روايات

رواية طوق الحب الفصل الثالث 3 بقلم هدير عبدالعليم

رواية طوق الحب الفصل الثالث 3 بقلم هدير عبدالعليم

رواية طوق الحب الجزء الثالث

رواية طوق الحب البارت الثالث

رواية طوق الحب الحلقة الثالثة

سيف بحزن: ماما أنتِ عارفه إنهم عايزيني أتجوز داليا ؟!!!
ماما بدهشة: داليا مين؟!!
سيف ب إبتسامة حزينة: داليا بنت عمى
ماما : داليا أكبر منك ب عشر سنين … ومين إللى عايزك تتجوزها بقا ان شاء الله
سيف : سليم إبنك
ماما : لا دا مستحيل دا كده يبقا مجنون
سيف : أنتِ عارفه ابنك أهم حاجه عنده الشغل و الفلوس
ماما بعصبية: لا طبعاً أنا مش موافقة على جوازك من داليا .. و كمان مش موافقة على جوازك من رغد
سيف : عارفه ي ماما مين هيتجوز داليا ؟!
ماما: ..مين؟
سيف : البش مهندس سليم ابنك
ماما بعصبية: دول أخوات بالدم

 

 

سيف : أخوات ؟!
ماما : والله أخوات فى الرضاعة
سيف : ده بجد !!!!!!؟!؟!
ماما : والله أخوات فى الرضاعة يعنى مينفعوش لبعض
سيف بعصبية: ولا أنا كمان أنفع ل داليا
ماما : بنت عمكم كويسه و كل حاجه بس أكبر منكم و بصراحة أنا مش موافقة على أى حاجه من إللى قولتها دي … كلم سليم دلوقتى قوله ييجي
سيف : أنا مش هينفع أكلمه لأنه..
ماما : يبقا أنا إللى هقوم أكلم عمك
سيف : ليه
( كانت ماما إتصلت ب عمى وقالتله الحقيقي.. أنا مش عارف رد فعلهم أيه وقتها.. بس كل إللى أعرفه ان داليا حقها تعيش بطريقه أحسن من كده .. تستاهل حد يحبها .. متكنش السلعة إللى عمى بيعرضها على كل واحد شوية.. لكن كأن جوايا خوف من إنهم يصمموا على جوازي من داليا , لكن وقتها كنت مطمن اووي من كلام ماما وان داليا أختنا وبس )
ماما : أطمن يا سيف مش هتتجوز داليا ..
سيف : بس هتجوز رغد
ماما بعصبية: ولا هتتجوز رغد
سيف ب إبتسامة: أول مره ترفضي حاجه أنا عايزها وبشده
ماما : لأنها مش شبهنا

 

 

سيف : عارفه لو كنتِ قولتي إنها وحشة أو مش محترمة كنت ممكن أتنازل لكن هى المشكله بالنسبة ليكم هى إنهم مش زينا مادياً
ماما : سيف أنا طالعه أنام.. لأنى بجد مش قادره أقعد أقنع فيك .. لأنى عارفك عنيد
سيف ب إبتسامة : أنتِ بتهربي من الحقيقه… الا أنا وأنتِ و كلنا عارفينها
ماما : لا ي سيف مش بهرب من الحقيقه
سيف : ماما بلاش تكوني زيهم .. ماما أنا بحبه و كمان هى محترمة .. مش عيبها إنها فى بيت فقير , عالفكرة أنتِ كمان كنتِ من بيت فقير و بابا صمم يتجوزك ، ليه مش قادره تحسي بيا
ماما : أنت مش هتفهم حاجه و هتفضل زي ما أنت كده
سيف ب إبتسامة: طب أنا من حقي أفهم.؛ أنا سامع حضرتك أهو اتكلمي
ماما بعصبية وصوت عالى: أنا طالعه .. و إللى فى دماغك ده مش هيحصل فاهم
سيف : يبقا أنا مش هتجوز خالص
( ماما طلعت فوق ، لكن فيه جوايا ألف سؤال بدون إجابة.. هو أنا فعلاً مش هتجوز رغد ، و لا أى حاجه ممكنة زى ما ماما قالت فى الأول.. ولا المفروض أحارب كل الناس طالما ده قرار أنا مؤمن بيه .. جسمي كله بدآ يسخن من الزعل لكن فضلت أقاوم و دخلت عملت شاي ب النعناع يمكن أنسى.. و بعد الشاي دخلت اوضتي وأنا بكلم كل جزء فى اوضتي وكأني بكلم أنسان .. لحد ما غالب عليا النوم)
^مين بيتصل بدري كده^
سيف : أزيك يا داليا
داليا : الله يسلمك يا سيف عامل أيه
سيف : أنتِ كويسة؟!
داليا بسعادة: اه جدااا
سيف : أيه السعادة إللى على الصبح دي
داليا: بجد مبسوطة اووى
سيف : بجددد طب ليه عايز أفرح معاكِ؟!!!
داليا : أنت عرفت ان سليم أخويا؟!
سيف : اه و فرحت اووي
داليا : عرفت كمان إنى هنزل شغل ؟!

 

 

سيف : بجد؟!!! وعمي وافق ؟!
داليا : بعد إقناع طويل اووي.. أخيراً وافق
سيف : هتنزلي شغل فين ؟؟
داليا: مع بابا فى الشركة
سيف : إللى فين؟!
داليا بضحك: ي غبائك يا أخي يعنى هسافر بره مصر مثلاً؟! إللى هنا فى القاهرة أكيد يا سيف
سيف : بجد فرحتيني اووي
داليا: بجد كنت خائفه اووي يضعطوا عليك علشان تتجوزني .. عارف كنت هفضل طول حياتي بندم على إنى ظلمتك معايا
سيف : ..
داليا : عارف كمان المفروض تعمل أيه؟
سيف: لا.. مش عارف أى حاجه
داليا: كأن المفروض تقولهم إنك عايز تتجوز واحده تانية
سيف : بالله تسكتي يا داليا
داليا : أنت لازم تقف مع نفسك و تقرر أذا كانت تستحق حبك ليها ولا لا
سيف : مش فاهم كلامك ؟

 

 

داليا : عايزه أقولك ان الجواز دلوقتى مش الأهم فيه الحب .. الأهم فيه إنك تحس ان الشخص ده شبهك و زيك… تكون مطمن معه
سيف بعصبية: لا ما هو مش كله يحكم إنها مش شبهي لمجرد إنها مادياً مش زيي
داليا: ومين قال إنى حكمت عليها إنها مش زيك .. بل ممكن تكون شبهك اووي و لو حسيت إنك مرتاح ليها يبقا لازم تتجوزها .. اما لو حسيت أنه مجرد حب يبقا راجع قرارك
سيف: أنا مش قادر أفهم ولا أحدد حاجه أنا حتي مش عارف هى بتحبني ولا لا ؟!
داليا : أنت مش بتكلمها؟
سيف ب إبتسامة حزينة: يا بنتي دى بنت محترمة و بنت ناس عندهم أصل
داليا: اااه فهمت وهتعمل أيه؟!!!
سيف : إللى فيه الخير يقدمه ربنا ..يلا سلام علشان هتأخر على الشغل
داليا بضحك: وأنا كمان عندي شغل ، بس قولت أكلمك علشان إللى حصل امبارح
سيف : اه
داليا: سلام

 

 

( قفلت مع داليا و أنا بفكر هل هى بتحبني ولا لا… هل تستحق اتحدى العالم و الأهل علشانها ولا آشوف حد نفس المستوي المادي .. سرحات فى كلام داليا فوقت على صوت زعيق فى الصاله طلعت بسرعة اشوف فيه آيه)
سيف : أيه فيه آيه مالكم صوتكم عالى كده ليه
سليم : يعنى حضرتك مش عارف صوتي عالى كده ليه

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية طوق الحب)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى