رواية حياة فرحات الفصل التاسع 9 الجزء الثاني بقلم إسلام عبدالعزيز
 |
| رواية حياة فرحات الفصل التاسع 9 الجزء الثاني بقلم إسلام عبدالعزيز |
رواية حياة فرحات الفصل التاسع 9 الجزء الثاني بقلم إسلام عبدالعزيز
حياة باستغراب : انت بتقول ايه مش فاهمة ؟؟
فرحات بهدوء : انا حطيتلك منوم في الكوباية اللي كنت بتشربي منها مياه …وبعدها شربتك كوبايتين خمرا ع بيرا وبعدها قلعتك هدومك وانت اغمي عليكي …وعقلك الباطن صورلك اني اذيتك وعملت فيكي حاجة …لكن انا كل اللي عملته اني لبست هدومي وخرجت وسيبتك نايمة وممستش شعرة منك .
حياة فرحانة ومش مصدقة …دايما حاسة انه كويس و محتاج حد يحتويه مش اكتر …بس كل اما تفتكر انه اغتصبها تقول انه شيطان واذاها ….ولكن دلوقتي ايقنت انه فعلا كويس وراجل : طب انت ليه قولت للكل انك عملت كدا ….ليه مش راضي تقولهم الحقيقة ؟!!!!!
فرحات : اولا محدش يعرف حاجة غير ابوكي واخوكي ونسرين وابويا وامي واخواتي وانا وانت …غير كدا مفيش اصلا ولا حازم ولا زياد ولا اي حد من دول يعرف حاجة وانا جبتهم البيت عشان اقولهم انك ملكي انا وبس واصريت اني اقول كدا و اني اخبي الحقيقة لاني لو كنت جيت دوغري كنت هلاقي ١٠٠ عائق عشان اوصلك …واكبرهم اهلي ….فاختصرت الطريق واستحملت اللي بيتقالي وبيحصلي …اتنهد ….عشااانك.
حياة مش مصدقة وحاسة انها مع واحد غير فرحات: فرحات ….انت بتحبني ؟!
فرحات باضطراب وباصص لعينيها جامد : مش انا كنت الراجل الظلام والجحيم والشرير فين ده كله ؟!!
حياة بجدية : فرحاااات ….بتحبني ؟!!
فرحات: معرفش يا حياة ….انت بتحبيني ؟!!
حياة بصت في عينيه جامد ومردتش .
فرحات : يلا ناكل …يا اما ننام شوفي عايزة ايه ؟؟
حياة بابتسامة : حلو كتابك ده …قريته كله عرفت كل حاجة عنك …و عنوانه جميل كمان اسمه حياة فرحات ….هل كنت تقصد انا بقا ولا ايه ؟؟!!
فرحات ابتسم : لا ده كتاب كدا عن حياتي ….بس فكك شوفي هتعملي ايه ؟ .
حياة : انا عايزة نرجع بيتنا يا فرحات .
فرحات : طب نقضي النهاردة هنا عشان البيت ده وحشني وبعدين نروح بكرة .
حياة : انت ليه مش راضي تقولهم الحقيقة ؟!!
فرحات : لمين بالظبط ؟!
حياة : كلهم وبالذات اهلك ….يمكن يغيروا نظرتهم ليك ……يمكن يشوفوك راجل ويغيروا معاملتهم .
فرحات بسخرية : انا لو حكتلك عدد المرات اللي حاولت اثبتلهم فيها اني راجل …و اخليهم يشوفوا ده بعينهم مش هتصدقي ….دول مش هيعجبهم حاااجة …دول خلوني مريض نفسي ….وزي ماقولت في الكتاب( اصعب شعور وابشع شعور في حياتك
سم البدن والقهر و الكلام السلبي ليل ونهار والعقاب والمحاسبة ع اقل غلطة و لمدة طويلة …..فبتضطر تلجأ للي برة للعالم الخارجي عشان يمكن تلاقي حد يحتويك و يشجعك وفعلا بتلاقي ناس تقولك كلام حلو من قلبها وتحبك و تشجعك ع حاجات عظيمة وجميلة انت بتعملها وديه مش بيعترف بيها اهلك ….وللاسف مينفعش تثق في اللي برة انهم يحتووك …لانهم كمان مش كويسين لو عرفوا شخصيتك المتواضعة والطيبة والكويسة والغير منافقة اللي مش مزيفة …..ونخرج من الليلة ديه كلها فان مفيش حد هيهون عنك …فهتشيل كل حاجة لوحدك ومش هتلاقي اللي يشيل معاك لانك …مش زيهم ) .
بس ياتري انت يا حياة …..هتحتويني و مش هتسبيني ولا هتخدعيني وتسبيني لوحدي ؟!
حياة بزعل وحضنته : اسيبك ايه يا مجنون انت ؟!!!
فرحات بيحضنها جامد : تخيلي انت اول بنت احضنها في حياتي واحس اني مستريح نفسيا حاسس اني بخرج كل اللي في قلبي من غير كلام .
حياة : خليك انت بس في حضني واتخمد نااام .
فرحات بيبتسم بفرحة كبيرة جواه وحاسس ان الحياة بقا ليها طعم ولون و بقت حياة فعلا ! .
الاتنين ناموا و بعد ٤ ساعات كدا
فرحات قام شاف صينية الاكل فبص ليها وراح ياكل وبعدها شال الصينية ووداها المطبخ …وبص لاخواته اللي نايمين في الصالة و بيبصلهم بنظرة الفرحة الحزينة انهم وحشوه اوي ونفسه يقعد معاهم ويهزروا مع بعض زي زمان.
حياة قامت مخضوضة : فرحات …فرحات .
فرحات سمع صوتها وجري عليها عشان صوتها عالي وهتصحي العمارة كلها .
فرحات : ايييييه يابنتي يخربيتك هتفضحينا ؟!!! .
حياة ضحكت : كلهم بيقولولي صوتك عالي ….في البيت يبقا الكل نااايم وانا مثلا بحلم وبقول كلام افتح عيني الاقي الكل بيبصلي و كأني حاجة غريبة قدامهم ..في ايه ياجدعااان…حياة بتضحك وفرحات بيبصلها وحاسس انها طفلة وحاجة جميلة جدا ومش معقدة .
فرحات : طب يلا ياست الغريبة اتخمدي .
حياة قامت من ع السرير : ايه ده ثانية كدا ..انت كلت من غيري صح ؟!! …مممممم .
فرحات : منتي كمان كلتي من غيري .
حياة : لا حضرتك انا الست اكل زي منا عاوزه لكن انت الراجل تستناني وبعدين انا مكلتش كتير .
فرحات : ممممممم ….طب نامي عشان شكلي هضربك .
حياة : نعم ياحبيبي ؟!!
فرحات : ايه ده بقيت حبيبك خلاص ؟!!
حياة فصلت وبعدها ضحكت : بعد كدا متاكلش تاني من ورايا انت مش هتاكل الا معايا و من ايدي اشطا ؟؟
فرحات : اشطا …بس ايد ماما احلي .
حياة رفعتله حواجبها : طب تعالي ياروح ماما ….ونطت عليه حضنته وناموا عالسرير وفضلوا يسترجعوا كل اللي فات من ساعت ما شافوا بعض .
……………………
زياد في مكتب اللواء عبد العليم : ايوه يافندم .
اللواء : بقالنا ٦ شهور بندور ع فرحات ….ولسه لحد دلوقتي مش لاقينله اثر ولا عارفين تجيبوه …القضية ديه مسؤوليتك انت ….لو مجاش هنا خلال ٧٢ ساعة انا هوقفك عن العمل تماما ..فاهم ياحضرة المقدم ؟
زياد مشمئز : تمام يافندم.
……………………………
فرحات: مالك يابنتي مركزة اوي في التلفون كدا ليه ؟؟!
ايمان : استني هعمل اتصال واجيلك .
بعد ساعة….
ايمان : انا كنت عايز اقولك حاجة يا….
فرحات اختفي من المكان .
ايمان : فرحاااات ….فرحاااات انت فين ؟؟؟
رصاصة ???? …
…………………
زياد : نقيب نبيييل .
نبيل : نعم يافندم .
زياد : تعرف الشخص ده ؟!!
نبيل باستغراب : لا يافندم .
زياد : متاكد ؟؟؟
نبيل : متاكد يافندم .
زياد: ماشي تجهزلي بكرة فرقة عشان هنروح نجيبه.
نبيل : تمام يافندم …بس حضرتك عرفتوا مكانه ؟!
زياد : اها عرفنا مكانه واحدة هو مستخبي في بيتها …هنروح بكرة الصبح .
نبيل باضطراب : تمام …يافندم.
…………………….
فرحات بابتسامة : ليه كدا يا ايمان ليه ؟!! ….كل ده عشان المليون جنيه اللي هيدوهملك …انا رخيص للدرجة ديه ؟!!! …عالعموم هما هيجوا يلحقوكي …مع اني كنت نفسي اقتلك ديه اسراء مخنتش !!!! …..بس الرصاصة جت في الكبد بتاعك فاحتمال كبير تموتي ….يلا بالهنا والشفا .
فرحات خرج من المكان و ايمان بتنزف وبتطلع في الروح. …….
فرحات : ازيك يا نورا.!!!!!!!
نورا بسخرية : انت ايه اللي جابك هنا انت نسيت اللي حصلك المرة اللي فاتت ؟؟!!
فرحات : مهو انا جاي عشان ارد الجميل.
نورا : احمد لو شافك هيرميك في سلة الزبالة …فاحسنلك امشي .
فرحات : ماشي خليه يشوفني ….انا نفسي اشوفه اصلا .
نورا : انا متجوزة وعيب تقعد هنا هفرج عليك الناس.
فرحات ضحك بصوت عالي : متجوزة !!!! ….انت هتصيعي لسه زي مانتي متغيرتيش ….انا اتجوزت و بقيت …..للاسف ارمل …وانت لسه متجوزتيش بسبب انك مش بتحبي احمد ولا عارفة تحبي حد ….لانك مش لاقية حد جنبك او يحتويكي ويحسسك بالامان …واحمد انت عارفة انه هفأ يعني مش شخصية تحترم .
نورا : انت عايز ايه دلوقتي ؟!
فرحات اتنهد : تسمعيني وبس .
نورا : سمعتك كتير يافرحات …
فرحات قاطعها : لا المرة ديه النهاية .
……………………..
زياد والفرقة دخلوا بيت ايمان ولاقوها غرقانة في دمها عالارض .
زياد : يابن الكلب …مش هرحمك يا فرحااااااات .
نبيل : صبحي ….اغمي عليه يافندم ….ديه كانت خطيبته .
زياد اتنهد ومسح وشه بعصبية : انقلوه هو راخر عالمستشفي يلا بسرعة .
…………. ……….
احمد : ايه نورا قلبي عا….!!!!
فرحات ونورا غرقانة في دمها ع االارض : اهلا بيك في المجزرة !!!!!!!!!!!!!!!!!!!
يتبع..
لقراءة الفصل العاشر والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية صبر عاشقة للكاتبة روما
