Uncategorized

رواية غرام العاشق الفصل الرابع عشر 14 بقلم ميرو أحمد

 رواية غرام العاشق الفصل الرابع عشر 14 بقلم ميرو أحمد

رواية غرام العاشق الفصل الرابع عشر 14 بقلم ميرو أحمد

رواية غرام العاشق الفصل الرابع عشر 14 بقلم ميرو أحمد

انا وقفت بنخش  وقفني صوت ايهاب  
ايهاب: غرام
انا:نعم
ايهاب:الصبح مريت ع الكليه امنزلين الجدول الامتحانات صورته ليك
انا: شكرا ايهاب تعبتك
ايهاب:  ماتشكريني هدا واجبي لكن حي عليك ???? الجدول حاطين مواد الوعره كلها في اسبوع
انا: اتبصر ترا انشوفه
ايهاب طلع تليفونه وفتحه انا وقفت جنبه خش ع الصوره ومده ليا
انا قعدت انشوف في الجدول ???????? 
انا ????:اوووف الجدول صعب  اسبوع الاول تمام بس كل مواد الوعره في اسبوع يانعليا
ايهاب: انتي ركزي واقري اكويس باذن الله اتصفي غير نحي التوتر بس
انا قعدت انركز في الجدول والتاريخ  كان اخر امتحان يوم الخميس 15/3 وكانت فاتحة ايهاب 21/3 وحفلته 22/3 ???? 
قعدت ندكر لمه سمعته ايكلم في مصطفى ع التاريخ تجمعو دموع في عيوني نزلت دمعه علي التليفون ???????? 
ايهاب بعد شاف ادموعي انخلع: ماتقوليش تبكي ع الامتحانات تي عارفك قدها توا اتجيبي الاول ع الدفعه
انا رفعت راسي شبحتله بنضرة كسرة خاطر  نضرة مستحيل يفهمها نضرة شخص انجرح من اقرب شخص ليه شخص اقرب من بين النبضه والنبضه ???????? تي انا وين وانت وين عنبوها القرايا ???????? ????  
ايهاب حضني: عليش تبكي عيوني  والله قتلك انساعدك في الامتحانات وانراجعلك خلاص وراس عيوني تسكتي 
انا مجرد ما ضمني لحضنه انهمرت نبكي ???????? 
ايهاب يمسح في يده ع ظهري:  اسس خلاص توا يطلع ايشوفنا يحسابوني امزلعلك ???? غرام مش مستاهله تبكي عشان امتحانات والله مشيها بالجو توا اتحلي غير انتي خوافه
انا بعدت عنه نمسح في دموعي ????????:اي صح عندك حق مش مستاهله نبكي علي حاجه من الاول ماكانت ليا ????
خليته واقف وخشيت ماتحملتش انشوفه ????
ايهاب وقف حاير مش فاهم كلمتي وشن قصدي فتح تليفونه وقعد ايقلب في الصوره يحساب غرام شافت حاجه مالقي شي يستحق غرام تبكي عشانه كانو الصوره التانيه مستندات في الشغل امصورهن مافي حاجه مهمه وهي ماطلعتش من الصوره هدا اكثر شي خلا ايهاب مهموم مش عارف قصد غرام ولا عارف هل فعلا سبب ابكاها الامتحانات ولا في شي تاني ????  
خش جنب الشباب ايفكر لين خداه النوم
اما بالنسب ليا ???? خيشت حاولت نمسك دموعي وانخلي روحي طبيعه بس البنات لاحظو قتلهم ع الامتحانات وضغط عليا خسيت تحت بطنيتي وانا ماسكه دموعي غصب عني وحاطه ايدي في فمي عشان الصوت ???????? اصعب شي وقت ايجي فخاطرك اتعيط اتكسر الدنيا وتبكي بي اعلا صوت وانت مش قادر اطلع من فمك حتي كلمة اااه ولا اتنزل دمعه عكس داخلك الي ينحرق حرق ????????????  
قعدت غرام ع الحاله هدي دموع بس ينزلو لين قريب الفجر غفت
.
.
.
.
تاني يوم روحو عيت جدي وبابا وماما وعمامي ونساوينهم  واسلام وسراج
سلمنا عليهم كانت اجديده واضح عليها مضايقه ????  
فات اليوم عادي مافيش اي احداث وإيلاف مامشت لمدرسه والسبب تعرفوه انس  امع المغرب روحت انا وايهاب    
طلعت من الدوش اعيوني حمر  فتحت الدولاب لبست فانيله صوف بيضاء امع استريش اسود  طلعت كل شيتاتي عرمتهم ع السرير ماكنت عندي نيه نقرا لانه عقلي وقلبي مشغولين محروقين ???? مش قاده انفكر غير في ايهاب الي عرسه بعد كم اسبوع  ???????? مش متخيله خلاص بتجي وحده تاخده مني يبدا معاش ايدورني اصلا كان ادكرني هذا ???? نزلت دمعه ساخنه ع خدي مسحتها ???? 
مسكت اول شيت قعدت انقلب فيه ماكان عندي نيه نقرا حتي كلمه عقلي امشوش مش امعايا  
خش ايهاب
ايهاب: شنو شكلك بديتي تقري من توا
انا ????:اي مافيش وقت خلاص
ايهاب: تريحي اليوم بكرا من الصبح اقري احسن
انا مسكت الشيت: لالا بنقرا مانبي الوقت ايضيع عليا
ايهاب: تمام اقري المهم ماتسهري واجد 
انا امنزله راسي مانبي ايشوف اعيوني: تمام
ايهاب: تعالي جبت عشاء تعشي وكملي اقري
انا: ماعنديش نيه نبي نقرا  
ايهاب: تلحقي عليها القرايا صحتك اهم انا عارفك كله توتر بس
انا : كان جعت توا ناكل
ايهاب: لالا نوضي توا قدامي حتي عمتي امبدري قالت ماتغديتي  
انا ????:والله نيتي مسدوده ديما هكي فترة الامتحانات ماناكل واجد نقعد انخمم في الامتحان بس
ايهاب: غلط تقعدي بلا اكل من الصبح لتوا تبي تمرضي وتتعبي في الامتحانات لازم تاكلي عشان اتركزي اكويس  
انا ماحبيت انكثر واجد امعا الكلام نبي نبعد عنه نتعود من غيابه من توا ???? كنت نبي ننهي الكلام بي اي وسيله ????
انا: حاضر توا ناكل 
ايهاب ابتسم: تمام حطي الي في يدك وتعالي  
انا هزيت راسي وطلع ايهاب  لحقته القيته ايعدل في الطاوله اموتي العشاء  “???????? ره جاهز بس هوا حطه بس الفاشل هدا مستحيل ايطيب ولا ايفكر ايخش لمطلخ تاني ????
ايهاب ياكل: كولي اكويس  
انا: اهو ناكل كنك امركز امعايا
ايهاب: لانك ماتاكلي اكويس كنك اليوم وجهك مش عاجبني  
انا:انا هكي فترة الامتحانات كئيبه وحزينه ونفسيه صفر
ايهاب ضحك: رسمي نكديه و دموعها علي سبله
انا:اهو كملت الباقي
ايهاب:  ???????? رسمي نكديه ربي ايعيني ع الاسبوعين هذين
انا ابتسمت بمجامله ????: لكن توا اتعوض الاسبوعين النكد في اسبوع عرسك ???? 
ايهاب اشرق قعد ايكح شرب اميه  وجه الوان مصدوم ومنحرج في نفس الوقت عرف حزن الي في عيون غرام شن سببهم
ايهاب ايشوفلي هو ساكت مش قادر ينطق حرف ????
انا ابتسمت فوق من نفس تكلمت: المهم الف مبروك ربي ايهنيك ???? 
ايهاب تنهد بحزن ايشوف في وجها كيف اصفر وحزين
ايهاب : غرام 
انا وقفت:  صحه
وخشيت لدار بسرعه نلقط في نفسي وخنقتني العبره ودموعي ينزلو زي الشلال ????????
ايهاب كنا انهدرزو عادي بعدها دكرت اسبوع العرس يعني هيا عارفه الموعد وكل شي هدا ليش جوها شين وتبكي ???? كل ما قرب موعد العرس انشوف في اعيونها نفس المعه والدمعه انا غبي مانفهمش يعني هي حزينه عشان هكي تتسبل عشان اقريتها ماجتني الجراء نوقف نلحقها لانه عارف كمية الوجع الي مسببه ليها مافيش ولا كلمه تقدر اتخفف عليها لاني متاكد تبكي توا اضايقت وغمت  فتحت الباب وطلعت قعمزت ع الدرجات قدام البيت ولعت دخان اندخن ووانا عقلي امشوش وبالي وقلبي عندها حاس بيها وربي انا انحس زيها واكثر مش قادر نبعد عنها ولا قادر نقرب منها ???? المشكله قصة زوجي انا عارف قلبي امع غرام متعلق فيها بس حتي رهف شن ذنبها ولا جدي الي تكلم وضرب صدره قدام الناس حتي لو قلت نلغي الزواج كيف بنلغلي العرس قبل اسبوعين ???? 
رفع راسه فوق وتنهد مش عارف كيف يصرف ولا ايدير حل
.
.
.
.
.
.
.
اما عند غرام كانت تبكي ومنهاره ???? كملت تبكي لين دموعها جفو تعبت رقدت  
.
.
.
.
.
.
فتح ايهاب الباب وخش الدار قلبه وجعه من منضر محبوبته ????  وقف جنب السرير ولمت الشيتات والمدكره حطهم ع جنب طبس رفع غرام الي كانت راقده ع الارض وراسها ع السرير رفعها في حضنه ❤️ رقدها ع السرير وخطاها وبعد خصلات شعرها من وجها نزل باسها علي اعيونها بحنيه
ايهاب:سامحيني حبيبتي انا واحد حقير مانستاهل ولا دمعه من عينك العيون هذين مايستاهلو يبكو ،،،، انا حقير مانعرفش نصرف عارف روحي استعجلت لو نقدر انحطك في قلبي نمشي بيك لمكان مافيش غير انا وانتي بس مافيش غير ايهاب وغرام انا حبيتك ياغرام انتي ملكتيني مانقدرش انفكر في حد غيرك وانتي وبس خديتي تفكيري وخليتني نعرف انه انا ماعمري حبيت رهف انا الحب عرفته امعاك اول مره نعرف احساس الحب وحلو بس امعاك انتي قد الحب الي حبيته ليك قد العذاب والمر والم امعاك انا عارف سبب كل شي لو رضيت من البدايه بكلام جدي ره توا انتي قاعده فحضني مافيش ولا عواقب بينا بس انا مانحبش حد يحكم فيا ويفرض رايه عليا جدي فرض رايه عليا وانا فرضت راي عليه عشان نتزوج البنت الي نبيها اكتشفت انه انا طلعت انعاند في جدي بس صح البنت ماشفت منها ولا غلطه وكان عندي مشاعر اتجاها ممكن كنت انحبها بس من خشيتي انتي لحياتي بديتي تسحبيني اتجاهك كل شي فيك لفت نضري ضحكتك كلامك هدوئك حشمك وخجلك وطيبة قلبك وجمالك كل شي فيك جذبني بديت نرقد انفكر فيك انوض انفكر فيك بديت معاش انطيق نسمع صوت رهف ولا انهدرز امعا ليا قريب شهرين ماسمعت صوتها ولا كلمتها غير بالرسائل مش قادر انشوفك مضايقه وتبكي وربي نضايق اكثر منك انتي تحسابي نكذب عليك وانوهم فيك انه انا انحبك عشان شهوه وناخد حاجتي منك وربي غلطانه ماعمري فكرت فيك شهوه ولا حاجه غلط انتي افهمتي تقربي منك غلط انا قلبي الي يتقرب منك يبيك قلبي هوا الي رافض يبعد عنك حتي لو صديته مليون مره القلب هدا حبك ح يقعد ايحبك انا ما استغليت ضعفك انا الي نضعف قدام اعيونك ماتعرفش شن ايصيريلي بعد ترفعي اعيونك فيا نتعب امعاهن مانتحملش اعيونك هن عذابي وضعفي غرام ممكن الضروف الي جمعنا غريبه لانه كنا الاتنين رافضين الزواج هذا بس حبيتك انا ❤️ تمنيت جدي قرر هل قرار من قبل و زوجنا لكن الحمدلله انك نصيبي سواء توا ولا قبله ولا بعده غرام ليا انا ❤️ 
طبس باسها جنب فمها ???? رفع راسه يتامل في وجها بحزن
ايهاب:تصبحي ع خير يعمري ???? تمنيت اني نقدر انقولك كل هل الكلام وتسمعيني واتصدقي كلمة انحبك مش وهم ولا كذب انحبك باسها ع راسها وطلع طفا الضي وسكر الباب  
قعد في الصاله مش جايه نوم بكل ????
.
.
 .
.
.
.
.
.
.
إيلاف كنت ماشيه لبابا اينادي فيا فتحت المربوعه
إيلاف: نعم بابا قلت تبيني،،،، طاحت عينها علي انس مبتسم
بابا:تعالي قعمزي
إيلاف شبحت انس في مبتسم يعني دار الي قال عليه
إيلاف قعمزت جنب بابا: نعم شنو الموضوع  
بابا: حكالي انس ع المدرسه  وقالي ع الفروخ الي اينابشو حتي انا مش عاجبتني ليا فتره انفكر فيه والموضوع واليوم انس كلمني قالي امس ما خلاك تنزلي لمدرسه وكل شي 
لو مضايقه منها المدرسه عادي انحولك
إيلاف: بابا انت الي حطيتني في المدرسه هدي ولا انسيت انا كل صاحباتي فيها 
أنس: شن ياعمي تسال فيها لو تبي اتحول حولها من غير رايها بعدين شن تبي فيها مدرسه امعبيه شباب اتخش امع البنات في مدرستهن بنات بس يبدا حتي اتخفف عليك تمشي امع خواتي ياعمي الدنيا خاربه وكل شي موجود فيها لو تبي راحة بنتك واتمن عليها شيل ملفها لمدرسة البنات اكويسه انا ابروحي نرفعها وانروح بيها امع البنات امع تقعد في المدرسه امعبيه شباب انا واتق فيها بنت عمي وتربيتها بس مفرخ وجيل توا الي يلقوه قدامهم يزرطه احبوب وسخ في المدارس مانبيش انكثر كلام انت فهمي ياعمي وانا جيت نصحتك وانا بنت عمي انخاف عليها زيها زي خواتي 
بابا: انس عارف والله حاسبك زي ولدي وبناتي زي خواتك إيلاف زيهم وعجبتني حركتك كيف ما خليتها تمشي بعد شفت اولاد  وانا توا انشوف قصة التحويل والله انا شكرها ليا المدرسه اكويسه حطيتها فيها
انس ابتسم لي إيلاف وغمزلها
إيلاف ????: بابا كيف اتحولني بكلمين من هذا ،،،،واشرت ع انس
بابا رقتله: هذا عنده اسم  ايكون ولد عمك الي ما رضا العيبه في حقك شكلي دلعتك واجد انا
إيلاف: كيف يابابا ماتنسه انا شهاده اخر سنه يعني مهمه كيف انحول في نص الفصل والامتحانات قربو
أنس: امس حكيت امع المدير وقال عادي تقدر اتحول درجاتك واعمالك السنه كلها تقدري تسحبيهن امع ملفك
إيلاف ????: انت كنت امخطط من البدايه
أنس: اي
إيلاف:سمعت يابابا ره هوا يكرهني وحاطني في راسه
بابا: عيب يابنتي ولد عمك يبي مصلحتك اصلا الغلط مني حطيتك فيها المدرسه
إيلاف:والله المدرسه الكويسه مافيش حد ايجي شوري الي مش داير حاجه ما اتجيه حاجه الي كل واحد وتربايته  
بابا: خلاص يابنتي المدرسه ماتصلحش بيك هذي وانا عارفك ما اديري شي اينزل راسي بس هكي احسن لمه اتكوني امع بنات عمك حتي قلبي يتريح عليك ومانخافش عليك
إيلاف:بس
بابا:خلاص ايڤا توا تقري مع بناتك عمك ولا ماتبيش تسمعي كلامي
إيلاف نزلت راسها مقهوره كان تلقا أنس تقتله ????
إيلاف: الي تبيه يا بابا بس صعب انحول في نص الفصل وانا مانعرفش في المدرستهن حد ولا عندي اصحاب فيها
أنس:امعاك البنات توا اديري صحبه ماينخافش منك انتي والسان تنطلقو طول زي العدوه ???????? 
إيلاف نست باتها: انت سكر فمك مادخلكش فيا  
بابا ????:أيلاااف احترمي ولد عمك
إيلاف خافت سكتت
أنس ماسك ضحكة ويشبحها كيف امعصبه مش قادره ادير شي  
إيلاف طلعت بسرعه
بابا:سامحني هل الفرخه السانها طويل
أنس ابتسم: انا الي نعرف السانها ياعمي مافيش داعي تعتذر  تصبح ع خير سامحني صدعتلك راسك في اليل
بابا: لا عادي  
انس: تمام انت اسحب ملفها وعطيه ليا نرفعه للمدرسه التانيه
بابا:تمام وشكرا ياانس
انس: ولو ياعمي هدا واجبي
هدرز اشويا امع بابا وطلع  
اول ما طلع من جيهة بيتنا وووووهب اتجي حيطه في راسه حط يده ع راسه التفت وراء يلقا إيلاف تحدف في الحيطه التانيه تنجنبها 
إيلاف ????: ياحقير انا اتمشي كلامك عليا ،،،،وقعدت تعزق عليه في الحيط ???????????? 
أنس قعد يجري ويضحك: يافرخه بطلي توا تعوريني
إيلاف تجري وراء: ياريت تنعور ???? وربي اول الناس نتشمت فيك
أنس ضحك: لدرجه هذي حارقك ???????? 
ماكملش كلامه لين جت حيطه في جبهته ???????? 
انس: عنشكلك يافرخه ???? 
ونحا يده ونزل الدم  
إيلاف عزقت وحده تانيه جت في رجله ????
أنس ????:عنشكلك بطلي راسي ينزف من وراك
إيلاف تتكلم من بعيد: بلاش كذب تحساب بنفوتها لك والله اتشوف يا انس  
أنس: تي اخطيني وجه النحس اتقول كدب ماهو من الحيطه الي ضربتيني بيها
إيلاف خافت:بجديات جت فيك
أنس: لا جت في امي سؤال تافه زيك
إيلاف قدمت وقفت جنبه: ترا نحي يدك
أنس نزل يده:ها شوفي عمايلك ???? 
إيلاف: ساهله مش كبير جرحه اصغيره وتستاهل
أنس رجع يده ع الجرح: تي توا اتشوفي صار ساهله غير انلف الجرح مش ناسيك 
إيلاف :انستا انس بنقولك
أنس افرح يحسابه بتعتذر وخايفه عليه: ها
إيلاف قدمت خطوتين وضرباته في بطنه اقوه ما عندها وبعدت عنه تجري
إيلاف:عشان اعرف مره تانيه علي من تحكم
انس مسك بطنه ومصدوم فيها: اقسم بالله نهارك يا إيلاف انطلعها من بين اعيونك
إيلاف تضحك: اعلا مافي خيلك اركبه المهم بردت علي روحي نقدر نرقد متريحه ???????? 
مشت تجري خشت لبيتهم تضحك علي انس  
انس واقف في مكانه ماتحركش بعد اختفت عليه إيلاف ضحك ربي ايصبرني عليها انا مجنون كيف طحت فيها هدي احتمال كان تعركنا تقتلني وانا راقد ????????????  
خش لبيتهم يضحك
.
.
.
.
.
.
.
.
.
.
مصطفى رجع لبيتهم خش لداره رقد هوا ايفكر في حياته
قطع تفكيره رنت تليفونه  رفعه شاف المتصل ازعاج 7 
فتح الخط
مصطفى:الو
ريان: رايفت عليا حبيبي كنك تغيرت
مصطفى:والله مشغول
ريان: مشغول في شنو شن الشغل الي شغلك عني
مصطفى:والله انوتي لي فرحي بعد شهر راك معزومه بلا دعوه
ريان انصدمت: اتبصر حبيبي  
مصطفى:ليش احني في بينا ابصاره
ريان دارت جو تبكي: تحكي جديات بوفا
مصطفى: اي
ريان تبكي ????: منهي الي بدلتني بيها من الي خداتك مني كنت حاسه في وحده غيري في حياتك من لمه قلت درت حادث وانت تتهرب مني
مصطفي برود: هو انا امتى كنت ليك لين خدتني منك ماتاخدي في روحك مقلب انا لا وعدتك بشي ولا قتلك حتي كلمة انحبك ???? لو تبيها بالفقشي انتي الي رنيتي عليا وانتي الي لصقه فيا اترني ماعمري حتي عبرتك ولا واتصلت بيك 
ريان: خزي حقير حسبي الله ونعم الوكيل فيك
مصطفى: تحسبي لين بكرا كاني ظالمك ربي ياخد حقك مني توا خطيني يابنت الناس ماعنديش ليك نيه بنكلم خطيبتي وانهدرز مش حلوه اتخش عليا اتنظار في موضيع مش شور الصغار بنهدرزو فيهن  
ريان بتكلم سكر مصطفى التليفون حطها في الحظر وقفل تليفونه ورقد معاش قعد عنده نيه ايهدرز ولا ايكلم بنات
الي تتصل بيه ايفوتها والي تسكن واجد ايحطها في الحظر زي ريان ???? 
فقله ورقد
.
.
.
.
.
.
.
ريان امعصبه: ولد %&&%$ انا ايسكر في وجهي و ايقولي هكي الكلب يحساب غير ميته عليه
رهف ناضك من نومها: كنك اتعيطي ابروحك
ريان:الفرخ الي قتلك عليه
رهف:اوووف اختضري كنه انا وين نعرف اما فرخ
ريان: مصطفى ولد نصر الدين الي بوه ماسك محلات الذهب
رهف قعمزت مصدومه: اصبري قصدك بوه نصرالدين الي ماسك محلات في شارع $%$#
ريان: اي
رهف: حي هدا خو ايهاب
ريان: اتبصري كيف خوه
رهف: والله خوه عنده واحد اسمه مصطفى وخوه التاني متوفي عنده ولد
ريان: اي صح مره شفته امع ولد قال ولد المرحوم خويا
رهف: حي عليا لو يعرف ايهاب وجيجك من خوه 
ريان: شن دخله فيا هوا وجيج شنو وضحي يعني مستعاره مني وانسيتي روحك
رهف توترت: كني ???? 
ريان: انسيتي امجد
رهف ????: انتي عارفه انه نحنا اصدقاء بس
ريان ضحكت: اصدقاء بعد ماكنو حبيبين ولا انسيتي قبل 2 اسنين كيف انفصلتو هوا سافر وخلاك توا ليش بعد رجع رجعتو اصدقاء ولا في شي تاني  
رهف: شن اتخرفي انتي انا امجد مجرد صديق فقط وانا عرسي بعد اسبوعين بنتزوج حبيبي ولا انسيتي
ريان:اما حبيب الي بتتزوجه هوا هايم في مرته وناسيك حتي اتصال مايتصل بيك  
رهف: مادخلكش نحكو رسائل باهي كنه خوه ايهاب ليش منفصله
ريان: الحقير قالي عرسي بعد شهر وقعد ايقول انا الي عزقت روحي ليه ولصقه فيه
رهف: معقوله ايهاب ماحكالي شي
ريان:لانك راقده علي اوذنك امخليه حبيبك لي مرته وهي اكيد استغلت هذا لي صالحها وخداته منك
رهف: لو خداته ره لغاء العرس اهو وفاتني بطلي فته وغيره ايهاب ايحبني ويبني اصلا لو ما سمعت كلامك ره توا ما هدا حالي
ريان: ديري المصيبه وحطيها عليا  
رهف: لانه صح انتي الي اتنقي علي راسي قوليله ايديرلك بيت ابروحك رني عليه ديما ماتخليش يقعد امعاها اساليه شن دار امتي رقد امتى ناض وشن كلا وشن لبسه هي ووووووووووو كله زي وجهك طاحت ع راسي انا  
ريان: تعرفي ماعندي ليك نيه اندير طحنه امعاك والنبي فوتيني احسن وطلعت رافعه تليفونها
رهف: حقيره  
ادكرت شن صار يومها بعد طلعت تشري في دبشها كيف تلاقت امع امجد وقاللها رجع من كم شهر واستقر هنا ورجعو ايهدرزو عادي زي اي اتنين اصدقاء وحكتله انه انخطبت واتوتي لفرحها  
رهف فراغ الي سببه ايهاب كانت تبي حد يهتم بيها ويسال عنها  قعدت تتواصل امع امجد عادي وهدرزه عاديه عن حياه اليوميه لين بدا التواصل هدا قوي تطور بالمكالمات وبالساعات بس مزالت العلاقه باسم الصداقه ❤️
.
.
.
.
.
.
.
.
.
.
.
.
تاني يوم نضت بكري لقيت روحي علي السرير ومتغطيه والشيتات ع الطاوله ابتسمت لانه مافيش غيره هوا حبيبي ❤️ نضت فتحت باب الدار بشويش وطلعت القيته راقد في الصاله هو امقعمز ع الصالون وجعني ???? 
ردت لدار رفعت اغطا وغطيته  ???? رجعت خشيت لحمام توضديت وطلعت صليت ودرت فنجان قهوه وجيت طرحت شيتاتي ع الارض وقعمزت نقرا   خداني الوقت نقرا لين خش ايهاب  
ايهاب ابتسم ايشوفلي: صباح الورد ياطالبه
انا مارفعت عيني فيه:صباح الخيرات
ايهاب:امصحصحه تقري من الصبح علي اساس نايض بنوضك تقري وانتي ماشاء الله حتي امدايره قهوه
انا:اها فقت بكري ماقدرت انرد نرقدت كسدت نقرا
ايهاب قعمز جنبي : تبي حاجه انساعدك فيها مش فاهمتها  
انا: عندي هدي مافهمتها
ايهاب: وريني
انا فتحته ع الصفحه: هذي  
ايهاب قعد دقيقه يقرا في الشيت: ساهل  ركزي انتي
وقعد يشرحلي فيها
انا طول الوقت هوا يشرح وانا مانزلتش عيني منه مش امركزه في الي يشرح فيه كنت انشوف لشكله كيف يشرحلي ومنضره كيف ايجنن ولحية كيف امحدده وارموشه الطويله  
ذبت فيه ???????? شكله وحمي بيجي ع ايهاب،????❤️ 
ايهاب حس انه اعيوني عليه
ايهاب:افهمتي
انا هزيت راسي: اها
ايهاب:هيا عاود اشرحيه
انا افطنت لروحي: اها لالا مش فاهمه
ايهاب ضحك: ركزي اكويس عارف روحي سمح ما انتقاوم ???? 
انا: عليك تقه من قال امركزه فيك وانشوفلك انت
ايهاب ضحك: انتي قلتيها توا  غير ركزي امعايا ره مانشرحط مرتين ???????? 
انا سكتت ونزلت راسي وقعدت امركزه امعا هو يشرحلي المره هدي ماحولتش نرفع عيني فيه لانه بيكشفني  
فات الوقت كله انا في الدار ماطلعتش نقرا  وايهاب ايساعد فيا مره مره  
اما الباقي مافيش اي حدث
بديت نمتحن اول اسبوع كان ساهل مشاء بسرعه السبوع التاني نفسيتي تعبت واجد مانقراش اكويس وعرس ايهاب زاد نفسيتي اكثر ???????? معاش كليت حتي الامتحان بديت مانقراش فيه اكويس   ايهاب يضغط عليا عشان نقرا  
طول الاسبوعين هذين ايهاب ماسيبني ولا لحضه ايقري فيا و ايرجعلي والغذاء والعشاء ايجيبه من المطعم  مرات ماما تبعتلي عشان عارفه عندي امتحانات  
إيلاف حولت من المدرسه امع البنات ومن حضها كان انس هوا الي ايشيل في خواتها طول الطريق كلمه بكلمه ???????? توم وجيري بعد يتلاقو ضروري ايديرو مشكله  
اما مصطفى مافي شي جديد في حياته بدا يشتغل امع باته في المحل
.
.
.
.
اما الباقي زي ماهم عهود وحمادي نفس حالتهم حمادي يتصل و عهود ماتردش برغم عرفت انه هشام قصدا دار هكي عشان ايفرقهم بس هيا مزالت قلبها شايل من حمادي مش قادره اتسامحه لانه كل ما اتغمض اعيونها اتجي الصوره في اعيونها ????????????
.
.
.
.
رهف قاعده اتوتي زيها زي اي عروس فرحانه بس حاسه بشي ناقص فرحتها مش كامله
ريان وجها كلام مصطفى بعد عرفت انه بيكون سلف اختها ????????????
.
.
.
.
.
.
اليوم كان اخر امتحان  طلعت من الامتحان جاوبت نصه بس والباقي خليته فاضي طلعت اول وحده من الجنه مخنوقه دموعي ع خدي مش قادره انشد روحي طلعت قعمزت ع كرسي الحديقه ابروحي ???????????? خلاص كم يوم يتزوج
قعدت ربع ساعه ورنت عليا شروق جتني ولقت وجي حاله ???? 
شروق:كنك تقهري في روحك تي يمشي ينتلف مليون واحد يتمانك ليش تبكي وتحرقي روحك تي هوا مش حاس بيك
ليش اتعبي في روحك ماتنسي انتي حامل توا لازم تنتهبي علي صحتك حتي الحزن والبكي ليه دور في نمو الجنين النفسيه عامل مهم تي عيشي حياتك عنبوهم الرجاله تي مايستهلونا  الحياه مش راجل بس  
انا ????????:انا منقدرش بلا ايهاب ????
شروق حضنتي: هوا حقير مايستاهلك ياقلبي  
شروق قعدت اتهدي فيا 
شروق: حليتي ف الامتحان
انا:مش عارفه جاوبت الي عرفته الباقي خليته فاضي  
شروق ????:ان شاءالله انصفوها يارب
انا ????: انا رسمي مش امصفيه لانه لبزت واجد في المواد الاخيره 
شروق: ماتفاولي بعدين رجعتلك باقي المواد فوق النص يعني درجة النحاج اتجيبها  
رن تليفوني كان ايهاب عرفته برا مارديت سلمت ع شروق  وطلعت لقيته وين ماكن ايدرس ديما
ايهاب شاف وجهي عرفني باكيه
ايهاب:شنجو الامتحان
انا لفيت وجهي لجنب التاني نشبح من القزاز ماتكلمت
ايهاب: اوووي انكلم فيك  
انا قعدت ساكته وماسكه دموعي  
ايهاب: يعني ماحليتي حتي اليوم
انا لفيت وجهي شفتله: ياريت اتروح بيا تعبانه  
ايهاب سكت ولع السياره ومشاء مره مره ايشوفلي بطرف عينه  خدا غذاء امعا والسكوت سيد الموقف
وصلنا خشش السياره داخل نزلت وخشيت وهوا ورايا   
ايهاب:كنك نسال فيك ماتبي اتردي
انا فكيت الوشاح: قتلك تعبانه ماعندي نيه انتكلم  
قتلك نبي العشيه اتشيلني بيت اهلي
ايهاب:ليش  
انا:حلوه هدي ليش انت بعد كم يوم تقعد عريس نبي نمشي لبيت اهلي ورقتي توصلني مفروف من اول يوم  مشيت الاهلي
ايهاب:انتي شن قاعده اتقولي   
انا خشيت لدار: واضح كلامي طلقني خلاص انت اهو بتعيش حياتك ليش الانانيه هذي خلاص كل واحد في طريق  
ايهاب عصب: انا مش قتلك انسي فكرة الطلاق
انا: وانا قتلك من الاول يوم الي بتتزوج فيه اطلقني
ايهاب:طلاق مافيش احلمي
انا رفعت تليفوني: توا نتصل بي بابا يتصرف  
ايهاب خفتها فعلا تتصل بي باتها ادكرت كلام مصطفى يومها
انه ياخد مني غرام مديت يدي بسرعه وسحبت تليفونها
انا ????:ايهاب عطيني تليفوني ولا شيلني لي اهلي  
ايهاب: مافيش مشيه لبيت اهلك تبي اتخربي علاقة العيله بعد يعرفو انه انا بنتزوج عليك تبي اتخربي علي اختك المسكينه اكيد بوك بيخرب زواج اختك من مصطفى  
انا شفتله بحقد: ليش انت مافكرت فيه مادم انت مايهمك ودرت الي تبيه حتي انا مايهمني حد
ايهاب : معقوله ما اتهمك اختك خلينا من بوي وبوك اختك الي ممكن يخرب زواجها بسببك بعد تمشي بتطلقي  
انا:شن دخل اختي فيا
ايهاب: اكيد بوك بعد يعرف بيقعد حامق وايخرب زواجهم وعلاقة العيله تخرب بين بوي وبوك
انا ????: ليش انت ياحقير مافكرتش فيها واكيد بيعرفو بزواجك تحساب تقدر اتغطي الشمس بالغربال  لا غلطان لو ماعرفو اليوم بيعرفو بكرا
ايهاب: اهم شي انتي ماتطلعي من هنا  توا
انا ????: خزي حقير تبي تضمن زواجك بعدها تعزقني ???? نكرهك  نكرهك نكره اليوم الي قعدت فيه علي ذمة واحد زيك  ???? 
خليته وخشيت  
ايهاب كلامها زي السم نزل عليا عارف اناني وحقير بس مانقدرش انخليها تبعد وانا ماقلت الكلام هدا عشان نستفزها لانه فعل بيصير هكي العلاقه العيله بتخرب ياما نبهني جدي بس انا عندت ???? 
مر اليوم ماطلعتش من الدار امكلمتها كلها ابكا ????????????????????
ايهاب ماطلعش من البيت خايف انه نمشي وانسيبه ????
.
.
.
.
.
.
.
.
مطصفى يتكلم ع التليفون
  الحمدلله بخير
  والله الحاج تمام ايسلم عليك
 لا والله كيف انسينا
 شنو الموضوع الي قتلك عليه 
سنه اكويس  
شن وضعها  
 لا ميه ميه
 امنور نخدموك في الافراح ان شاءالله
تي اكيد كيف عاد
تم تم  سلم ع الاهل
وسكر
وقعد ايشوف طلب الزبائن الي خشو
.
.
.
.
.
.
بعد مرور ايام  ????
كنت في الصاله  انكلم في شروق  ونبكي بالعبره ????????
شروق ????:خلاص ساد قتلتي روحك
انا ????:نار تحرق فيا مش قادره ياشروق حتي لبيت هلي ما خلاني نمشي ايهدد فيا بعلاقة بابا وعمي وزواج ريهام  شن اندير اتعبت اقسم بالله اتعبت مجرد ما انشوفه قلبي ايزيد يتعب مش قادره نتحمل انا حابسني هنا هوا طالع امهيج عريس من قده متزوج للمره التانيه ???????????????? 
شروق: اهدي وراسك مش مستاهل توا اتصلي بي بوك ايجيك يمشي ايملح هوا مافكر في علاقة العيله ليش انتي اتفكري وكان علي زواج اختك الزوج كله نصيب مش هوا يقدر ينهي ولا حتي بوك لو كان نصيبهم امع بعض لو تنطبق السماء الارض مايخدش غيرها فوتيك منه المريض هدا روحي واطلبي الطلاق ايهاب مايستاهلك في البدايه كنت اندافع عنه بس توا طاح من عيني فعلا الرجاله مافيهم امان
انا: شروق انا سمعته يومها يحسابني راقده قال انحبك و اعترف بكل شي هوا ايحبني انا مايحبش رهف قال الحب عرفته امعاك وحكيتلها كل شي قاله ايهاب بعد خش لدار يحسابني راقده  
شروق:  باهي انتي قوليله ع الحمل خيريه بينكم يا انتي ولدك يا هيا  
انا نبكي ????: كيف تبي انقوله انا حامل هوا بكرا فاتحته 
وانا عارفه لو خيرته بينا بيختارها حتي لو اختارني مش ح يختارني كا غرام لا عشان ولده بس  وانا مانبيش يقعد امعايا عشان ولده لا انا نبيه يقعد امعايا عشان غرام حبيبته  
سمعت صوت الباب اسكر التفت ورايا انشوفله بصدمه ????????
قلبي طاح انشوف في ايهاب واقف واضح مصدوم يعني سمع كلامي 
ايهاب واقف مصدوم مجمد في مكانه مش مستوعب الي سمعه  
انا خايفه وانشوفله نستنا فيه 
ايهاب :من امتى تعرفي روحك حامل
انا رعشت ????:ااااها
ايهاب علا صوته: من امتى
انا خفت ????: قبل شهر  
ايهاب قدم جيهتي ????: ليش ماقلتيلي  
انا ????????:لانه انت مافكرت في امه بتفكر فيه هوا  
ايهاب بعصبيه: جاوبيني النم سالتك
انا دمعو عيوني: لانه لو حكيت بتقول تتسبل انها حامل بس عشان نقعد امعاها
ايهاب ????: شنو تحسابيني عيل بنقول الكلام هدا  
انا قعمزت نبكي ونزلت راسي ???? 
ايهاب: هدا مش سبب مقنع عشان ماتحكيلي ع الحمل  
انا رفعت راسي نبي ????: تبي تعرف شنو انا ماكنت نبيك تعرف بالحمل لانه متاكده بتلغلي زواجك عشان الطفل انا نبيك اتحبني زي اما انا انحبك مانبيش شي يجبرك اتعيش امعايا نبيك بقناعتك اتعيش امعايا مش لانه حامل بس  
صح انا حبيتك بس انت كسرتني وجرحتني علي قد حبي ليك طول الشهرين وانا دمعتي ع خدي ماجفتش انت مافيك احساس ولا ذرة مشاعر كنت من بداية زواجنا لين اليوم كنت اناني امعايا حتي حقك الشرعي بعد خديته مني خديته بالقوه وعنف كانك تغتصب فيا برغم حلالك ضربتني وهنتي وذيتلي نسمع فيك اتكلم فيها وتتغزل فيها سكتت وقفت عليا بلا ما اتحس بمشاعري وقتلي بنزوج من اول ليلة عرسنا حطيت احدود بينا كنت جاف امعايا بعدها حسيتك تغريت معاملتك بديت تتقرب مني بعد بعدها انشوف رسائلكم ومكالماتكم وقتلي بكل دم بارد عرسي بعد شهرين ونص  
كيف تبني انقولك انا حامل وانت شخص اناني هكي
ايهاب مش قادر يستوعب نزل علي ركبيه  وحط ايدينه علي ايديني
ايهاب: ليش ماجيتي صارحتيني ليش ماجيتي قلتي كل شي بخاطرك
انا ????????: لانه عارفه لو جيت حكيت كل شي بخاطري بتكسر خاطري زي ما توا كسرته
ايهاب ماتحملش دموعي جبدني طحت فحضنه ???? انهرت نبكي  
ايهاب ????: ماعمري فكرت نكسر خاطرك غرام انتي ماتعرفيش غلاتك عندي انتي حبيبتي ونور عيوني وحياتي كلها حاولت امعاك الفتره الي فاتت بس انتي اتصدي فيا كنت نبي انصلح كل شي بس انتي ماعطيتني فرصه
انا ????:شن تبيني ناخدك بالاحضان وانت اتجهز لي عرسك
ايهاب مسك وجهي ايبوس فيه ????: طز في العرس الي بياخدني منك طز في كل شي يبعدني غرام انتي مش محتاجه حاجه تربطني بيك عشان تقعدي امعايا لا حمل ولا غير انتي بكلمه وحده منك اتخليني نلغي كل شي
انا ????????: ايهاب بعد ماتنساش انه بكرا فاتحتك خلاص ساد عذبتني امعاك طلقني الله ايخليك خلاص معاش نقدر نتحمل اكثر من هكي معاش عندي طاقه
ايهاب حط صبعه علي فهمي وسكتني: اسسس قلنا طلاق انسيه من قبل مانبي انطلقك وتوا ولدي في بطنك ماتحلميش في الطلاق  
انا قعدت انبكي ونضرب فيه علي صدره ???????? ليش الانانيه انت واحد اناني ???????? حسيت بعيوني ايغبشو معاش شفت شي
.
.
.
.
.
.
إيلاف كانت طالعه من بيت جدي منسجمه تسمع في الاغاني
فجاء طلعلها انس بالطوبو الميه رشها بيه 
إيلاف ????????????:…………..
أنس:???????????????????????? 
 .
.
.
.
.
.
.
رهف امقعمزه وجنبها اختها وبنات خالتها وجيرانهم وصاحباتها ولبسه البودري رن تليفونها  كان ايهاب فرحت عرفت انه قروها الفاتحه 
ردت عليه
ايهاب:………….
رهف: ………..
.
.
.
.
.
.
.
الحاج خليفه سكر تليفونه وحطه في جيبه يبتسم ????  
وكمل طريقه هوا عارف الكلام الي بيقوله
.
.
.
.
.
.
انا فتحت عيوني علي غرفه غريبه انحاول نعرف انا وين
يتبع ..
لقراءة الفصل الخامس عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عائلات راقية بفسادها للكاتبة أروى طاهر المسلاتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى