روايات

رواية قلوب أرهقها نبضها الفصل السادس والخمسون 56 بقلم نرمين قدري

رواية قلوب أرهقها نبضها الفصل السادس والخمسون 56 بقلم نرمين قدري

رواية قلوب أرهقها نبضها الجزء السادس والخمسون

رواية قلوب أرهقها نبضها البارت السادس والخمسون

قلوب أرهقها نبضها
قلوب أرهقها نبضها

رواية قلوب أرهقها نبضها الحلقة السادسة والخمسون

ماجد/ يا بنات امكم لازم ترجع المصحة تاني ده الحل الوحيد اللي قدامي ماعنديش غيرة دلوقتي
رحمة/ يعني خلاص كده آمنا راحت للابد هنعيش عمرنا كله محرومين منها
ماجد/ طايب انتم عندكم حل هي بطريقة دي ممكن تأذي نفسها و اللي حوليها و حتشكل قلق لينا كلنا و فرح كلها كام شهر و مسافره مع جوزها برا و سمعت يا رحمة إنك انتي كمان مسافره معاها وبدون علمي بس ماشي مش وقته مين اللي هيراعيها وهي في الحالة دي
وفعلا اتصل ماجد بالمصحة و احضرتك عرببتها و اخدت فاطمة معاها و انتهنت حكاية فاطمة كده
ركبت مسك مجبرة سيارة فارس و هي تتجاهله تمام جلست في المقعد الخلفي و جلست عطر امام بجانب فارس
فارس طول السكة و عينه في مرايا علي مسك مراقب تعبير الغضب علي وشها و علي وشه ابتسامة اعجاب شديده بيها و بشخصيتها المختلفة و تمردها وعندها معاه في كل حاجة بيقولها
شبها بلقطة اللي بتخربش و بدأ تاني ينكشها
فارس/ الا قوليلي يا عطر عملتوا ايه بعد ما خرجتم من المحاضرة بتاعتي
عطر /ولا حاجة خالص خالص
مسك / ليه يا عطر قوليلوا عملنا ايه بس قوليلوا أننا رحنا الكفاتريا و اكلنا سندوتشات برجر وشربنا عصير بصراحة. استمتعنا جداا احسن ما كنا قاعدنا في مدرج الممل ده
فارس / اممم تمام ملل صح عندك حق
مسك / هو انا و جهتلك الكلام من اصله انا بكلم عطر انت عطر و نبي بص قدامك يا بشمهندس خلينا نوصل سلام مش عارف تسوق قولي وانا انزل اسوق انا
فارس في نفسة / لاء وعلي ايه كفايا انك سايقة في الهبل كفايا قوي علي كده
مسك / علي فكرة أنا سمعتك
وصلوا السيارتين المطعم سويا
نزلت مسك ونظرت لحمزة نظرت بتوعد
وقالت وهي تجز علي سنتها :
يعني مرحتش للمكانيكي يا استاذ صرصار
حمزة / الله يعزك هو انا مقلتلكيش
مسك/ لا مقلتليش أتصدق
حمزة/ مش انهارده طلع الاحد و المكيانيكي قافل
مسك / شوف ازاي أتصدق صدقتك ماشي يا حمزة الزفت لما نروح حسابك في البيت
حمزه/ اجري اجري وانتي كلك علي بعضك كده نص متر ولا تقدري تعملي حاجة اصلا
فارس بتأفف / هو احنا حتفضل واقفين كده كتير. انا جعان
مسك بدون أن تنظر اتجاه قالت
يلا ندخل تعالي فضحتنا جعان جعان أمال بتعمل ايه في رمضان
فارس/ و هو بيتلفت حواليه حلو قوي تصميم المطعم ده
بجد اللي مختار تصميم فنان
مسك / شكرا لزوقك اخجلتم تواضعنا يا هندسة
فارس/ هندسة انا مش عارف انتي دخلتي كليه الهندسه دي ازاي و غير كده هو انا و جهتلك كلام و لا هي تلكيك علشان تكلميني وبس مكشوفه قوي صراحة
وقفت مسك و التفتت له
مسك / ايه مين مودي علي فين سمعني كده بتقول ايه انا ايه بعمل ايه مين دي اللي بتتمحك علشان تكلمك يا عم انزل عيش معانا بقا شوية ااايه شبه اللي نازل من كوكب غير كوكبنا
عطر / بجد انتم الاتنين تزهقوا بزمتكم مش بتزهقوا من كتر الخناق بجد يا ستر عليكم وسعوا كده انا دخله بجد حالتكم ميؤوس منها مافيش فايده فيكم
مسك/ هو اللي بيبداء يا عطر مش انا بيحب يجر شكلي
فارس / بت انتي هو انا جيت جنبك في ايه
مسك / بت لما تبتك ايه بنت انتي
فارس/ الله مطولك يا روووح
حمزة/ ما خلاص بقا خلصنا و خشوا بقاااااااااااااا
دخلوا كلهم المطعم كان زحمة جداااااااااااااااااااا
نزلوا تحت المطبخ و قفوا مكانهم من الصدمة
بيجاد وقف بيغسل الاطباق و مسك بتحضر الاكل و عليا لوجين ليحضروا الطلبات للزبائن
فارس/ بابا انت بتعمل ايه هنا و ازي واحد بمركزك بقف يغسل مواعين انا اول مره اشوفك بتعمل كده في حياتي حتي لما كنا في المنبا كنت بتجيب واخده بتخلص هي شغل
في دخلت هند بالاطباق الفارغة
هند / ترابيزة ٣عاوزو اتنين مشويات مشكلة و سلاطة رز بالمكسرات
ثم التفت لموكا وقالت لها
– موكا كويس انك جيتي يلا انتي لسة واقفة مكانك الناس بتطلب كيك الشيكولاته بتاعك اخلصي
دخلت مروة/ يا جماعة اردر السمك خلص و لا لسة ناس مستعجلة
عليا/ خلاص اهو انا خلصت خلاص
مروة/ يلا طايب تعالي معايا الناس مش صابرة
الكل كان بيشتغل علي قدم وساق الكل متعاون فارس نظر الكل و هو بيشتغل وكل واحد عارف بيعمل ايه حتي حمزة و الشباب غيرو و لبسوا لبس المطعم و بدأو يخدموا علي زبائن هما كمان ارتد موكا مريول المطبخ وبدأت في إعداد الكيك بحرفية تامة
وعيون فارس عليها و كلها اعجاب شديد
رفعت مسك عينها علي فارس و ابتسمت ولاحظت نظراته لمسك الصغيرة
مسك / تحب تأكل يا حبيبى
فارس / بصراحة حضرتك انا جعان جدا ما اكلتش حاجة من امبارح
مسك بلهفة تحب تاكل ايه يا حبيبي
فارس اي حاجة من روائح اللي انا شممها دي حكلها انا جعت اكتر بصراحة روائح تجنن
مسك / يعني تاكل اسماك ولا لحوم ولا اقولك انا هجبلك الاتنين وكل اللي يعجبك فيهم
فارس/ لا ايه كل ده لا هاكل مشويات خلاص
التفت مسك لعطر وانتي يا حببتي تحبي تأكل ايه
حضنتها عطر وابتسامة انا حاكلك انتي يا قمر
مسك / يا قلبي من جوا بس بجد عروستي تحب تاكل ايه
عطر/ بينزا طبعا انا سمعت ان المطعم هنا بيعمل اجمد بيتزا في اسكندريه كلها
مسك / يا سلام احلي و اجمد بيتزا لاجمل عروسة وضمتها جامد و باستها
قلب فارس حن و مش قادر يطلب منها كده هو مشتاق جدا لحضنها فهو بيعشق دفا حضنها حد الجنون
قرأت مسك في عنيه ما يدور في عقله
وضعت مسك الاكل أمام فارس و عطر
جلس فارس علي الكرسي عالي هو عطر يتناولوا الاكل
عطر وهي تغمز لفارس علي ابوها
عطر / الاا قولي يا فري هو من امتي البوس الكبير بيغسل مواعين
فارس وهو يأكل بنهم من شده الجوع و جمال الاكل
فارس / و النبي لو اعرف اقول علطول يا مفعوصة
بيجاد/ اعرفك انا يا ابو الفوارس و لا تزعل نفسك و خلع المريله اللي لبسها ولبسها لفارس
فارس / اده في ايه انت لبستني البتاعة دي ليه
بيجادء/ هو انا مقلتلكش مش انت حتاخد مكان البوس الكبير علشان ميصحش البوس يغسل مواعين. و غمزله
فارس/ باستغراب ايه مين اللي يغسل ايه مش فاهم صراحة
بيجاد : حضرتك اتفضل علي الحوض حالا أديك شايف الكل عامل زي خلية النحل ازاي ومحدش عنده وقت يبص للتاني من كتر الشغل
فارس / وانا مالي انا ده مطعمهم انا مالي وهما مجبرين يشتغلوا فيه لكن انا لا
بيحاد/ هو انا مقلتلكش مش انا شريك معاهم حضرتك يعني حضرتك ده كمان مطعمك اتفضل علي الحوض يلا بسرعة
أطلقت موكا صافرة بصوت عالي وقالت ببهجة وشماته؛ يا بيجوو يا جااااااااامد حلاوتك يا كبير الله عليك اشجيني الله الله الله
نظر لها فارس بغيظ. و قال لبيجاد:
و ده من امتي وانت بقيت شريك هنا دي معلومة جديدة لانج و سابه وراح علي للحوض و هو بيبرطم
نظرت له موكا نظرت خبث و لمت كل المواعين حتي النظيفة و حاطتهم قدامه تحت ضحك مسك و بيحاد
وضع بيجاد ايده علي وسط مسك في خباثة و همس في أذنها اتصدقي أن مسك الصغيرة هي اللي هتربي ابنك من اول و جديد وبصراحه هو ابن حلال ويستاهل بجد
لامحت عطر ايده وهي ملفوفه حولين مسك و مش مستوعبه اللي بيحصل
دورت وشها وهي مضايقة جدا من اللي بيحصل قدمها
دخلت من باب المطبخ عطر الكبيرة
عطر / السلام عليكم معلش اتاخرت علي بال ما نزلت محمد بس ايه الزحمة اللي برا دي مشاء الله الخير علي قدوم الواردين
مسك / يلا اخلصي وتعالي علشان مش لحقين علي الطلبيات
لمحت عطر بيجاد
عطر/ بيجاد الف حمد الله على سلامتك و نظرت حوليها مشاء الله دول اولادك صح فارس و عطر
عطر صغيرة / هو حضرتك تعرفينا انتي اكيد اخت ماما علشان شبها قوي
عطر/ باستعحاب ماما بجد انتى عا…….
لحقتها مسك بسرعة اه ماما اصل عطر بتناديني زي ما الكل الاولاد بينادوني
عطر / اااه تعالي حببتي في حضني وحضنتها جامد بحنان كبير
عطر صغيرة/ هو انتم ازاي كده بجد
مسك / ازاي اللي هو ايه يا حببتي
عطر/ حضنكم انتي أو طنط بجد حضن جميل جدا في دفا غريب قوي بجد
مسك/ حبببتي علشان احنا بنحضنكم بقلبنا
التفت عطر كبيرة لفارس
عطر/ انت بقا فارس صح
فارس التفت ليها و هو بيغسل الاطباق
فارس / اه انا فارس حضرتك
عطر / هو ممكن ابوسك يا حبيبي انت قد اولادي
وشدته الحضنها دون أن تنظر جواب منه
استعحب فارس من طريقتها هي كمان و الحنان اللي في صدورهم كبير جدااا
انهمك الكل في الشغل المطعم و لكن ظلت نظرات التحدي متبتادله بين مسك وفارس

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قلوب أرهقها نبضها)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى