رواية كيان في بحر الغدر الفصل الثاني 2 بقلم حنين الماضي
رواية كيان في بحر الغدر الجزء الثاني
رواية كيان في بحر الغدر البارت الثاني
رواية كيان في بحر الغدر الحلقة الثانية
كيان : ابنى بالعمليات وعاوزنى امشى ازاى !!! انت اللى المفروض تمشى لان أنا أمة ومش انت ولا الدكتور اللى هتحددوا اقعد ولا امشى
عدنان : خلاص خليكى لكن هو كدة محتاج متابعة مرتين فالاسبوع
كيان : هنزل وأتابع
عدنان : هتنزلى الشام والحواجز والتفتيش هتعملى اية فيهم ؟
كيان : اى حاجة هتساعد فى علاج ابنى هعملها
عدنان : أنا مش مطمن ،الموضوع بدأ يكون مقلق
كيان : بتقول كدة عشان تخوفنى !!!
عدنان : بصى حواليكى كل الدول العربية قامت ثورات فيها وهرب حكام كتير وسابوا بلدهم والشعب هاج على بعضة واحنا اهو حصلناهم وبقينا نعدى من حواجز وتفتيش يومى وكلام كتير ما بين معارضة وحكومة وياعالم هيحصل اية تانى الفترة الجاية ، حافظى على نفسك وولادك لان الجاى صعب علينا كلنا وساعتها مش هنلاقى حد يسمعنا وهيكون الضياع الحقيقى .. امى بتتصل تتطمن على ابننا؟ الو امى كيفك
الام : الحقنا ابنى قصفوا قريتنا
😧😧😧😧
عدنان : 🥹🥹 دة اللى توقعتة انتوا بخير يا أمى واخواتى والولاد ؟
امى : كلنا بخير لكن لازم نمشى من الشام
عدنان : جهزوا حالكم وقت ابنى يخرج من العملية هنرحل فورا
كيان : اية حصل بيتنا اضرب !!؟
عدنان : صعب اطمن عليكوا فالشام تانى قصفوا منازل فيها ولازم ننزل على بلد ابويا هناك هيكون بعيد عن القصف .
كيان : يااااااة ربى 😥😥 كأن الدور جة علينا والحرب قامت وهتفرق كل عيلة عن بعضها
عدنان : الحمدلله الدكتور جة طمنا يا دكتور
الدكتور : العملية تمت بنجاح لكن لازم يجى مرتين كل اسبوع اكشف علية
عدنان : هنحاول لان المسافة هتكون طويلة من بلدنا لحد الشام بعد القصف اللى حصل على المنازل ومع الحواجز والتفتيش
الدكتور : لا حول ولا قوه الا بالله سوريا بدأت الحرب ومحدش عارف مين بكرة مش موجود .. حمد لله على السلامه..
___________
كيان : أنا خايفة يا عدنان على ولادنا ،الجيش الحر مش سايب لا مزارع ولا بستان ولا بيت أهالى الا وفتشهم حتى خزانة الملابس بيفتشوها كل شوية وكل الملابس يرموها عالارض ،لحد امتى هنفضل كدة مش عارفين نعيش وخايفين من القصف فى أى لحظة 😥😥
يا عدنان بالأمس سمعت الباب بيخبط،جريت اشوف مين عالباب من الشباك قبل ما افتح وكنت قاعدة بفطر الولاد واول لما لقيت العساكر محاوطة كل البيوت خوفت واترعبت وخبيت خوفى عشان الولاد وحاولت أظهر أن قلبى جامد وميبانش عليا توتر واول لما فتحت الباب لقيت العسكر بيقولى عاوزين نفتش ،جريت فتحت كل نوافذ البيت وقولتلهم فتشوا براحتكم أنا ماعندى شئ اخبية وقعدت افطر الولاد وهما بيفتشوا لكن من جوايا كنت مرعووبة ومتوترة جدا وياريتنى عارفة هما بيفتشوا عن اية بالضبط
عدنان : حسك عينك تسأليهم بدل ما يأذوكى أو يأذوا الصغار وربنا يستر من القصف العشوائي اللى بيستهدف بيوت الأهالى ،الرحمة من عندك يارب انت الحافظ ..
كيان :الصبح كلمت ام فارس اطمن عليها وعلى اولادها وحشتنى قعدة اهلى واخواتى واحنا بنسمع فيروز وبنشرب القهوة والشمس عمالة تلاعبنا شوية تظهر وشوية تغيب وافتكرنا ايام جميلة كنا فيها وقت زيارتنا اخر مرة ومرة واحدة صوت قذيفة مرعب ووقعت من الصوت وانقطع الاتصال وحاولت اتصل بيها اكتر من مرة مافيش تغطية وزاد قلقى عليها وعلى كل اهلى لحد ما الموبايلات اشتغلت تانى وجريت اسألها ،صوت القذيفة اللى سمعتة دة صح ؟ قالتلى بدمووع صح قذيفة رجت كل أركان المنزل ووقعت اثاث بالبيت و من خوفنا جرينا نطمن على اولادنا واجوازتنا لكن التغطية انقطعت وعيشنا ليلة رعب مش عارفين نطمن على ولادنا ولا عارفين القصف اخد مين ،لحد ما سمعوا صوت صريخ عاالى ان جارتنا هى وابنها اتصوب ،ابنها عمرة ٦ سنوات لسة طفل صغير يستشهد بالطريقة البشعة دى لية وأمة مصابة بالمستشفى 🥹🥹 يا قلبى عليهم ولقيتها بتقولى جريوا بسرعة على البلاكونات يمكن يشوفوا أولادهم ويطمنوا لكن كان الجو غبار اسود ودخان عالى ومرة واحدة رجعت التغطية للموبايلات وكل واحدة راحت تتصل وبقت اشعارات الموبايلات تيجى ورا بعضها من غير توقف واطمنوا على أولادهم وبقى كل دعائهم أن حصيلة الشهداااء فى اليوم ليسوا كثيرين ..
عدنان : هما مش هيسيبوا منطقة الا ويدمروها واحنا الضحيييية للأسف
كيان : تعرف أن عربياتهم اتسرقت حتى المحلات كمان نهبوها
عدنان : يارب يسيبونا احياء وتيجى فالمال بدل ما تيجى فالابدان
كيان : هقوم اكلمها اطمن عليها
عدنان : والله ما حد عارف مين المفروض يطمن على مين ، كل حاجة فى لحظة بقت دمااار ودخلنا فى حررب مالناش يد فيها واحنا كمان الضحية
كيان : ام فارس كيف احوالك غايتى
ام فارس ببكاء: زوجى اليوم اخد ابنى على منطقة تماس وجازف مشان يكشف على ابنى والمنطقة هناك مشتعلة وهناك قناص يتفنن ويستمتع بقنص الناس .
كيان : تبع مين القناص ؟
ام فارس : المعارضة تقول تابع للحكومة والحكومة تقول تابع للمعارضة لكن هو يقنص المدنيين فقط 🥹🥹 واضطر زوجى بعد سرقة سيارتنا ياخد تاكسى لتماس عشان يلحق يكشف على ابنى وقالى وقت الوصول للمنطقة الكل بقى يجرى بطريقة عشوائية يدور على مكان آمن يستخبى فية وكلنا غرباء ومحدش يعرف التانى وبعد ما اتجمعنا فى مكان آمن كنا نسلم على بعض أننا عدينا بسلام .. لكن اتفاجئنا بأن حلب انقسمت لنصين بقت حلب شرقية وحلب غربية والتفتيش والحواجز زادت وبقينا نحس بعذاب اكتر لان كل خزين بيتنا من حلب الشرقية والمرور هناك صعب وتجار حلب الغربية غلوا الاسعار وبقينا مضطرين نشترى أسوأ الطعام بأغلى ثمن ومحدش عارف بكرة هيعملوا فينا اية تانى ،حتى الكهربا قطعوها علينا بال ٢٢ ساعة وممكن شهر كامل واى حد يروح حلب الشرقية ندعى ربنا القناص ما يشوفة ولا يحاصرة ولا يتصابوا بعيار طايش .
كيان : ااااااااة عدناااااان
ام فارس : الو الوووو كيان
____________________
لمتابعة رواية كيان فى بحر غدر لايك وكومنت عشان نعرف باقى احداث الحرب وتأثيرها على شعبها وازاى كيان قدرت تتحمل أهل زوجها ؟؟؟
تحياتى لكل اهلى من سوريا 🌹🌹
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كيان في بحر الغدر)
تعليق واحد