رواية يوميات زوجة كوميدية الفصل الرابع 4 بقلم لمياء علاء
 |
| رواية يوميات زوجة كوميدية الفصل الرابع 4 بقلم لمياء علاء |
رواية يوميات زوجة كوميدية الفصل الرابع 4 بقلم لمياء علاء
يزن / عايزة أطلب منك طلب صغنطط قد كدة؟!
يزن/ إممم.
ورد/ عايزة أروح لماما وبابا عشان وحشوني أوووي وأنا أكيد وحشتهم برضوا????
يزن/ الشهادة لله، دا زمانهم بيدعوا إن ربنا ريحهم من زنك.
ورد وهي ترفع سبابتها أمام يزن/ بلاش غلط يا يزن عشان متزعلش
يزن/ خلاص، ما هي أصل الحقيقة بتوجع.
ورد/ يزاااان
………………………….
في بيت والدة ووالد ورد
ورد/ وحشتيني يا ماما جدا إنتِ وبابا
والدة ورد/ أيه اللي جابك يا بت، دا انتِ بقالكيش شهرين جواز يا مجنونة يا بنت المجنونة.
ورد/ يعني كدة تستقبلي بنتك حبيبتك بعد غيبة طويلة
والدة ورد/ ليه كنت مسافرة لبلاد برة يا نن عين أمك.
يزن وهو ممسكًا الضحك/ معلش يا حماتي أصلك وحشتيني أنا.
والدة ورد/ تعالى يا غالي، والله إنت خسارة في عود القصب ده.
ورد مصطنعة الزعل/ أنا عود قصب وهو الغالي، طب وأنا، دا أنا بنتك، مفكرتيش في مشاعري، هو إنتِ لقياني في الشارع.
يزن وقد انفجر في الضحك/ أه والنبي يا حماتي دلعيني أصل فيه واحدة ليل نهار منكدة عليا.
والدة ورد/ عارفاها مقصوفة الرقبة
يزن وهو يطلع لسانه ليغيظ ورد ويدندن/ حماتي بتحبني، حماتي بتحبني
ورد بغيظ/ خلي حبها ينفعك وشوف مين اللي باقيلك بقى، أنا هروح لبابا حبيبي، يا بابا، يا بابا
والد ورد/ تعالي يا ورد وحشتيني يا روحي
ورد/ وإنت كمان با بابا
والد ورد/ أهلا بالغالي
يزن/ أهلا بحضرتك يا عمي
ورد / يرضيك ماما تحب يزن أكتر مني
يزن/ لا المفروض تحبني أنا
ورد/ بس أنا بنتها
يزن/ وأنا جوز بنتها
ورد وهي تطلع له لسانها/ جوز هند????
يزن/ لينا بيت يلمنا ????
……………………………
على الغداء
والدة ورد/ عملتلك المكرونة بالبشاميل اللي بتحبها يا يزن، كل يا حبيبي إنت هفتان كدة ليه، هي مش بتعملك أكل ولا أيه
يزن/ والله يا حماتي جيتي عالجرح، أصل فيه واحدة مجوعاني دايمًا، معيشاني عالأندومي.
والدة يزن/ هو أنا يا بت مش قايلالك تأكلي جوزك
ورد وهي تنظر ليزن ووالدتها/ أنا شايفة حنية غير طبيعية وكإن أنا بنت البطة السودة
والدة يزن/ شوف البت
يزن بمصطنعًا اللامبالاة/ حماتي سيبك منها وهاتيلي طبق السلطة ده.
ورد وهي تتناول الأكل وهي تنظر ليزن ووالدتها وهي تبرطم بالكلام/ ما أنا غلطانة برضوا إن جيت، عمالة تدلع فيه وتأكله وبابا فرحان بيه، يارب الأكل يقف في زورك
يزن وهو بنظر لها ويغيظها/ بتبرطمي بأيه يا ور……كح…كح…..كح
ورد وقد انفجرت في الضحك
والدة ورد جريت على يزن وناولته كوباية ماية/ عين وصابتك يا قلب حماتك
ورد/ معلش يا بيبي ????
يزن بعدما التقط أنفاسه وهو ينظر لورد وقال/ دا عين راشقة فيا وفي الأكل يا حماتي.
ورد/ نينينينيني
والد ورد/ عيب يا ورد دا جوزك يا بنتي
يزن/ قولها يا عمي دا أنا لو قاتل لها قتيل مش هتعاملني كدة
ورد/ ماشي، ماشي
بعد نص ساعة كان الجميع بالصالون
ورد/ يوووه الواحد تعب من غسيل المواعين
يزن/ تعبانة من غسيل المواعين، إنتِ بتسمي دي مواعين
ورد/ بقولك أيه كنت غسلت إنتَ
والد ورد/ ورد عيب
ورد وهي تنظر ليزن الذي كتم ضحكته
والد ورد/ وبعدين هو إحنا مش هنشرب حاجة ولا غسلتِ طبقين وشكرا على كدة
ورد/ لا طبعا ازاي يا بابا فيه طبعا، عايزين تشربوا أيه
يزن لسه هيقول يشرب أيه/ أنا هشر…..
ورد/ ما عدا إنتَ، إنت مش هتشرب النهاردة قفلنا القهوة.
والدة ورد/ ورررررد
ورد/ يووووه بقى ما هو عمال يتريق عليا وانتم واقفين معاه
والد ورد بعصبية/ يالا على المطبخ وصوتك ميطلعش
يزن وقد كتم ضحكته ولكن سرعان ما شعر بالندم عندما رأى الدموع في عيون ورد
ورد وهي بتمسح دموعها في المطبخ/ طب والله ماشي، ما أنا ساكتاله عشان كدة اتمادى، ماشي
يزن/ ورد متزعليش مني
ورد/ يالا برة بدل ما ازعلك
يزن/ لسه برضوا لسانك طويل، هو مفيش حاجة بتأثر فيكِ خالص
ورد/ ولاااا، إنتَ فاكرني نايتي وبزعل وكدة، تؤتؤ دا أنا ورد بس ورد بشوكه، ويالا طرقنا عشان أعملك الشاي
يزن/ ماشي يا بت
ورد / أنا بت
يزن بضحك/ مش إنتِ قولتيلي واد يبقى خالصين
ورد/ ماشي هتشوف هعمل أيه
بعد شوية
ورد / الشاي
يزن/ يا ساتر يارب، خضتيني.
ورد/ معلش
يزن/ قهوة بوش
ورد بغيظ/ طب اشرب عشان نمشي
يزن باستغراب / ماشي هشرب وبدأ بالفعل يشرب الشاي / أيه ده، دا مش شاي بسكر، دا شاي بملح
ورد/ يوووه يقطعني اتلغبط بقى
يزن/ عليا انا، دا أنتِ قاصداها، بس معلش لينا بيت يلمنا
ورد/ نينينينيني
يزن بعد شوية هو وورد مشيوا
????????????????????????????????????????????
في البيت
يزن/ ورد
ورد/ ابعد عني الساعادي عشان عفاريت الدنيا بتتنطط في وشي
يزن/ لا والله، متزعليش يا قطة إن حمايا وحماتي دلعوني
ورد/ هم دلعوك صح؟!
يزن/ أه
ورد/ طب من هنا ورايح كله هيبقى نكد يا بيبي
يزن/ ليه كدة يا وردتي
ورد/ و مفيش عشا ونوم مفيش، وجريت على أوضتها وقفلتها
يزن بيخبط على الباب/ افتحي يا ورد
ورد/ تؤتؤ، ابقى قابلني، نام عالكنبة ولا أقولك نام عند اللي كانوا بيدلعوك
يزن/ بقى كدة
ورد/ أه
يزن/ ماشي يا زفت
ورد/ زفت على دماغك
يزن/ وربنا لسانك عايز قطعه
ورد/ قطع رقبتك
يزن/ طب وربنا لما تفتحي بس الباب
ورد بتغني / لااااي لاااااي لااااي
يزن/ ماشي يا ورد ماشي، طب أنا آسف مش عارف على أيه بس آسف، افتحي بقى
ورد/ تؤتؤ، عمري عمري ما هفتح لو حصل أيه
يزن/ طب هجبلك بيتزا وبيبسي
ورد وقد فتحت الباب
ورد ببراءة/ وشيبسي
يزن بضحك على ورد/ وشيبسي كمان
ورد/ وكيمو كونو عشان بحبه
يزن/ طب ما تيجي تاكليني أحسن
ورد/ يزاااااان
**************************
يزن /ورد….!!، يا ورد….!!، بتعمل أيه البت دي
فتح يزن باب الغرفة فلم يجد ورد، فنادى عليها مجددًا
ورد، يا ورد، إنتحرت دي ولا أيه
ورد/ أنا هنا أهو يا يزن
يزن/ إنتِ فين؟!
ورد/ أنا في الأوضة يا حبيبي، إنتَ مش شايفني، دا أنا شايفاك
يزن/ في أوضة مين، بسم الله الرحمن الرحيم، إنتِ إتلبستِ طيب عشان أجري ولا جرالك أيه، كنت عارف إنك هتموتي موتة شنيعة
ورد/ بعد الشر عليا يا حبيبي، أنا فوق الدولاب
يزن وهو ينظر لها/ بتعملي أيه عندك وطلعتي إزاي
ورد/ متسألش طلعت ازاي عشان دي قدرات خارقة يا بابا
يزن/ قدراااات!!، طب انزلي
ورد/ مش هينفع
يزن/ ليه عليكِ طار
ورد/ بسمع المسلسل ومعنديش إستعداد أضيع وقت
يزن/ مسلسل أيه مش خلصتيه؟!
ورد/ دا واحد غيره اسمه حب للإيجار
يزن/ يا شيخة اتقي الله دا انتِ جبارة خارجة من مسلسل داخلة للتاني ولا كأنك بتجاهدي
ورد/ بس بقى عايزة أسمع
يزن/ إنزليلي من عندك بدل ما أكسر الدولاب ده، وقاعدة فوق ليه؟!
ورد/ تغيير يا بيبي????
يزن/ طب إنزلي
ورد/ تؤتؤ
يزن/ لا والله، طب إنزلي هقولك حاجة
ورد/ تؤتؤ
يزن/ طب جبتلك حاجة حلوة
ورد/ أنا مش عيلة صغيرة، بتضحك عليا أنا عارفاك
يزن/ لا مش بضحك عليكِ يا روحي
ورد/ طب جبت أيه
يزن/ تعالي شوفي بنفسك
ورد/ شاكة فيك والله بس أمري لله كله فدى بطني بقى.
بعد ما ورد نزلت مسكها من قفاها
تعالي بقى عشان إنتِ قرفاني في عيشتي
ورد/ أاااااااااع، إلحقوني، أغيثوني.????
يتبع ……
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية العودة إلى الوراء للكاتبة روان ريحان
