رواية أميرتي المجنونة الحلقة الثامنة 8 بقلم دينا عبدالحميد
 |
| رواية أميرتي المجنونة الحلقة الثامنة 8 بقلم دينا عبدالحميد |
رواية أميرتي المجنونة الحلقة الثامنة 8 بقلم دينا عبدالحميد
جمال كان بيبرر وبيقول اصل……
ف اللحظه دى لفت أميره الكرسي وهو شاف وشها تنح
وقال بلهفه وخوف مالك..؟
أميره هو اى الى مالى افهم؟
جمال انتى مبصتيش ف مرايه عيونك حمرا وهالات سوده ووشك اصفر زى الى منمش من شهر مش اسبوع
أميره افتكرت انها نسيت تحت حاجه تخبي بيها شكلها
فزعقت فيه عشان تتوه
انت اتجننت انا اعمل الى يعجبني لكن انت مش من حقك تسال او تعترض انا هنا بس الى اسال وامر وكلوا ينفذ واضح
جمال بصلها بغضب حاول يخبيه وقال واضح
اميره كملت وقالت والبيه جاى متأخر ومعاه ورق صفقه مهمه تأخير دقيقه فيها خراب بيوت
الدقيقه ف شركتنا تفرق وتخسر مليارات مش ملاين بس
جمال اعتزر وقالها انها ظروف وغصب عنه
أميره حتى لو ظروف بس القانون بيقول تأخير يعني خصم
جمال اكيد طبعا حقك تعقبيني بس كمان لازم من جواكى تكوني عارفه انى براعي ربنا ف شغلى قبل مراعى لكلامك او عقابك
أميره ميخصنيش الى يخصنى هو الخصم
في حالتك باخصم اسبوع بس نظرا انها اول مره وكمان انت ملتزم وشغلك كويس ف هخصملك تلات ايام
جمال تمام الى تشوفيه
وده ورق الصفقه الى سالتى عنها
أميره تمام هراجعه واما يجي المندوب هبعتلك عشان تقابله معايا
جمال انا..!
اقبله…؟
أميره ايوه انت اى مش عايز
جمال لا مش كده بس مستغرب شويه
أميره ليه مستغرب
جمال لسه كنتى بتزعقي وعيزانى احضر معاكى اجتماع مهم وانا لسه جديد
اميره ابتسمت واتكلمت بجديه استاذ جمال انت شخص موهوب ومهتم بشغلك وذكائك عالي وأمين جدا +ان زمايلك بيشهدولك بالطيبه والشهامه والجدعنه
بس غلط غلطك لازم تتعاقب عليه عشان منبقاش بنميز
بس غلطك وعقابك ميمنعش اهميتك وغضبي ع غلطك ميخليناش ننسى كل الاعتبارت التانيه
جمال شكرا لحضرتك
واسف ع تأخيري بس كنت ف المستشفي لوقت متأخر ورجعت كان في مشكلةعائليه فمعرفتش اصحي بدرى وعارف انه مش ذنبك بس حبيت اعرفك انه تقصيري لظروف خارجه عن إرادتى
أميره مستشفي اى هو حد تعبان ولا اى
جمال ايوه
أميره طب ليه مجبتهوش مستشفي *****دى تبعنا واى موظف للشركه بيبقا ليه تخفيض ف العلاج
جمال بجد
أميره ايوه انت ازاى متعرفش
جمال محدش قالى
أميره لا وفي كمان نظام سداد تقسيط لان المستشفي دى بتاعت بابا
جمال طب والعمليات
أميره متخفضه برضوا
جمال فرح جدا وقال اقسم بالله انتى ف قلبي
أميره نعم انت بتقول اى
جمال اسف والله جت غصب
أميره بقيت بتغلط كتير وتعجن ولو اتكررت تانى هضطرانى اـ…….
جمال متكمليش عشان هى فعلا جت غصب بس مش هتتكرر
أميره تمام اتفضل
خرج جمال وهو مبسوط لحسن حظه انه ف المستشفي دى وكده هتتخفض عملية ميرال.
وأميره فضلت ف مكتبها بتبص ف المرايه وطلعت من شنطتها فوندشن وخبت الهالات ولبست لينسزس
وبعدين وقفت تبص من الشباك بهدوء
الباب خبط ودخلت نورا
أميره خير
نورا كنت عايزه اجازه
أميره ليه
خطوبة اختى
أميره مبروك عقبال فرحك وفرحها يارب
نفرح بيكم
نورا شكرا يا أميره هانم
أميره ابتسمت وقالت ها هتعزميني
نورا طبعاً
بس هو حضرتك هينفع تيجي
أميره اه طبعاً
نورا فرحت وشكرتها وخرجت
بس قبل متخرج أميره ندهتها
نورا افندم
أميره ابعتيلي جمال عشان الاجتماع هيبدأ حالا
العميل بعتلى رساله انه جه تحت وطالع
نورا حاضر يا أميره هانم
أميره اما تبلغي جمال هاتى الملفات الى معاكى ارجعهم وروحى
نورا نعم ليه يا افندم
أميره النهارده اجازه باقي اليوم عشان تكونى جنب اختك بضحك
نورا بضحك شكرا يا اميره هانم
اميره متنسيش تعدى ع الحسبات وع مكتب كامليا
نورا فيه اي يا أميرة هانم شكلك هترفدينى
أميره روحى وانتى هتفهمى
نورا بضحك تمام الى تشوفيه ونفذت
اما جمال فكان قاعد مبسوط وبيخلص شغله بسعاده مش طبيعيه عشاان عرف بان ميرال هيتخفض ف عمليتها
ودخلتله نور بتبتسم وبتقوله يكلم أميره
راح جمال لاميره وكانت بدأت الاجتماع مع المندوب
أميره بصت لجمال وقالت ده مستر جاك مندوب الشركه
وبصت لجاك
M.r Jack This is M.r Jamal
استاذ جاك ده استاذ جمال
وكملت وقالت وهى بتشاور ع جمال
One of the best managers of the company and graduate of business administration
(واحدمن احسن المديرين ف الشركه وخريج ادارةاعمال)
ابتسم جاك وقال اهلا استاذجمال
جمال ضحك وقال لأميره مهو بيتكلم عربي اهو امال تعبانا ليه وشغاله مترجم وبتاع
أميره ابتسمت عطريقة جمال العفويه وقالت ل چاك ان دراسة الجدوى وكل حاجه تخص المشروع والاستثماراتالمحيطه بيهفهي تصميم جمال وانه عملهاف وقت قياسي
جاك بص لمجمال وقال ع ما يبدوا انك شخص مميز استاذجمال
جمال شكرا ده من ذوقك
جاك قاله انا اتحدث بجديه
وكمل وقال هذه ليست المره الاولى التى اتعامل بهامع الانسه أميره
ولكنها المره الالى التى تعطى ثقتها لاحد
فلا بد من انك رائع ومميز عندها
أميره هو صراحه يستاهل
جمال ربنا يجعلنى عند حسن ظنها وبدأ يشرحله تفاصيل الصفقه
ــــــــــــــــــــــــــــ♡
خلص جمال شغله وراح المستشفي
دخل عند ميرال يطمن عليها كانت سما والتؤام معاها وقالهم انه بقا عنده حل
واستأذنهم عشان يروح ينفذه
وفعلا راح للاداره اول مدخل وقالهم انه من الشركه وقالهم اسمه
المدير رد عليه هو انت بقا جمال
ده انا مستنيك من بادرى
يتبع..
لقراءة الحلقة التاسعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية الطبيبة القاتلة للكاتبة أمل حمادة.
