رواية وفاء البارت التاسع عشر 19 بقلم آية عبده
 |
| رواية وفاء البارت التاسع عشر 19 بقلم آية عبده |
رواية وفاء البارت التاسع عشر 19 بقلم آية عبده
في المستشفي
انت يامحترم ازاي تكلمني كده
رد عمر انتي ايه ال بتعمليه مين ال دخلك العنايه المركزه
ردت اسماء،وطي صوتك ده وبعدين انا دخلت في ملكك دا ملك الحكومه
رد عمر باستغراب واستفزاز من هذا الكائن واشار الي خارج العنايه فخرجت وهو معها ليكمل حديثه،انتي مين سمحلك تدخلي وكاله هيا من غير بواب
ردت اسماء اللهما طولك ياروح ،حسابك تقل ومشي همشي غير لما نصفيه
رد عمر بتنرفزه حساب ايه ال نصفيه انتي يابنتي عقلك في رأسك
ردت اسماء اومال يعني عقلي فين لا لا انتي جيتلي في ملعبي
رد عمر ملعب ،ملعب ايه انتي ونظر حوله وقالبتكلمي مين
تقربت منه وقالت اسماء سلامه نظرك هو البعيد اعمي النظر ،بكلمك انت ياعيني
رد عمر باستفزاز انا اعمي ???? فين الامن
تراجعت اسماء بخوف وقالت في نفسها انا ذودتها ولا ايه ثم قالت له انا همشي مش خوف منك انا اصلا لو قلت هوف هتطير انما انا مستعجله ورايا مواعيد وانصرفت مسرعه
وقف عمل يكلم حاله ايه الانسانه دي بنا يشفيها
ودخل ليباشر عمله واطمئن علي وفاء
اخبارك ايه النهارده
ردت وفاء بصوت منخفض ،الحمدلله يادكتور
نظر لها وابتسم وقال لا انا اسمي عمر
ابتسمت وفاء وقالت متشكره ماما قالت لولا حضرتك والعمليه ياعالم كنت هبقي فين دلوقت
رد عمر كده بقا انتي مديونه ليا
استغربت وفاء وقالت دين ايه ال عليا قول وانا اردهولك
رد عمر بجديه عايزه ترديه ترجعي زي الاول واحسن وتخرجي من هنا ومترجعيش تاني دا انتي غريبه عامله للناس مغناطيس كل لما ادخل العنايه الاقي ناس جنبك وخصوصا الكائن ال كانت هنا دلوقت
ردت وفاء اسماء دي غلبانه
رد عمر دي غلبانه دي لسانه اطول منها مرتين
ضحكت وفاء وقالت متزعلش يادكتور هي عصبيه بس قلبها طيب
رد عمر طالما ضحكتي يبقا انا مش زعلان وعلشان كده هخرجك النهارده بره العنايه
ابتسمت وفاء وقالت اخيرا عقبال لما اخرج برا المستشفي خالص
رد عمر انتي زهقتي مننا ولا ايه دا احنا عشره يومين
ضحكت وفاء لا يادكتر مزهقتش والله
**************
داخل النيابه
ايه يا خالد كل ده
رد محمد كنت بسحب الفلوس وبخلص الورق مستعجل علي الخروج
رد خالد عايز اشوفها واطمن عليها
رد محمد هي بخير والله وهتشوف ده بعينك لما تخرج وتتأكد ،بس
رد خالد بس ايه ،ساره مش هتسيبكم في حالكم
جز علي اسنانه ورد خالد ساره دي حسابها معايا وهخده منها
رد محمد اعقل كده مش عايزين تهور انت علي ذمه قضيه مش ناقصين واحده تانيه
رد خالد ووفاء ان مكنتش اقفلها هتزيد فيها وتحاول تاني تقتلها
رد محمد متخافش مش،هتعملها هي مش غبيه
نظر له خالد وتعجب من رده وقال هه فعلا ياصحبي مش غبيه
**************
في فيلا كمال
تقعد ساره بجوار والدها يتناولون الغداء
عرفتي ان خالد هيخرج
ردت ساره بضيق ايوه عرفت
رد كمال طب وايه هيجي علي هنا ولا هيروح شقته عمته
ردت وانا ايه عرفني مايعمل ال يعمله
رد ايه مش جوزك ولازم تعرف كل تحركاته
نظرت له بضيق وقالت مش فضيلي اكيد هيحري علي السنكوحه بتاعته
رد كمال غبي مش عارف مصلحته بس المفاجأة ال انا محضرله هتخليه يفوق لنفسه
نظرت له باستغراب مفاجأه ايه يابابا
ضحك بخبث وقال خليها في ميعادها
نظرت له باستغراب وضحكت هي ايضا بخبث
***************
منال مع ساميه داخل المستشفى
طيب ليه اشاعات تانيه بامنال
ردت منال مش اشاعات تانيه هي نفس ال عملتيها بس الدكتور بيعدها عايز يطمن
ردت ساميه يطمن ولا شاكك في حاجه
ردت منال يامدام ساميه متفوليش علي نفس كله ده عايز بس يطمن عليكي مش اكتر
ردت ساميه شكلها مش خير يامنال واكملت حديثها وفاء هتخرج ايمتا
ردت منال المفروض دلوقت هتتنقل من العنايه لاوضه خاصه
ردت ساميه الحمد لله ربنا يكمل شفاها علي خير انا جبت ليها حراسه علي اوضتها علشان محدش يتجرء يأذيها
ردت منال هو انتي يا مدام ساميه خايفه عليها
وقفت ساميه وقالت بتقولي ايه يامنال اومال لومكنتش اخاف عليها هخاف بس علي مين ودمعت عيناها واكملت حديثها ،صعب اوي ان ولادي شيفاهم ومش عارفه احضنهم مش عارفه اقولهم اني امهم نفس كده احضنهم المسهم بس لو عرفو الحقيقه وعرفو اني امهم هيحتقروني علشان انا في نظرهم مش هبقا ام هبقا خاينه ووضيعه اتخلت عن أمومتها وعنهم علشان الفلوس تفتكري هيقدرو يسامحوني هيقدرو يتقبلوني ،هه صعب يامنال صعب
ردت منال اعترافك بالحقيقة هيخفف العبء سامحو بقا او مسامحوش دي حاجه ترجع لهم ،لكن اعترافك انهم ولادك هيخفف عنك انتي
تقوم باكيه صعب يامنال صعب كل حاجه هتضيع
ردت منال لسه بتفكري في الفلوس دي هيا ال فرقتك عن ولادك وحرمتك منهم
ردت ساميه مش مساله فلوس
ردت منال اومال ايه هي المسأله
ردت ساميه منال خلاص كفايه مش قادره
ردت منال يامدام لو كنوز الدنيا ومتعها في كفه واولادي في الكفه التانيه هختار كفه ولادي المال مش هيدوم ال هيدوم ولد صالح يدعيلي ميدعيش عليا وانا في علم الغيب ،بعد اذنك
انصرفت منال وبكت ساميه من كلام منال وقالت بس احنا بني ادمين مش ملايكه المغريات بتعمينا بس ياترا هتفضل عميانه لايمتا
**************
دخلت غرفه الكشف
دكتر بعد اذنك الحاله في اوضه 18 بتشتكي من بطنها
نظر لها عماد ثم نظر في الورق الذي يحمله وقال طيب اتفضلي وانا هحصلك
وقفت ريم لم تنصرف وظلت تنظر له
رد عماد في حاجه
بلعت ريقها وقالت لا ابدا يادكتر بعد إذنك
واثناء خروجها من الغرفه نادا عليها ريم
وقفت ونظرت له وقالت نعم
اقترب منها وقال في حاجه عايزه تقوليها
نظرت له وقالت لا ابدا حاجه زي ايه
رد عماد يمكن خبر حلو
نظرت له باستغراب ولم ترد
اكمل عماد كلامه اه نسيت وانا هتكلم بصفتي ايه انا بعتذر بعد إذنك وانصرف
ظلت واقفه لم تتحرك كلماته وجعت قلبها بكت وقالت انت كنت الحاجه الحلوه ال في حياتي وبعدك مفيش اي حاجه هتبقي حلوه انا ال اسفالك ياعماد كله لمصلحتك سامحني وظلت تبكي بحرقه
**************
بعد ساعه
وفاء تخرج خارج العنايه برفقه الدكتور عمر وريم ومنال
الحمد لله ربنا يتم شفاكي علي خير ياوفاء
ردت وفاء يارب ياماما
ردت ريم ايوه ياعم مين ادك مستحوزه علي كل دعوات ماما
ردت منال وانا ليا مين غيركم ادعيله ذي مابدعلها بدعيلك
ردت ياماما حرام عليكي دي وفاء هي ال علي الحجر وقاعده ومتربعه كمان
ابتسمت وفاء لحديث منال وريم وقالت ربنا يخليكم ليا وتفضلي ياماما تدعيلي وهما لا بردو
يرد الدكتور يابختك ياوفاء انا بقا مشفتش امي افتكرها حاجات بسيطه بس شكلها بالكامل مفتكرهوش
ردت وفاء ليه يا دكتور
نظرت له منال والي رده ماذا سيقول رد وقال
الله يرحمها بابا بيقول انها اتوفت واخدني وسافرنا بره بعدها
ردت وفاء وريم بحزن الله يرحمها
رد عمر بس عندي بابا ربنا يباركلي فيه هو كل دنيتي ضحي بحياته ومرديش يتجوز بعدها علشاني
ردت منال ربنا يباركلك فيه يا دكتور
رد عمر يااارب
واثناء حديثهم دخل الظابط وأستاذن عمر ليأخذ اقوال وفاء ووافق عمر وانصرف هو ريم وتركو وفاء برفقه منال مع الظابط ليستجوبها
واثناء اخذ اقولها تنفعل وفاء
قالت منال اهدي يابنتي الانفعال مش كويس
اخذت انفاسها وهدئت وقالت
خالد يحاول يقتلني ليه هو فعلا في خلاف بينا بس متوصلش انه يحاول يقتلني
رد الظابط بس هو ماانكرش وقال انه هددك قبل كده
ردت وفاء يافندم خالد مهددنيش بالقتل
نظرت منال لها باستغراب
قال الظابط بس كان في فيديو متصور لكم اثناء تهديده بمواجهته بالفيديو ماانكرش
ردت وفاء متفبرك
ردت الظابط يعني ايه
ردت وفاء يعني ببرء خالد من تهمه الشروع في قتلي استحالة يعمل كده
رد الظابط انتي كده بتتنزلي عن حقك
ردت وفاء حق ايه حضرتك خالد محاولش يقتلني وانا بنكر انه حاول يهددني
رد الظابط انتي كده بتتستري عليه وبيضيع حقك
ردت وفاء وانا قلت كل ال عندي خالد بريء
رد الظابط اكتب ياابني يفقل المحضر علي هذا اتفضلي امضي
مضتت وفاء وخرج الظابط واثناء خروجه قابله خالد ومحمد وسأله محمد بعد اذنك ممكن اعرف وفاء قالت ايه انا محامي المتهم في محاوله قتلها
نظر لهم وقال برئت الاستاذ وانكرت اي تهديد لها منه
ابتسم محمد وقال متشكر لحضرتك اتفضل
نظر لخالد وقال مبروك كده القضيه اتقفلت
رد خالد بس انا مش عايزه تتقفل كده ال حاول يقتلها مرتين هيعيش حر طليق وانا والله ماهسيب حقها
*******
داخل غرفه وفاء
ليه عملتي كده ليه مقولتيش الحقيقه
ردت وفاء حقيقه ايه الحقيقه ان خالد محاولش يقتلني
ردت منال بس هددك بالقتل كتير
ردت وفاء ياماما خالد كان بيهدد علشان مطلبش منه الطلاق
ردت منال يابنتي انتي كده ضيعتي حقك وكنا نرفع عليه قضيه طلاق وكانت كل الادله بتدينه
ردت وفاء مش بالطريقه دي ياماما ادينه وهو بريء
ردت منال بنفاذ صبر انا خلاص تعبت من الكلام معاكي ياوفاء وانتي دماغك نشفه ونظرت خلفها كان خالد
قال ممكن ادخل نظرت له وفاء ومنال وردت منال
هه اه طبعا اتفضل انا ال هخرج وخرجت وتركت خالد مع وفاء
وقف بعيد عنها ونظر لها وظلت هي ايضا تنظر له
وقال باستحياء اخبارك ايه دلوقت
ردت وفاء الحمدلله ياخالد
اقترب قليل منها وقال انا متشكر
ردت وفاء ليه بتشكرني
رد خالد علشان برئتيني من تهديداتي ليكي
ردت وفاء انا عارفه ومتأكدة انك استحاله تعمل كده
دمعت عيناه واقترب واصبح بجوارها قعد علي ركبتيه ومسك يديها وظل يقبلها ويبكي بحرقه وقال بصوت مخنوق انا اسف ياوفاء سامحيني انا كنت اناني
ردت وفاء خالد متعملش في نفسك كده
رد خالد بعد كل ال عملته لسه قلبك عليا
ردت وفاء اسمع ياخالد انا اتعلمت ان محكمش علي شخص من مجرد موقف انت صحيح كل مواقفك معايا تخليني اكرهك بس استحاله علشان انتقم اورطك في محاوله قتلي وانا عارفه انك برئ مش اخلاقي
رد خالد قوليلي مين ال عمل كده وانا هشرب من دمه
ردت وفاء مش عارفه ياخالد انا عايزه ارتاح انا تعبانه
رد خالد طيب انادي الدكتور
ردت وفاء ياخالد انا عايزه ارتاح بس
رد خالد انا هبقا بره لو احتاجتي اي شئ نادي عليا
ردت وفاء روح يا خالد وتعالي الصبح
رد خالد لا مش همشي
ردت وفاء علشان خاطري روح وتعالي الصبح
هز رأسه وقال حاضر
يتبع..
لقراءة البارت العشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية فرحة العمر للكاتبة منة علي
