رواية صراع الغزل الفصل السابع 7 بقلم رولا
رواية صراع الغزل الجزء السابع
رواية صراع الغزل البارت السابع
رواية صراع الغزل الحلقة السابعة
لازم تمو*تي يبنت السباعي
سمعت قفل باب البيت فخرجت وسابت غزل قاعده لوحدها
غزل كويسه ي صفاء !
ردت صفاء بغضب :_ متنساش ان صفاء دي أمك يعز بيه
عز بتحدي :_ ومتنسيش ان غزل مرات ابنك ياا أمي ..
قدم من أوضه غزل ولسه بيفتح الباب سمع صوت امه من وراه :_ لسه بتحبها يعز ! لسه بتحبها بعد ما كانت ف حضن أخوك ! دي خا”ينه يا عز ، لو بتحبك كانت أستنتك ترجع .
ساب الباب ولا بصلها :_ لو تفتكري ، انا سيبتها يوم فرحها من غير ما انطق بكلمه ، سيبتها وهي قاعده مستنياني انادي عليها عشان تبقي مراتي ، سيبتها بسببك لو تفتكري وهي حتي متعرفش انا سيبتها يومها لي ، ياااااا امي .
قربت منه صفاء بسرعه وقالتله :_ انا عرفتها يبني ، عرفتها انك لازم تروح ، هي اللي قررت تتجوز اخوك ، هي اللي قالتلي انها بتحب مراد وكويس انها جت منك انت مش منها ، هي اول ما الناس عرفت اقترحت تتجوز أخوك عشان الفض”يحه ، اخوك كان هيستر عليها سنه ويطلقها ، ضحكت عليه وخلته يحبها ، ناسي كل ده لييه وفاكر الو*حش لامك ..
بصلها بحيره وسابها ودخل لغزل ، قرب منها حط ايده علي خدها وقالها بحنيه :_ مش عارف كنتي عاوزه اي ، ولا عارف كنتي معايا لي وانتي بتحبي اخويا ، بس اللي اعرفه ان قلبي لسه بيدقلك يحته من قلبي ، انا آسف بس مش هقدر افضل كدا ، أستحمليني شويه انا مُجْبر
خرج من الاوضه والبيت كله عشان يكمل تدوير علي زين ..
عدي اربع ساعات ، واخيرا بدأت غزل تفتح عيونها ، فضلت تبص حواليها ملقيتش حد ، فخرجت من الاوضه وهي بتدور علي اي حد ، ملقتش حد ف دخلت بسرعه اوضتها وقفلت علي نفسها وطلعت التليفون اللي مخبياه ووقفن التسجيل عشان تسمعه ، وقبل ما تسمعه لقت حد بيحاول يفتح الاوضه فشغلت التسجيل تاني وخبت التليفون وقامت بسرعه فتحت الترباس وبعدين الباب ، لقت عز ف وشها :_ عاوز اي !
مردش عليها ، كان بيقرب منها وهي تبعد لحد ما خبطت ف السرير ، وقفت بينما هو حضن وشها بكف ايده وقالها بخفوت وهو بينحني عند ودنها :_ انتي عارفه حساب اللي بيخو”ني اي يا غزل !!
يتبع…
لقراءة الفصل التالي : اضغط هنا
الرواية كاملة اضغط على : (رواية صراع الغزل)
