روايات

رواية احببت وكيل النائب العام الفصل التاسع 9 بقلم أسماء عطاالله

رواية احببت وكيل النائب العام الفصل التاسع 9 بقلم أسماء عطاالله

رواية احببت وكيل النائب العام الجزء التاسع

رواية احببت وكيل النائب العام البارت التاسع

رواية احببت وكيل النائب العام الحلقة التاسعة

في قصر سيف الانصاري
كلهم متجمعين علي العشاءوساكتين قاطع السكوت دا ياسمين بخبث:صحيح يا احمد مين البنت اللي كنت بتلسها الشوز انهاردة في المول
كلهم بصوا لياسمين بصدمة واتكلم سيف انتي بتقولي انتي واعيه لكلامك
ياسمين بتصنع البراءة اه واللهي يا عمو صحبتي شافته وسألتني مين دي معرفتش اقولها اي فقولت اسأل احمد مين دي
سيف بعصبيه:الكلام دا صح يا احمد
احمد بنفاذ صبر:ايوا صح
سيف بعصبيه:انت اتجننت مين البيت دي
احمد:دي البنت اللي بحبها
ياسمين بخبث:اممممم يعني اقولهم ان دي حبيبتك
احمد ببرود:اة يا ياسمين

 

سيف قام بعصبيه من علي السفره ورمي الشوكه من ايده واتكلم وقال انت ليه عاوز تجيب مشاكل لنفسك هتدمر مستقبلك انت متعرفش انت مين ولا اي فوق لنفسك يا احمد باشا وسابهم وراح علي مكتبه بكل عصبيته
ياسمين حاولت تعصب احمدوهي حبيبتك واخدك معاها وهي بتشتري شوز علشان تحاسبلها ولا للدرجادي مهتميه برايك
احمد كان في ايده الشمال كوبايه ضغط عليه بكل عصبيته لحد ما اتكسرت في ايده واتكلم بحده وقال لو جيبتي سيرتها علي لسانك تاني هتشوفي مني اللي عمرك ما شوفتيه
مريم بعياط:ايدك بتنزف جامد يا احمد وراحت تجيب حاجه تكتم بيها الدم
ياسمين بوقاحه:هتعمل اي
احمدبصوت عالي:امشي من قدامي احسنلك
مشيت ياسمين واحمد طلع من القصر
وجات مريم ومعاها شاش وقطن ملقتش احمد سألت الخدامه احمد بيه فين
الخدامه لسه طالع ياهانم
مريم جرت علي برا لقت احمد بيفتح عربيته

 

مريم بعياط استني يا احمد ايدك بتنزف جامد
احمد راح عليها و بكدب متقلقيش يا ماما هروح المستشفي
مريم بعياط:طب خودني معاك
احمد: يا ماما انا كويس هتيجي معايا ليه
مريم بعياط:واللهي لو ما اخدتني معاك هزعل منك ومش هكلمك
احمد بحب:طب وانت لما تزعلي مني اروح فين انا بقا اموت يعني
مريم ضربته في كتفه بخفه وقالت بعد الشر عليك وحضنته وبتعيط ومش راضيه تسيبه
احمد بضحك طب يلا بقا عشان هتصفي

 

مريم بخضه وخوف يلا وركبت العربيه مع احمد وراحوا المستشفي
وبعد شويه كانوا وصلوا المستشفي والدكتور خيط ايد احمد لان الجرح كان عميق شويه
الدكتور بابتسامه:الف سلامه عليك يا احمد بيه
احمد بابتاسمه مبادله:الله يسلمك
مريم بعياط: ليه يعني تعصب نفسك وتعمل في نفسك كدا
احمد مسحلها دموعها واتكلم وقال غصب عني مقدرتش اتحكم في اعصابي انسانه مستفزه
مريم بعياط: انا مش عارفه عمر اخوك بيحبها علي اي
احمدبضحكه:عشان مستفره شبه حله وغطاها ههههههه
مريم بزعل:اخص عليك بقا عمر مستفز دا انا ابني حتت سكره
احمد: هههههه مين يشهد للعروسه
مريم:تصدق انك عيل رخم وانا غلطانه اني جيت معاك
احمد بصدمه:عيل رخم بقا وكيل النيابه يتقالوا كدا
وبدا يتصنع التعب:اةاة هيبتي بتروح يا ناس

 

مريم: هههههههه طب يلا روحني
احمد يلا واخد امه وطلعوا من المستشفي وركبوا العربيه
احمد بيكلم السواق
مصطفي هنروح القصر الاول نوصل ماما وبعدين توديني علي شقتي
مريم: ايه هتروح شقتك ليه
احمد بهدوء:ما ما هما يومين بس هرتاح فيهم وبعدين ارجع البيت
مريم والدموع في عنيها:هترتاح وانت بعيد عني مش كفايه عمر اللي مسافر ومش بشوفه وبعدين هتسوبوني اقعد مع المستفزه لوحدي
احمد ضحك بصوت عالي:ههههههههه خلاص تعالي معايا
مريم:مش هينفع ما انت عارف مبحبش ابعد عن القصر
احمد بغمزة:مبتحبيش تبعدي عن القصر بردوا ولا صاحب القصر
مريم وهي بتضرب احمد في صدره انت واد بارد روح اقعد في شقتك شهر
احمد بخضه:شهر لا كتير مقدرش ابعد عن القصرههههههههههه
مريم:هههههههههه

 

وبعد شويه كانوا وصلوا القصر مريم كانت هتنزل بصت لاحمد هو انت بتحب البنت دي للدرجادي
احمد بابتسامه ايوا بحبها
مريم حضنته ربنا يسعدك يارب
احمد:يارب يا ماما
ونزلت مريم ودخلت القصر وكمل احمد طريقه لبيته
في القصر
سيف كان قاعدفي الصالون مستني مريم لما ترجع بعد ما الخدامه حكتله كل اللي حصل
سيف بحده:البيه ايده عملت ايه
مريم:خيط عشان الجرح كان عميق
سيف بجمود:كل دا عشان اللي بيحبها
مريم:بنت اخوك هي اللي عصبته
سيف:مريممم كله الا ياسمين وفهمي البيه ان مش هيتجوز حد غير ياسمين كلامي مش هيتكسر
مريم بعصبيه:انت اي ليه عاوز تكسر ولادك الاتنين ياسمين مستحيل تتجوز احمد انت كدا هتدمر عمر
سيف باستغراب:هدمر عمر ليه

 

مريم بوجع:عشان عمر بيحب ياسمين عرفت ليه
سيف باسغراب:و اما عمر بيحب ياسمين مجاش وقالي ليه
مريم:لما يرجع ابقا اسألوا
وسابتوا وطلعت علي اوضتها
سيف دخل المكتب ورن علي عمر
سيف:الو ياعمر عامل اي
عمر:الحمدلله يا بابا حضرتك عامل اي وماما واحمد
سيف:كويسين الحمدلله
عمر:الحمدلله
سيف:هترجع مصر امتا يا عمر
عمر باستغراب:ليه في حاجه
سيف:لا كنت عاوزك في موضوع مهم

 

عمر:خلاص ماشي هخلص شويه ورق في الشركه واجي كمان يومين كدا
سيف:تمام تيجي بالسلامه وقفل مع عمر
مين عمر دا بقا
عمر الانصاري شاب وسيم وشيك وحاجه قمركدا اخو احمد الكبير كان عايش في تركيا بيدير شركتهم اللي هناك كان بيحب ياسمين جداااا ولسه بيحبها بس ياسمين مش بتحبه وهو عارف كدا
ياتري سيف هيعمل معاهم اي دا اللي هنعرفوا في اللي جاي
عند احمد كان وصل شقته دخل اخد شاور وغير هدومه وكان رايح ينام وكل تفكيره في اسماء
احمد لنفسه: طب ما انا اتصل عليها واكلمها وفعلااتصل
عند اسماء كانت قاعده بتذاكر ومامتها جايبلها نسكافيه
ليلي:اتفضلي يستي النسكافيه بتاعك اهوو
اسماء:شكرا يا ماما
ولقت الفون بيرن
باسم احمد

 

اسماء بصت لمامتها بمعني اعمل اي
ليلي:مترديش يا اسماء ولو رن تاني مترديش لحد ما يزهق ويمل
اسماء بتوتر:طب هو كدا صح يعني يا ماما
ليلي:ايوا هو دا الصح عشان انتوا مستحيل تكونوا لبعض في حاجات كتير تمنع دا انتوا ازاي مش شايفين كدا
اسماء بدموع:بس منه قالتيلي هو لو بيحبني وعاوزني هيقف قدام الدنيا كلها وهو قالي ان هو بيحبني
ليلي بنفاذ صبر: يبنتي هيقف قدام اهله عشان واحده لسه عارفها
اسماء:طب وانتي ليه فكرتي ان ممكن اهله ميرضوش بيا
ليلي:دا مش ممكن يا اسماء دا اكيد مش هيرضوا بيكي
اسماء بعياط:ليه يا ماما ما انا شكلي حلو والحمدلله وبذاكر كويس وهجيب مجموع كبير انشاءالله وادخل كليه هندسه وابقا مهندسه كل الحاجات دي متخلهموش يرضوا بيا
ليلي:لا يا اسماءاللي انت بتقولي عليه دا مش كفايه بنسبالهم
اسماء عيطت بس اناحبيته

 

ليلي:هتنسي بس انتي اسمعي كلامي
اسماءبقله حيله :حاضرر
ليلي:طب يلا بقا زاكري وسابتها وطلعت
واحمد كان عمال يرن مش بترد يرن كتيير بردوا مش بترد
احمد:مبتردش ليه يكون حاصل معاها حاجه
اسماء بتعيط شبه الطفله اللي اتعلقت بحاجتها ومش عاوزه تسيبها وكان نفسها ترد بس كلام مامتها بيتردد في تفكيرها ومنعها من انها ترد
ومقدروش يناموا الاتنين اليوم دا وكل واحد تفكيره في التاني يا تري هو كويس ولا لاء
صباحا في بيت احمد
اخد شاور ولبس وجاب فونه ورن علي اسماء اللي بردوا مش بترد
احمد بعتلها رساله انتي كويسه مبترديش ليه برن عليكي من امبارح
اسماء شافت الرساله ومردتش بردوا
احمدبنفاذ صبر:مش بترد ليه الغبيه دي ونزل راح شغله وهو متعصب
واسماء قامت اتوضت وصلت وعيطت وهي بتصلي وقالت يارب احببته وانت وحدك تعلم فلا تحرمني قربه فلا طاقه لي بفقدانه

 

واستمر الوضع لمده تلت ايام اسماء مش بتطلع من البيت ولا بترد علي احمد ومش مبطله عياط فكره انها المفروض تبعد عنه بعد ما حبته واتعلقت بيه بتخليها تعيط اكتر
واحمد اللي هيتجنن انها مش بترد عليه من غير سبب
عند احمد في بيته
احمد:الو يا مصطفي
مصطفي السواق:ايوا يا احمد بيه
احمد: فهد وكريم اللي كنت مخليك تراقبهم الفتره دي اي بيروحوا فين
مصطفي:بيرحوا سنتر كدا وبعدين بيطلعوا يروحوا او بيسهروا علي الكافيهات
احمد: طب السنتر دا فين
مصطفي قاله علي عنوان السنتر
احمد:تمام ماشي يا مصطفي
وقام لبس وطلع ركب عربيته وراح علي السنتر عشان يشوف اسماء
في السنتر

 

اسماء كانت قاعده مش مركزه وسرحانه
المستر:اسماء سرحانه في اي ركزي
اسماء:انا ولسه هتعتذر اتكلم فهد وقال: اعذرها يا مستر بتحب جديد بقا
البنات بحماس:بجد يا فهد سمسم بتحب مين
كريم بسخريه:خودوا الكبيره بقا بتحب وكيل نيابه ههههه
البنات ضحكوا جامد جداااااا ودا هتوقعي ازاي يا سمسم
واحده من البنات بتكره اسماء جدااا: انا اعرف واحده بتعمل اعمال ممكن تساعدك هههههههه
اسماء اتجمع في عنيها دموع وان كلام مامتها كله صح الحب دا مش هيجي من وراء غير وجع القلب
منه كانت لسه هتقوم وترد علي كل اللي البنات بتقوله قاطعها
المستربعصبيه:الدرس اتشرح واطلعوا براااا طالما مفيش احترام ليا
كل اللي في الدرس احنا اسفين يا مستر
المستر بعصبيه:قولت براااااا
كل اللي في الدرس طلعوا

 

وجات اسماء تطلع
المستر استني يا اسماء
اسماءبدموع:نعم يا مستر
المستر:اي الكلام اللي بيقولوا فهد وكريم
اسماء بتوتر: اناواللهي معرفش هما جابوا الكلام دا منين
المستر محبش يوترها خلاص يا اسماء حصل خير ومتخليش كلام حد يأثر فيكي
اسماء: حاضر بعد اذن حضرتك
وسابته وطلعت هي ومنه
كان كل البنات والشباب واقفين بيلوموا فهد وكريم وانهم بسببهم انطردوا من الدرس
اسماء بصت لفهد وكريم وبصوت كله وجع وعيون كلها دموع انتوا بتعملوا معايا كدا ليه سيبوني في حالي حرام عليكم
وجات تمشي هي ومنه لقت احمد بيقف قدامها بالعربيه
احمد بهدوء مخيف:اركبي
اسماء مسحت دموعها وركبت معاه هي ومنه عشان مياخدش باله
احمد بتعيطي ليه
اسماء مفيش حاجه

 

منه لا فيه فهد وكريم وحكت لاحمد كل اللي حصل في السنتر
احمد بحده:متنزلوش من العربيه فاهمين ونزل راح لفهد وكريم
اسماءبعياط:ليه كدا يا منه
وبصت لاحمد اللي بيضرب في فهد وبيقوله هو انا مش حزرتك مره واتنين وتلاته انا مش عاوز ازيك يلاه وراح علي كريم وفضل يضرب فيه جامد لحد ما كان هيموت في ايده
اسماء نزلت من العربيه وراحت علي احمد وبتشدوا من علي كريم سيبوا بقا كفايه
احمد: انا قولتلك متنزليش من العربيه
اسماء برجاء:طب سيبيهم عشان خاطري ويلا
احمد بصوت عالي ارعب كل الموجودين لو اتكررت تاني هدفنكم بالحياه
ومسك ايد اسماء جامد وراح فتحلها الباب واتكلم بحده اركبي
اسماء كانت مرعوبه من نظراته ليها وشافت ايده اللي بتنزف مكان الجرح
اسماءبخضه ولهفه ايدك مالها

 

احمد بصلها ومردش عليها
اسماء. بعصبيه علي فكره انا بكلمك لو مش واخد بالك
احمد بعصبيه:وانا بقالي تلت ايام برن عليكي وابعت زفت علي دماغك مبترديش
اسماء بصوت عالي انت بتكلمني كدا ليه اصلا نزلني لو سمحت
احمد بحده :صوتك ميعلاش عليا تاني انت فاهمه
اسماء خافت منه واتجمع في عنيها دموع ومردتش عليه وبصت ناحيه الشباك
احمد مش مديلها اي اهتمام
وبعد شويه كانوا وصلوا تحت بيت منه
منه: شكرا يا باشا مع السلامه يا سمسم هتتسوحي قلبي معك يا صديقتي وطلعت منه لبيتها
اسماء بخوف:انا عاوزه اروح عشان تعبانه
احمد سايق لطريق بيت اسماء
وقبل ما يوصلوا وقف العربيه

 

واتكلم بحده: بقالي تلت ايام برن مبترديش ليه
اسماء بتوتر:ماهو انا يعني كنت بذاكر
احمد بعصبيه:بطلي كدب
اسماء عيطت من عصبيته متعودتيش ان حد يتعصب عليها
احمدبهدوء:بتعيطي ليه دلوقتي
اسماء بصوت كله وجع افتح العربيه لو سمحت خليني انزل
احمد حس بندم ان هو اتعصب عليها:طب خلاص انا اسف متزعليش مني اتعصبت عليكي قوليلي بس مش بتردي عليا ليه اليومين اللي عدوا
اسماء بدموع وصوت كله
وجع: ماما هي اللي طلبت مني كدا وحكت كله حاجه امها قالتهالها
احمد: خلصتي كدا

 

اسماء:ايوا
احمد مسك ايدها بكل حنيه وحب ومشاعر صادقه طب بصي بقا انا بحبك ولو الدنيا كلها وقفت قدام حبي ليكي فانا مستعد اواجه الدنيا كلها عشانك مش اهلي بس وبعدين انا مش شايف اي سبب اهلي يرفضوكي عشانه
انتي جميله جداااا انتي حلم بعيد نفسه احققه
انا قولتلك كلمه وانا عارف نتائجها مش عاوزك تقلقي من اي حاجه طول ما انا جمبك ولا تخلي كلام حد يأثر فيكي وكل اللي انا عاوزه منك دلوقتي تذاكري كويس عشان الامتحانات
اسماء بعياط:بس انا خايفه من كلام ماما
احمد وهو بيمسحلها دموعها
متخافيش طول ما انا جمبك
مش هيبعدني عنك غير الموت
اسماء بخوف وخجل:بعد الشر عليك
احمد بيحب يوترها: خايفه عليا

 

اسماءبتوتر:طب انا انا اتاخرت وماما هتقلق عليا ولازم اروح بقا
احمد بابتسامه علي تهربها:حاضر وشغل العربيه وكملوا طريقهم
وقبل مايوصلوا البيت
احمد:هشوفك تاني امتا
اسماء بزعل:لا انت تنسي فكره اننا نتقابل الفتره دي خالص
احمد: امممممم عشان الامتحانات
اسماء:ايوا
احمد :عاوزه تدخلي كليه ايه
اسماء بحماس:هندسه
احمد:اشمعنا ليه متدخليش طب مثلا
اسماء:عشان دا حلمي من وانا صغيره
وبتمني من ربنا اني احققه
احمد: انشاءالله هتحققيه
واكمل بجملته
” إِحْْتَضِنْ ظُنونَكَ الطَّيِّبَةَ لَنْ تَنْتَظِرَ طَوِيلَا
عِشَّ مُتْعَةً التَّرَقُّبِ
رُبَّمَا تَبْدَأُ غَدًا وَرُبَّمَا الْيَوْم”

يتبع…..

لقراءة الفصل التالي : اضغط هنا

لقراءة الرواية كاملة اضغط على : (رواية احببت وكيل النائب العام)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى