روايات

رواية حب مستحيل الفصل السابع والعشرون 27 بقلم سارة اللومي

رواية حب مستحيل الفصل السابع والعشرون 27 بقلم سارة اللومي

رواية حب مستحيل الجزء السابع والعشرون

رواية حب مستحيل البارت السابع والعشرون

رواية حب مستحيل
رواية حب مستحيل

رواية حب مستحيل الحلقة السابعة والعشرون

كانت خطوه جريئه منه ومغامره فيها خطوره كبيره كمان مني😨 و لو حد اتعرف عليا وجاب سيره لـ اخويا او لـ ابويا يبقى على طول اتشاهد على روحي ، بس مكانش قدامي حل تاني غير كده ما هو مجن^ون ومش هيحل عني بالساهل ! بس بصراحه انا كنت مبسوطه جداااا بشوفته وقلبي كان هـيُقـف عن النبض ، شوقي ليه كان رهي^ب لدرجة اني كنت بأفكر اصارحه بحبي ولهفتي اول ما اشوفه 😓
وصلت الكافتريا وكان فيها طابق علوي وسفلي قولتله يستناني فوق في مكان العائلات اضمن ، طلعت وانا بـ أبص ورايا وقدامي خايفه اشوف اي حد اعرفه ، وأخيرا لقيته مستنيني وكان فيه واحد وخطيبته قاعدين جنبه ، اول ما وصلت راح جاي ناحيتي جري واخد ايديا الإثنين وبا^سهم بلهفه : اتأخرتي ليه كل دا ؟! شيلت إيديا وبـ أبص عـالإتنين اللي قاعدين بـيبصوا علينا نظرات استغراب!
بقيت في نص هدومي من الكسوف وقولتله بهمس : بطل هبل والا هـرجع بيتنا تاني !
قعدنا انا وهو وفضل بـاصص في عيوني : غصب عني من شوقي و احمدي ربنا اني مسكت نفسي و ما لا اتهورتش وحضنتك قدامهم كمان 🙄🙂
المهم انت قولت انك عاوزني في حاجه مش بتتقال في التليفون هيا ايه إستعجل عشان انا لازم ارجع بسرعه
قالي بفرحه : انا خلاص طلقتها وعموما ابوها طلع نذل ما رضيش يقبل بصيغة الطلاق بالتراضي .
– اومال ازاي وافقت المحكمة انك تطلقها بالسهوله دي ؟!
قالي لا ما أنا قولتلهم سبب قوي والقاضي اقتنع 🙄
– سبب ايه دا ؟

 

 

– مش هـقولك لانك هـتزعلي وترتبكي وتترعشي كمان ما انا بقيت عارفك كويس .
– محمد !!
– الله !!! احلى محمد سمعتها في حياتي كلها !!! 😉
– بلاش هبل بقى قولي ايه السبب ؟!
– بصراحه ؟ قولت للقاضي ما اقدرش اتجوز واحده ابوها باشتري من عنده خمره ، هيبقى جد اولادي واحد عنده مخمره ، انا غلطت وعملت حاجه حرام وتبت بس مش عايز ولادي يطلعو زيي ، والقاضي بصراحه اقتنع 🙄😂
ضحكت عليه لأنه سبب يضحك اصلا : انت واحد مجنووووون 😂
– وانتي واحده زي عسسسسسل 😍
– احممم .. طيب مكانش فيه شروط ولا تعويض ؟
– اه كان فيه غرامة هأبقى ابيع العربية وادفعلها التعويض الناتج عن ضرر نفسي لاني طلقتها قبل ما ادخل عليها بمعنى شوهت سمعتها قال يعني هما عندهم اصلا سمعه كويسه وانا اللي شوهتها 😂
فضلت افكر في كلامه : بس يا محمد العربيه دي انت بتاكل منها عيش هتشتغل ازاي دلوقتي من غيرها ؟
– يا سِتي تتدبر المهم اني خلصت من مروه وسنينها فداكي الف عربيه يا مهلبيه 😘
– طب حاول تلاقي حل تاني و بلاش العربية عشان خاطري
– طيب يا ستي هأشوف اذا كان فيه مين يسلفني المبلغ و ارجعه اقساط ولا تزعلي 🙂
الإتنين اللي كانوا قاعدين جنبينا طلعو وفضلت انا وهو لوحدينا فوق ، حسيت بإرتباك وهو حس بكده
– فيه ايه مالك اتخطفتي كده ليه فجأه ؟
– لاااا لا…مفيش بس اناا ..
– انتي ايه ؟ ومسك ايديا برقه : معقوله بعد كل اللي عملته عشانك دا ولسه خايفه مني؟
انا بإرتباك – لالا …مش خايفه … بس انا أتأخرت ولازم ارجع ..
– طيب مش هـتعرفي انا جاي ليه الاول ؟؟ ولا انتي فاكرة ان موضوع مروة هو اللي مخليني اطلب اقابلك ضروري؟ انا عارف اصلا ان البنات قالولك الخبر.
: اومال ايه طيب ؟؟؟
– جاي اقابل سيد ابن خالتي واطلب ايد بنته اللي اخدت عقلي وقلبي وروحي ❤️

 

 

– بجد ؟؟! جاي تقابله امتى وفين ؟
– مالكيش دعوه انتي دي حاجات بتاعت رجاله
– محمد انا متأكده إنه مش هـيوافق وخصوصا لما يعرف انك طلقت مراتك قبل ما تتجوزها حتي .
– يا حبيبتي انتي بس قولي موافقه وسيبي الباقي عليا انا .
بارتباك نزلت وشي فـالارض ومش عارفه أقوله ايه ، رفعلي وشي وخلاني ابص في عينيه : احنا لوحدنا مكسوفه من ايه بس ؟ عاوز اسمعها منك قبل ما اعمل اي خطوه .
– تسمع ايه ؟
– بتحبيني يا بسمه ؟؟
نزلت وشي تاني واتنهدت تنهيده طويـــله كانت مليانه مشاعر وشوق ووجع وحب ولهفه ، لحد امتى هـافضل اهرب منه ولحد امتى هـافضل اخبي عليه وهو اللي طلق مراته واتحدى اهله عشاني ! مستكتره عليه كلمه واحده ! انتي فعلا بخيله يا بسمه الراجل بيموت قدامك ايه القسوه اللي انتي فيها دي !
بصيتله من تاني : قالتهالك عيوني قبل كده يا محمد ولا هيا عيوني مش كفايه يعني ؟
– لا يا حياتي انا عاوز اسمعها منك ، محتاج قوه تخليني اقاوم لآخر نفس في عمري
– طب غمض ..
ضحك عليا : ايش معنى

 

 

– يوووه بقى قولتلك غمض !
– هاه غمضنا اما نشوف اخرتها معاكي
همستله في ودنه : وانا كمان بحبك وقومت جري عشان انزل..قام مسك إيدي و شدني ناحيته و هو حضنني جامد : و انا بموت فيكي و مش هأسمح لمخلوق يفرق بينا طول ما انا عايش. و لا هيفرق بيننا غير المو’ت
طلعت من حضنه بسرعه كنت خايفة يا حد يشوفنا وجيت انزل ، قالي هتوحشيني
– رديتله بهمس شفايف : وانت أكتر وسيبته هناك طاير من الفرحه ورجعت جري عـالبيت .

يتبع…

لقراءة الفصل التالي : اضغط هنا

الرواية كاملة اضغط على : (رواية حب مستحيل)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى