رواية احباء يجمعهم القدر الفصل الثلاثون 30 بقلم لولا

رواية احباء يجمعهم القدر الجزء الثلاثون

رواية احباء يجمعهم القدر البارت الثلاثون

رواية احباء يجمعهم القدر الحلقة الثلاثون

وائل بضحك اه عادي هكلمها علي اني فارس وهي اصلا مش هتبقي مركزه ولا شايفه حلو ولا قادره تقف وتسند طولها وهخليه يجي شوفني وانا معاها وهيبقي واضح عليها اوي انها متقبله ومش رافضه ولا حتي بتدافع عن نفسها ومفيش راجل هيشوف مراته كده هيخليها علي ذمته دقيقه واحده وعصبيته وتهوروه هيسيطروا عليه فهيضربها قلمين ويطلقها ويبقي انتي عملتي اللي انتي عايزاه وانا عملت اللي انا عاوزه
غاده بضحك يخربيتك ايه الافكار دي ده انت كلك علي بعضك 26 سنه يطلع منك كل ده
وائل وهو بيشرب سجاير اكمل ميغركيش سني واني لسه شاب والكلام ده لا انا عندي دماغ توزن بلد ولما بعوز حاجه بعملها وشروق دي دخلت دماغي اوي
غاده بضحك حلال عليك ياروحي
وائل بخبث متقلقيش قريب اوي لما ارجع علطول هنفذ
غاده تمام بس هتخليها تروحلك ازاي وفين
وائل وهو بينفخ دخان السجاره اكمل هقولك ساعتها المهم عندي ننفذ في يوم فارس يكون في الشركه وهي في البيت
غاده طب ودي هنعملها ازاي بقي دي بتيجي كل يوم
وائل مش هتفضل تيجي دي واحده حامل واكيد هيجي وقت وتتعب
غاده خلاص تمام
وائل علي تليفونات بقي
غاده وهي ماشيه اكملت تمام ياروحي
———————————–
عند فارس وشروق
فارس صحي لقي شروق في حضنه فابتسم بحب وباس جبينها ولاحظ ان حرارتها نزلت فاكمل الحمدلله ونزلها من حضنه براحه وراح خد شاور ولبس بدلته
شروق وهي بتقوم اتعدلت واكملت بنوم صباح الخير يا حبيبي
فارس وهو بيسرح شعره قدام المرايه اكمل صباح النور يا روحي ها بقيتي احسن ?
شروق بحب اااه الحمدلله وقامت دخلت خدت شاور ولبست دريس وخرجت فتحت الدرج وجابت الحجاب ووقفت تلبسه قدام المرايه
فارس بتنهيده شروق خليكي انهارده
شروق وهو بتلف الحجاب اكملت لو فضلت في السرير هرجع اتعب اكتر فا لا هنزل معاك شويه ولو حسيت اني تعبت هرجع
فارس قام وقف واكمل والله انا كنت واثق اني بحرق معاكي علي الفاضي وعطس واكمل الحمدلله
شروق بقلق ايه ده انت خدت الدور مني ولا ايه
فارس لالا يا حبيبي كويس يلا بس ننزل
شروق بقلق يالهوي يا فارس طب كنت نام بعيد عني يا حبيبي
فارس بضحك للاسف مبعرفش وانتي بنفسك امبارح لما قومت اجيب المايه والقماش قولتيلي خليك جمبي
شروق ايوه لاني اتعودت علي كده بس بردو اديك تعبت اهو بقولك ايه بلاش شغل انهارده
فارس بضحك ليه شركه ابونا هي
شروق بضحك اه شركه ابونا فعلا
فارس بضحك حتي لو انا مبحبش الاهمال في الشغل يا شروق يلا
شروق بتنهيده يا فارس نفسي تسمع كلامي مره
فارس وهما نازلين علي السلم اكمل اسمع كلامك لو هعرف اعمله انما انا مش هقدر اغيب من الشركه الفتره دي
نفين صباح الخير يا حبايبي
فارس بحب صباح النور وقعدوا وشروق قعدت جمبه
يوسف اعمل حسابك هرجع الشغل بقي خلاص الحمدلله اطمنت علي روح
فارس مكانك موجود يا حبيبي
يوسف بحب تسلم يا غالي
سعاد كلي يا روح مالك يا حبيبتي
روح بتعب مش جايلي نفس خالص يا ماما بجد
يوسف هو احنا مش قولنا هنيجي علي نفسنا شويه
روح بضيق يوسف بجد انت مش مكاني بس انا قرفانه من كل الاكل
شروق سلمت عليها واكملت بضحك خشي في حضن اختك ياختي اجي بقي اقول الكلام ده بلاقي الاكل اتحشر في بوقي زي البط
فارس بضحك ايوه بلظبط ده اللي بيحصل وهيحصل فاكلي وانتي ساكته
يوسف يا شيخ ده احنا اللي شايلين الهم بجد ايه ده
روح برفعه حاجب لا والله مش ابنك هو ولا مش ابنك اومال هتشيل هم مين غيري انا وهو يعني
يوسف بضحك ايه بهزر راديو واتفتح يخربيتك
فارس يعم اسكت الكلام ده يتقال بينا وبين بعض بس
شروق لا والله وبصت لتولين واكملت تولين
تولين ايه يا روحي
شروق خدي اخوكي بقي في السرير اللي جمبك قعدوا يقولولك قاعده في اوضه بسريرين ليه اديه طلع ليها فايده
تولين بضحك ينور ياحبيبتي عاادي تعالي يا قلب اختك وسيبك منها
فارس بضحك سيبك بقي من كل الهري اللي هي هريته ده مين اللي كان سخن وتعبان امبارح وفضل حاضن فيا زي ماسكه الحرامي كأني ههرب وجابلي برد وعداني علشان مش عارف ينام من غيري
شروق باحرراج احمم احمم نعم انت بتقول ايه مش فاهمه
فارس بضحك استعبطي استعبطي
تولين بضحك اتوكسي وعملالي فيها تقيله وخديه عندك وانتي حضنتيه وتعبتيه منك
شروق باحراج احمم لا طبعا هو فارس بيحب يهزر مش كده ياروحي
فارس وهو بياكل اكمل لا مش كده
نفين بضحك خلاص يا فارس البت وشها بقي زي الطماطم
روح بضحك من غير كل كلامك ده عارفين بتموت فيك دي كانت قايمه نايمه واكله شاربه مصدعاني بفارس
شروق باحراج الله ما تحترمي نفسك انتي كمان
فارس بضحك من غير ماتزعقلها عارف انك واقعه كده كده وبصلها واكمل وبعدين ايه انتي كمان دي ها مين الاول ياشروق
شروق بضحك مين ياروحي مش حد طبعا
فارس امم بحسب
شروق طبطبت علي كتفه واكملت لا ياروحي متحسبش ربنا يهديك يارب
فارس يهديني انا بلذمه ربنا يهديكي انتي
يوسف بضحك ربنا يهدي الجميع ولا تزعلوا
فارس قام واكمل طب يلا بينا
شروق قامت معاه ومشيوا هما التلاته متجهين للشركه
———————————–
تحت بيت حور عمر واقف وساند ضهره للعربيه ومستني حور تنزل
وفعلا نزلت وكانت لابسه بنطلون جينز وتيشرت نص كم ومدخلاه جوه البنطلون وحاطه حزام
عمر شافها واكمل بهمس يا نهارك اسود
حور كان جايه مبتسمه بس لما لقيت ريأكشن عمر اتحول وقفت مكانها واتوترت
عمر بحده طبعا وقفتي علشان عارفه انك هتتهزقي مش كده وراح مسك ايديها وطلع علي شقتها واكمل بحده افتحي
حور بتوتر حاضر اهو
وفتحت فعمر دخل وشدها لجوه وقفل الباب واكمل بحده ايييه القرف ددده
حور بخوف ايه ماله اهدي طيب صوتك عالي وانا هشوف ايه مضايقك
عمر بحده ايه مضايقني اه هو انتي قالولك عني ايه مش راجل ???
حور وهي بتقرب منه وبطبطب علي كتفه اكملت بخوف لا طبعا يا حبيبي راجل وسيد الرجال كمان بس اهدي اهدي وسكتت ثواني واكملت بس هو انا عملت ايه
عمر بحده عملتي ايييه اه ما المصيبه مش في اللي عملتيه المصيبه في انك مش عارفه عملتي ايييه اصلااا يعني المفروض ان كده عادي
حور اتفزعت واكملت بخوف عمر ممكن تهدي الجيران تسمعنا تقول عليا ايه
عمر بحده اه ولما يشوفوا الهانم نازله بلبس اقل مايقال مفصل جسمك مش هيتفرجوا ??? انا عندي يسمعوني وانا بهزقك احسن مايتفرجوا عليكي
حور بتوتر ايه لبسي ليه ماله لبسي ووقفت قدام المرايه اللي ورا عمر في الصالون واكملت ماهو حلو اهو يا عمر في ايه
عمر بهدوء مخيف حلو اه لا تصدقي حلو فعلا لفي بقي كده وامشي قدامي علشان اشوف حلو ولالا
حور بخجل علي فكره انت قليل الادب
عمر بعصبيه يعني عااارفه انه قله ادب بس منك انتي مش مني انا خطيبك وشويه وابقي جوزك اتكسفتي اوي مني لفكره اني هبص اشوف جسمك متفصل في القرف اللي لابساه ده ولالا وحتي رفضتي تلفي لاني فعلا علي حق هتبقي فرحااانه وكل الناس ماشيه تتفرج عليكي ردي عليااااا
حور عينها بتدمع وساكته
عمر مسك دراعها جامد واكمل بحده انا لما اكون بتكلم واقولك تردي تردي انتي فاهمه
حور بدموع حاضر
عمر غمض عينه و نفخ واكمل استغفر الله العظيم يارب يابنتي بتعصبيني عليكي ليه وترجعي تعيطي وتوجعي قلبي بلشكل ده
حور بدموع انا اسفه يا عمر حقيقي مقصدش اعصبك واضايقك بس انا في طبعي بحب الطقم ده اوي
عمر مسح دموعها واكمل بحده مش هحاسبك علي حياتك قبلي ياحور بس من ساعه مابقيت في حياتك في كلام تاني
حور بابتسامه تمام
عمر بتنهيده يلا ادخلي غيري اتاخرنا وفارس هيطردنا
حور بضحك لا متقلقش ودخلت غيرت لبست دريس احمر ساده تلت كم ماسك من عند الصدر وواسع لتحت وطلعت السلسله الدهب اللي كانت مشترياها باسمه لما قبضت اول قبض وخبتها في دولابها مسكتها باستها بحب ولبستها وفردت شعرها المموج وظبطت المكياب وطلعت
عمر بحب واعجاب ايوه كده اهو كده الكلام وباس جبينها واكمل بحب ربنا يهديكي يا حور وبص علي السلسله واكمل بفرح وحب ايه ده انتي جبتيها امتي
حور بحب لما خدت اول قبض ليا هي اول حاجه فكرت فيها حلوه ?
عمر بحب علشان في رقبتك بس فا حلوه
حور بحب ربنا يخليك ليا يارب ومتزعلش مني
عمر بحب مش هزعل بس بشرط انك تصالحيني
حور بضحك تمام اصالحك ازاي
عمر قرب منها وهي فضلت ترجع بتوتر واكمل بحب يعني انتي مش عارفه
حور بتوتر عمر اتلم ها اتلم وابعد
عمر سند جبينه علي جبينها واكمل بحب منتي هتصالحيني يعني هتصالحيني
حور بتوتر لا طبعا ابعد
عمر بضحك لا طبعا ليه انتي فهمتي ايه انا عايزك تعمليلي كوبايه القهوه اللي بحبها منك
حور بصدمه قول والله
عمر بضحك والله انتي اللي دماغك مش سالكه
حور داست علي رجله واكملت طب اوعي بقي كده ونزلت
عمر بضحك اااه يابنت اللذينه خدي هنا يابنت المجنونه انتي
ونزل وراها وركبوا العربيه
حور باحراج بجد انت بتحرجني وبعدين تجيبها اني فهمت غلط
عمر بضحك خلاص بقي حقك عليا متزعليش وباس ايديها
حور بابتسامه للاسف مبقدرش ازعل منك اصلا
————————————
عند فهد وليلي
ليلي نايمه علي صدر فهد العاري وبيتكلموا سوا
ليلي بضحك لا ده انت وفارس حقيقي فظاع اوي
فهد بضحك كنا بنجنن الناس كلها يابنتي والله ايام حلوه
ليلي بتتمني ترجع ?
فهد بحب لا لان اللي انا بعيشها حاليا احلي
ليلي حضنته واكملت بحب برغم كل المشاكل اللي بنعيشها يا فهد برود شايفها احلي
فهد باس راسها واكمل بحب اه احلي لانها معاكي كل اللي فات من غير ليلي في نظري مش محسوب
ليلي ابتسمت بحب ورفعت وشها باست خده واكملت ياقلب ليلي انت والله
وفونه رن
فهد الو ايوه يا اسلام بيه
اسلام انا تحت الشاليه
فهد تمام نازلك وقفل معاه وجاب تيشرته من الارض يلبسه
ليلي بضحك ايه الحكايه هو كل شويه حد يتصل بيك تنزله
فهد بضحك ايه ده هاخد مقلب في نفسي وغمز واكمل عايزاني افضل ولا ايه
ليلي ضحكت واكملت اتربي انا مقصدش كده انا بتكلم عن الصدف و اه طبعا عايزاك تفضل بس بادبك
فهد باس خدها واكمل بحب للاسف معاكي مبعرفش ابقي مؤدب
ليلي بضحك يبقي تنزل يا حبيبي مش عايزاك تفضل
فهد بضحك اخص واطيه طول عمرك
ليلي استني انزل معاك
فهد بحده تنزلي معايا فين انا هتكلم مع الراجل
ليلي فيها ايه بعدين مين اللي تحت
فهد بحده ده الرائد اسلام ولو حد غيره ملهاش لازمه خاالص نزولك
وقام نزل لاسلام وخد الاصوات اللي كلمه عنها
وليلي قامت خدت شاور ولبست دريس جنزاري وطرحه بيضه وكوتش ابيض وحطت ميكاب هادي واستنت شويه
تحت في الشاليه
فهد بحب يا مرحب نورت يا اسلام بيه
اسلام حضنه واكمل بحب تسلم يا فهد ها قولي ايه اللي معاك ضدد جمال
فهد اداله اصوات علي فلاشه واكمل دي الحاجات اللي هو شارك فيها الفندق اللي فتحه للدعاره وتجارته للسلاح بيتكلم فيهم عن كده انما علاقته بلمافيا سمعت انها انتهت من زمان خلاص
اسلام بصدمه يانهار اسود دي بلاوي سودا انت جبتها ازاي
فهد بضحك لا تقدر تقول اني كنت بسجل من باب الامان لنفسي يعني اصل محدش يضمن
اسلام بضحك دماغك عاليه يا فهد
فهد عيب عليك ياباشا
اسلام تمام انا مش عارف اقولك ايه بجد بسببك انا هقدر اقبض علي واحد من اخطر الناس في البلد ده اذا مكنش اخطارهم
فهد بابتسامه المهم يتسجن لان حياتي انا ومراتي مهدده بوجوده برا
اسلام متقلقش وهتابع معاك القضيه واي جديد هبلغك
فهد تمام
اسلام سلم عليه ومشي
في اوضه فهد وليلي
فهد بستغراب لابسه كده ليه وبيفتح الدرج يدور علي حاجه
ليلي فهمت هو بيدور علي ايه فاكملت بتوتر اه اصل انا نفسي نقعد علي البحر شويه سوا فلبست ممكن
فهد وهو لسه بيدور اكمل بحب ممكن طبعا يا حبيبي
ليلي بابتسامه تمام ياروحي
فهد بنفاذ صبر لا بقي انا زهقت ليلي فين علبه السجاير بتاعتي كانت هنا
ليلي بتوتر ايه ده بجد راحت فين يعني وراحت قعدت علي طرف السرير وفضلت تدور معاه في الدرج واكملت بتوتر ايه ده غريبه هتكون راحت فين بجد
فهد برفعه حاجب والله
ليلي بتوتر ايه يافهد في ايه وفضلت تنكش في الدرج بتدور عليها
فهد بحده ليلييي
ليلي اتفزعت واكملت بخوف ايه ياقلب ليلي منا بدورلك اهو
فهد مسك دراعها قومها واكمل بحده الشغل ده مش عليا ده لو امك عايشه وكدبتي عليها تمام هتصدقك انما مش هتعرفي تكدبي عليا انا
ليلي بخوف ايه يا فهد في ايه ياحبيبي هكدب في ايه يعني
فهد بحده فيين السجاير يا ليلي خلصي
ليلي بخوف ما هو ما هو
فهد بحده ما هو ايه اخلصي
ليلي غمضت عنيها واكملت بخوف ماهو انا بصراحه رميتها في الحمام علشان تخلي عندك اراده تبطلها الفتره دي
فهد بصدمه يانهارك ازرق انتي رميتي علبه السجاير في الحمام انتي عارفه بجيبها بكاااام دي
ليلي والله اهي كلها فلوس وبتترمي علي الارض بتدمر صحتك وتشيلك ذنوب وخلاص
فهد بحده وانتي مال اهلك هو انا قولتلك اشربيها معايا او ادفعي مكاني
ليلي بدموع دلوقتي بقي مالي بعد ما كنا واحد تمام اوعي كده وشدت ايديها منه ونزلت
فهد نفخ واكمل استني يا ليلي انتي يا بنتي
ونزل وراها ومسك ايديها واكمل بحده هو مش انا المفروض لما اكون بكلمك تقفي تسمعي ولا انتي متعلمتيش الاحتررام خاالص تاني مره اكون بكملك تقفي تسمعي لحد مااخلص كلامي
ليلي بدموع تمام اي اوامر تانيه
فهد تنهد بحزن واكمل وهو بيمسح دموعها انا مبحبكيش تعيطي بعدين انتي اللي عصبتيني يا ليلي قولتلك هبطلها بس مش مره واحده كده ومن ورايا تعملي كده ماهو مش بسهوله يعني
ليلي بدموع انت لو مبطلتش علطول من مره واحده وباراده مش هتعرف تبطل طول حياتك ودي مكانتش من طباعك ولا احب انك تشربها
فهد مسح دموعها واكمل بحب تمام يا ليلي هحاول مع انه حقيقي صعب ومش هطلب من حد يجبلي زفت تاني بس متزعليش لو معرفتش
ليلي بحب هتعرف وانا معاك
فهد بحب باس جبينها واكمل بحب تمام حقيقي كل حاجه بتتصلح من يوم منتي دخلتي حياتي وبقيتي معايا وحقك عليا لما زعقتلك
ليلي بحب هصالحك بس بشرط
فهد بضحك غمز وانا موافق
ليلي بضحك اتربي هاا انا عايزه تعملي قهوه ونشرب علي البحر
فهد باس ايديها بحب واكمل عنيا الاتنين للاميره ليلي بس كده
———————————
في الشركه
في مكتب الحسابات اللي فيه غاده وعمر
غاده معلش يا عمر راجع الملف ده كده
عمر تمام سيبيه وانا هراجعه
غاده بتفاجئ ايه ده انت خطبت مبروك
عمر بابتسامه مزيفه اممم عقبالك
غاده ميرسي واكملت في سرها بضحك ياشماتي فيكي يا حور احسن علشان يجيبوكي بدالي كويس اما اقوم اشمت فيها شويه
وراحت عند مكتبها وكانت حور مشغوله جداا وبتدور في ورق كتير
غاده بضحك شوفتي عمر خطب
حور وهي بتوطي تجيب ورق خبت دبلتها والسلسه وطلعتلها واكملت بحب اممم منا عارفه
غاده بشماته تؤ تؤ تؤ حقيقي صعبتي عليا كسره القلب وحشه اوي وصعبه بجد انا اضايقت عليكي موت
حور بضحك لا ميرسي لمشاعرك في الحقيقه انا مش عايزاها خالص
غاده بضحك اخص عليكي ده انا حتي جيت اهون عنك
حور وهي ماشيه اكملت لا متقلقيش عليا
غاده ضحكت وراحت مكتبها تاني
حور عملت القهوه لعمر وعدلت دبلتها وطلعت السلسله ودخلت وهي بتدندن بفرح شبكني بدبلته امم امم وقرينا فاتحته امم امم وعرفنا نيتوو وغلاوتو عندنااا
غاده اتصدمت من السلسله والدبله اللي في ايد حور وسكتت
عمر بضحك ده ايه القمر اللي هل عليا ده يا ناس وباس ايديها واكمل تسلم ايديكي يا حبيبي تعبتك
حور قعدت فوق مكتبه وبقي هو قدامها علي الكرسي واكملت بحب واضح ياروحي انت تعبك راحه اصلا
عمر بحب والله انتي حياتي وباس ايديها
حور بابتسامه نصر يعني اكيد باركتي لعمر مش تباركي لحبيبته يا غاده
غاده بخبث سوري اصل مجاش في بالي انك العروسه يا حور شوفته باس بنت عمه في خدها فقولت ده بيموت فيها ففكرتها هي
حور حطت وش عمر بين ايديها واكملت بضحك حبيبي ممثل شاطر يا ناس يعني بلمقلب ده اقنعتني واقنعت غاده برافو ياروحي وبصت لغاده واكملت بنفس الابتسامه هو فعلا بيموت فيها بس لانها اخته في الرضاعه واتربت معاه
غاده بحقد اممم ووجهت نطرها لي اللاب توب واكملت مكنتش اعرف مبروك يا سكر
حور بدلع الله يبارك فيكي ياروحي سوري معرفتش اعزمك بس حبيبي عمالهالي مفاجاه
غاده بابتسامه مزيفه لالا عادي تتعوض بقي في فرحكم
حور بابتسامه اكيد
فارس بقي انتي هنا يا حور وانا عمال ادور عليكي
غاده بخبث يا خبر هو انتي متعرفيش يا حور ان فارس بيه مبيحبش الاهمال ده انا لما كنت مكانك مكنتش بتحرك من مكتبي ازاي المدير يجي يدور عليكي يعني
حور بصتلها بغيظ واكملت بتوتر فارس هو انا كنت بجيب لعمر الق
فارس بضحك بس بس في ايه مالك عادي انا عارف عمر بيحب يشرب منك القهوه واكيد الكلام خدكم انا بحب وعارف الحب وعمايله خلاص محصلش حاجه بس تعالي علشان محتاج ملف انتي شيلاه
عمر بضحك وما ادراك بقي بلانسان لما يحب يا غالي
فارس بضحك عارف منا مجرب
حور بحب حقيقي حقك عليا مش هقوم تاني
فارس بحب قولنا بلاش عبط بقي خلاص خطيبك وطلب منك حاجه الكلام خدكم شويه لهفه البدايات دي انا عارفها
شروق من وراه لفهه ايه ?? لفهه البدايااات ليه هو بعد كده بيحصل زهق ياسي فارس ولا حاجه
فارس باس جبينها واكمل بحب هو انا اقدر اقول كده ده انتي العمر كله معاكي حلو ده حتي اللي جاي كله احلي وهينور فرد تالت في عيله العامري
شروق بحب حضنته واكملت ياروحي يخليك ليا يارب
فارس بضحك انا قولت والله طول منتي قدامي مش هركز في الشغل
شروق بضحك سبتك اهو متتلككش بقي علي شغلك
فارس بضحك اوامرك يا فندم وباس جبينها واكمل يلا يا حور
حور وهي طالعه وراه بصت لغاده بانتصار وحركت حواجيبها بغيظ
شروق بضحك بتكيد في مين دي
عمر بضحك اي ان كان هي كياده اه بس بموت فيها
شروق بحب ربنا يخليكم لبعض يارب
عمر بحب يارب وتقوميلنا بخير انتي والنونو بقي
شروق بحب اللهم امين ياارب
وكل ده كان تحت متابعه غاده وهي قاعده متعصبه ومتغاظه وهطق منهم كلهم
شروق يلا هسيبك بقي هروح انا الحمام واكمل شغلي
عمر تمام
ومشيت
غاده قامت ودخلت اوضه وفضت حبت برفيوم رجالي في ايديها ومشيت ورا شروق واستنت لما جات تخرج من الحمام وحطت رجليها كعبلتها بس مسكتها بسرعه ودلقت البرفيوم علي هدومها
شروق بخضه بسم الله حرام عليكي يا غاده كنت هقع من رجلك منتي عارفه اني حاامل
غاده بتمثيل حزن حقك عليا يا هانم مقصدش انا كنت داخله اثناء ما انتي طالعه بس
شروق بحده خلاص محصلش حاجه ومشيت
وغاده دخلت غسلت اثر البرفيوم من ايديها كويس اوي وهي بتبتسم بخبث
في مكتب فارس دخلت شروق
شروق بقلق مالك يا حبيبي
فارس بتنهيده مصدع شويه
شروق طب اعملك حاجه تشربها طيب
فارس لا يا حبيبتي متقلقيش عليا انا بخير
شروق حطت ايديها علي جبينه واكملت بقلق لا يا فارس انت تعبان يلا بينا كفايه انهارده
فارس يا حبيبتي مش هينفع دلوقتي اخلص اللي ورايا ونروح براحتنا
شروق بحزن يارتني مانمت في حضنك امبارح
فارس بس يابت هبل ايه الكلام ده وباس خدها واكمل حتي لو عندك ايه انا مبعرفش انام برا حضنك كده كده
شروق حضنته واكملت بحب ربنا يخليك ليا يا غالي بجد
فارس بحب ويخليكي ليا ياعمري واستغرب واكمل ايه ده يا شروق
شروق بستغراب هو ايه
فارس شدها ليه و قرب وشه من هدومها ورقبتها اكتر واكمل هدومك ريحتها برفيوم رجالي
شروق بصدمه ايه برفيوم رجالي ازاي يعني تلاقيك انت لما حضنتك
فارس لا دي مش البرفيوم بتاعتي
شروق بتوتر نعم ازاي يعني اييه يا فارس مش فاهمه
فارس باس جبينها واكمل حبيبي عادي انتي ليه محسساني اني بشكك فيكي او بزعقلك انا بسالك عادي علي فكره طب خبطي في اي راجل برا
شروق بتوتر وبقلق والله محصلش ولا اي حاجه ولا خبطت في حد ولا كلمت حد غير عمر اصلا واكيد مش هحضنه يعني
فارس خلاص كبري دماغك جيه زي ماجيه تلاقي حد كان بيرش جيه عليكي ولا حاجه اكيد مش هنفضل نفكر جيه منين يعني مش مهم خلاص
شروق مسكت ايده واكلمت بحب فارس انت مصدقني صح
فارس رفع ايديها باسها واكمل بحب بت انتي هبله هو انا عمري اقدر اشك فيكي اصلا بس عبط واعقلي كده اكيد مصدقك يا حبيبتي ده انتي متربيه قدام عيني يا شروق
شروق بحب ربنا مايحرمني منك يا غالي بجد
———————————–
عند عمر في المكتب جاله اتصال
عمر الو يا مؤمن
مؤمن بضحك نفذنا يا ريس
عمر بخبث اللي قولته كله اتعمل
مؤمن بضحك بلحرف
عمر ضحك واكمل تسلم يا غالي
وقفل معاه وهو بيبتسم بانتصار واكمل وهو بيرجع ضهره لورا بدا الانتقام