روايات

رواية خادمة الفهد الفصل السابع عشر 17 بقلم صفاء حسني

رواية خادمة الفهد الفصل السابع عشر 17 بقلم صفاء حسني

رواية خادمة الفهد الجزء السابع عشر

رواية خادمة الفهد البارت السابع عشر

رواية خادمة الفهد الحلقة السابعة عشر

اشارت ملك ل فهد وعندما اقترب منها سألته
هو انت هتزعل لو روحت معاهم
رد فهد
‏اكيد ازعل انتى ناسيه كل حاجه ومش عايز حد يستغلك
‏اتنهدت ملك
‏لكن انا مش عاوزه اروح معاك بخاف منك
‏نظر لها وهو مستغرب
بتخافي منى انا ليه
ردت ملك وقالت
الصراحه انت على طول متعصب كدة وانا بخاف منك ومش حاسه انى اعرفك

 

 

استغرب فهد وجوابها بهدوء
انا متعصب عشان انتى عنيدة يا قلبي واحنا ماكملناش اسبوع متجوزين عشان تاخدى عليا
سالته ملك
طيب فين صور فرحنا
مسكت ليلي في الكلمه دي وقالت
يا بنتى الشخص ده بيضحك عليكى، ومش متجوزك ده خطفك من البلد، وانتى راجعه من المصنع وقعدنا ندور عليكى بألنا سنه، ودلوقتي بيقول مراتي صح يا ابو هبه
هز راسه محمد ورد
احنا فعلا منعرفش انتى كنت فين، ودورنا
عليكي كتيره ومن يومين شوفت صور ليكي علي جروب المفقودين ان تم العثور عليكي، في المستشفى هنا وجيت بسرعه وفجاة قال لينا انه اتجوزك
بدا يغضب فهد واتأكد ان هبه عندها حق وسالهم
هى مشكلتكم الفرح تمام انا بتقدم لحضرتك وعايز اتجوز بنتكم ملك وتشرفونى فى البيت واعملها احسن فرح
كانت ليلي متغاظة لكن فكرت مع نفسها وابتسمت وقالت
مفيش مشكله لكن رجلنا على رجلها لحد ما نتأكد انك اتجوزتها
تدخلت هبه وقالت

 

 

لا يا ست الكل انتى مينفعش تيجي معانا انا هكون مع ملوكتى حبيبتي وانتى ترجعى بالسلامة على البيت انتى وبابا عشان شغله المتعطل، اخ نسيت انتى اطلقتى تانى طيب المرة دي هاأدور على مين محلل عشان انتى اتعودتي اول ما تزهقى تعصبي بابا وتخرجيه عن شعوره يروحي يطلقك وتدور على واد يكون محلل تقضّى معه وبعد كده تطلّقى وترجعى صح
غضبت ليلي وقربت تمسك هبه من شعرها
وقف اقدمها فارس وقال
عندك يا ست الكل عيب تضربى عروسه وفين ..هنا ؟
زعقت ليلي
ومش عيب الكلام اللي بتقول عديمة الرباية دى
ضحكت هبه بسخرية وقالت
انا متربية احسن منك ومش تربيتك انتى تربيه طنط عبير ام ملك الله يرحمها ويغفر لها هى اللي ربيتنى احسن تربيه فى الوقت اللي انتى كان كل همك نفسك وبس
وصلت ليلي على اخيرها وبسقت على الارض
ياخسارة البطن اللى شالتك ياريت كنت موتك قبل ما تيجي
قربت هبه من ابوها بندم وقالت
لحقت تأثر عليك سيبيها تهين فيا
بلع ريقه محمد وقال

 

 

يا هبه محدش يزعل من الاصول البنت ماينفعش تتجوز من غير موافقه ولى الامر وانا ولى امرها وثانيا انتى بنتى المتربية مينفعش تغلطى فى امك احنا مش ربناكى على كده
شهقت هبه وقالت
انا أفوض امرى لله منكم مفيش فايده، انت بتدافع عنها بعد ما اجبرتنى انخطب، ل واد صايع كان يتعدى على بنتك وانت طردته ووعدتنى تحمينى وتخلينى اكمل تعليمى كل وعودك راحت فجاة عشان اترميت فى حضنها
رفع محمد ايده عشان يضرب هبه
مسك ايده فارس وقال
انا شايف انكم مكبرين الموضوع انا عندي الحل
هاتقعدوا فى بيتى معززين مكرمين لحد ما يتم تجهيز فرح على الضيق وكتب كتب ويجى فهد ياخد عروسته احسن من المشوار البلد رايح جاي ايه رايك يا فهد
كان كل اللى بيحصل قدام ملك اللى انصدمت ب اللى بيحصل وحاسة انها فى دوامة فمسكت ايد فهد وسحبته نحوها
انخفض فهد منها وقال
انا منتظر اسمع رأيك واللى انتى عاوزاه انا انفذه
اتشعلقت ملك في رقبته ونظرت فى عيونه وقالت
انا عاوزه اجي معاك عشان فى عيونك بحس انك اكتر شخص بيخاف عليا ومصدقاك خدنى معاك لو سمحت ولو زوجي بجد اثبت للكل وشيلنى في حضنك وخرجنى من هنا
شعر فهد بضربات قلبه بيدق بشدة لم يستطيع ان يقاوم هذه المشاعر والايد الصغيرة التى تحتويه من رقبته وهمسها ونفسها لم ينتظر ان يفكر وحملها بين احضنها وطلب من الدكتور يكتبلها على خروج
كان يعترض الدكتور
غضب فهد وكان بتعصب رفعت ايديها ووضعته فى فمه وقالت
بلاش غضب ارجوك عشان مااخافش منك ووجهت كلامها ل الدكتور

 

 

انت طلبت منى اعتبر حياتي كانى بمثل مشهد واعيش اللى باأحسه وانا حسيت ان الشخص ده اكتر شخص بيحبنى مايغركش عصبيته وغضبه لكن عيونه لم بتيجي فى عيونى بتلمع وبتكلمنى عن كل حاجه هو بيخبيها
كان فهد مصدوم من كلامها ورقتها وقرات احساسه بالسرعة دي الاحساس الا بيداريه عن نفسه
هز راسه الدكتور قال
اللي تشوفيه
وطلب من الممرضه الورق عشان يكتبلها اذن الخروج
بعد ما انتهى وبيعطى الورق ل فهد عشان يمضيه
نظر لها وطلب منها تنزل لحد ما يمضي
كشرت مثل الطفلة اللى ماصدقت تترممى في حضن ابوها
ابتسم فهد واشار ل فارس
اقترب فارس وهو مبتسم مش مصدق ان فهد بقي زى الخاتم فى ايد ملك مش معقول ده فهد
اخد الورقه ومسكه واقربه من فهد ووضع القلم في فم فهد وقرب الورق وكتب اسمه ب حركة القلم من بوقه
الكل كان مزهول حتي ملك كانت ما بين ايده وتنظر له بهيام وبعد ما انتهى رفعت ايديها ما بين رقبته وكتفه وراسها على صدره وهى تسمع دقّة قلبه
خرج فهد ومحدش يقدر يتكلم عشان هى اللى اختارت يعني صدقته
خرج بيها قدام المستشفى كلها لحد ما وصل ل العربيه
ابتسمت ليلي وهى شايفه ملك واللى عملته وفى سرها
تربية ايدى بنت اللعيبة فى ثانية بلفت الراجل وخليته يشيلها روحت معه وكانت تقول عليا فاجرة انا ايه جنبها
ومش بعيد تخليه ينام معها وهما فى بحر الغرام
يا خبر انا بس تخيلت جسمي كله بقي نار
مسكت ايد محمد يلا بينا يا رجل واقف ليه ركبت خلاص
ترك ايديها محمد ورفض يمشي معها
انصدمت ليلي فى ايه مالك
اتنهدت محمد وقال

 

 

انا عملت كده عشان اتاكد ان كان الواد ده جوزها واللا ..لأ والحمد لله طلع جوزها وبيحبها وربنا عوضها ودلوقتي طريقي غير طريقك
نظرت له ليلي بغضب
انا مش لعبة في ايدك انا تعبت بجد وبنتك عندها حق انتى السبب انى بقيت كدة
ضحك محمد بسخرية وقال
انا اللى كنت لعبة في ايدك كنت تحت طوعك سنين لكن خلاص خلصت
استغربت ليلي وسالته
طيب ليه رفعت ايدك علي بنتك مدام انك خرجت من تحت طوعى
ضحك محمد عشان كنت عايز اتاكد من حاجه ارجع البلد البيت عندك اشبعي بيه واللا تشبعى ازى وانتى طول عمرك جعانة مش بتشبعي انا عارف ان عينك علي البيت والورشة هتلاقي محامى منتظرك تمضى علي تنازل عن الشيكات اللي كتبتهم عليا مقابل البيت والورشة وجيبى ولد صغير يشبعك
سلام
واتجه نحو هبة وفارس وهو بيشكره
ضحك فارس وقال
والله يا عمي ماكنتش متصور انك شاطر في التمثيل كده

 

 

ضحكت هبه ثم كشرت وقالت
لكن انا زعلانه كنت هاتضربنى بالقلم
شدها وحضنها وقال
انا اكتر يا قلبي ماأنكرش انى زعلت انك اهانتى امك لكن لو الرساله اللى بعتيها لي وانا فى الاسانسير ماكنتش عرفت اتصرف
نظر لهم فارس وسالهم
مش فاهم انتم ليه عملتوا كده ممكن افهم

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية خادمة الفهد)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى