رواية جنون حنين الفصل التاسع 9 بقلم نور محمد

رواية جنون حنين الجزء التاسع

رواية جنون حنين البارت التاسع

رواية جنون حنين الحلقة التاسعة

خرجت حنين من خلف مامته بخوف ليسا منه:ياااه.. الحمد لله مشي.. دنا قلبي وقع مني والله من الخوف.. شويه كمان وكونت حعترف بكل حاجه من نظرته دي.. انا مش عارفه قدرت اعمل كده ازاي.. بس مش زودنها.. شويه ياطنط كده عليه
زينب بمكر:لا متخافيش ياحبيبتي.. انتي كونتي ممثله شاطره اوي.. وانا عارفه ابني مروان طبعه صعب.. وانا ياما حاولت معاه.. علشان يجوز بس هو رافق ده.. بس بعد الي قولتهولي.. كان لازم اتصرف برضو
فلاش باك قبل حضرو مروان **
حنين بدموع:وهو ده الي حصل ياطنط.. انا والله بحبه اوي.. بس هو مش حاسس بيا ابدا.. وحتي انا انصدمت لما لقيت معاه بنت في المكتب بتاعه امبارح.. وبيقولها ياحبيبتي.. وكانت حامل كمان.. انا عارفه حظابط مستحيل يعمل كده.. بس خايفه عليه لتكون بتضحك عليه مثلا
زينب:ياحبيبي يابني.. انا عارفه انه طيب اوي.. وممكن يضحك عليه كمان.. لا احنا لازم نتصرف بسرعه قبل مافاس تقع في الرأس.. يابنتي
حنين بخبث:امال انا.. اجيت ليكي ليه ياطنط. علشان تساعديني ابعد عنه الحربايه دي.. بس
زينب بمكر:متخافيش.. احنا حنتصرف دلوقتي معاه.. وانا عارفه حنعمل ايه كويس.. لازم نحطه في الامر الواقع.. انا عارفه ابني كويس.. طبعه صعب اوي اوي.. ومش حيواقف كده علطول
حنين بابتسامه شر:طيب وحنعمل ايه.. ياطنط ياعسل انتي
زينب بتفكير:حقولك دلوقتي حالا.. اسمعي كويس بقي حنعمل *******
باك الأن **
حنين بفرحه:الله على خططك اللوز.. دي يامدرسه والله مدرسه.. يازوزو ياقمر انتي
زينب:هههههه مجنونه انتي.. يابنتي والله.. بس انا حبيتك اوي.. مش حلاقي احسن منك لمروان.. انا متأكده.. وهو كمان معجب بيكي.. انا حاسه كده.. وقريب حيحبك اوي كمان.. صدقيني
حنين بتوهان:يسمع منك ربنا.. يازوزو ياعسل طيب.. كملي جميلك بقى وتعالي.. وصليني لتاكسي بره.. علشان خايفه يكون مستنيني بره ليسا
زينب بضحك:لا متخافيش.. هو اكيد مش بره.. علشان متعصب اوي دلوقتي.. تلقاه راح على مكانه المفضل.. يرتاح فيه ويهدى
حنين بشكر:طيب انا حمشي دلوقتي.. وحستناكي الجمعه الجايه.. انتي وحظابط برضو.. وشكرا اوي ياحماتشي المستقبليه ياقمرايه.. كده اقدر اقول.. اني حجوز ظابط يعني حجوز ظابط
زينب ببتسامه: هههههههه ماشي وخدي بالك من نفسك.. كويس سلام
خارج الفله مروان **
“خرجت حنين وهي تنظر حولها بخوف من مروان حتي خرجت من الفله بكاملها ووقفت بعيد حتي تجد تاكسي يوصلها للبيت”
حنين بضيق:تاااكسي.. ياعم انت.. ياسطا.. ياكوتش.. طب أي حاجه.. بس اقف لو سمحت.. انا تعبت من الوقوف هنا كده.. وحظابط على وصول ليقفشني هنا يطلع عيني.. على الي حصل.. ياترى ناوي على ايه ياحظابط.. للمسكينه حنين في المستقبل.. دنا غلبانه والله.. بس مش مهم مدام.. حجوز ظابط يعني حجوز ظابط
“وفجئه فونها رن برقم هبه صحبتها ”
حنين بفرحه:ياه يابت الأيه.. دنا كونت بفكره فيكي دلوقتي.. علشان اقولك على الخبر الحصري دلوقتي.. وهو يوم الجمعه القادم.. يوم خطوبه الجميله حنين احمد.. على حظابط مروان.. تابعو الاحداث وماسيحدث في المستقبل.. مع هذا الثنائي الرائع.. امتي بقى الجمعه دي تاجي.. بقى يووه دي قفلت.. انا اخدني الكلام والا ايه.. طب رني تاني ربنا يسترك.. رصيدي خلص النهاردا بقى
“وفجئه الفون رن تاني فعلا وردت فورا المره دي”
حنين بسعاده:هبهوب.. هباهيبو.. حبيبتي والله.. بنت حلال مصفي دنا كونت حرن عليكي.. بس رصيدي خلص.. دنا عندي ليكي خبر بمليون جنيه.. ياهبهوب والله..”وفجئه سمعت صوت عياط هبه في الفون لتصدم حنين من بكائها ”
حنين بصدمه وخوف:في ايه ياهبه.. مالك بتعيطي كده ليه.. محمود كرشة زعلك تاني مش كده.. والله اجي اصفيله كرشه ده.. لو عملها مالك يابت.. انطقي وقعتي قلبي
هبه على الفون وقد هديت قليلا من مزاح صديقتها:والله.. مانا عارفه اقولك ايه.. ياشيخه حتي حاله الاكتئاب.. بتطلعيني منها في دقيقه.. من هزارك ده
حنين بفخر:دنا حنون يابت.. بس مالك ياحبيبتي.. حصل معاكي حاجه.. زعلتك كده
تهندت هبه بحزن:لا مافيش.. بس بابا عاوز..”وحكتلها الي حصل”
حنين بعصبيه:تاني بقى.. مش عاوز يجيبها البره محمود كرشة ده.. والله اجي اطلع كرشه الي فرحان بيه.. بقى عاوز يجبرك على حسن حماصه الغلس.. لا انا على جثتي تتجوزي حماصه ده.. فاهمه انا حاجي اتصرف مع محمود كرشة.. متقلقيش ياهبهوب.. مسافت السكه بس.. يااااسطا ياقرع انت اقف لو سمحت.. سلام بقى اهو وقف اخير.. كان لازم اشتم يعني.. علشان يقف.. “وقفلت معاها وهبه على الناحيه التانيه بتضحك عليها من قلبها”
هبه بضحك:عمرك ماحتتغيري.. ياحنين والله مجنونه.. زي مانتي.. يكون في عونك ياحظابط على رئيها
“وعلى الناحيه التانيه في كافيه على النيل مكان مروان المفضل”
مازن بضيق:بقى حتقولي في ايه.. والا امشي احنا لينا نص ساعه كده.. وانت ساكت.. دنا سبت المزه الي كونت خلاص حعلقها.. بسببك بقى حصل ايه
مروان بضيق:مفيش بس مخنوق والله.. اصلها زودتها اوي المره دي.. والازم تتعلم الأدب فعلا
مازن بحماسه:مخنوق.. وزودتها.. يبقى اكيد حنين ها.. عملت مصيبه ايه المره دي.. قول والنبي انا بحب مصايبها اوي
مروان بعصبيه:مازن ميه مره اقولك.. متجبش اسمها على لسانك.. انت مبتفهمش ليه كده.. من الاول
مازن بخوف:خلاص.. خلاص.. ياعم بس على فكره انت بتحبها اوي.. والدليل الغيره الاوفر بتاعتك دي عليها.. متتجوزها واكسب فيها ثواب.. وفينا كمان ياميرو
مروان بغيظ:ماهو انت.. متعرفش عملت ايه النهاردا بت المجنونه دي.. بس اقسم بالله لاربيكي.. من اول وجديد ياحنين الكللب
مازن بحماسه اكبر:لا.. لا.. احكيلي والنبي انا متحمس اوي.. عملت ايه..”وحكاله مروان الي حصل كله ”
مازن بصدمه:يااا بنت المجنونه.. بقى راحت لطنط زينب.. تشكيلها منك.. لا لعيبه والله جابتها في الجون فعلا.. وانت حتعمل ايه ياميرو دلوقتي
مروان بمكر:بقي مش عاوزه.. تتجوز ظابط انا حفرجها تتجوز ظابط ازاي.. مبقاش اسمي مروان المحمدي.. لو ماربيتك ياحنين وتوبتك عن جنانك ده
مازن بضحك:مادام نويت على كده.. وفي عيونك النظره دي.. يبقى نقول الله يرحمك ياجنون حنين
وفي منزل هبه صديقه حنين **
“وصلت اخير حنين بعد معركه مع سواق التاكسي على خمسه جنيه بس وهي اخدتها حتي مشيت من التاكسي بتاعه بعد ماأستسلم سواق التاكسي لها وحلف انه حيبطل سواقه اصلا بسببها هي بس رنت الجرس البيت ليفتح لها والد هبه محمود كرشة بزات نفسه”
حنين بضيق في نفسها:هو ده الي كان ناقص والله.. مش كفايه سواق التاكسي الاقرع ده.. كمان تطلع انت في وشي.. بكرشك الكبير ده.. وتصدمني عن الحياه كده.. بس كله يهون علشان صديقه الكفاح.. برضو
تهندت ورسمك ابتسامه بلهاء على وجهها امامه:عامل ايه ياعموو محمود.. ياقمر انت بشكل الفظيع ده.. من الهبل..”وكملت في نفسها”..ربنا يسامحني على النفاق ده.. قال فظيع ده كرشه هو الي فظيع.. والله وعاوز يتفجر فعلا
محمود بضيق:عاوزه ايه ياحنين.. وأيه الحب الي طفح عليكي كده.. دلوقتي مش انا كونت محمود كرشة زمان.. والا نسيتي يامصيبه
حنين بتمثيل:بقى انا اقول عليك كده.. ياعموو لا يقطعني فعلا.. ده انت لوحه لوحدك.. بكرشك الجزاب ده.. يابخت طنط ماجده بيك.. والله دنت تهبل بشكلك الاوفر ده.. استغفر الله العظيم يارب
محمود بغضب:انتي بتشتمي.. والا بتمدحي دلوقتي.. عاوز اعرف وجايه تعملي.. انهي مصيبه هنا تاني
حنين ببتسامه:لا.. طبعا بمدح.. ده كل البنات بتمووت في الكرش الخيالي ده.. وانا والله قاصده خير بس.. انا اجيت علشان هبه.. وحشتني ممكن اشوفها بقى
محمود بضيق:ماشي هي في اوضتها.. بس لو سمعت انك قولتيلها.. على حاجه كده او كده ياحنين.. مش حرحمك انا فاهم مصايبك.. كويس اوي تمام
حنين بضيق:تمام.. تمام.. وسع بقى بكرشك ده.. علشان اعدي.. دنت سادد الباب بيه كده.. ليه
محمود بغضب:حنين لمي لسانك ده.. معايا علشان انا على اخري منك.. تمام
حنين بخوف:تمام.. والله ماقصد زلت لسان بس.. انت حتاكلني في كرشك ده والا ايه.. ياهبه ياحبيبتي.. انتي فين ياحبهوب.. هي اوضتها راحت فين بس ياربي.. اهي الحمد لله.. سلام بقى ياعموو كرشة
محمود بعصبيه:حنييين.. مش عاوز اشوفك قدامي.. احسن اشرب من دمك.. بنت مستفزه بصحيح
“جرت حنين من قدامه فورا منعا لاي اشتباك من محمود كرشة فهو عصبي اوي وممكن ياكلها فعلا
دخلت حنين اوضه هبه لتجدها مازالت تبكي على حالها ”
حنين بمرح:فينك ياهبهوب.. الحقيني محمود كرشة عاوز ياكولني في كرشه ده.. وانا ليسا مجوزتش حظابط حتي..لا قوليلي صحيح ازاي طنط ماجده بتنام جنب بباكي بكرشه الكبير ده صحيح
“ابتسمت هبه رغم حزنها على صديقتها حنين ومزحها هذا ”
هبه ببتسامه:ههههه مش حتبطلي جنانك ياحنين بقى ده.. دنا في حالته اكتئاب حتي وانتي بتخرجيني منها برضو
حنين بهزار:بعد الشر عنك ياهبه قلبي انا.. اكتئاب ايه يابت الي بتتكلمي عليه .. ومعاكي جنون حنين كله
هبه بحزن:اسكتي ياحنين.. انا مكتئبه وعاوز اعمل اضراب كمان.. عاوزين يجوزوني حسن حماصه غصب عني
حنين اقتربت منها وحضنتها:اهدي ياحبيبتي.. ومين ده الي يقدر يعمل كده.. وانا موجوده متخافيش.. والله افجرله كرشه محمود كرشة ده.. لو صمم على كده
هبه بأمل:يعني حتساعديني ياحنين.. انا ممكن انتحر والا اجوز.. حسن ده انا بقولك اهو
حنين بخوف عليها:تفي من بقك الكلام ده.. والله على جثتي تتجوزي حماصه .. بت تعالي اقولك تطفشيه ازاي.. حتعملي ****كده بس.. وصدقيني عمره ماحيبص.. في وشك تاني
هبه بخوف:بس انا خايفه.. بابا يتعصب عليا.. ويضربتي كمان
حنين بنرفزه:والله بس يعملها كده.. وانا اقول لحظابط يسجنه.. اه صحيح نسيت اقولك يابت.. مش انا حتخطب الجمعه الجايه.. لحظابط باركيلي بقى من قلبك
هبه بفرحه:بجد ياحنين.. الف مبروك ياحبيبتي.. بس عملتيها ازاي دي..”وحكتلها حنين كل الي حصل ”
هبه بصدمه:يابت المجنونه.. بس جامده على فكره.. اخدتي امه كمان في صفك كده.. دنتي طلعتي مجنونه فعلا.. ياحنين والله
حنين بفخر:عيب عليكي.. مانا قولتلك حجوز ظابط يعني حجوز ظابط.. بقى تعالي نخطط كويس.. علشان ننتقم من حماصه ده.. كويس
“واخدو يخططو ويهزرو ويضحكو من بعض حتي هبه نسيت حزنها خالص وهي بتخطط مع المجنونه حنين ”
“وفي مكان تاني في شقه راقيه تليق بصاممعكمازن محمود”
مازن بخبث:ايه ياسهر.. مش حنسهر النهاردا.. والا ايه 😉
سهر بمياعه:اكيد ياحبيبي.. نسهر وانا ليا مين غيرك.. اسهر معاه هيهيييي
مازن بخبث:اموت انا.. في السهر ياسهر.. تمام اوي ليلينا صباحي.. ان شاء الله..”وفجئه قاطع فرفشتهم دي صوت فون مازن وكان مروان المتصل قلب ملامح وش مازن لضيق لما لقى اسمه بيرن ”
مازن بضيق:يووه بقى.. هو معندوش غير الوقت الغلط ده.. يرن فيه بس ياربي.. كل مره كده
سهر بستفهام:في ايه ياحبيبي.. مالك اتضيقت كده.. ليه فجئه
مازن بضيق ليسا:لا صاحبي بس.. بيرن حشوفه ومش حتأخر عليكي.. اوعي تتحركي تمام
سهر:تمام.. يابيبي متتأخرش
“وخرج مازن يرد على مروان الي فضل يرن عليه كعمله الاسود في الوقت ده”
مازن بغيظ:في ايه ياعم مروان.. معندكش غير الوقت ده.. ترن فيه السهره حتضيع مني.. منك لله
مازن بضيق:مازن احترم نفسك شويه.. وانت بتكلمني متنساش اني ظابط برضو.. وانا ساكت عليك بس.. علشان صديق الطفوله مش اكتر.. والا زمانك عندي في القسم.. بتهمه دعا*ره فااهم
مازن بخوف:خلاص ياعم.. انت كل شويه نفس الاسطوانه.. نعم عاوز ايه.. وبسرعه وحيات رحمه ابوك.. سهر جوه متفضحنيش قدامها.. وانجز
مروان بعصبيه:انا حعتبر نفسي مسمعتش.. اي كلمه دلوقتي.. علشان متغاباش عليك.. وتحضر فورا عندي فاهم.. خمس دقايق يامازن تكون.. قدامي مفهووم
مازن بضيق:طيب مينفعش.. أتأخر نص ساعه بس وحيات عيالك ياشيخ.. دنا بقولك سهر جوه.. يعني الف ليله وليله.. حتروح عليا
مازن بغضب:مازن انا قولت فورا.. وانت فاهم ممكن اعمل فيك ايه دلوقتي.. لو محضرتش.. حجيبك انت وسهر دي في الحجز بتاعي.. تكمل سهرتك هناك ياروح طنط تماام
مازن بخوف وضيق:خلاص.. خلاص ياعم.. بلاش سهر دي بنت ناس برضو.. ونااس اوي كمان.. حاجي فورا يخرب بيت الظولم.. ياشيخ
“وعاد مازن الي سهر مجددا في الاوضه”
مازن بغيظ:معليش بقى ياسهر.. سهرتنا حتتأخر شويه.. بس علشان عندي شغل مهم.. والازم امشي فورا
سهر بزعل:بقى الشغل اهم مني.. يابيبي
مازن :لا طبعا ياسهر.. كان على عيني والله افضل.. بس الله يجازي الي كان السبب.. بقى
سهر:تمام.. بس متتأخرش عليا.. اوك
مازن بخبث:حاضر مش حتأخر.. علشان سهرتنا ياسهر.. خليكي هنا اوعى تتحركي.. اوك..”وخرج وسابها ”
لا حقا في منزل حنين **
دخلت حنين بفرحه:حنون قلبي.. فينك ياجميل انت
خرجت حنان من المطبخ بضيق:اخيرا شرفت الهانم حنين.. كونتي فين يامجنونه.. السنتر خلص من ساعتين.. كونتي فين يابت حنان
حنين:انا كونت عند هبه.. اصلها رنت عليا وكانت تعبانه والله.. حتي لو مش مصدقه.. رني علي طنط ماجده حتقولك.. وكمان بباها عاوز يعمل ايه
حنان بشك:هبه تاني ياحنين.. تمام وماله بباها بقى عمل ايه..”وحكتلها حنين كل الي حصل ”
حنان بحزن وتكمله:ياحبيبتي يابنتي.. عاوز يجوزها غصب برضو.. بس انتي خليكي بره الحوار ياحنين.. دي أمور عائليه.. متتدخليش فيها تمام يامصيبه
حنين بغيظ:لا بقى.. والله لادخل.. على جثتي تتجوز حماصه ده.. انا بقولك اهو.. المهم انا عاوزه أكل ياحنون فاصله جوع انا والله
حنان بخيبه أمل:ربنا يعوض عليا والله.. مش عندك هم غير على بطنك بس.. يابنت بطني والله
حنين:ياماما.. بقى عاوزه المحمر والمشمر بقى.. دنا حفتانه حتي الفتره دي.. والنبي
حنان:هفتانه.. دنتي ناقص تاكليني انا كمان.. يابت غوري غيري هدومك دي.. وانا ححط الاكل انجزي
حنين:تمام ياحنون قلبي فريره..”ودخلت غيرت هدومها لبجامه بيتي وطلعت تاكل بعد ماحنان مامتها حطت الأكل ”
حنين بعد ماخلصت أكل:ااه الحمد لله شبعت اوي.. بس ياحنون عندي ليكي خبر.. بس وحيات النبي متتعصبي عليا اوك
حنان بشك:انجزي ياحنين.. مصيبه ايه المره دي.. عملتيها يامجنونه
حنين بتوتر:احم.. هي مصيبه حلوه المره دي والله.. حقولك مش انا قابلت حظابط تاني.. وهو اعترفلي انه معجب بيا.. وعاوز يتقدملى كمان.. والنبي تقنعي بابا يواقف عليه علطول.. ان شاء الله تفرجي ببنتك يارب
حنان:بقى حصل كل ده ياحنين.. ماشي ححاول اقول لبباكي.. علشان ارتاح منك بس.. ربنا يسعدك ديما يابنتي يارب
حنين بفرحه وهي تحتضن امها:الله يخليكي ليا.. ياحنون قلبي يارب.. وتفرحي بعيالي كمان.. كده اخير حجوز ظابط يعني حجوز ظابط
“ودخلت اوضتها وهي فرحانه اوي استلقت على السرير بسعاده وهي تتزكر مكالمتها هي ومروان قبل رجوعها للبيت”
فلاش باك قبل ساعه في الطريق عند حنين **