتى على اوضة ساره وكلميها واطمنى عليهم ok
كريمه
Ok MaMy ” وتذهب إلى غرفت ساره وتغلق الباب لينهض مروان من على الأرض ”
مروان
هى كريمه بتعملنى كده ليه ؟؟! ولا تكونى…
لتقطعه تيلا
ولا اكون كرهتها فيك صح ، هههههههه لا بجد انا مصدومه فيك ” وتضع يدها على فمها وتنزلها وتلوح بيدها لهو ” عايز طفله من لما اتولدت وهى ماتعرفش مين هو ابوها ” وتاشر باصبع السبابه ” او إللى مسجله باسمه فى شهادة الميلاد بس ” وتلوح بيدها ” سوى نسيتها دى
مروان بغيظ
تيلااااااا الزمى حدودك فاهمه
تيلا بسخريه
ليه هو انا قولت حاجه غلط ؟؟ مش ده إللى حصل ولا نسيت إللى عملته يوم فرحنا
مروان
تيلا…
تيلا بألم
خدعتنى ، وفضحتنى قدام الناس كلها ، وسبتنى يوميها
مراد
ادينا فرصه اوضحلك يا تيلا انا….
تيلا
قولتلك قبل ما نتجوز ماتقربش منى ؟؟ ” وتنزل دموعها ” قولتلك وقتها ماتقربش منى لو هتكسر قلبي وتجرحنى ؟
مروان
تيلا ادينى فرصه اوضحلك ايه اللي حصل…
تيلا مقاطعه
هتوضحلى ايه ولا ايه ؟؟ تقولى انك كنت مجبور تسيبنى بالشكل ده وتبعتلى بنت معرفش هى مين ولا ايه إللى جابها ؟؟
مروان
تيلا..
تيلا
انا بسببك اتحملت كلام زى السم فى اليوم ده ، هو اكيد سابها علشان فيها حاجه ، ” وتضحك بسخريه ” والعريس هو إللى اتخدع والعروسه هى إللى معيوبه هههههه صح ” وترجع شعرها للوراء وتنظر لهو وتضربه بيدها على صدره ” لييييه عملت فيا كده ليييه ؟؟ ماكفكش الألم إللى حسيته وقتها من كلام الناس ليا واتهامهم ليا
مروان باسف
يا تيلا انا…
تيلا بعصبيه
اسكت خالص مش عايزاه اسمع صوتك …. انا بسببك عشت طول عمري فى عذاب وألم ووجع قلب ، ليه عملت كده فيا لييييه ؟؟ حرام عليك انا عملتلك ايه علشان تعمل فيا كل ده ” وتجلس على الأرض تبكى بشده لينظر لها مروان يحزن ”
مروان
كان غصب عنى يا تيلا ” وتنزل دموعه بكل ما ما جاء من وجع فى قلبه وهو يقول” امجد وأيمن ورئفت هما السبب ” لتنظر تيلا لهو بصدمه ليجلس أمامها ويمسك يدها ” يا تيلا انا بحبك وانتى عارفه كده كويس ويوم فرحنا كنت بعده بالثانيه علشان نكون مع بعض وكان بالنسبه ليا حلم عمرى بس…. ” وينظر إلى الأرض ويرفع نظر لها والدموع فى عينه بس لما كنت جاي الفرح مع ابويا ومزينين العربيه و..
فلاش بك..
والده
أخيرا شوفتك عريس يا مروان وهفرح بيك قبل ما اموت
مروان
ماتقولش كده تانى يا بابا ، ” ويمسك يده ويقبلها ” الف بعد الشر عليك يا والدى ربنا يديك طولت العمر وتشوف احفاد احفادك كمان يااارب
والده
هههههههه احفاد احفادى كمان ” وينظر لهو ويقول ” محدش ضامن هيعيش قد ايه يابنى ، ووصيتى ليك لو فى يوم حصلى حاجه تاخد بالك من مراتك هى مالهاش غيرك ولو لفيت الدنيا كلها مش هتلقي وحده تحبك او تستحملك زيها وابنك او بنتك إللى جاي ده تاخد باله منه واياك يا مروان تزعلهم او تكسرهم فى يوم من الأيام وتعاملهم بما يرضي الله فاهم يا والدى
مروان بتوتر
ابن ايه وبنت ايه بس يا بابا احنا لسه بنقول يا هادى و…
والده
ماتكدبش عليا يا مروان انا عارف ان تيلا حامل علشان كده استعجلتكم فى الجواز يابنى
ليوقف مروان السياره على جانب الطريق وينظر لهو
عرفت ازاى ؟؟ ومين إللى قالك ؟؟
والده
عرفت مطرح مع عرفت يا ولدى عاد ، تيلا أميرة بنت ناس وطيبه ومحترمه وعمرك ما هتلقي وحده زيها كفايا انها شيلانى من على الأرض شيل وانا بالشكل ده وحده غيرها مكنتش بصت فى وشي وسبتنى مرمى ولا سالت فيا
مروان
ماتقولش كده يا والدى ، تيلا بتعتبرك زى ابوها بالظبط وحكاية الكرسي او الزهايمر ده مش فارقين معها وبعدين كفايا إللى انت عملتو معايا وانا صغير واعتبرتنى زى امجد ابنك بالظبط ويمكن اكتر كمان ” ويمسك بيده ويقبلها ” ربنا يخليك ليا يااارب ويديك طولة العمر ويديمك فى حسانا ديما يارب
ليطبطب والده على كتفه ويبتسم
ربنا يخليك ليا يا حبيبي ويجعل ايامك كلها سعاده يارب ” ليبتسم مروان ويفتح باب العربيه ” رايح فين يا ولدى
مروان
هجيب ميه من السوبر ماركت إللى هناك ده واجي بسرعه ماتخافش عليا ” وينزل من العربيه ليسمع صوت انفجار عالى جدا ” بوووووم 💣💣 ” بعد دقائق قليله يفتح عينيه ليجد نفسه على الأرض ليضع يده على راسه بألم شديد ويتذكر والده ليضع يده على الأرض لكى ينهض ولكنهو وقع مره اخره على الأرض ليزحف بجسده إلى الجهه الاخره ليجد سيارته بقت فتات صغيره لينهض بصعوبه ويتجه نحوها ليجد امجد ورئفت واقفون عند السياره ليقترب منهم ويقف بصدمه عندما سمع
رئفت
العربيه مافهاش غير جسه واحد بس فين التانيه يا والد اخوي ؟؟!
امجد
انا دورت كتير عليها بس مش لقيها فى اي مكان خالص ياعمى ، اكيد التانى لسه عايش
رئفت
لو كلامك صح دى تبقي مصيبه يا والد خوى
امجد
تعالى ندور تانى ولو لقيته اضربه بالنار ويبقي نرميه فى الميه او نحرقه علشان محدش يشك فينا
رئفت
روح انت من اهنه وانا هروح من اهنيه ولو لقيته يبقي رن عليا ماشي ” ليختبء مروان خلف ما بقي من السياره جيدا لكى لا يروه وياذوه هو الاخر ”
بك….
مروان بحزن وألم
ومن ساعتها وانا كل يوم فى بلد شكل علشان مايلقونيش ويعملو فيا حاجه والكينج هو إللى ساعدنى فى الهروب وكنت تحت حميته وهو السبب فى كل إللى حصل معايا بعد كده
تيلا
طب ليه ماكلمتنيش ولا مره تطمنى عليه او كنت جتلى يا مروان وكنا ساعتها بلغنا الشرطه بعد كل ده
مروان
لو كنت جيت يا تيلا مكنتش هسلم من عمى وامجد ده موت أبوه يبقي مش هيقدر عليا انا كمان ولو كنت كلمتك او قولتلك اي حاجه كان امجد ساعتها مش هيسيبك فى حالك برضه علشان عرفتى الحقيقي ” ويضع يده على وجهها ” انا عندى تكرهينى ولا ان يجرالك حاجه ياقلبي
تيلا
اااه بدليل انك كنت هتقتلنى انا ومازن زى ساره صح و…
ليضع مروان أصبعه على فمها
هشششش ماتقوليش كده تانى ، طب بزمتك انا اقدر ائزى نفسي برضه ” ويغمز لها ” ده انت القلب كله يا جميل
لتبتسم تيلا غصب عنها
ثبتنى خلاص ههههههههه ” ليفتح يده لها و يحضنها لتدفعه بيدها وتنهض ” لا يا حبيبي انسا خالص ، اما تصالح ساره ومازن يبقي ساعتها تيجى وتطلبنى منه من اول وجديد وساعتها بس ابقا اشوف إذا كنت هوافق عليك ولا لا
ليعتدل مروان ويجلس
طب ما تخليها ساره بس ، هاااا ايه رايك وبلاها مازن
تيلا
ايوه علشان ساره غلبانه وهتسمحك بسرعه لكن انسا يابا مازن الأول يا اما بلاش انا بقول اهو ” وتتجه ناحيت الباب ” الزياره خلصة اتفضل من غير مطروض وتأنى مره لما تيجى تستئزن من راجل البيت فاهم
لينهض مروان وهو يندب حظه
كان مستخبيلك فين ده كله يا مروان ، يا عينى على شبابك إللى هيضيع هدر يا مروان ، منهم لله إللى كانو السبب ، اااه يانى ياما
تيلا بجمود كاذب
اخلص ياض مش فضيالك ” ليذهب مروان اخيرا ويقف أمام الباب ينظر لها لتبتسم لهو وتغلق الباب فى وجهه وتنفجر من الضحك عليه ليسمعها مروان ليقول لها
مروان
اضحكى اضحكى ياختى ما انتى ماوركيش زئب ولا حاجه ، تاتك داهيه وانتى زى القمر كده ” ويبتسم وينزل على السلالم ويرحل من عند تيلا التى كانت تسمع كلامه وقلبها ينبض من شده الفرحه وعندما احست به ينزل اتجهت سريعا ناحيت الشباك لتنظر عليه حتى رحل ”
= بتعملى ايه عندك يا ست تيلا هاااا
لتلتفت تيلا لتجدها ابنتها لتضع يدها على صدرها
حرام عليكى يا كوكى خضتينى
كريمه
ماقولتيش برضه كنت بتعملى ايه عند الشباك ، ومروان ده بابا بجد زى ما قال من شويه ولا كان بيكدب عليا هااا
لتذهب تيلا ناحيتها وتجلس على ركبتيها وتمسكها من خديها
مش هنبطل لماضه بقي
كريمه
اولا مش هو ده الجواب على سؤالى ” وتفرد اصبعها الثانى ” ثانياً لما تبطلى انتى لماضه يبقي ساعتها أفكر ابطل
لتنهض تيلا وتمسك يد كريمه وتذهب بها إلى الغرفه
الموضوع ده كبير يا حبت الكرز وعايز اننا ننام على السرير واحكيهولك واهو بالمره تتخمدى
كريمه
هااااا !؟؟
لتضع تيلا يدها على شعر كريمه
علشان تنامى يا لمضه ورانا مدرسه الصبح ” ويدخلو إلى الغرفه وتاخذ تيلا كريمه فى حضنها وتحكي لها الأشياء الجيده عن والدها وتمدح فيه كثير حتى نامو الاثنين ”
________________________
فى المستشفى
عند روتيلا
استيقظت روتيلا اخيرا وآدم كان معاهافى الغرفه وشرحلها كل إللى حصل وازاى حازم مامتش لسه
آدم
بس كده أدى كل إللى حصل
لتنظر روتيلا لهو وتقول
يعنى احنا دلوقتى هنقدر نطلق صح
ليرجع آدم راسه للوراء ويبتسم
مين إللى جاب سيرة الطلاق بس يا روحى
روتيلا
مش ده كان اتفقنا من الأول يا آدم ولا ايه اللى جد يعنى ، وبعدين احنا عاملين اتفاقيه وملتزمين بيها
آدم
بند 20 يستمر الزواج أذا كان احد الطرفين وقع فى حب الاخر
روتيلا
وانا مابحبكش انت ايه جبله مابتحسش.. ” وتصمت فجاه وتنظر لهو ” لاتكون….
ليخرج آدم هاتفه ويشعله لترا انها نفس الصوره التى معها
آدم
توتا ” لتنظر لهو روتيلا بصدمه وزهول ” ايوه انا دومى يا توتا
روتيلا
انت لسه عايش ازاى وبابا قالى انك مت فى حادث ” وتضع يدها على رأسها ” انا مش فاهمه حاجه
ليمسك آدم يدها
اهدى يا حبيبتى وانا هفهمك كل حاجه ” لتشعر روتيلا بقشعريره تسري فى جسدها كله عندما مسكه يدها لتسحبها منه ليضحك آدم بشده ” خلاص سبتها اهو هههههه
روتيلا بتوتر
قولى بقي ايه إللى حصل يا.. ” وتسكت لانها لا تعرف اذا كانت تقول لهو آدم ام تقول لهو دومى كمان فى السابق
فهمها آدم ليقول وهو يضحك
تقدري تقولى إللى يريحك حتى ممكن تقولى الدب الجليدى ههههههههه
روتيلا
طب اخلص وقول ياض بدل ما افلقك نصين وماتلقي دكتور يعرف يخيط فيك حته سليمه
ليحك آدم راسه ويقول بهمس
يادى ام السان ده إللى مش هنخلص منه ” وينظر لها ويقول احمممم ماعلينا ، انا لما كنا صغيرين بابا وبباكى حصلت بينهم مشكله بسبب ماما واتهمه بسرقة أمواله وبابا كان عايز ينتقم منكم وبعتلكم رجاله تموتكم علشان بابكى بلغ الشرطه عنه وكان هيتقبض عليه بتهمت قتل ماما الله يرحمها وتهريب مخدرات للخارج بس انتو واختك كنتو صغيرين وقتها حصل…
روتيلا
حصل ايه يا آدم ؟؟
لينظر آدم لها بحزن
ووقتها اختك صحيت من النوم ونزلت عندهم وحصل إللى حصل بس…
لتنظر لهو روتيلا بصدمه وحزن
يعنى ابوك إللى موت اختى !!!؟ ليييه ؟؟ هى زنبها ايه ؟ وانا زنبي ايه تبعدوها عنى ؟؟ ” وتبكى وتصرخ ” ليه عملتو كده فيا ليه ؟؟ ليه حرمتونى منها ؟؟ حرام عليكم اهئ اهئ ليه بتعملو فيا كده ليييه اهئ اهئ
آدم
اهدى يا روتيلا وانا هفهمك كل حاج…
روتيلا بانفعال
هتفهمنى ايه ؟؟ هتفهمنى ازاى قتلتو اختى قدام عنيا ولا هتفهمنى ايه..
آدم
يا روتيلا اسمعينى انا عايز اقول ان اختك….
روتيلا بصراخ
اسكت خالص مش عايزاه اسمع صوتك
ليصرخ آدم بقوه ويهزها بيده من كتفيها
رووووووووتيلا اسكتى شويه” لتصمت روتيلا وتنظر لهو ليكمل بحنان ” ممكن تسمعينى مره واحده كادم حب الطفوله مش آدم المغرور المتعجرف ” وينظر لها ” ممكن ” لتنظر الى عينيه كثيرا وتهز راسها ” اختك لسه عايشه ماماتتش
روتيلا بصدمه
اييييه؟!!!!
” فتح أبواب العشق 💜 ”
لاشيئ اجمل من غسل وجه الحزن بابتسامة، وإطفاء الضيق بالاستغفار، ابتسم ليس بالضرورة فرحا، وإنما، ثقة وتفاؤل بأن الله لن يخيب ظنك …افتح شبابيك الأمل واطرد اليأس واضحك ترى سحر الحياة …..و ابتسامة أشرقت شمس الأمل بعد الظلام وابتسم يوم ٍ على الدنيا جديد واحتريتك وابتدى صمت الكلام يسرق الكلمات من نبض الوريد 🤗❤
فى صباح يوم جديد
فى المستشفى فى غرفت احمد
يقف آدم وامانى فى الخارج عند الباب ينتظرون خروج التوئم و روتيلا ونرمين يقفون أمام احمد الراقض أمامهم على السرير ممسكون بايدى بعضهم البعض
لتنظر روتيلا إلى اختها قليلا وتبتسم وبعدها تنظر إلى والدها وتقول بحزن وألم
بابا انا…. ” وتنظر إلى نرمين ” احنا….
لتبتسم نرمين وتقول
هتكلم انا يا بابا علشان ابو حزمبو لسه قاعد بيجمع ههههههه
لتضربها روتيلا
اخص عليك يا كلب البحر بقي انا حزمبو
نرمين
ويعنى انا كلب البحر يا حزمبو
روتيلا
طب كلب البحر
نرمين بغيظ
حزمبوووووو
لتاشر لها روتيلا باصبع السبابه
ماتقولليش يا حزمبووو
لترفع نرمين أصابعها في تحزير
وانتى ماتقولليش يا كلب البحر تانى
احمد
خلاص يا ولاد اهدو
لتنظر لهو روتيلا وتقول بغضب
هى إللى بدئت يا بابا
نرمين بانفعال
ماتصدقهاش يا بابا حزمبو هى إللى بدئت الأول
روتيلا
اهو شوف بتقولى ايه ، طب يا كلب البحر يا كلب البحر هااا
نرمين
انااااا
روتيلا
ايوووه انتى
نرمين بغضب
طب يا حزمبو يا حزمبووووو هااا
احمد
باااااااس
روتيلا
بس يا بابا هي إللى بدأت
نرمين
كدابه يا بااااا…. ” لتقطع كلامها بصدمه لياخذو بالهم أخيرا ان اباهم استيقظ أخيرا لينظرو إلى بعضهم بصدمه وينظرو إلى والدهم ”
روتيلا و نرمين بصدمه
باباااااا !!!!!!
لتنظر روتيلا إلى نرمين
اقرصينى يا كلب البحر ” لتنظر لها بغيظ وتقرصها بشده لتصرخ روتيلا ” اااااااااه ، انتى يا بت انتى غبيه قولى قولى انك غبيه ماتتكسفيش
نرمين
غبيه فى عينك يا بعيده ، وبعدين مش انتى إللى قولتى الله
احمد
بس خلاص يا ولاد اهدو شويه ، كل الناس بتكبر وتعقل إللى انتو يا سبحان الله
روتيلا
هى إللى بدئت يا ابو حميد
نرمين
لوكل اوووى ، مش معقول لسه اسلوبك ده ماتغيرش Oooooooo No
روتيلا
احسن من إللى مفكره نفسها من سويسرا وهى من بطن الجموسه
احمد
خلاص خلصتو
روتيلا
انا بلنسبالى لا ” وتنظر إلى نرمين”
نرمين بخبث
ولا انا ” ويبتسمو وينظر إلى والدهم ”
احمد
قلبي مش مطمن
لينظرو إلى بعضهم ويصرخو
عااااااااااا بابا صحى ” ويجرو نحوه ويحضنوه بشده ويقبلو وجبينه ووجنتيه ويده أيضا غير مصدقين انتو استيقظ أخيرا ”
ليضحك احمد بشده
هههههههههه كح كح خلاص يا ولاد ههههههههههه كفايه ههههههههههه
نرمين
هتتباس يعنى هتتباس يا عباس ” بصوت سلطان 😂 ”
روتيلا
ده احنا هنريحووووكى ياشبه ” بصوت سكينه👻 ”
و ظلو هكذا يضحكون ويمرحون سويا وعادة السعاده أخيرا إلى العائله من جديد ليقول احمد بعد أن هدئو قليلا
احمد
بس انتو ازاى لقيتو بعض
روتيلا
السؤال ده مافيش غير شخص واحد بس هو إللى هيقولك إجابته ” ليدخل آدم ” اهو وصل اهو
نرمين
نطير احنا بقي ونسيبك مع ادم يفهمك كل حاجه على ما نشوف عمو الدكتور علشان يشوفك ويخرجك ” ويخرجو سريعا ”
احمد
تعالى يا آدم يابنى اقعد جنبي واقف بعيد كده ليه
ليقترب آدم منه ويجلس بجواره
اخبارك ايه دلوقتي يا عمى
احمد
احسن الحمد لله يابنى ، بس قولى يابنى انت عرفة ازاى مكان ريم وعرفة ازاى أن روتيلا هى نفسها حب طفولتك
آدم
انا لما شوفت صورتنا واحنا صغيرين على التلفون بتع روتيلا ساعتها عرفة أنها هى توتا إللى كنت بلعب معها واحنا صغيرين ساعتها قررت أوجه عمران لانى عارف بكل إللى عمله معاك بس للاسف اتقبض عليه قبل ما اوجهه بس بعدها روحت ليه السجن و….
فلاش بك
كان عمران يجلس فى غرفة وكيل النيابة ليدخل العسكري
العسكري
آدم الهواري بره يا فندم
= دخله بسرعه يا عسكري ” ليخرج العسكري ويدخل آدم ” اتفضل يا آدم باشا ده انت نورتنا والله النهارده
آدم
ممكن تسيبنا شويه مكرم باشا
لينهض مكرم
اكيد طبعا يا باشا “ويخرج ويتركهم لوحدهم ”
آدم
توتا لسه عايشه “لينظر لهو عمران بصدمه ” ليه كدبت عليا وانا صغير؟؟ لييييه!؟؟ رد عليا يا عمران ، ليه كدبت عليا وقولت أنها ماتت مع اختها ليه؟؟
عمران
كان لازم اعمل كده
ادم
ليييييه ؟؟
عمران بانفعال
علشان احميها زى ما حميت اختها
آدم
تقصد ايه بكلامك ده ؟؟
عمران
ايوه يا آدم نرمين لسه عايشه وبتشتغل معاك فى الشركه من زمان كمان
آدم
تقصد مين بالظبط !؟؟
عمران
قصدى على دارين سكرتيرتك “ويجلس بجوار آدم ” من يوم رجاله الكينج ضربتها بالنار يابنى مامتتش كانت لسه عايشه واحمد خاف الكينج يعرف يحاول يقتلها تانى علشان كده خدتها وعملتلها بطاقه باسم ريم والشهره دارين وحطيتها فى الميتم لحد ما كبرت شويه ساعتها خدتها وحطيتها فى شقه وعيشتها مع ناس طيبين رعوها لحد ما كبرت ولما دورت على شغل ومالقيتش جبتها وشغلتها معاك تحت نظرك وكل خطوه كانت بتعمله كان بيكون ليا علم بيها بس للاسف حازم عرف الحقيقه ساعتها نرمين اتصرفت بذكاء وبينتله أنها عايزه تنتقم منكم على إللى عملتوه فيها وحازم صدق وخلها تشتغل معاه واي مشروع كان بيتسرق من الشركه كانت هى إللى بتاخده ليه علشان يصدق وانا كنت ببعدها عنهم علشان الكينج مايعرفش بالخدعه إللى عملناه فيه لان لو عرف كان قتلنا كلنا علشان مفكر موت ابوه احنا السبب فيه ومش مصدق انه قتل نفسه لما الشركه حاصرته….” ليضع يده على كتف آدم ” تاكد يابنى انى عملت كده لمصلحة احمد وعياله وعمري ما فكرة ائزي حد زى ما عملت فى امك زمان ” لينزل راسه الأسفل ” سامحنى يابنى انا عملتك بقسوه ساعتها لانى فكرة امك خاينه سامحنى يابنى
بك…..
احمد
كنت متاكد برضه انه هو إللى قالك علشان محدش يعرف الموضوع ده غير انا وهو بس ” ليطبطب على كتف آدم ” شكرا يابنى انك حفظت على بناتي إللى ماليش فى الدنيا دى غيرهم
آدم
على ايه بس ياوالدى ده واجبي ، انت بس شد حيلك كده يا راجل وقوملنا بالسلامه بس والدنيا هتبقي فله بعد كده
________________________
فى المطار
تقف منه مرتديه كاب اسود ونظاره شمس سوداء وشال على رقبتها لكى لا احد يمسك بها لتأخذ نفس طويل وتتجه ناحية التفتيش
= حطى الشنط هنا يا فندم و جواز السفر ” لتحمل الشنطه وتضعها وتعطيه جواز السفر وعندما اتت تدخل سمعت صوت من خلفها يوقفها ” لو سمحتى ” لتلتفت لهو وتبلع ريقها بصعوبه ليقول ” حضرتك نسيتى تاخدى جواز السفر
لتأخذ نفسها أخيرا وتاخذه
شكرا
= العفو
وتدخل أخيرا إلى بر الأمان لتأخذ نفسها براحه
يلا يا منه خلاص هانت اهى
= هانت ولا بانت ههههههههههههه
لتلتفت ورائها بصدمه
عبير ” وتنظر حولها لتجد العساكر فى كل مكان ولا يمكنها الهرب أبدا ”
عبير وهى تخرج سلاحها
ماتفكريش كتير يا منمن ، للأسف انتى محاصره ولا مجال للهرب ، اقبضووو عليها ” لياتى العساكر ويمسكوها ويضعو فى يدها الكلبشات ويجلسوها فى الارض ”
لترفع منه رأسها بغيظ
هتندمى على إللى بتعمليه ده يا عبير صدقينى هتندمى ، والكينج بكره تشوفى هيعمل فيكى ايه
عبير
هههههههههههه لا نكته حلوه منك ، بس شاطره اهو اتعلمتى تنكتى وتضحكينا اهو بدل ما انتى مالكيش لزمه هنا ” وتقترب منها وتقف أمامها وتجلس على ركبتيها ” مش عبير الحناوى إللى تخاف من حد يا منه ، انتو لسه ماتعرفوش انا مين كويس ” وتبتسم ” بس اظن دلوقتي عرفتو مين هى ” وتنهض وتسير إلى الامام ” خدوها على البوكس بسرعه
منه
هتندمى يا عبير صدقينى هتندمى وساعتها مش هنرحمك ، بكره تشوفى الكينج هيعمل فيكى ايه ، ساعتها هتقولى يا ريتنى ما عملت كده ” لتضع عبير السمعات فى اذنيها وتصفر بفمها فى انتصار وياخذو منه على البوكس وتذهب عبير إلى آدم ”
_____________________
بعد مرور ثلاثة أشهر…..
فى حديقة فيلا الاحمدى
تجلس روتيلا على الارجوحه وتضع السمعات فى اذنيها وهى تنظر إلى السماء وتبتسم
روتيلا فى نفسها
عارفه انك عارف يارب بكل إللى جوايا بس انا لازم احكيلك بكل إللى جوايا واللى حاسه بيه ، ياااااااه يا الله على كل إللى حصل معانا ده زى مايكون مسلسل او روايه انا لحد دلوقتي مش مصدقه ان كل ده حصل معايا ، حاسه انه حلم اوله وحش واخره سعيد وحلو جدا ، انا بجد مش عارفه اقول ايه غير انى اشكرك على كل حاجه عملتها معايا ولو فضلت من هنا لبكره عمري عمري ما هيكفى ، شكرا يارب انك زرعت فيا ثقتك فيا وماخلتهاش اتهزت أبدا ، شكرا انك فضلت جنبي وماسبتنيش أبدا ، شكرا انك حفظتلى عيلتى واصحابي من كل شر ومكروه ، شكرا على كل مره فيها استجبت لدعائي وعمرك ما رجعتنى خايبه الأمل…. ” لتنزل دموعها ” انا بجد مش عارفه اقول ايه غير انى مبسوط جدا جدا من جهة اختى وتوئم روحى لسه عايشه وبابا كمان فاق … ايوه انا زعلانه منه انه خبه عليا الفتره دى كلها ان اختى عايشه وسابنى اتعذب كل ده وموضوع دومى اللى خباه عليا برضه وحرمنى منه بس….. بس فرحتى برجوعه بالسلامه خلتنى انسه كل حاجه وحشه مريه بيها ” وتبتسم وتمسح دموعها وتنظر للسماء ” أنا بجد فرحانه اووى بس…. بس مش عارفه ازاى هقدر اتعامل مع آدم بعد ما عرفة أنه دومى حبيبي ، خوف توتر …. مش عارفه اعمل ايه بجد ” لتضع يدها على رأسها فى يأس ”
= هتعملى نفس إللى كنتى بتعمليه زمان ” لتلتفت روتيلا على الصوت لتجده آدم يبتسم لها وهو يتقدم إليها وهو يقول ” تحبينى وبس ” ليقف أمامها ” هتقدرى
لتنظر لهو روايات بصدمه وتوتر
آآآ انا وتبلع ريقها بصعوبه ” انت انت هنا من أمته ؟؟
آدم بخبث
من دومى حبيبي
روتيلا
هااااا…. آآآنا آآانا ” وتنهض بسرعه ” لازم اروح اطمن على بابا ” وتذهب سريعا ليمسكها آدم من يدها ”
آدم
انا كنت عنده من شويه وسبته وهو نايم ، يعنى ” لتلتفت لهو روتيلا ” يعنى لا مجال للهرب ” ليشدها من يدها بقوه لتقع فى حضنه وبعد دقائق حاول روتيلا الهروب لكن دون جدوه لانه احكم القبض عليها لتنظر لهو ” هشششش ولا كلمه لينظر لها ادم بكل حب ” روتى انا عايز جواب على سؤالى
روتيلا بتهرب
سؤال !! سؤال ايه ده ؟؟ وممكن تبعد شويه مايصحش كده الناس تقول ايه لو شافتنا بالمنظر ده لو س…
ليقطعها آدم بسخريه
ممممم تصدقي معاكى حق دول ممكن يقولو اننا متجوزين ، لالالا ده احنا طلعنا متجوزين كمان ، ايه ده انا مش مصدق بجد هههههههه
روتيلا بغيظ
يخربيت تقل دمك يا شيخ ، اخلص ياض وبعد عنى كده ، مابحبش التلزيق وبعدين معاك بقا ، بكلمك هنا يا كبتن اووووف
آدم
خلاص خلصتى هري ، جوبي بقي على سؤالى ، انا بالنسبالك دومى حب الطفوله زى زمان ولا ؟؟ هااااا ؟؟
روتيلا
طب…. طب أبعد الأول وهقول
آدم
مافيش بعد من النهارده ياتوتا غير لما اخد جواب سؤالى ” وينظر إلى عينيها ” انتى بتحبينى زى ما انا بحبك ول…
ليقطعهم دخول مراد
لا ماهو بص يا آدم لو ماجوزتنيش اختك والله اخطفها ونهرب احنا التنين ومش هتعرفولنا طريق جره انا بقول اهو
لتبتعد روتيلا بسرعه وتجري للداخل ينظر آدم إلى مراد بغيظ
يادى ام توقيتك إللى زى الزفت يا بقف ، ياض انتى لو حد مصلتك عليا مش هتيجى فى التوقيت نفسه كل مره
مراد
اعمل ايه لأختك إللى جننت امى قال ايه ماينفعش نكلم بعض غير لما نتجوز علشان مش ضمن مبادئها قال
آدم بهمس
والله برافو عليكى يا بت ياقدر
مراد
بتقول ايه يا آدم ؟؟
آدم بغضب
والله تستاهل كل إللى بتعمله فيك هااا ، ومافيش جواز غير بعد تلت سنين لما قدر تخلص جمعتها الأول ، واياك تانى مره تكلمها من غير اذنى ولو حصل وكلمتها من غير ما اعرف هيبقى مافيش جواز خالص هااا
مراد
انت لا يمكن تكون صاحبي واخويا لا ، عاااااا انت لو عدوى مش هتعمل فيا كده ياظالم عااااا اشوف فيك يوم انت واختك إللى مطلعه روحى عااااا روح يا شيخ اللهى روتيلا تطلع عينك وتلففك ورها كعوب دايره عااااا ” ويذهب وهو يثب عليه رويدا ويدعى رويدا ويتوعد لهو ولاخته آخر”
ليضرب آدم كف على كف
الواد اتجنن خلاص ؛ عليا العوض ومنه العوض فيك يا مراد يا ابن ام مراد ” ويدخل إلى الفيلا يبحث عن روتيلا ”
_____________________
فى المساء
فى شقة ساره
تقف ساره ومازن فى الصالون وعندما خرجت تيلا بشنطة ثيبها وورئها كريمه تحمل شنطه باك فيها اغرضها
ساره بدموع
خلاص هتسيبينا يا تيلا بعد ما خلاص اتجمعنا كلنا خلاص ورجعت الفرحه لينا
لتحضنها تيلا
ماتقوليش كده تانى يا ساره بجد هزعل ، وبعدين انا فاقيكى عدل وكل يوم هتلقينا نطلك مش كده يا كوكى
كريمه
ايه الأوفر ده يا ساره ده احنا لو مسافرين مش هتعملى كده ، يا شيخه اتنيلى دى كام سلمه إللى بينا
مازن
معلش يا كوكى يا حبيبتى اصلهم عشرين سلمه بحلهم فتلقي المشوار بعيد بينا وبينكم شويه وعايز شبشب جديد علشان نعرف نجيلكم
كريمه
اوووووه ده انا نسيت انهم عشرين يا عينى عليكم هتتعزبو فى الطريق وانتو جيين عندنا صح
ساره
ايه البت دي ” بصوت المبي 😂 ” انتو جيبينها منين ؟؟
تيلا
ههههههههههههه مش عارفه ، بس بتفكرنى بيكى اوووى وانتى صغيره كنتى لمضه زيها كده بالظبط يا سبحان الله
كريمه
لا يا مامى انا جيت من النحله علشان انا عسل وصرصور جات من الشجره
مازن
اشمعنا الشجره يا كوكى
كريمه
علشان هى بومه اووووى يا ميزو واوفر كمان
مازن
اوووووبا الحقي جبهتك هناك يا صرصور
ساره بغضب
كريمه
كريمه
هااااا
ساره
اهربي ” لتجري كريمه بسرعه خلف مازن وساره خلفها وظلو هاكذه حتى اتا مروان وانقذها من تحت يد ساره واخذها وذهبو إلى شقته ليبدئو حياه سعيده مع بعضهم ”
_______________________
فى صباح يوم جديد على ابطالنا مليئ بالمغمرات والحب أيضا وقليل من الحزن تشرق الشمس على مصر ام الدنيا على هذه العينان العنيده المتمرده لتفتح روتيلا عينيها أخيرا لتجد آدم جورها لتعتدل وتضع يدها اسف رأسها وتنظر لهو وتبتسم لأول مره مثل السابق من قلبها فهاقد التقت بمعشوقها وايضا زوجته وجميع اصدقائها بخير وسعداء لتمد يدها فى تردد شديد وتمسد بها على وجهه دون لمسه
روتيلا
تعبنا كتير اوى يا آدم علشان نفضل مع بعض واتفرقنا بس ربنا جمعنا تانى مع بعض … وعمري ما هنسي اول مره اتقبلنا فيها ….مممم كنت مغرور ومتغترص حبتين بس …. بس حبيتك رغم طولة لسانك عليا حتى انى حطيتك فى دماغى وكنت ناويه انتقم منك علشان إللى قولته بس كنت كل مره أقف قصادك فيها اتلجم ‘ اتنوم مغناطيسي ، مش عارفه كان ايه إللى بيحصلى ويخلينى انسي كل إللى كنت بخطط اعمله فيك ” لتعبس بوجهها ” بس… بس اتهامك ليا اول يوم شوفتك فيه فى الشركه جرحنى اوى وعمرى ما هنسا ” لتنم على ظهرها وتنظر للسقف ”
= اسف ” لتنظر ل آدم بصدمه ”
روتيلا
آآآ انت كنت صاحي من أمته!؟؟
آدم بخبث
من اول علشان نفضل مع بعض ” ويغمز لها ليصتبغ وجهها بالون الاحمر مثل حبت الطماطم ليمد يده ويضعها على خدها” اسف ياروتيلا على كل إللى قولته فى حقك ، كان غصب عنى وقتها لما قعدتى تتكلمى مع مراد الزفت ده فكر
روتيلا بحزن
سكت ليه كمل ، فكرت انى وحده مش متربيه و *** صح
آدم
عمري ما افكر فيكى كده
روتيلا
امال فكرت ايه يا آدم ؟؟ رد عليا ؟!
آدم
فكرت وقتها انك حبيبته او مراته واللى عملته وقولته كان سببه غيرتى عليكى مش اكتر ، حتى لما مات حازم فرحت جدا لان ساعتها كنت متاكد انك هتوافقي على الجواز منى وهتكونى ليا انا بس وفرحت اكتر لما لقيتك بتعملي عيلتى زي عيلتك بالظبط رغم كل إللى عملته فيكى ،ساعتها بس اتاكدت انى قلبي اختار صح ، يا روتيلا انا عشقتك مرتين ، الاوله واحنا صغيرين وكنتى امى إللى اتحرمت منها وابويا إللى محستش بوجوده كنتى ليا كل حاجه فى الدنيا ، والتانيه حبيت فيكى تمردك وعندك قصادى إللى عمر محد اتجرء وعمله حبيت جنانك وحبك لاصحابك وخوفك عليهم حبيت فيكى البنت العنيده القويه إللى مش بتخاف من حاجه واي حاجه تخطر ببالك بتعمليها حتى لو كانت ايه ” لينظر لها بحب ” روتيلا انا…. ” ليطرق الباب لينظر الباب فى غضب ” مين
= انا سهى يا ابيه
آدم بغيظ
عايزه ايه يا زفته
سهى
فهد تحت وطالب يشوفك
آدم بهمس
كان وقتك انت كمان ” لتضحك روتيلا ” اضحكى ياختى اضحكى ، حسابك جاى بس استنى عليا
روتيلا بدلع
اهون عليك يا دومى
آدم
انا بقول بلها فهد ونيله وتعال نكمل كلمنا احس…
سهى مقطعه
يا ابيه يلا ، كل ده بتعمل ايه ؟؟ الراجل مستنيك تحت ماينفعش كده
آدم
عملت ايه انا بس ياربي علشان مره تبعتلى مراد ومره الزفت إللى تحت ” وينهض من فراشه ” حسبي الله ونعم الوكيل فيكم يا بعده الواحد مش عارف يقول ام دى كلمتين على بعض
لتفتح سهى الباب
ايه يا ابيه بقالى ساعه بكلمك مش بترد عليا ليه
آدم وهو ياشر عليها
اهى يا رب ، هى دى يارب ، حسبى الله ونعم الوكيل فيكى يا شيخه انتى الزفت مراد والنيله فهد مش عارف اقول جملتين على بعض روحو منكم لله يا ظلمه ، انا كان لازم اروح اعيش فى المريخ علشان ارتاح منكم
سهى بهمس
هو فى ايه، ماله ده ؟؟
روتيلا
شكله اتجنن ، تعالى بس احكيلى فى ايه هااا ؟
سهى بخجل
هآآآ معرفش
روتيلا
عليا انا برضه ، اخلصي وقولى فى ايه بدل ما انده على آدم واخليه يرفضه انا بقول اهو
سهى
اهون عليكى ” وتنظر لها ببرائه ”
روتيلا
مش بتاسر اخلصى وتقولى ولا انادم عليه ، طب ماشي ” وترفع صوتها قليلا ” يا اددددددددددم ” لتضع سهى يدها على فم روتيلا “مممممم…..
سهى :-
هششششش … خلاص هقول بس اسكتى شويه
روتيلا
ناس ماتجيش غير بالعين الحمره صحيح
لتربع سهى يدها حول صدرها
طب مش قايله هااااا
روتيلا
طب شوفى مين يساعدك فى إقناع آدم بقي ، و بينى وبينك آدم متغاظ منك انتى وهو ولو ما قولتيش فى ايه مش هساعدك ، انتى الحره بقي
سهى
انا اصلا قولت محدش هيعرف يحلها غير روتي حبيبتى قلبي دى
روتيلا
انا مش حبيبتى حد وابعدى كده ” لتنزل من على السرير ” انا غلطانه اصلا انى كنت هساعدك
سهى
اخص عليكى يا روتى يعنى مش هتساعدى اختك حبيبتك ” وتنظر لها برجاء ”
لتنظر روتيلا لها وتتردد جملتها فى دخلها ” مش ستساعد اختك ، مش هتساعدى اختك ” لتغمض عينيها فى الم شديد وتحبس دموعها فقد ذكرتها باختها لتفتحها
خلاص يا سهى الموضوع عندى ماتقلقيش هو انا عندى كام اخت قمر زيك ” لتحضنها سهى بشده وهى تحمد ربها كثير لتبدلها الحضن روتيلا وهى تتذكر اختها ”
سهى بفرحه
شكرا جدا جدا جدا بجد يا روتى مش عارفه من غيرك كنت عملت ايه
روتيلا
على ايه بس ياقلبي ، ده انتى اختى واكتر والله و… ” لتقف فجأه عن الكلام ” ايه الصوت ده
سهى
صوت ايه ده ؟؟
روتيلا
انتى لو سكتى شويه هتسمعى
لتنصت سهى جيدا
ايه الدوشه إللى جايه من تحت دى ، ليكون ابيه قتل فهد
روتيلا
مش بعيده على اخوكى ، اجري بسرعه نشوف فى ايه ” ويجرو بسرعه الأسفل ”
فى الأسفل…
عندما نزل آدم وجد فهد ومراد معا ليقترب منهم ويقول
ايه ده انتو جيين سوا ولا ايه ؟؟
فهد
لا
مراد
ايوه
ليجلس آدم
ايوه ولا لا
مراد
سيبك انت بس كده كده مش هتفرق ، خلينا فى المهم ، بص يا آدم ما انت يا هتجوزنى اختك يا هتجوزنى اختك انا بقول اهو
فهد
وانا كمان والنبي جوزنى سهى اختك
ليدخل مازن
ايه ده انتو بتتقدمو حيس كده انا كمان عايز اتجوز اختك سندس يا مراد
مراد:
مش لما اتنيل اتجوز انا الأول
آدم
وانت يا معتز انت وخالد مش عايزين تتجوزو انتو كمان
معتز
لا انا الحمد لله فرحى بعد اسبوعين عبقالكم كلكم يا شباب
آدم
الف مبروك يا معتز وربنا يتمملك على خير يارب
مراد
طب وانا
مازن
وانا…
فهد
وانا كمان يا آدم والنبي
آدم
انتو ايه ؟؟
الكل
عايزين نتجوز احنا كمان
آدم
لو روتيلا وافقة نعمل فرحنا احنا كمان موافق
ليذهب مراد إلى روتيلا
والنبي لتوفقى يا شيخه ، لو ليا معزه عندك وافقى وحيات ابوكى
فهد
وحيات البت الغلبانه اللى جنبك دى لتوافقى والنبي
مازن
وحيات ساره عندك لتوافقى يا شيخه
سهى
وافقى والنبي ياروتى ، لو….
لتصرخ روتيلا
باااااااااااااااااااااس اسكتو شويه ايه ده ، زن زن زن ايه ده اتهدو شويه بقي صدعتونى اوووووووف اووووووف ايه ده
سهى
بقي كده يا روتى ، يعنى اهون عليكى اعنس وانا لسه فى عز شبابي
مراد
هى دى الاخوه ، شكرا يا اخوه ، شكرا يا حكومه
مازن
يا عينى على شبابك يا مازن ، يعنى بعد ما لقيت البت إللى بحبها تضيع عليا اهئ اهئ
فهد
ااااه يانى يامااااا خلاص الجوازه ضاعت عليا ، ما انا برضه مكنش المفروض اتنيل واحب
سهى
ربنا على الظالم والمفتى ، طب وربنا لامو*تلكم نفسي هاااا
مازن ومراد وفهد
واحنا كمان هنموت نفسنا لو ماوفقتيش ، وهيبقي زنبنا فى رقبتك
روتيلا
طب خلاص خلاص موافقه ، يابااااااااى عليكم ده انتو مصايب اوووووف
الجميع
هااااااااااااااااى
بعد مرور اسبوعين…..
فى قاعت سندريلا بلاك
فى اول طاوله فى الجانب الأيمن يجلس معتز و ساره والمؤذون وجورهم فى الطاوله الاخره سهى وفهد والمؤذون والطاوله التى ورائهم يجلس مراد وقدر والمؤذون وجورهم روتيلا وآدم لإشهار زوجهم رسمى وبدئو أخيرا فى مراسم كتب الكتاب وأخيرا تم كتب الكتاب ونهضو الشباب وحضنو حبيبتهم وبعد لحظات اشتغلت الاغانى وزهب الجميع للرقص
ليتقدم خالد من مى
عبقالنا يا شويش
مى
شويش فى عينك يا بعيد ، قال شويش قال ، انا مش عارفه انا ازاى قبلت اتخطب لواحد زيك اهبل ورخم و.. اووووف… أبعد كده من وشي يلا
خالد
استنا بس يا سيد قصدى يا مى
عند مراد
كانت يرقصون سويا وهم فرحين وأخيرا اصبحو لبعضهم بعد كل هذا
قدر بفرحه
انا مش مصدقه بجد يا مراد اننا اتجوزنا وبقينا لبعض أخيرا ، حاسه اننا فى حلم
مراد
انتى بس احلمى ياروحى براحتك بس وانا عليا احققلك حلمك” ويقبل رأسها ” ربنا يخليكى ليا يا روح قلبي ونن عينى وام ولادى ونفضل دايما مع بعض ، بحبك
قدر
بعشقك يا قلب قدورتك انت😍💜
عند فهد
كانت سهى ترقص وهى فى حضن فهد وترفض أن تبتعد عنه بشده وفهد كذالك الأمر
سهى
فهد عايزه اسالك سؤال
فهد
ايه هو يا روحى
سهى
أمته حبيتنى ؟؟ وايه اللى جزبك لوحده زيي
فهد
اممممم حبيتك من لما كنت برقبك وانتى فى الغردقه وزاد حبي ليكى اما اتخفنا سوا ، اما ايه إللى جزبنى ليكى كانت ضحكتك وجنونك شدنى ليكى مش عارف ازاى ، انتي بس افضلى اضحكى دايما ياروحى وانا وعد عليا عمري عمري ما هزعل نفسي
سهى
فهد انا بحبببببببببببببببببك اوى اوى ، اوعى تفكر فى يوم تسبنى وتبعد عنى فاهم
فهد
مقدرش أبعد عنك يا سهى انتى اكسجينى إللى مقدرش اعيش من غيره
سهى
ربنا يخليك ليا يا قرت عينى وزوجى المصون 💜
فهد
بحبببببببببببببببببببببببك يا غيبوبه 😂❤
عند اجمل كبلز آدم و روتيلا
كان آدم غارق فى هذه العينان بشده و روتيلا كذالك الأمر كأنهم فى عالم أخرى هم فقط فيه ولا يوجد غيرهم
روتيلا
حسه اننا فى حلم
آدم
لو حلم بتمنا ماصحاش منه ابدا ، انا ماصدقت لقيتك ياتوتا وعمرى عمري ما هفكر اسيبك مهما حصل ، انتى ماتعرفيش عملتى في قلبي ايه واحنا صغيرين خطفتيه ودلوقتى بقي أثير ليكى ياقلبي
روتيلا
بحبك يا دومى ❤
آدم
قولتى كده تانى والنبي ، قولتى ايه؟؟
ضحكت وقالت
ب ح ب ك
ليحملها آدم ويلف بها ويصرخ
بحبببببببببببببببببببببببببك ” ليصفر لهو الجميع ويفرحو لهم فا أخيرا رجعت لهم السعاده التى كانت يفتقدونها ليعيشو فى سعاده أخيرا دون خوف أو حزن أو قلق من المستقبل فقد سعاده وأمل ”
وكأن دعواتى استجابت أخيرا
وكيف لا تستجيب وهى بيد الذي
يقول للشيئ كن فيكون… 💜💜
وإلى إلقاء فى حكايه جديده ، هفرح جدا لو حد قالى رايه فى الروايه ❤❤
طبتم جميعا بخير اصدقائي واخوتى…….
احبكم فى الله اخواتى 💜💜
انتهاء روايه #عنيده_ولكن
لقراءة الرواية كاملة اضغط على : (رواية عنيده ولكن)
