Uncategorized

نوفيلا نكهة حبك الفصل التاسع 9 والأخير بقلم إيمان العطار

 نوفيلا نكهة حبك الفصل التاسع 9 بقلم إيمان العطار

نوفيلا نكهة حبك الفصل التاسع 9 بقلم إيمان العطار

نوفيلا نكهة حبك الفصل التاسع 9 والأخير بقلم إيمان العطار

في الصباح الباكر استيقظت ريماس او بالاصح هيا لم تنم من الاساس بعد مقابله مروان ليله امس 
استعدت ريماس ونزلت من الفندق بعد تلقيها اتصال من مروان يخبرها انه بالاسفل ينتظرها
خرجت من باب الفندق وجدت مروان يتكئ علي سيارته ينتظرها وما ان اقتربت منه فتح لها باب السياره ثم ركبت وانطلق بها
وصلوا الي مكان هادئ وطلب لها فطار
__ مروان انا مش عايزه فطار ولا اي حاجه ياريت تقول الي عايز تقوله علشان انا مش فاضيه
نظر لها مروان بتسليه
__ اممم مش فاضيه والهانم بقي هتروح تحضر حفلات فين النهارده علشان مش اتفاجأ بس
__ مروان هقوم اسيبك وامشي والله
مروان بضحك… خلاص خلاص سكت اهوه… ها بقي يا ستي اخبارك ايه وعملتي ايه طول السنين الي فاتت دي
سكتت ريماس ولم تجيبه بل كانت نظراتها غير مفسره غامضه لا تقدر علي الحديث معه كان شيئا لم يكن
انتبه مروان لحالتها وفهم ما يدور بداخلها دون حديث
__ انتي عارفه انك لسه زي ما انتي.. شكلك قمرر زي اول مره شوفتك فيها فاكره اول مره اتقابلنا
__ مروان انت عايز ايه بالظبط..، لو هنفتح في القديم انا وانت هنجرح بعض
__ ريماس انا مسبتكيش زمان انتي الي حطيتي اوهام في دماغك وصدقتيها وانا حاولت افهمك كذا مره مافهمتيش وكل مره كنتي بتبعديني عنك اكتر واتهمتيني اني عايزك علشان الميراث مع اني مكنتش اعرف حاجه زي كده..، ولا ليا علاقه بالي في نيه ابويا ومكنتش فاهم الموضوع ولما سمعتك بتغلطي في ابويا مقدرتش استحمل  
اختنقت ريماس بالدموع لاسترجاعها تلك الاحداث 
__ وكل دي اسباب كافيه تخليك تتخلي عني 
__ انا ما اتخليتش عنك يا ريماس انا اتمسكت بيكي لاخر لحظه انا بعد كده لما فهمت الموضوع وعرفت ان ليكي حق عند ابويا قاطعته من يومها ومرجعتش مصر وهو دا السبب الي خلاني بعدت ومقدرتش ارجعلك تاني ارجعلك ازاي وانتي ليكي حق وانا مش قادر اجيبهولك 
بس صدقيني مفرقتيش  بالي لحظه واحده طول الخمس سنين الي فاتت..، كنت مانع نفسي اشوفك علشان عارف اني لو شوفتك مش هقدر اسيبك 
ساعه لما شوفت صورك امبارح مقدرتش استحمل وفجأه لقيت نفسي قدامك معرفش ازاي 
هبطت دموعها دون اراده منها وتحدثت بصوت متقطع 
__ انت مش عارف السنين الي فاتت دي عدت عليا ازاي انت عارف كام مره احتاجتك كنت بتعذب كل يوم وانت مش معايا معرفتش اتخطاك كملت حياتي دفنت نفسي في الدراسه والشغل ونجحت وحققت حاجات كتير بس كل ده مكنش ليه معني ولا كنت بحس بيه وانت مش معايا..، تفتكر انا هقدر اسامحك علي كل العذاب ده 
ثم سكتت وبكت بغراره مد مروان انامله يمسح دموعها ولكنها منعته بغضب وابتعدت عنه 
__ انت عارف يوم ما كنت مسافر انا روحتلك المطار بس مقدرتش اقرب منك لقيتك ماسك ايد رانيا ومشيتوا قولت هو خلاص اختار طريقه وسافر 
نظر لها مروان بعتاب 
__ كنت تايه فعلا وقتها كنت عايزك انتي جنبي بس انتي كنت بتصديني بكل الطرق كانت اسؤا اجازه نزلتها 
سكتت ريماس ولم ترد فاكمل مروان 
__ انتي الي جيتي  امبارح الصبح  صح  
__ جيت فين
__ جيتي لغايه بيتي وهربتي ومتقوليش لا علشان قلبي حس بيكي..، كان عندي احساس قووي انه انتي حتي قبل ما اشوف صورك واعرف انك هنا..،
مد مروان يده ومسك كفها بقوه ورفض افلاته ونظر الي عيونها برجاء 
__ ريماس تعالي ننسي كل ده انا تعبت وانتي تعبتي كفايه بقي 
سحبت ريماس يدها من يده بالقوه ووقفت تنوي المغادره 
__ انا اسفه يا مروان مش هقدر..، وعن اذنك انا لازم امشي علشان مسافره بكره ولازم اجهز 
وتركته وغادرت من امامه مسرعه… 
(( حتي لو ابتعدنا حتي لو قل حديثنا انا دائما احملك في زوايه ما في قلبي)) 
********************************
بعد مقابلتها مع مروان عادت الي الفندق ولم تخرج مره اخري ورفضت الخروج مع مريم التي اصرت عليها كثيرا ولكن لم تستجيب لها لم يعد لديها طاقه لفعل اي شئ..
في اليوم التالي خرجت ريماس بصحبه مريم ومحمود في طريقهم للمطار…
كان بداخلها خيبه امل كبيره فلم تتوقع بمجرد رفضها لم يحاول مروان ان يتواصل معها مره اخري لم يتمسك بها
الم يكفيه تركه لها في الماضي كيف ستعيش بهذا الخذلان مره اخري.. كان هذا ما يدور في عقلها ولم تنتبه للطريق ولا لاي شئ فجأه توقفت السياره في مكان ما
نظرت ريماس حولها لم تجد المطار
__ احنا وقفنا هنا ليه
ردت عليها مريم
__ ما هو اصل الرحله بتاعتنا اتجلت معادها اتغير
ريماس باستغراب
__ يعني ايه اتاجلت هو في ايه
لم ترد مريم ونزلت من السياره هيا ومحمود فصاحت فيهم ريماس
__ خدوا هنا تعالوا انتوا مبتردوش عليا ليه 
نزلت من السياره خلفهم ولم تجد احد  ولكن احست بشخص يخبط بخفه علي كتفها فالتفتت بعفويه وجدت مروان امامها اصيبت بالدهشه والذهول 
ريماس بصدمه ….. مروان انت هنا بتعمل ايه هو في ايه بالظبط
مروان بابتسامه عاشقه…. في ان احنا هنتجوز دلوقتي
__ نععععم نتجوز…، مروان لو سمحت انا كده هتاخر علي الطايره ايه الهزار ده 
وتركته واستدارت ومشت في الاتجاه الاخر ولكنه وقف امامها مره اخري 
__ خدي هنا رايحه فين انا مباخدش رايك اصلا هتجوزك النهارده ودلوقتي 
__ دا علي اساس ايه بقي ان شاء الله… وانا مش هقدر اقولك لا مثلا 
اقترب منها مروان ومسك يدها وبحنيه بالغه اردف قائلا وهو يرمقها بنظرات عشق لا حدود له…. 
__ هتقوليلي لا يا ريماس..، ريماس انا تعبت وعايز اكمل باقي عمري معاكي ومش مستعد اتحرم منك تاني لاي سبب كفايه بقي بعد ريماس انا لقيت فيكي راحتي 
لقيت فيكي ام عيالي..، لقيت فيكي حلم حياتي والحب الي عرفته علي اديكي انتي وبس 
نست ريماس كل شئ واي شئ امام نطراته وكلماته التي مست قلبها فكرت هل ستسطيع مواصله حياتها بدونه وكانت الاجابه بالطبع لا 
طال صمت ريماس ولكن نظراتها له تعبر عن كل شئ 
راي داخل عيونها كل الاجوبه التي ينتظرها 
__ هاتي الباسبور بتاعك بقي علشان نطلع علي السفاره يلا 
__ سفاره ايه استني بس خد هنا انا موافقتش اصلا 
__ مش مهم ها ايه تاني 
__ طب مش انت كنت باعد نفسك عني علشان حقي وكده ايه الي اتغير بقي 
__ الي اتغير اني قررت ارمي كل حاجه ورا ضهري وادور علي سعادتي الي لقيتها معاكي وبس وان كان علي حقك فا انا كفيل اني ارجعهولك بس و انتي معايا مش وانتي بعيده عني 
__ امممم
__ اممممممم حاجه تاني
__ ااه طبعا مفيش حاجه اسمها يلا نتجوز في حاجه اسمها اروح اتقدملك واخطبك وكده هو انا مليش حد مثلا
__ مين قال كده يا ست البنات بس مفيش رجوع مصر تاني غير وانتي مراتي وبعدين هعملك كل الي انتي عايزاه ده بس كتب كتاب لغايه ما نرجع..، وبعدين انا اهلك وانا كل الي ليكي وانا موافق 
__ ظريف قووي حضرتك بس انا ميمشيش معايا الكلام ده..، مينفعش الي انت بتقوله ده اصلا
__ لا هينفع صدقيني..، هو انا مقولتلكيش
__ لا مقولتليش
__ مش انا اتقدمتلك امبارح وخطبتك من مامتك  وهيا وافقت وعارفه اني هكتب كتابي عليكي دلوقتي
__ يا سلام..،
__ كلميها لو مش مصدقاني 
وبالفعل اجرت ريماس مكالمه مع والدتها التي اخبرتها بموافقتها بعد ان اقنعها مروان واقتنعت والده ريماس لانها تعرف ان سعاده ابنتها تكمن في مروان فقط لا غير وتعبت معها طوال السنوات الفائته بسبب انغلاقها علي نفسها ورفضها الارتباط..، فهيا بالتاكيد لن تقف في طريق سعادتها 
__ ها يا ستي صدقتي انها موافقه 
__ امم ااه 
__ وبعدين احنا اصلا كلها بكرا وراجعين مصر علشان اعملك احلي فرح في الدنيا 
__ مروان طب ما تأجل حوار السفاره ده طالما راجعين بكره 
__ لا لا انا مضمنكيش مش هنتحرك من هنا غير وانتي علي اسمي لا مفر 
__ طيب 
__ طب يلا بينا بقي  ندخل 
__ ندخل فين 
__ ندخل احنا قدام السفاره يا ماما.. ومحمود ومريم زمانهم زهقوا جوه 
__ فكرتني دول حسابهم معايا بعدين 
مسك بيدها مروان ودخل حتي يتمم اجرأت الجواز 
__ طب ما انتي موافقه اهو امال مطلعه عيني من امبارح ليه هاا 
__ لا دا انت صعبت عليا فقولت هوافق بقي وخلاص 
__ هههههههه ماشي ربع ساعه بس وهنشوف الحوار ده 
**********************’
تمت اجرأت الجواز في السفاره بحضور مريم ومحمود 
كانت ريماس في حاله ما بين الحلم والحقيقه ايعقل ما حدث لو ان احد اخبرها قبل ساعه انها ستتزوج مروان اليوم لكانت اتهمته بالجنون كيف ومتي حدث ذلك بتلك السرعه الرهيبه  كانت سعادتها لا توصف واخيرا ارتاح قلبها من العذاب واخيراا جائها العوض في ابهي صوره واخيرا استجيبت دعواتها واخيرا اجتمع العاشقين… 
خرجوا جميعا من السفاره ومروان ممسك بيد ريماس كأنه يمسك بكنز ثمين بين يديه عيونه تشع فرحه ملامحه تنطق بالسعاده واخيرا ستكتمل روحه بها ومعها واخيراا اخذ مكافأته بعد طول الانتظار وما اجملها جائزه ومكافأه 
محمود بفرحه…. مبرووك يا جماعه الف مبرووك 
ريماس… الله يبارك فيك يا حوده 
مروان بصرامه…. نعممم ايه حوده دي لا الكلام دا كان زمان  دلوقتي انتي بقيتي مراتي يعني مفيش الكلام ده 
ريماس…. ايه ده هتبتديها سي السيد من اولها بقي 
مريم…… بس بسسس طب نستأذنكوا احنا بقي وانتوا اتفاهموا مع بعض…، يلا بينا احنا نخلع يا حوده 
محمود…. يلا يا قلب حوده 
وتركوهم وغادورا 
ريماس بصدمه…. خدي هنا يا بت ااه يا واطيه 
مروان بفرحه…. واخيرااا بقيت انا وانتي لوحدنا 
ريماس…. نعممم انا من الصبح مش مرتحالك اقسم بالله 
مروان وهو يدفعها امامه…. قدامي علي العربيه يا ام دماغ قذره يلا تصدقي بالله خساره فيكي الدلع الي كنت هدلعهولك 
وقفت ريماس بفرحه…. بجد هتدلعني ازاي هتجيبلي ايس كريم 
مروان….. ريماس روحي اركبي العربيه وانتي ساكته..، انا شكلي اتدبست في واحده هبله  
اخذها مروان معه الي بيته ووقف امام المنزل بالسياره 
__ ايه ده انت جيبني هنا ليه
__ بسسس قبل دماغك ما تودي وتجيب خدي مفاتيح البيت وانزلي وانا هرجعلك بعد ساعه اخدك تكوني خلصتي..
__ خلصت ايه
__ متساليش كتير بقي انزلي وفي ناس هيجوا يساعدوكي
__ طيب لما اشوف اخرتها معاك ايه
نزلت ريماس ودخلت المنزل وجدت فتاه واخبرتها بانها ميكب ارتست ومعها فستان من اختيار مروان وعليه رساله يخبرها فيها بان ترتديه
كان الفستان ذات تصميم خاص وهادي وبسيط ولكنه اكثر من رائع انبهرت ريماس به كثيرا 
وبالفعل ارتدته وكان الجمال يتجسد فيها وبذلك الميكب الهادي الخفيف الذي وضعته لها الميكب ارتست
فكانت ايه من الجمال
استعدت واتاها اتصال من مروان
__ ها جهزتي ولا لسه
__ ااه خلصت
__ طيب تعالي بقي مستنيكي بره
__ طب ما تيجي انت ليه انا الي اطلعلك 
__  والله موافق جدااا بس بصراحه مضمنش ان احنا نطلع من البيت تاني 
__ لا لا خليك عندك انا جيت
قفل مروان وهو علي وجهه ابتسامه من تصرفات تللك المجنونه حقه وبالفعل خلال لخظات كانت تقف امامه 
خطفت انظاره في لحظه ايعقل ان ذلك الجمال واخيرااا اصبح ملكه هو ومن حقه هو فقط 
خجلت ريماس من نظراته كثيراا وزاد احمرار وجهها 
وتحدثت بارتباك 
__ مروان ايه هنفضل واقفين كده كتير
لم ينطق مروان غير كلمه واحده وكأنه يتذوق حروفها
__ ريماس
قالها بتمهل شديد وهو يقترب منها ولكنها جرت بسرعه وركبت السياره..
بحركتها فصلته من حاله الانبهار التي كانت مسيطره عليه 
__ يخربيت جنانك بت فصيله 
ركب مروان السياره وقادها ووصلوا الي افخم مطعم مطل علي برج ايفل ..، ساعدها ونزلوا من السياره كان الطريق كله مزين بالورود والاضاءه الهاديه كانت ريماس منبهره بالجمال الذي حولها كأنها تعيش داخل حلمها الجميل فمروان بجوارها وهذا الجمال امامها ماذا تتمني بعد 
وما ان وصلوا باب المطعم حملها مروان 
__ اااه مروووان 
__ قلب مروان انتي 
__ طب نزلني بقي 
حملها ودخل بها المطعم الذي كان لا يوجد به احد سواهم فمروان حجزه تلك الليله لهم فقط 
انزلها وسط ساحه الرقص وبدأت الموسيقي بالعزف 
فخطفها مروان لحضنه وبدأ الرقص معها في اجمل رقصه في حياتهم سويا اندمجوا مع الموسيقي في احصان بعضهم انفصلوا عن العالم 
انتهت الموسيقي وكان مروان يضم ريماس بعشق وتملك وريماس كانت داخل احضانه تعانقه بكل حب ترتوي من حنانه وحبه وعشقه الذي اغرقها فيه 
فاقوا من سكره حبهم علي اصوات الطلاقات الناريه بجوار برج ايفيل 
اخذ مروان ريماس وخرجوا ليشاهدوا تلك الالعاب الناريه 
فكان عرض رائع مبهر ولكن في نهايته وجدت اسمها اتكتب بالالعاب الناريه بحواررر برج ايفيل 
__ مروووان انتي الي عاملي كل ده بجدد 
__ استني بس شوفي دي كده 
َوشاور لها علي السماء وفجأه وفي وسط الظلام اضيئت السماء بالالعاب الناريه بكلمه (( بحبك)) 
ارتمت ريماس في حضنه وهيا تصرخ… عاااااااا وانا بموت فيك انت احلي مروان في الدنيا  
انا بحبببببك بحبك يا مروان 
حملها مروان ولف بها كثيرااا ثم وضعها  ووضع وجها بين كفيه وتحدث بعشق 
__ وانا بحبك يا قلب مروان بعشششقك يا ريمو 
__ قول تاااني تاااني 
__ بحبك يا ريمو بحبك يا قلبي 
__ انتي احلي مروان وخدت قلبي من يوم ما شوفتك اصلا 
__ والله بجد 
__ اممممم بجد..، بس انت عارف انك وفيت بوعدك ليا 
__ وعد ايه 
__ نسيت..، انت كنت واعدني باعتراف تحت برج ايفيل بس مكنتش اتخيل انه هيكون بالحلاوه دي 
__ انا بقي كنت واعد نفسي بحاجه تانيه 
__ حاجه ايه 
اقترب منها  وتناول شفتيها في قبله عاشقه  قوويه تمناها كثيرااا واخيرا نالها…، ذاب معها في اول قبله لهم كان يرتوي من شفتيها ويعوض سنين من البعد والحرمان 
تمت بحمد الله 

لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى