روايات

رواية حين تقع في الحب الجزء الرابع الفصل السادس عشر 16 بقلم ندى علي

رواية حين تقع في الحب الجزء الرابع الفصل السادس عشر 16 بقلم ندى علي

رواية حين تقع في الحب الجزء الرابع الجزء السادس عشر

رواية حين تقع في الحب الجزء الرابع البارت السادس عشر

رواية حين تقع في الحب الجزء الرابع
رواية حين تقع في الحب الجزء الرابع

رواية حين تقع في الحب الجزء الرابع الحلقة السادسة عشر

نور طلعت شقتها بعد ما المسلس خلص كانت حبيبه رجعت ودخلت اوضتها نور دخلت وراها
نور :جبتي لبس اي
حبيبه فردت الهدوم علي السرير :جبت دول
نور مسكت الهدوم :طيب ادخلي قيسي كدا علشان لو حاجه خارجه هترجع انا مش ناقصه كلام ابوكي
حبيبه دخلت تقيس وكل شويه تطلع توري نور الهدوم
نور :حبيبه انا هاخد الشميز دا
حبيبه :لاء يا ماما دا بتاعي
نور :بالله يا حبيبه شكلو حلو اووي ابقي هاتي لنفسك واحد تاني بس سيبي دا ليا
حبيبه :لاء ابقي روحي هاتي واحد ليكي لكن انا مصدق لقيت الشكل دا
نور :ابقي اروح علي اساس ابوكي بيخليني اخرج اصلا
حبيبه :مليش دعوه بقاا انا عوزه الشميز بتاعي
عاصي اللي واقف علي الباب بيتفرج :اما انتي بتتخانقي معاها علي القميص ولا غلطان
نور :شوف حلو ازاي بس البرده مش راضيه تديه ليا
حبيبه بغيظ:دا اي كل ما اجيب حاجه عوزه تخدي منها بس كله كوم والشميز دا كوم تاني
عاصي :بس اسكتو كدا الواحد مبقاش لاقي ام يعرف يتكلم معاها بحسها اختي وهي لسه حلوه كدا
نور بضحك :تعالي عايز اي يا لمض
عاصي برجاء:عاوز اخطب البت ندي جوزك اللي هو ابويا وافق علي الجوازه اسم بس فين الشكل بقا مش عارف
نور بستغراب:ما احنا مستنين موافقة ولدتها ولا هنروح من غير ما هي توافق يعني
عاصي :لاء هي وفقت بس بتقول نروح نطلبها من جدها اللي هو في البلد يعني اهل ابوها
نور بصت لعاصي :طيب ما هو جدها مش هيوافق اكيد علشان علي كلامها كان عاوز يجوزها لواحد تاني
عاصي :لاء ما هو انا هاخد ابويا واعمامي واسر واروح رجاله بس يعني نشوف الوضع اي واكيد لما يشوفونا ويعرفو احنا مين هيقولو عريس ميترفضش

 

 

نور :طيب كويس عوزني اعمل اي انا بقاا متقول لابوك وكلم اعمامك وعرفهم واللي فيه الخير يقدمه ربنا
عاصي وقف رايح جي في الاوضه : يسوااادي… ورجع قعد يما والنبي افهمي انتي لما تتكلمي مع ابويا غيري يعني انتي مراته هتتكلمي معاه وسعادة ابننا وكدا هيوافق علطول لان لو انا اتكلمت معاه في حكاية نروح لأهلها البلد من غير احم ولا دستور كدا هيقولي دا فيلم فندي وبطلعه عليا ولا اي انتي عرفه ابويااا يعني
نور :انا هكلمه النهارده حاضر ولما نشوف وانشالله خير المهم استني متطلعش الا لما اعمل عشي وتاكل معانا
عاصي باس راسها :عليا الطلاق من البت ندي قبل ما اتجوزها انا بحبك بس انا لسه واكل كلو انتو
حبيبه :عاااصي استني يلااا هات عشين جنيه
عاصي :مفيش الل عشه تمشي ولا تسبيها وتسكتي
حبيبه :تمشي اووي هاتها واخدتها منه وحطتها في جراب الفون وبدأت تعلق الهدوم بتاعتها في الدولاب
نور :رتبي الاوضه والصالون يا حبيبه علي ما اعمل الكبده علشان ابوكي اكيد هيرجع جعان
حبيبه :طيب ما هو في اكل تحت عند ماما نڤين هتعملي كبده لي بقاا
نور :نفسي راحه ليهاا اووي اووي يعني
حبيبه :بس بيقولو الكبده للحامل بتشوه الجنين
نور :كلها افلام انا اكلت فيكي كبده لما شبعت والحمدالله خلفتك زي الفل وراحت علي المطبخ طلعت الكبده وبدأت تعملها
حبيبه راحت ليها :ماما انا هطلع لزهره ابات معاها النهارده مش عرفه مالها كدا حسه انها زعلانه من حاجه
نور :خلاص ماشي بس استني لما تكلي
حبيبه :لاء عاصي واسر كانو عزمينا النهارده في مطعم
نور :بالهنا علي قلبكم
حبيبه طلعت ورنت الجرس نسمه فتحت
حبيبه :نسوم فين بنتك
نسمه :فوق عند اسر يا قلب نسوم
حبيبه بستغراب :اشمعنا بتعمل اي عند اسر
نسمه :مش عرفه والله اطلعي ليهم شوفيهم وتعالي
حبيبه طلعت علي فوق وفتحت الباب وخبطت علي قوضة اسر
اسر :ادخل

 

 

حبيبه دخلت ملقتش زهره :الاه هي زهره مش هنا ولا اي
اسر بضيق :زهره لاء مجيتش
حبيبه :اصل سألت نسوم قالت ليا فوق عند اسر …بس انت بتلبس ورايح علي فين كدا
اسر بغضب :لاء يا حبيبي زهره مش هنا وانا خارج مع صحابي شويه هنسر وكدا
حبيبه :خارج وهتسهر فين ومع مين وهتيجي امتي ومقولتش ليا لي ؟
اسر بص ليها وهو بيلبس الساعه بتاعته :لاء حوار ان لما اجي اخرج اخد الاذن دا مش بتاعي ومش هعمله يا روحي انا انا رايح فين رايح الفيله اللي في القاهره واحتمال ابات علشان صحابي معايا.
حبيبه دخلت وقفلت الباب :لاء فهمني كدا ثواني مش هتقول لمين انت رايح فين وجي منين مش هتقولي انا ؟
اسر بلا مبالاه :عوزه خناقه يعني طيب لما ارجع نكمل يلا باي ولسه هيخرج
حبيبه زعقت :اسر انت رايح فين استني بكلمك
اسر بتحذير :انتي صوتك عالي ولا انا بتهيألي يا حبيبه علشان لو عالي اسكتك خالص
حبيبه بغضب :بجد هتسكتني ا اي بقاا يا حضرت الظابط هتضربني وتفرد قوتك عليا دي المرجله يعني
اسر كلامها استفزه لدرجة غير محدوده راح شددها عليه ومسك شعرها وباسها بقوه وعض شفتها بغل وبعدها سابها
اسر مسح شفايفه علشان حبيبه كانت حطة زبدة شفايف :دا مجرد تحذير بلاش تختبري غضبي علشان هيزعلك جامد
حبيبه بوجع وهي حطة ايدها علي شفايفها :انت متخلف دا حركة تعملها فيا لما بابا يسأل اي عور شفيفك كدا اقوله اي
اسر بهدوء كاذب:بغض النظر ان شتمتك ليا بس هقولك هقولك قوليلو اي قولي اسر عضني وعورني يا بابا
حبيبه بدموع :حاضر يا اسر ولسه هتنزل
اسر مسك ايدها وحضنها بقوة : حقك عليا بس انا مخنوق بسبب حوار ومكنتش عاوز ضيقي يجي فيكي اناي بس دا اللي حصل
حبيبه بوجع :وانت مضايق لي يا حبيبي اي اللي مزعلك

 

 

اسر بص ليها :زهره كلمت واحد من علي النت وضحك عليها وفضل يسحب منها فلوس تعدي 10 تلاف جنيه
حبيبه حطت ايدها علي بوقها بصدمه :ينهاااري ابيه قاسم اخد باله
اسر :الرسايل بتاعت البنك كانت بتيجي علي فوني انا وكنت كل فتره برجع الفلوس تاني زي ما اتسحبت بس كنت مفكر ان نسمه اللي بتاخد الفلوس متخيلتش ان المتخلفه دي تعمل كدا
حبيبه :انت عرفت منين
اسر :ايجة ليا وفضلت تعيط وبعديها حكت ليا
حبيبه :اوعا تكون عنلت ليها حاجه
اسر :كنت هعمل لولا عاصي اللي اخدها من ايدي
حبيبه :خلاص متزعلش نفسك غلطة ومش متتكرر انشالله وقالت ببرائة المهم انت رايح فين بقاا
اسر بضحك : انا بدأت اجهز في الفيلا اللي هنتجوز فيها ورايح اسلمها للمهندس
حبيبه بفرحه :بتتكلم جد
اسر :جد الجد يا يت بيبو
حبيبه :انا بحبك اووي يا اسر
اسر :مش اكتر مني يا قلب اسر المهم يلا انزلي زهره زمانها بقت في اوضتها دلوقتي
…………………
في شقة غسان
غسان دخل الشقة وحط المفاتيح علي البار واترمي علي كنبة الصاله :نووور
نور من المطبخ :تعالي يا حبيبي انا في المطبخ
غسان قام وراح ليها :يا جمالك انتي والكبده
نور ببتسامه :ريحتها حلوه
غسان فتح الحله واكل حته منها :طعمها يجنن
نور :يلا غير هدومك علي ما اغرف يلاا
غسان باس خدها ودخل علي الاوضة لقي البجامه بتاعته علي السرير دخل الحمام اخد شور ولبس وطلع
غسان :حبيبه فين صحيها تاكل معانا
نور وهي بتصب الشاي في المجات:حبيبه طلعت تبات مع زهره مش عرفه زعلانه لي وكدا
غسان سكت ورجع اتكلم :مش عاجبني انها تبات غي شقة حد بس هعديها المره دي بمزاجي ومش عاوزها تتكرر
نور قعدت :حاضر يا حبيبي بس بقولك اي عاصي اتكلم مع ندي وقالت ان ولدتها موافقه علي الخطوبه كدا بس في شرط وهو انكم ترحو تطلبوها من جدها في البلد

 

 

غسان وهو بياكل :طيب ما جدها اكيد هيرفض
نور :طيب ما تروح انت واخواتك وشوف وهو اكيد عمره ما هيرفض عريس زي عاصي وكمان انت مش قليل في البلد
غسان بتقكير :ايوا نروح علي امتي خايف يكون الحمار اللي خلفته مسألش
نور بضحك :لاء اطمن الحمار سأل وخطيبة الحمار قالت هنروح يوم الجمعه
غسان :خلاص يوم الجمعه نروح واللي فيه الخير يقدمه ربنا
نور بدلع :انا عوزه اسألك سؤال بقااا
غسان برفع حاجب :اسألي
نور :انا كنت عوزه اعمل مفجأة ليك في عيد ميلادك بس عندي طلب
غسان :طلب ولا سؤال حددي بس ؟
نور بغيظ:مش عوزه حاجه يعم الاه
غسان بضحك :خلاص والله اطلبي يا قلبي
نور :عوزه مبلغ كبير سيكا
غسان :قد اي يعني ؟
نور :6 الاف جنيه
غسان بص ليها :هديكي بس اعرف لي برضو وهتعملي بيهم اي
نور :لاء هعمل بيهم اي بقااا دي مفجأة مش هقول بس والله مش هتندم صدقني
غسان وهو بيشرب الشاي :اتمني بس حاضر عوزاهم امتي
نور :بكرا الصبح

 

 

غسان :المحفظة جوا فيها الفيزا خديها اسحبي منها 6 ومتزوديش يا نور انا بقولك اهو 6 بس
نور بفرحه راحت حضنته وباست خده :بحبك بحبك بحبك ومع كل كلمه بتبوسه بقوة من خده
غسان :علي كدا المبلغ دا مهم عندك اووي
نور بحب :اووي المهم اكلني بقاا
غسان غرز الشوكه في الكبده واكلها :هتاكلي بسيط علشان الكبده غلط اكلها كتير
نور هزت راسها :غسان حبيبه مش راضيه تديني الشميز بتاعها
غسان بستغراب :شميز اي دا
نور :اشترت هدوم جديده وفيهم شكيز جميل اووي وهي مش راضيه تدي ليا بص استني هقيسه ليك وارجع وجريت علي الاوضه بتاعت حبيبه تلبسه
غسان بضحك :هو انا مخلف مين بقا دي ام يا نااس بتخانق بنتها علي الهدووم
نور لبست بنطلون اسود ضيق وفي خط بيج من الجنب لون القميص والقميص عليه ورد صغير اسود وشكله جاامد
نور :حبيبي بص اي رأيك في الطقم بقاا
غسان بص عليها من تحت لفوق بصدمه :نعم ؟!
نور بصت ليه :الشميز اي رأيك فيه
غسان برفع حاجب :ايوا جميل وحلو وقمر مين بقا اللي هيبلس دا ؟
نور بصت لشميز ورجعت بصت لغسان ببتسامه :انا

 

 

غسان بصوت عالي :نعم ياروح امك مين اللي هيبلبس الزفت دا تاني مسمعتش معلش
نور بخضه :اهدي يروحي بس هو في اي ما هو حلو اهو
غسان راح عندها بغضب وحط ايده علي جسمها ومشاها :وهتمشي كدا
نور بخجل :بس يا غسان بطل انا باخد رأيك لسه
غسان :ورأيي البتاع دا وحش ولا انتي ولا حبيبه هتلبسوه
نور :ملكش دعوه بالبنطلون انا بسألك علي القميص بس هو واسع اهو وجميل انا هلبسه علي جيبه اصلا
غسان :وحياة امك ولا جيبه ولا بنطلون ولا انتي لبساه خالص علشان نخلص من ميتين ام الحوار دا خالص
نور بغيظ :طييييييب ودخلت غيرته وطلعت
غسان :هاتي الاب توب من جوا يا نور معلش
نور قامت من علي الكنبه بغيظ وراحت علي الاوضه وجابت الاب توب :اتفضل
غسان اخده :شكرا يا جميل
نور راحت قعدة ومسكت المبرد بتاع الضوافر وفضلت تبرد ضوافرها بغيظ تام منه
………………….
عاصي بيكلم ندي فون وبيلعب بابجي علي الاب
ندي :بس مش عرفه البس في الخطوبه فستان لونه اي
عاصي :انزل تحت وانا احمي ضهرك
ندي بصت علي الفون :عااااصي انت بتعمل اي
عاصي :معلش يا روحي مش واخد بالي بتقولي اي
ندي :بقول اي دا انا قولت كل حاجه في المكالمه دي وانت اصلا مش هنا اقفل يا عاااصي
عاصي :اهدي يا بت الجيم هيضيع مش عارف اركز
ندي :تركز في اييي يا عاصي علي فكرة زعلت انا بكلمك في حجات مهمه وانت بتلعب خلاص باي وروح كمل لعب ياعم
عاصي :اهدي بس يا ندووش انا معاكي والله اهو
ندي :لاء مش معايا انت مع بابجي يا عاصي خلاص روح العب بقا وسبني في حالي هروح انام
ناديه دخلت علي ندي :ندي قومي شطبي المطبخ بقاا
ندي :ماما انا بكلم عاصي

 

 

ناديه بصت ليها وقالت بدموع :طيب بما ان بتكلمي عاصي عرفيه ان جدك جي بكرا وجايب معاه المأذون يكتب كتابك علي ابراهيم
عاصي بصدمه :يكتب علي مين يا حماتي ندي في حكم خطبتي دلوقتي ومتقلقيش مش هيلاقي غيري واقف في وشه
ناديه بعياط :بصفتك اي يابني حتي لو خطيبها دا حتي مفيش دبله تسبت الكلام دا
عاصي اقفلي كدا يا امي وانزلي يا ندي افتحي الباب بتاعكم وقفل ونزل جري علي شقة نفين
عاصي بسرعه :يا ستي ستي ستي
نڤين طلعت من قوضتها بسرعه :تعالي يا حبيبي مالك في اي حد حصله حاجه
عاصي :لاء الكل كويس بس عاوز دبله او خاتم خطوبه حالا
نفين بستغراب :اشمعنا
عاصي :بصي الموضوع كبير هاتي بس خاتم جواز وبعدها هفهمك
نفين دخلت قوضتها وفضلت شويه وطلعت في علبه فيها خاتم من الالماس :الخاتم دا بتاع حماتي انا يعاصي انا متأكده انك هتديه لندي علشان كدا بسلمه ليك
عاصي باس ايدها واخد الخاتم ونزل عند بيت ندي كانت عزه فتحت ليه
عاصي :ازيك يا بطه
عزه :ازيك يا غالي اطلع ماما وندي فوق
عاصي طلع واول ما دخل طلع الخاتم ولبسه لندي فوق صدمة امها وندي
ندي بدموع وذهول :دا الماس يا عاصي
عاصي :ولو في اغلي منه هجيب يا ندي ودا مش الشبكة في اكتر من كدا بس دا علشان تبقي محجوزه ليا ودا بعد اذن حضرتك يا امي
ناديه :والله يابني انا شايفه بنتي مبسوطه وهي معاك يبقي ربنا يسعدك ويسعدها
عاصي ببتسامه :يعني انا خاطب رسمي
ندي بغرور :مش رسمي اووي يعني
ناديه :طيب هدخل اعملكم عصير وارجعلكم
عاصي :علي اقل من مهلك يا غاليه وقعد جنب ندي اللي بتصور في الخاتم
عاصي :عرفه ايدك مخلية الخاتم حلو اووي
ندي بضحك :عاصي انا عمري ما كنت اتخيل ان البس حاجه الماس انا كان اخري اشوف عبدالله التركي وهو بيلبس هايدي الخاتم الماس بس كدا

 

 

عاصي :بغض النظر عن الناس اللي قولتيها اللي مش عرفهم دول بس انا هلبسك وهجيبلك اللي انتي عوزاه يا ندوش
ندي بصت ليه :تعرف عمري ما كنت اتخيل ان هتخطب لوحد بعضلات زيك كدا ولا شعره حبو زيك كدا بصراحه انت حلم يا عاصي حلم كبير عليا اووي
عاصي مسك ايدها بحب :وافرحي اهو بقا حقيقه ياستي وكل اللي جي فرح وسعاده وبس
عزه قعدة قدامهم وحطه رجل علي رجل بغيظ:ما تقدرو السناجل اللي هنا يا باسا انت وهو
عاصي ساب ندي وبص لعزه :ابعدي يابت يا ندي انتي لازقه فيا كدا ليه اما الجميل لو كان كبير شويه كنت سبتني من البت ندي واخدت القمر دا بس انتي صغيره اوي يا وزتي
عزه بمرح :ما دا من حظي في الدنيا يا غالي
………………….
عند محمد
محمد قاعد جنب سيف :تنااام يا بابا نام يا حبيبي اتخمد يابني
سيف :طب ما انا نايم اهو هنام ازاي وانا كل ما اروح في النوم تصحيني
محمد :لسانك اللي عايز يتقطع دا مش هيطول معايا
يمني خبطت علي اوضة سيف كانت لبسه قميص نوم وفوقه روب مقفول :نام ولا لسه
محمد :علي وشك النوم اهو وبص ليها كويس بس اي الشياكة دي بس امسحي الروج وحياة ابوكي
يمني بضحك : حاضر همسحه بس لو اتأخرت شويه كمان هتيجي تغطيني ونام انا حذرتك اهو
محمد :طب روحي اعملي اتنين قهوه وتعالي
يمني وهي تقريبا متلجه :محمد انا مش حسه بجسمي الجو تلج متلج
محمد :طيب روحي غيري والبسي بجامه وتعالي
يمني بصت ليه :مش هتزعل لو قلعته يعني
محمد بص علي سيف اللي راح في النوم غطاه كويس وراح مسك ايدها واخدها علي اوضة النوم :بصي انا مش من الرجاله اللي تحب مراتها تلبس وتشيك علشان تغريني او تثبت انها انثي انا بنسبه ليا بحب مراتي وبحب اشوفها في اي حاجه بتلبسها مش شرط قميص نوم انا شايفك جميله في كل حاجه
يمني بصت لعيونه بحب وحضنته :عمري ما هندم لحظه ان حبيتك
محمد بمكر :طب اي مش وحشك حبيبك ولا اي
يمني بخجل :انا بين ايد حبيبي اهو اللي هو عوزه يعمله بقااا ودي كانت دعوة صريحة من يمني لمحمد …
………………

 

 

عند نسمه
نسمه ماشيه في المول بتشتري حجات للبيت وقاسم بيزق العربيه
قاسم :يارب نخلص علان اتخنقت
نسمه :قاسم اهدي كدا انا لسه بشتري لسه عوزه دقيق وعوزه بيض وعوزه كريم كرميل وعوزه حجات كتير
قاسم :اي طلبات البيتزا دي
نسمه :يا حبيبي حجات بحتاجها في المطبخ اصبر شويه بس
قاسم راح لقي زجاجة بيرا وقف قصادها نسمه راحت جنبه
نسمه :اي يا روحي عقلك بيشاورك تجيبها
قاسم :والله يا نسوم الانواع حلوه بس فرحت ربك بيكي احلي
نسمه شدت ايده:يلا يا روحي خلينا نخلص بقاا
قاسم :طيب هاتي جبنه بيضا علشان بحبها
نسمه جابت كل طلبات البيت من فاكهة وخصار وخضروات وجبن وكل حاجه وقاسم حاسب ومشيو قاسم ماشي معاها في المول وهي حطه ايدها في ايده
نسمه وهي بصه ليه :قاسم بما اننا في كيرو فستيفال وديني كوستاا اشرب من هناك ايس كوفي علشان خطري
قاسم :مش هنخسر حاجه خلينا نروح نعد شويه لينا
نسمه :بشرط مش هتشيش
قاسم بضحك :انتي اي مشكله مع الشيشه في كوستا في الرحاب اشطااا اشرب انما هنا تقولي والله مهتشرب اي الفكره بقااا
نسمه :غاليه هنا اووي لكن في الرحاب ب 50
قاسم قعد وطلب المنيو :اممم ناكل ولا نشرب ولا نعمل اي بقاا
نسمه :في هنا بيتزا جمبري اطلب لياا
قاسم :طيب يا حبيبي وطلب اكل وفضلو يتكلمو ويضحكو
………………….

 

 

عند عمر ونورهان
عمر بزعيق :وضعك مش عاجبني ولا مريحني في لي مالك عرفيني
نورهان :براحه عليها يا عمر
عمر بزعيق :متدخليش بيني وبين فرحه اخفي من قدامي الوقتي
فرحه دموعها نازله :يا بابا انا عملت اي انا قعدة في قوضتي علطول يا بذاكر يا نايمه مزعلاك في اي يعني
عمر بصوت عالي :مزعلاني في ان دي مش بنتي اناي من امتي وانتي كئيبه وحزينه كدا بالمنظوك دا وحياتك دي بتشككيني فيكي والاخر مره هسألك فيكي اي يا فرحه
فرحه بصت ليه بدموع :وانا كل مره بقولك مفيش حاجه يا بابا ولو في بزعيقك ليا دا مش هقول
عمر بزعيق :وانا بزعق لي المره دي علشان اتكلمت بهدوء مره واتنين وتلاته والف والمره دي مش هتكلم بالصوت المره دي حقي امد ايدي عليكي يا فرحه
فرحه راحت قدامه بعيون حزينه :انا قدامك اهو يا بابا مد ايدك عليا موتني اعمل فيا اللي انتي عوزه يمكن ارتاح من الوجع اللي في قلبي
عمر بحنان :واي اللي انتي فيه يا فرحه وجع اي احكي يا حبيبة ابوكي انا معاكي اهو هسمعك
فرحه بدموع :طيب تقدر تسبني النهارده وانا اوعدك ان احكي ليك كل اللي في قلبي
عمر بحنان :حاضر يا حبيبه هسيبك النهارده بس بحرا مش هسكت وهتحكي ويلا روحي نامي
فرحه هزت راسها ودخلت اوضتها واتفتحت في العياط
عمر وقف قدام قوضته مسح وشه من شدة الوجع اللي بنته فيه كأنه حاسس بيه ودخل علي اوضته كانت نورهان نايمه علي السرير وضهرها ليه

 

 

نورهان :اقفل النور وخليني انام
عمر :حقك عليا متزعليش بس انا حاسس بفرحه يا نورهان وعارف ان فيها حاجه وكان لازم اعرف فيها اي ولو انتي ادخلتي في الكلام هي هتخدك حمايه ليها ومش هتتكلم
نورهان :انا عرفه بنتي فيها اي يا عمر بس سيباها تتكلم لوحدها
عمر :فيها اي احكي
نورهان اتعدلت :فرحه بتحب اسر يا عمر
عمر :…………………

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية حين تقع في الحب)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى