رواية انتي دمي ودموعي وابتسامتي الفصل الثاني عشر 12 بقلم منة محمد

رواية انتي دمي ودموعي وابتسامتي الجزء الثاني عشر

رواية انتي دمي ودموعي وابتسامتي البارت الثاني عشر

رواية انتي دمي ودموعي وابتسامتي الحلقة الثانية عشر

عيسي ركب الموتسكل ووصل قدام الفيلا وناوي عالشر خلع الخوذه وداخل يخلص عليه لكن هي جريت عليه ودخلت جوه حضنه هي الوحيده الي ممكن توقفه لقاها بترمي نفسها جوه حضن امه ياه ع القهر والوجع امه الي ق”تلت ابوه عشان عشيقها ،،عشيقها صديق ابوه وابو البنت الي حبها اتلجم ومابقاش عارف يعمل ايه نزلت دموعه وهو شايف سراج بيضم فيهم حبيبته وامه مع قا”تل ابوه طلع يجري ودخل الجامع وفضل يناجي ربه ويكلمه بجنون: يارب ليه بنت بريئه زي لوسي تكون بنت للراجل الخاين القا”تل ده وانا ايه الذنب الي عملته عشان امتحن بأصعب امتحان والمفروض اعمل ايه او اتصرف ازاي(نزلت دموعه زي الشلال) صلي ركعتين يهدي بيهم حاله ومسح دموعه وطلع بيسحب رجوله سحب عن الارض
…………….
لوسين طلعت اخدت شور وخرجت تمشط شعرها وابتسمت لما افتكرته وهو بيغسلهولها ببواقي الشامبو ولنفسها: يمكن لما جم اهله بعد يمكن اتحرج
سوسن خبطت عالباب: لوسي ادخل
لوسين قامت وفتحتلها الباب بمنتهي السعاده
سوسن مبتسمه بتعجب: انا مش عارفه انتي كنتي مستخبيه ولا كنتي في رحله راجعه مبتسمه كدا
لوسين: خلاص بقي يا مامي الموضوع عدي واعتبرته من الماضي ومش بحب افكر بالحاجات الوحشه
سوسن بخبث: اممم طب والحاجات الحلوه ايه رايك فيها
لوسين سكتت شويه وقالت: بفكر في عيسي بجد راجل اوي يا مامي وشهم وجدع استني بيقوله ابن بلد انقذ حياتي واهتم بيا كئني منه
سوسن: لسوء الحظ ان موصلكيش كان نفسي اشكره الولد ده زي الملاك الحارس
لوسين بحماس: صح يامامي صح جدا لما بواجهه مشكله هو بيجي يساعدني دايما فعلا صدفه
سوسن هزت دماغها بنفي: مظنش انها صدفه احنا بنعمل خير كتير سوي واكيد دي بتحمينا
لوسين: عندك حق مامي
سوسن مسحت ع شعرها بحنان : طب يله يابونبونايتي نامي عشان الصبح نروح حاره خاله امل
لوسي اتسعت ابتسامتها : تمام تصبحي ع جنه
سوسن: وانتي من اهلها ياقمر
…….قصص منه محمد كاتب……………
الصبح قاعد بيشرب قهوته لقاهم الاتنين جاين عليه ابتسم
سراج: الله انتم لابسين كدا ومتشيكين ورايحين ع فين
لوسين ببتسامه: راحين نوزع صدقات وحاجات ع الغلابه انا ومامي
سراج: طيب لما هتوزعه ليه مقولتليش
سوسن: فكرتك مشغول
سراج: مش مهم حتي لو كنت مشغول ممكن اسيب شغلي انتي وبنتي اهم عندي من اي حاجه
لوسين بابتسامة شقية : انت قولت بنفسك
سراج: ايوه
لوسين بحماس : طب يله بينا كلنا
………….
عيسي راجع بيته وهو مقرب لمحه راح عليه: عمي
ابراهيم اتوتر وارتبك: كنت جاي اشقر ع اختي يظهر مش هنا هرجعلها وقت تاني
عيسي: محتاج اتكلم معاك
ابراهيم كمل كلامه وبيحاول يخفي ارتباكي: يله ندخل جوه واتكلم
عيسي: لاء عايز اتكلم بشكل خاص
عيسي اخد ابراهيم ومشي بيه وصباح لمحتهم من فوق ومش فاهمه هما رايحين ع فين لبست العبايه ونزلت وراهم
عيسي وقف قدام المسجد: هتدخل معايا حالا
ابراهيم بعدم فهم: بتحاول تعمل ايه
عيسي: عايزك تقسم في بيت ربنا بأنك مش هتقول لحد ان سراج هو همام
ابراهيم بعصبيه وحده: انت سامع الي بتقوله
عيسي: لاني قررت انتقم لـ ابويا
ابراهيم: انا مش هحلف ع حاجه
عيسي: كدا هنسيب المجرم يستمر في افعاله الاجراميه انت عارف انه بيتاجر في المخدرات وبيقتل الناس
ابراهيم: عشان عارف انه ممكن يق”تل اي حد عشان كدا بطلب منك ابعد عنه وهقول لصباح تاخدك لبعيد
عيسي: لو خفنا منه هنفضل نهرب كل حياتنا وانا مش ههرب بعد اللحظه دي
ابراهيم: بس هو قرب منك ولو عرف انت مين كلنا هنتعرض لمشاكل كبيره يابني
عيسي: وانا مش هسيبه يأذيني بعد كدا ثق فيا انا عندي طريقه اخد حقي هو خلاني اعاني طول حياتي وجه عليه الدور يتأذي كتير عمي اتوسل اليك ساعدني اخد حقي
ابراهيم: يابني افهم افهم مش عايزك تموت زي ابوك
عيسي: لو كنت بتحبني لازم تساعدني انا الي حعملو عشان ابويا وكرامتكم كلكم ولازم توعدني تكتم السر
صباح هنا وصلت لمكانهم وقربت منهم: عيسي ايه الي بيحصل هنا
عيسي بلع ريقه وبص لخاله الي حط وشه في الارض وساكت!
صباح حطت ايدها ع صدره : عيسي ليه مرجعتش البيت ليله امبارح كنت قلقانه عليك
عيسي بهدوء: اسف يا امي جيت اصلي الفجر واشكر ربنا انه نجاني وراحت عليه نومه جوه المسجد
صباح بشك: من شويه شوفت ابراهيم كان داخل البيت وانت رجعت معاه تاني ايه الي حصل
ابراهيم: اصله
عيسي قطعه: خالي جه معايا نتكلم ونصلي الضحي
ابراهيم: ايوه فعلا لما لقيته قولت اجي معاه نصلي ركعتين شكر لله
صباح مسكت ايده بقوة وقالت بحزم : عيسي انا مش هسيبك تشتغل حارس خاص بعد الي حصل انت بتخاطر بحياتك والامر مش مستاهل اتصل بيهم وقولهم انك استقلت
عيسي: سراج بشا مش هيرضا اصل كتبت عقد معاه لمده سنه كامله
صباح: اي ان كان مش هسيبك تفضل في الشغلانه دي ابدا وسراج اظن اب ولازم يفهم قلقنا وخوفنا ع ولادنا ولو رفض انا هروحله اتكلم معاه عيسي اوعدني( مسكت كف ايده برجاء) اوعدني تروح تسيب الشغلانه دي
عيسي: اوعدك
صباح طبطبت ع ضهره: تعال ادخل الجامع معايا وصلي عشان ربنا يحميك يله
علاء وعمار بيجروا عليه: عيسي
علاء: شوفت عربيه جايه هنا نزل منها وبيفرق ع الناس فلوس واكيد جاي يكافئنا
عيسي عقد حواجبه وسأله: مين ده؟
علاء: اهم هناك
شفيق نزل من العربيه وبعدها سراج وعيسي اول ما شافه عيونه برقت وبسرعه: امي ممكن تروحي تعمليلي فطار فول بالبيض
صباح: حاضر يابني
عيسي: علاء خد امي للسوق يله
علاء: ماشي ياعيسي بس اسلم الاول ع سراج بشا
ابراهيم: يله ياصباح انا رايح معاكي
صباح: عيسي متتأخرش انا هرجع بسرعه اعملك الفول
عيسي: ماشي يا امي
ابراهيم شد صباح بسرعه الي مستغربه مده: مابراحه ياخويا ليه الاستعجال
صباح وهي ماشيه فضلت تتلفت ع الي اسمه سراج نفسها تشوفه وتقوله ان ابنها مش هيشتغل عنده تاني لكن ابراهيم مش مديها فرصه بيسحب فيها سحب
عمار: يله نسلم عليه
عيسي لف وشه وعيونه قلبت للون القاتم: روحوا انتم
عمار: مالك ياعيسي هو هيأذيك انت انقذت حياه بنته
علاء: يله نروح نسلم عليه الراجل في منطقتنا
عيسي: وصله رساله
………………..قصص منه محمد كاتب……….
علاء وعمار راحوا يسلموا علي لوسين وسوسن
لوسين ببتسامه جميله: دي مامي سوسن
علاء وعمار بترحاب: اهلا وسهلا ياهانم
سوسن: ممكن تنادوني بس مدام سوسن
لوسين: علاء وعمار ولاد خال عيسي وراحوا يساعدوني
سوسن بمتنان: الف شكر ياولاد
علاء: ع ايه معملناش حاجه
سراج: جيت اشكر الجميع لانقاذ حياه بنتي وشفيق هيرتب الامر عشانكم ياشباب
علاء وعمار: الف شكر يابيه
لوسين: شوفت عيسي معاكم راح فين؟!
علاء: اه راح لبيت عم الشيخ
لوسين بلهفه: بابي مامي هدخله اشوفه
عمار وقفها: استني اصل عيسي محتاج يتكلم مع سراج بشا لوحدهم
شفيق: هدخل معاك انا كمان
سراج وقفه بأشاره من ايده: ملوش داعي
………..قصص منه محمد كاتب………
سراج خبط وفتح الباب الموارب ودخل: عيسي
عيسي واقف بضهره ومكور كف ايده بعصبيه وبيحاول يتحكم في ثبات انفعاله
سراج كرر: عيسي
عيسي خرجله من جوه وابتسم غصب عنه رغم نفسه يخن”قه : اسف خليتك تستني كنت بنضف بيت عم الشيخ لانه راقد ومريض
سراج: انا بجد معجب بعملك للخير
عيسي: رغم عم الشيخ علمني من صغري ان مفيش انسان كامل والحاجات الحلوه ممكن تكون دميمه في الخفاء بتصدق ده
سراج: ايوه لان مفيش انسان كامل الا الله
عيسي هزله دماغه: عندك حق انت عندك حاجات في الخفاء
سراج بصله جامد ووشه اتخشب
عيسي اخد نفس ورجع كمل: اسف عشان اتخطيت حدودي
سراج: مفيش مشكله وجميل ان حد بيتجرء ويسألني مباشر وعايز اجاوب حياتي هي زي الشغل الي بقوم بيه فيه المظاهر والي وراها الفرق الوحيد ان في نهايه كل فيلم بنزيل المشهد ونخلق مشهد جديد بس الحياه الواقعيه متقدرش تعمل ده ولا تقدر تمسح الماضي وتمحيه
عيسي: اظاهر عندك ماضي بشع وفظيع لدرجه مش قادر تنساه وتتخطاه
سراج اخد نفس طويل وقال: فيه امور لو قدرت ارجع بيها الزمن هعوز اصلحها
عيسي مسك اعصابه: متقدرش تصلح الماضي لان الي بنعمله عواقبه لازم تطولنا عملت خير هتلاقيه عملت شر هتلاقيه بالسوء
سراج لفله بجمسه وبصله
عيسي رفع حاجب: انا مؤمن ان فيه قانون صواب وعقاب وعادل دايما
سراج بيتأمله : افكارك وعيونك بتفكرني بواحد كنت اعرفه
سمعوا هيصه ودوشه وضرب نار في الجو
سراج عيونه وسعت وفضل يرمش بعيونه برتباك : ايه الدوشه دي
عيسي: اطمن جاين ع المسجد بيقدمه الكفن طار بين عايلتين
سراج: قاريبك بلغوني انك عايز تتكلم معايا ايه الحكايه
عيسي: عايز اكون الحارس الشخص لجنابك واشتغل عشانك
سراج: يعني مش عايز تكمل مع بنتي حمايه
عيسي: اظن لو كملت معاك كدا بحمي الانسه لوسين في المقابل
سراج: وانا واثق فيك ومؤمن انك هتقدر تحميني انا وبنتي
عيسي: وانا مش هخيب ثقتك دي ابدا
سراج: اتفقنا
……….قصص منه محمد كاتب…………
عيسي خرج ورحلها: ازيك يا انسه لوسين والدك جوه في المسجد
لوسين بصتله بكل برود بدون ما ترد عليه ولا تعبره
عيسي ابتسم بفتور: اهلا مدام سوسن
سوسن: انا مبسوطه اني شوفتك تاني ياعيسي
عيسي ببتسامه: انا كمان مبسوط اننا اتقابلنه تاني
لوسين: مامي انا هروح اشوف خاله امل
سوسن: طيب متتأخريش انا هدخل اصلي واقرء قران ع ما تخلصي
لوسين مشت وراحت لخاله امل واشترت منها ورد تتصور بيه
عيسي راحلها: باباكي شكله مطول في القاعده مع عم الشيخ تحبي تروحي مكان انا هكون مرشدك الخاص
لوسين رفعت عيونها عليه بزعل وسابته وكملت تصوير
عيسي ابتسم ورجع شعره الكثيف ع وري: اوكيه تحبي تعملي ايه؟!
لوسين طنشته ورجعت تتصور بالتلفون ولا كأنه واقف جنبها
عيسي بصلها بستغراب: انتي ليه بتتصرفي كأني مش موجود
لوسين حطت الكام قدامه: شبح بيدور عن مكان جديد يتولد فيه
عيسي مسك صوابعها: فيه ايه ليه بتشاغبي
لوسين كشرت فيه : عشان مكلمتنيش امبارح مشيت بعيد ولا حتي بصتلي انت عملت الي انت عيزه ( لفت بضهرها)
عيسي قربها منه و مسك دقنها بنعومة : انا هبصلك وهبص لعيونك هتكلم معاكي ومش هسيبك وابعد بعد كدا
لوسين شدت دقنها منه : سبني اتكسف حد يشوفنا
عيسي قرب منها وحط ايده على كتفها : مكسوفه تبقي معايا
لوسين ردت بسرعه: انا مش محروجه المكان مش مناسب
عيسي سابها وبصلها ببتسامه كلها حب
لوسين صقفت بفرحه: الله فيه سمك في الترعه
عيسي ضحك على اسلوبها الطفولي و راح اشترلها كيس فيه عيش: خدي جبتلك اكل للسمك
لوسين ابتسمت برقه ومدت ايدها واخدت منه الكيس وفضلت تأكل السمك عيسي ضمها لصدره ومسك ايدها يحدفوا الاكل سوي للسمك ويضحكوا من قلوبهم وعيسي شاكسها وشد منها الكيس وطلع يجري وهي بتجري وراه
لوسين ضربته على كتفه : عيسي هاته عشان اكل السمك
عيسي اكل منه وحطه وري ضهره وهي بتحاول تاخده منه وعيسي يدغدغها ويضحك بسعاده حقيقيه لحد ما لمح حسن واقف متابعه وري شجره لوسين خطفت منه الكيس لما دراعه رخا من عليه وطلعت تجري وعيسي اتجاهله تماما وراح وري لوسين ومراقب نظرات حسن عيسي اخد منها حته عيش وقربها من بؤها
لوسين ضربته ع ايده: هو انا سمكه
عيسي مد ايده يخطف الكيس منها وهي زرجنت وشخطت فيه: وبعدين معاك
عيسي حضنها من ضهرها ومسك ايدها وبيرمي اكل للسمك معاها كل ده تحت نظرات حسن الشايطه الي مقدرش يتحمل منظرهم واتحرك ومشي وعيسي اخد باله وبعد عن لوسين
استوب ورايكم وتعالوا لما عيسي يتحول ويقف في وش حسن ومساعد حتي صباح لما يحاولوا يقتلوه

عيسي رجع البيت بعد ما سراج قال للوسين وسوسن انه هيجي يعيش معاهم في نفس البيت
عيسي لقاه قاعد مستنيه خلع الكوتش وحطه عالجزامه ولف بصله
حسن بدون اي كلام قام من مكانه زي البرق وهجم عليه ضربه لكمه قويه وصرخ فيه: انت كدبت عليا
عيسي وقع ع ماكينه الخياطه وحسن هجم عليه تاني وعيسي بيحاول يمنعه وماسك ايده
حسن بيعافر يتحرر من قبضة أخوه و هو بيصرخ بعصبيه: انت خاين كداب كدبت عليا وخنتني
صباح نازله من فوق السطوح وفي ايدها حله صرخت: حسن عيسي
صباح حدفت الحله وراحت تشد حسن من ع عيسي: حسن ابعد انت بتعمل ايه
حسن زقها: ابعدي ومتدخليش
عيسي شاف صباح وقعت ع التربيزه ثار في وشه: ليه عملت كدا _زقه لبعيد وراح جري عليها_ امي اتعورتي
صباح بتطمن عليه: انا كويسه ياضنايا كويسه
حسن اتغاظ ورفع المروحه وهيخبط بيها عيسي
صباح صرخت: حسن لاء ياحسن
مساعد داخل شدها منه: حسن ايه الي بيحصل ليه ال”عنف
حسن بصوت عالي : لانه سرق مني لوسين قولتله اني بحبها ووعدني هيقربها مني وهيبعد بس هو اتعمد يسرق البنت الي بحبها
مساعد صرخ ورفع المروحه يضربه بيها يموته عيسي اخد صباح الي صرخت بهلع وبعد والمروحه اتخبطت ع الجدار
مساعد بصوت جهوري: طب اعمل باللقمه الي اكلتهالك انا هموتك الليله دي
صباح وقفت قدامه: ابعد عنه
عيسي زعق فيه: ليه جبتني هنا انا مطلبتش منك تربيني
صباح وسعت عيونها بدهشه: عيسي انت واعي للي بتقوله
عيسي : انت ادعيت انك راجل شهم وقبلت بيا بس ياتري فكرت لو كنت سبتني مع امي مكنتش عانيت باقي حياتي بالشكل ده انت جبتني هنا عشان اكون خدامك ولازم اشتغل واكسب فلوس عشان اهتم بيكم كلكم متستخدمش انك حمتني كعذر انا مش مديون لحد في البيت ده
مساعدة طحن سنانه:عيل ناكر الجميل -هجم عليه -هقتلك هخلص عليك
صباح بتشد عيسي من قدامه وصرخت فيه في انهيار: مساااااعد لا ابعدددد عنه
عيسي نار مشعلله صدره و عقله وراح زقه بكل قوته ومساعد اترنح ع وري
مساعد بغضب:انت بتزقني ياكلب انت مين يله
صباح من بين دموعها : كفايه كفايه عيسي امشي معايا يله
عيسي نزلت دموعه وصباح بتشد فيه : خدني للراجل ده لازم تسيب الشغل وانا هشتغل واجبلهم فلوس لكن مش عايزاك تتورط معهم يله يابني نمشي
عيسي شد ايده منها بعصبيه لدرجه صباح رجعت بجسمها ع وري وحطت ايدها على قلبها ورفعت رأسها و بصتله بذهول
عيسي صرخ بقهر: انا هشتغل لحساب سراج بشا وهمشي ورايح اعيش معاه (بص لحسن بتحدي) وبحب لوسي ومش هخسرها عشان حد
مساعد: ويعدين معاك يله
عيسي بغصه ومرار: من لما كنت عيل كنت دايما تقولي اقسم الحاجه بينك وبين اخوك لكن مع البنت الي بحبها مينفعش اتقاسمها معاه
مساعد شاور عالباب بأمر: اخرج من بيتي
عيسي بنفعال: خارج متأمرنيش هي عمتي وانت حيالله جوزها
صباح دموعها هنا نزلت بقهر كئنها جوه كابوس فظيع عيسي اول مره من ثلاثه وعشرون سنه يتجرء عليهم بالشكل ده ايه الي غيره كدا
عيسي بصلها واتوجع لدموعها لكنه كمل الدور: انتم مش امي وابويا
صباح بحلقت فيه بصدمة وبدون شعور رفعت ايدها وضربته بالكف ع وشه
عيسي وشه احمر جدا وقال بقهره: اشتغلت عشانكم بما يكفي عشان اجبلكم فلوس وهعتبر اني رديت الجميل وخلصنا ع كدا
عيسي وزع نظراته عليهم وطلع فوق وهو بيجر رجوله جر بكل وجعه والمه
مساعد صرخ فيه :لم هدومك وغور واياك ترجع عيل ناكر المعروف
عيسي دخل غرفته ونزل ببطئ شديد قعد مقرفص وري الباب ويبكي بمرار لانه الي قاله لـ امه فوق قوه احتماله امه الي عمرها ما زعلته ولا جرحته ولا عيرته ولا عمرها فرقته عن ابنها الي من لحمها ودمها ويما غرقته بحبها وحنانها والنهارده قدر يجرحها ويوجعها بدون رحمه كسر قلبها الطاهر حط ايده ع وشه وبكا بكا بكا بحرقه وانكسار برغم كل شئ لازم يكمل
الروايا لقصص منه محمد كاتب
لوسين للشغاله: غيري الملايات وجهزي الاوضه
الشغاله ببتسامه مرحه: منا غيرتها قبل كدا
لوسين بشقاوه طفوليه : باين الرجاله ميحبوش الوان البنات اظن هيعجبه لون اغمق من ده
الشغاله شاورت ع عيونها: عيوني يا ست لوسي
سوسن: بنوتي بتعمل ايه
لوسين: بجهز اوضه عيسي
سوسن: ايه الي عجبك فيه سي عيسي عشان تجهزيله اوضه بنفسك
لوسين: الله مش انقذني كذا مره حبيت اشكره الله غلطت في ايه يامامي
سوسن ابتسمت بمكر ومسكت صرصور ودنها بلطف: انا مقولتش حاجه اصلا لان عيسي بني ادم كويس وانا عارفه ده وانتي قريبه منه كبيست فريند
لوسين حركت دماغها لتحت ووشها احمر جدا
سوسن: الله طب وشك احمر ليه؟!
لوسين شهقت ومسكت خدودها
سوسن ضحكت : انا بهزر
لوسين بكت بصوت زي الاطفال: مامي بقي
سوسن ضمتها لحضنها ولوسين فرحانه والشغاله راحت قلتلهم عيسي تحت
عيسي شافهم نازلين بصلهم وقال: اسف هزعجكم
سوسن بترحاب كبير: البيت ده بيرحب بيك
عيسي وهو يبتسم: وانا اوعدك ههتم جدا بعايلتك ومش هخيب ظن حد ابدا
لوسين: خليت الشغاله تجهزلك اوضه عشانك تعال ورايا
عيسي بص لسوسن ببتسامه: متشكر مره تانيه
سوسن ببتسامه: العفو يابني
عيسي لف وشه والابتسامه اختفت واتحولت لحقد وانتقام
………………………
لوسين داخله الاتيليه لقت الي ضرب ورق زينه في وشها بهيصه كبيره
لوسين نفضت شعرها: فيه ايه ياشويه مخابيل
نجوان: احتفال برجوعك بيتك يا صاحبتي
لوسين: بهدلته شعري
امل: لازم اتحقق من وجود المنتج اصل انتي اختفيتي للايام ومش واثقه يكون جزء سقط منك ولا لاء
لوسين كشرت فيها بدلع : قليله الادب انتي
امل بوقاحه: طب سرقوا قلبك صح
لوسين: انتي اتعديتي من نجوان
نجوان: لوسي جبتي معاكي كلب حراسه
لوسين: ايه الهزار ده
نجوان: مش اختفيتي مع حارسك الوسيم لازم يبقي معاكي كلب يحرسكم عشان مسيره الحب
لوسين: ياحبيبتي الواقع غير الافلام انا دخلت في صدمه تقريبا
امل: عندك حق انا لو حصل معايا كدا كنت هدخل في غيبوبه لو حد ضرب عليا نار
نجوان حطت ايدها في وسطها: نو نونو ارفض اموت من غير قيمه اموت احسن بين دراعات عيسي
لوسين ببتسامه: المفروض تسأليه الاول
نجوان بغرور: مش محتاجه لسؤال لو قولتلكم ع سر هيفضل بينا سر
لوسين: في بير غويط
امل حطت ايدها ع شفايفها وعيسي كان داخل يتسحب ووقف وراها بالظبط وشاورلهم هش
نجوان شبكت ايدها في بعض وبحالميه: حاسه ان عيسي له مشاعر اتجاهي
لوسين وامل: بجد
نجوان مثلت الكسوف: يعني هفشر عليكم وسبب انه عمال كل شويه ينقذك ده عشان يكسب قلبي
لوسين وامل: بجد
نجوان بخفه دمها: احلف بسماها وبترابها
عيسي حمحم: مساء الخير
نجوان لفت وصرخت في وشه ولوسين وامل فطسوا من الضحك
امل مثلت صوت فرقعه : بوووم
نجوان اتغاظت وراحت قرصتها في دراعها وبصتله: اهلا ياعيسي امل يله روحي اتأكدي من الصور قبل العرض يله
امل: حاضر / لوسي متنسيش تختاري الصور من ع التاب
لوسين هزت دماغها: تمام
نجوان وهي مكشره شدت امل ومشت بسرعه بيها
لوسين بصتله: ممكن تتفسح في المكان وانا هشتغل
عيسي: عايز اختار معاكي ممكن
لوسين ابتسمت وسحبته معاها : طبعا
لوسين راحت أأعدت وشغلت التاب ع صورهم بالزفاف
عيسي لعب بشعرها : هتختاري اي صوره فيهم غلاف
لوسين بحيره: مش عارفه كلهم حلوين بس اكتر صوره الي بتوضح الشعور بالحب والسعاده وانت ساعدني اختار
عيسي شاور ع واحده كانوا قريبين اوي فيها : دي
لوسين عقدت حواجبها في بعض : ليه اخترت دي
عيسي: مش لازم يبقي فيه اسباب لكل حاجه انا بحب استخدم غرزتي
لوسين: وانا عجبتني الصوره كمان
عيسي قرب اكتر: ليه بتثقي فيا
لوسين بنظره كلها حب: لاني عارفه انك هتختار الاجمل ليا وانا بثق فيك ثقه عمياء
عيسي رجع خصله متمرده منها وري ودنها : انتي مش خايفه احيانا الشخص الي بنكون واثقين فيه هو اكتر شخص ممكن يجرحنا
لوسين مبتسمه براحه واسنانها المصفوفة بتلمع من بياضهم: بس مش انت
نوسه دخلت عليهم: عيسي
عيسي قام وقف بسرعه ونوسه حضنته ولوسين هرشت جنب عنيها بتوتر
نوسه: رجعت وحشتني اوي
لوسين بتفكر تقوم تسحلها ولا تسحبها من شعرها لحد ما نوسه رفعت نفسها وباسته من خده وعيسي قفل ملامحه
نوسه: انسه لوسين ممكن اخد منك عيسي شويه محتاجه اكلمه ع انفراد
لوسين ببتسامه غيظ وغيره هزت لها دماغها
نوسه شدته من كف ايده: يله
عيسي جرها ووقفها: نوسه تقدري تتكلمي هنا قولي الي عيزاه تقوليه هنا انا مش عايز اضيع وقت الانسه لوسين فالشغل
نوسه راحتلها: انسه لوسين عيسي عايز يستقيل من شغلانه الحارس الشخصي
عيسي اتعفرت وبعصبية وصوت جامد: انتي مين اداكي الحق تدخلي في شغلي ده يخصني لوحدي
نوسه: بس انا مش عيزاك تخاطر بحياتك انت استخبيت ياعيسي وانا مقدرش اقبل ان ده يحصلك
عيسي بجديه: متقلقيش بخصوص انا قادر اتعامل وقادر اهتم بنفسي انتي الي لازم تستقيلي لاني عارف سبب شغلك هنا لانك عايزه تكوني جنبي
نوسه: ايوه انا عايزه اكون جنبك انا بحبك
لوسين وشها احمر وعيونها فيها بريق غريب وعيسي التفت عليها بسرعه وبصلها واتوتر
لوسين قفلت التاب بتكشيره : عن اذنكم
قامت وجريت بخطواتها من قدامهم وعيسي بلع ريقه وبص لنوسه وراح وري لوسين الي خارجه كئنها مش شايفه وحسن كان جاي ياخد حسابه من نجوان شافها شاورلها وابتسملها وفي نفس اللحظه امل طلعت مد وراها وبتنادي عليها وبتقولها خلصت واختارت الصور
لوسين مشت مستعجلة: بعدين انا خارجه؟ّ
امل: استني رايحه فين انتي معندكيش مواعيد مع زباين النهارده
عيسي نزل وراح للوسين وهي دارت وشها تهرب و تخرج
عيسي مسكها ووقف قصادها: لوسي رايحه فين اوصلك
لوسين قالت ببرود وهي تبعد عنه : مفيش داعي اقدر اسوق بنفسي
عيسي حط ايده ع كتفها :استني محتاج اتكلم معاكي
لوسين بدون ما تلف: انا مشغوله والامر مش مهم انت وضحته مع حبيتك فوق
نوسه نزلت ومسكت ايده: عيسي مش هستقيل انا هشتغل هنا وههتم بيك لاني بحبك (نامت ع صدره)
حسن ابتسم اوي ولوسين عضت شفتها وبصتله وعيسي تنح بصدمه من حركتها الجريئه وبقي مش عارف يعمل ايه في اللزقه دي وامل ونجوان بيبصوا لبعض بعدم فهم ولوسين فاتت مابينهم ودخلت لمكانها تاني
عيسي بعدها عنه وبحزم : نوسه كفااايه اوي كدا انا عمري مافكرت ناحيتك بالطريقه دي ممكن اكون اخوكي
لوسين كانت طالعه السلم من كلمه اخوكي وقفت مكانها
نوسه بتصميم: اقدر استني
عيسي بخشونة : بطلي تلاحقيني في كل مكان انا عندي الانسانه الي بحبها وبعشقها كمان
نجوان بفضول ملهوفة نفسها تعرف مين : مين هي؟
عيسي رفع عيونه ع لوسين وببتسامه حلوه اوي: هي بنت من طبقه اجتماعيه اعلي مني احنا الاتنين من مستوي مختلف علاقتنا شبهه مستحيله بس الاهم انا معرفش بتفكر ناحيتي ازاي وانا مش منتظر منها اي حاجه انا كل همي اهتم بيها لاني فعلا بحبها
لوسين بصتله اوي ونوسه نزلت دموعها وحسن اتك ع اسنانه بحقد
امل فهمت كلامه ونظراته الي كلها عشق: لوسي انزلي تحت عشان تكونوا في نفس المستوي
لوسين نزلت درجات السلم بهدوء وراحت وقفت قدامه : لو خلصت كلام روح شوف شغلك
عيسي ضغط ع ايدها بلطف: شغلي هو ان عيني تبقي عليكي
لوسين: وانا رايحه اشوف العرض
امل: خدي التاب
عيسي : تحبي اساعدك في الاختيار
لوسين لفت وبصتله وهو كمل: واثقه فيا ولا لاء
لوسين ابتسمتله ابتسامة ترد الروح وهو انبسط ووزع نظراته ع حسن بنتصار ونوسه بشفقه الي جريت بعصبيه وزقت الباب وخرجت وحسن خرج وراها قصص منه محمد كاتب
عيسي دخل وراها سند بضهره ع المرايا ويتأملها وهي قاعده مركزه في الصور رفعت عيونها وبصتله وابتسمتله ببراءه وهو بادلها نفس الابتسامة
لوسين قامت وقفت بالتاب وقربت عليه: يظهر البنت جميله جدا عشان مستنيها وجايز ياحرام هتستناها ع الفاضي
عيسي مد ايده واخد منها التاب وقال: هي جميله جدا بس انا محبتهاش عشان مظهرها الخارجي انا حبتها لجواهرها الداخلي ولطيبه قلبها
لوسين ابتسمت بمشاكسه : اممم اتمنالك حظ سعيد معاها
عيسي مسكها من وسطها وبصوت عاشق متيم: لو شوفتيها ياريت تقوللها انا منتظرها لـ اخر يوم في عمري
منتظره رايكم وظهور حميده والتهامي