روايات

رواية صعيدية خطفتني الفصل التاسع 9 بقلم هاجر سلامة

رواية صعيدية خطفتني الفصل التاسع 9 بقلم هاجر سلامة

رواية صعيدية خطفتني الجزء التاسع

رواية صعيدية خطفتني البارت التاسع

رواية صعيدية خطفتني الحلقة التاسعة

صهيب..اسمع اهو .
صهيب رن وقال ازيك ياعم حامد ..انا الحمدالله بخير..انا كنت عايز اقول لحضرتك قرار خدته انه معاد كتب الكتاب الليله ايوة انهاردة بليل لا معلش ياعم حامد انهاردة اكتب الكتاب وبكره الفرح..لا متقلقش ياعم حامد كل حاجة هتبقي مظبوطة ماشي شكرا ياعمي مع السلامة.
محمود بصله بصدمه وقال اي دااا ازاي تعمل كدا.
صهيب..اي عملت الصح واللي والمفروض اعمله.
محمود..مش كدا المفروض نفكر وبعدين ازاي بليل هنحلق ازاي بقا.
صهيب..متقلقش كل حاجة عليا.
محمود..ونا فين ياحمار.
صهيب بضحك..انت بتشتم.
محمود بصوت بنت ودلع..اخص عليا لا يابيبي مقدرش اعمل حاجة.

 

 

صهيب قام وقلع الجزمة..في أي ياض ما تتعدل.
محمود ضحك..انت فقوش اوي.
صهيب ضحك..ملكش فيه ويلا بره.
محمود..انت بتطردني اخص انت مش صحبي لا.
صهيب ضحك..ماشي يلا برا.
محمود ضحك وقال يوم سعيد يعريس وطلع.
صهيب واقف قدام المراية وقال بغرور عريس قمر اكيد وافتكر امه لو كانت معاه كان بيقي احلا يوم بالنسباله قال بحزن ربنا يهديكي يا امي .
وتصل ع اخته حياة.
حياة..اخويا يا اخويا.
صهيب ضحك..وحشتيني يابت.
حياة..وانت كمان وحشتني ياقلب البت اي عامل اي مش هترجع بقا.
صهيب..انا رنيت اقولك انه كتب كتابي انهاردة.
حياة بفرح..بجد الف مليون مبروك ياخويا فرحتلك اوي طيب كنت قولتلي امبارح علشان اكون جمبك.
صهيب ..الله بيارك فيكي ياحبيتي هو كتب الكتاب بس انهاردة وبكره الفرح ابعتلك العريبة تاخدك وقولي لابوكي لو عايز يجي ومامتك كمان..
حياة..عيني فرحتلك اوي ياحبيبي.
صهيب..عقبال فرحتي بيكي يلا هقفل دلوقتي.
حياة..سلام.
صهيب..سلام
ما تنسوش تصلو على النبي ♥️.
عند حامد.
كريمة..يعني اي اكتب الكتاب انهاردة هو اي كلام ولا اي المفروض فيه خطوبة الاول.

 

 

حامد..يابنتي الراجل شاريها وعايزها في الحلال هنعوز ايه اكثر من كده.
تقي قاعدة ساكته.
كريمة بصلتها بغيظ.
كريمة قالت..طيب هي كتب الكتاب وهتروح معاه.
حامد..لا بكره الفرح.
كريمة بصدمه.. ايييي وهيعمل فرح كمان.
حامد..مش فاهم.
كريمة بتوتر..المفروض لكتب الكتاب مع الفرح يابا .
حامد…مش هتفرق المهم تنطمن ع اختك معاه هو راجل كويس وشاريها.
كريمة ولعت.
وتقي فرحانة من جواها.
حامد..مالك ياتقي مش فرحانة ليه.
تقي لسه هتتكلم.
كريمة بسرعة..علشان مش عايزاه باين عليها اهو.
تقي بتصلها وقالت لا يكريمة مبسوطة وعايزاه انا بس ساكته علشان بسمع كلامك يابا.
كريمة اتغاظت اكتر ودخلت اوضتها.
حامد لسه هيتكلم لاقي الباب بيخبط قام يفتح لاقي بنات واحدة منهم قالت هو دا بيت تقي حامد.
حامد..ايوة مين.
البنت..انا ميكب ارتست والفستان احنا تبع صهيب باشا جايين لعروسته.
حامد بفرح..اها اها اتفضلو اتفضلوا.

 

 

البنات دخلت وخدو تقي وراحوا ع اوضتها.
كريمة كسرت الاوضة كلها وقعدت ع السرير وقالت مش هيحصل ياتقي مش هخليكي تتهني ابدا.
ما تنسوش تصلو على النبي ♥️
بليل.
ف أوضة صهيب معاه محمود.
محمود..بالله اخويا عريس قمر.
صهيب..حبيبي.
صهيب لبس بدله سوداء وشكلها شيك ومسرح شعره ولبس ساعة جميل وحط برفان.
محمود بعمزة..ياجامد.
صهيب ضحك..يابكاش.
محمود بضحك..الف مبروك ياصحبي اخيرا وقعت على بوزك.
صهيب ضحك وبصله بطرف عينه وقاله انت قد الكلام ده.
محمود..لا
صهيب ضحك
محمود..يلا بقا .
دخلت مامت محمود..الف مبروك ياحبيبي ربنا يتملك على خير يارب.
صهيب راح ومسك راسها وباسها وقال من غيرك مكنتش عارف اعمل اي والله.
فتحية..بس يواد انا معملتش حاجة اصلا يلا بينا علشان منتاخرش.
صهيب ومحمود..يلا
ما تنسوش تصلو على النبي ♥️.
عند تقي ف اوضتها.
لبست فستان ابيض وبحجاب شكلها حلو جدا وعملولها ميكب هادي.
البت الميكب ارتست..زي القمر بالميكب ومن غيره بجد ما شاء الله اللهم بارك.
التانية..فعلا اللهم بارك الف مبروك ياعروسة.
تقي بفرح..الله بيارك فيكو تسلم ايديكو والله انتو أجمل.
______________________

 

 

صهيب وصل ودخل البيت.
حامد راح سلم عليهم وقال الف مبروك.
صهيب..الله بيارك فيك ياعمي.
فتحية..الف مبروك ياحامد عقبال كريمة انشالله.
حامد..انشالله.
الناس جات وقعدت تباركهم.
الماذون دخل.
حامد..اتفضل يا شيخنا.
فجأة دخل حد وقال بصوت قوي شكلك نسيتنا ياحامد.
حامد قام وتصدم…
مين دا ياتري.

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية صعيدية خطفتني)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى