رواية حب غير مقصود الفصل الثالث عشر 13 بقلم منة
رواية حب غير مقصود البارت الثالث عشر
رواية حب غير مقصود الجزء الثالث عشر
رواية حب غير مقصود الحلقة الثالثة عشر
الكل بدا يركب علشان يرجع البيت وياسر لسه هيتحرك لكن شاف دعاء وابتسم ولسه رايح علشان يكلمها هي جريت بسرعه ركبت العربيه ومشيت..
ياسر راح علشان يركب..
فاتن : ياسر.
ياسر لف ليها بابتسامه: ايوه ي امي..
فاتن فرحة لما شافت ابتسامته : هو انت هتروح شقتك..
ياسر : لا انا قاعد ع قلبكم انهارده.. البت ابتسام دي وحشاني و هنسهر مع بعض للصبح.
فاتن بفرحة: ماشي ي حبيبي يلا..
والكل اتحرك من قدام القاعه.
شريف والكل وصلوا قدام البيت..
شريف مسك ايد نسمه وساعدها تطلع ع السلم علشان الفستان.. فتح باب الشقه : ادخلي برجلك اليمين ي عروسه..
ابتسمت ودخلت برجلي اليمين وانا دقات قلبي متلخبطه.
شريف : نورتي بيتك ي حياتي.
ابتسمت : شكرا..
طب يلا ادخلي الاوضه غيري واتوضي علشان نصلي مع بعض..
: حاضر.. دخلت وغيرت وصلينا مع بعض.. خرجنا ف الصاله لقيته محضر اكل ع السفره..
شريف : يلا كلي انتي ماكلتيش حاجه من بدري.
: بس انا مش جعانه.
شدها ع رجله و اكلها بايده وقضوا وقت جميل..
________
طبعا الكل دخل بيته..
عند ايمن وعايده..
ريم ورحيم بيعيطوا…
ايمن بيغير لرحيم هدومه.. وعايده بتغير لريم هدومها..
رحيم بعياط : يلا يا بابا بقا عايز انام مش قادر..
ايمن : حاضر البس بس و بعدين نام.
ريم : يا ماما بقا بسرعه عايزه انااام..
عايده : حاضر اهو.. ولبستها وخلصت : يلا روحي نامي.. وطلعت ع السرير بسرعه و راحت ف النوم..
رحيم : يا بابا ماما خلصت لريم وانت لسه مش خلصتلي..
ايمن : اسكت ي بني ما تصغرناش قدامها..
ضحكت عايده : تعالي ي رحيم وانا البسك علشان تنام ي حبيبي.
رحيم راح عليها جري : بسرعه ي ماما علشان الحق اسبق ريم ف الحلم..
ايمن وعايده ضحكوا عليه.. ورحيم طلع ع السرير نام جنبها و راح هو كمان ف سابع نومه..
ايمن وعايده خرجوا من الاوضه و راحوا يناموا هما كمان..
__________
عند ياسر و ابتسام..
حازم وفاتن دخلوا اوضتهم وياسر وابتسام قعدين قدام التلفزيون وبياكلوا فاكهه و فشار وتسالي و عاملين سهره حلوه.. الفيلم اللي كانوا بيتفرجوا عليه خلص..
ياسر مسك الريمود و بيشوف فيلم تاني.. وجاب فيلم وبعدوا يتفرجوا ومندمجين وكان مالك ماسك الريمود ف ايده الفشار وبياكل..
ابتسام : سيبه سيبه سيبه بسرعه.
ياسر بخضه ساب الفشار من ايده : ف اي ي بت..
ابتسام : لا انا بقول للراجل يسيب الشاب كفاية كده ضر به كتير..
ياسر ضيق عينه بعدم فهم : اوعي يكون قصدك ع الفيلم..
ابتسام : ايوه قصدي ع الفيلم.. يعيني ضربه كتير.
ياسر بهزار ضربها ع قفاها : بقا تخضيني وتخليني ارمي الفشار من ايدي علشان المسلسل..
ابتسام : يا عم وربنا ما اقصد انا اندمجت زياده بس.. ابعد عن قفايا بقا ي جدع..
ياسر بعد عنها : يا عم؟! ي جدع؟؟ لا ده انتي ضيعتي خالص.
ورجعوا يتفرجوا تاني مع بعض..
ف الاوضه..
فاتن بتعلق الهدوم وحازم نايم ع السرير وحاطط دراعه تحت راسه وبيتكلم معاها..
حازم : انا اصلا عارف انهم عمرهم ما يقدروا يعيشوا بعيد عن بعض دول اخوات و متربين مع بعض.
فاتن بفرحة : بس انا فرحة اوي لما لقيت ياسر هو اللي سايق عربية شريف… يااااه بجد ع الفرحة و الراحة اللي انا فيها.
حازم : ربنا يهديهم لبعض دايما.. يلا طفي النور علشان ننام و نعرف نقوم نصلي الفجر..
فاتن : ده خلاص الفجر هياذن اهو معتش عليه غير ساعة ونص..
حازم : انا ظابط المنبه متقلقيش نامي علشان ما تتعبيش اكتر انهارده كان يوم متعب..
فاتن : بس كان حلو اوي.
حازم ابتسم : طب يلا..
وناموا….
__________
عند هدى و ادهم..
هدى قعدة ف الصالة و بتعيط..
ادهم مسح ع وشه بتعب : الله يهديكي ي هدى مش ده اللي انتي كنت عايزاه.. وكنت عايزه انها تتجوز و تروح ع بيت جوزها زي الملكه.. اهو ده اللي حصل مالك بقا.
هدى بعياط : بس مكنتش اتوقع ان اليوم ده هيجي بسرعه كده..
عمرو : يا حبيبتي والله مش بسرعه ولا حاجه ده شريف بقاله كذا سنه بيتقدم ليها و نسمه مرمطته و يوم ما يتجوزوا تقولي اليوم اجى بسرعه!!؟
هدى : بس انا هفضل كده لوحدي.
حازم : لوحدك اي واحنا فين.. و عايده بتيجي تقعد معاكي وكلها اسبوع وهتلاقي نسمه مقيمه عندك هنا صدقيني.. قومي يلا علشان نلحق ننام ع الاقل ساعه.
الكل قام علشان ينام…
___________
تاني يوم..
بعد ما قومنا صلينا الفجر نامنا تاني لكن علشان انا متعوده ع ميعاد بقوم فيه صحيت 6 وربع قعدة اقرا قران.. وبعد وقت قفلت المصحف وحطيته ف مكانه وكان شريف لسه نايم نفخت بزهق.. انا جعانه و مش عارفه اقوم اكل محرجه وحاسه ان البيت مش بيتي.. قعدة الف ف الاوضه راحه جايه..
شريف قلق من الحركه اللي ف الاوضه : ف اي ي حبيبتي اي اللي مصحيكي دلوقتي..
: ما هو بصراحه انا صحيت ف الميعاد اللي بقوم فيه ومعتش عارفه انام.
شريف: خلاص هقوم اخد شاور وانتي ادخلي جهزي فطار.. و القهوة بتاعتي معلش.
: ماشي.. و دخلت جري ع المطبخ وبدات اجهز الفطار وعملت القهوة.. وحطيت كل حاجه ع السفره ودخلت الاوضه وكان شريف لسه مخرجش من الحمام.. فتحت شنطه صغيره كده خاصة بيا و طلعت منها دفتر وبدات اكتب الحاجات المميزه اللي حصلت امبارح.. شريف خرج وانا حطيت الدفتر ف مكانه..
شريف : جهزتي الفطار ي حبيبتي.
: احم.. ايوه الفطار والقهوة برا..
شريف مسكني من ايدي : طب يلا نفطر..
قعدني جنبه وبدانا ناكل..
وبعد ما خلصنا اكل شيلت الاطباق و رجعت قعدة تاني مكاني وبنشرب القهوة..
اتكلمت بتردد : شريف ممكن اسالك سؤال.
شريف : اسالي عن اللي انتي عايزاه طبعا.. بس ع ما اظن ان مفيش حاجه ف حياتي انت متعرفيهاش.
: لا في حاجه انا هموت واعرفها..
شريف : بعد الشر عنك.. قولتلك قولي وانا هجاوبك ع اللي انتي عايزاه.
: اشمعنا انا بقا.
شريف بعدم فهم : اشمعنا انتي اي..
: شريف اشمعنا انا.. ليه فضلت متمسك بيا بالرغم من اني كنت كل مره بتتقدملي فيها برفضك وكنت كل ما تكلمني بصدك.. اي اللي يخليك متمسك بيا كده.. ده مش شئ غريب..
شريف ضحك ع سؤالي : ههههه هو ده بقا السؤال.. لا ي ستي مش شئ غريب.
: شريف ع فكرة مفيش حاجه بتضحك.. و رد ع سؤالي باجابه مقنعه معلش..
شريف ساب القهوة من ايده ومسك ايد نسمه : بصي ي ستي.. فضلت متمسك بيكي علشان بحبك.. وجيت قولتلك بس انت رفضتي ده.. و حاولت ابعد و مافكرش فيكِ بس للاسف معرفتش.. بالعكس كنت بتوحشيني.. وحبي ليك اصبح عشق و واحده واحده بقيتي بالنسبه ليا ادمان.. وساعتها اقسمت انك مش هتبقي لحد غيري.. و اهو اتمرمط وراكِ لحد ما بقيتي مراتي و ايدي ف ايدك..
دمعه نزلت من عيوني بابتسامه…
شريف : بتعيطي ليه.
: هو انا ممكن اعترفلك بحاجه.
شريف مسك وشها بكل حب : قولي اللي انتي عايزاه.
غمضت عيني و قولتله: عايزه اقولك اني كمان كنت بحبك..
شريف بصلي بصدمه..
: بص قبل ما تقول اي حاجه.. انا عارفه انك كنت بتحبني بس انا كنت خايفه.. وخايفه اوي كمان.
شريف : خايفه من اي.
: كنت خايفه اوافق عليك اكون مش بحبك او انت مش بتحبني و نظلم بعض.. ما انا مكنتش متاكده من شعوري ده..
شريف : نسمه.. انت عارفه كويس اني بحبك.. وتكوني انتي كمان بتحبيني و تعذبيني كل ده.. انتي جرحتيني اووي ي نسمه.. انا لحد امبارح كنت قاعد بفكر انا غصبت عليكي الجوازه دي ولا اتجوزتك بارادتك.
: عارفه والله انك اتعذبت بسببي كتير بس متنساش اني كمان كنت بتعذب زيك بالظبط.. شريف مش عارف يقول اي ولسه هيقوم ويدخل الاوضه.. ونسمه قربت منه و حضنته..
شريف حضنها جامد..
نسمه : بحبك اوي ي شريف..
شريف : وانا بعشقك..
__________بقلم /princess Menna
بعد مرور اسبوع…
هدى واقفه ف المطبخ و بتحط الاكل ف الاطباق باستعجال..
هدى بصوت عالي : عمررررررو
عمرو كان ف الاوضه و سمعها راح بسرعه عليها واتخبط اكتر من مره ف رجله و ف دراعه : ف اي ي امي اي اللي حصل..
هدى : خد الاطباق دي حطها ع السفرة فات اختك جاية دلوقتي هي وجوزها ي حبة عيني و جعانين وانت واقف تتفرج عليا.. ما تاخد يا ولا الاطباق دي حطها ع السفره..
عمرو ضرب بايده الاتنين ع بعض : لا حول ولاقوة الابالله.. يعني تخضيني الخضه دي علشان نسمه جايه هي وجوزها..
هدى بتاكيد : ايوه وخد يلا و بطل لماضه.
عمرو : هو انتي ليه محسساني ان نسمه هتيجي جعانه اومال مين اللي بقاله اسبوع بياكل فراخ ولحمه و حمام.. ده انتي بتديها الاكل بتاعنا.
هدى شهقت : بتبص لاختك ف اللقمه يا ولا.. قليل الادب بصحيح.. امشي من قدامي امشي..
عمرو بيحط الاطباق وبيضحك : ابص لاختي ف اكلها اي بس.. ده بالف هنا ع قلبها طبعا..
هدى : الله يهنيك ي حبيبي.. الا هي نسمه اتاخرت كده ليه..
عند نسمه و شريف..
خلصت لبس ولفيت ليه : ها اي رايك..
شريف : قمررر.. بقولك اي.
: اي؟؟
شريف : ما تجيبي بوسة.. مش انتي قولتي بتحبيني.
: ههههه.. انت مسكت ف الكلمه ولا اي..
شريف لسه هيقرب منها فونه رن وكانت هدى..
شريف : امك بترن..
: اسمها امك!!؟
شريف رد..
هدى : انتم فين..
شريف : بنتك ي طنط.. بنتك عماله تعمل حاجه غريبه لحد ما اتاخرنا عليكي معلش.
شهقت بصدمه..
شريف كمل كلامه.. كل شويه تقلع حجاب تلبس حجاب تاني.. وانا اقولها يلا هنتاخر ع طنط هدى.. تقول عادي.
وقاعد يغيظ ف نسمه علشان قلب كل حاجه عليها وفتح مكبر الصوت علشان يسمعها رد هدى..
هدى : و اي يعني عروسه وتدلع سيبها براحتها تاخد وقتها..
شريف : بقا كده.. تمام ي حماتي اما نسمه تخلص بقا هنبقا نيجي سلام..
شريف قفل بغيظ وانا كنت فطسانه ضحك..
شريف : اضحكي..اضحكي يلا ي اختي..
ونزلنا مع بعض و وصلنا عند ماما.. وكان هناك ايمن وعايده وعياله وعمرو وماما وبابا..
شريف : السلام عليكم..
الكل : وعليكم السلام ورحمة الله وبركاته..
تعالوا..
الكل بدا يسلم ع نسمه بفرحة وبعد شوية وقت قعدوا ياكلوا كلهم مع بعض..
عمرو : بقولكم اي..
الكل بص ع عمرو بانتباه…
عمرو اتكلم بهزار : احم.. بما اني شخص مهم ف العيلة والكل مهتم بالكلام اللي هقوله لاني مركز اهتمام.. وبيعدل ياقة القميص بغرور.. ضربة ايمن ع قفاه..
ايمن : اخلص قول اللي عندك انت هتعيش الدور..
الكل ضحك..
ياسر : شكرا ي برنس.. دايما موجود ف الوقت المظبوط..
ادهم بضحك : قول اللي عندك.. احسن اخوك قاعد جنبك ومش محتاج توصيه ماشاء الله.
ياسر بص ع ايمن وحط ايده ع قفاه وقال : ع اي.. الطيب احسن.. هتكلم ع طول..
ياسر : بصوا انا من قبل فرح شريف وانا ناوي اطلع رحله بس قولت اي استنى لبعد. فرح نسمه و بما انه هما مش طالعين شهر عسل ف بفكر اننا نطلع نقضي اسبوع ف اي مكان انتم عايزينه بقا..
ايمن بتفكير : مع ان الواد ده حمار بس هو بيطلع عليه افكار جامده..
شريف : والله فكره كويسه ونطلع كلنا مع بعض..
هدى : طب ما نسمه وشريف بس يروحوا لازم كلنا نكون معاهم..
: يا ماما هو انا اشتكيت ما هو احنا هنروح هناك هنقعد ف فندق كل ثنائي هيبقا مع بعض.. يعني انتي وبابا مع بعض.. وانا وشريف.. وعايده وايمن وريم ورحيم مع بعض.. و عمو حازم وطنط فاتن مع بعض.. وياسر و عمرو مع بعض..
عمرو لسه هيعترض هو مش قادر يسامح ياسر : بس ي نسمه.
: مفيش بس ياما كلنا مع بعض زي ما قولت ياما محدش هيروح صح ولا اي..
كلهم : ايوه صح.. معاكِ حق
عمرو : اللي تشوفوه..
كملت كلامي : وابتسام.. اي ده ابتسام هتبقا لوحدها..
عمرو : لا مش هتبقا لوحدها.. مانا ناوي اجيب شهد وعيلتها معانا بالمره اهو تبقا طلعه جماعيه..
ادهم : طب كويس يبقا شهد واختها وابتسام مع بعض و سعد والحاجه امنيه مع بعض..
شريف : ايوه كده تمام.. بس هنطلعها امتى؟! و هنروح فين
عمرو : انهارده الاتنين.. يبقا نطلع الخميس.. واي رايكم نروح الاسكندريه.
الكل قالوا تمام وقعدوا مع بعض و بعد المغرب شريف ونسمه رجعوا بيتهم..
شريف : تعالي نعدي ع ماما نشوفها.. ونعرفهم حوار الطلعه دي..
: ماشي يلا..
وطلعنا وكان الكل موجود..
دخلنا قعدنا وشريف قالهم انهم هيروحوا الاسكندرية وابتسام و ياسر كان عندهم حماس..
ولسه هنمشي بعد ما قعدنا شويه..
ياسر : شريف.
شريف : نعم..
ياسر : هو ممكن عادل يجي معانا..
شريف : يجي طبعا عادي..
ياسر : اشطا هعرفه بقا..
انا وشريف روحنا وعدت الايام واجى يوم الرحله 👀..
عادل اتفق مع واحد معرفة واجر اتوبيس علشان يروحوا بيه..
الكل نزل من البيت وكانت الساعه 8 الصبح.. الكل معاه اكله و هدومه و الحاجات المهمه اللي ميقدرش يستغنى عنها..
الكل قعد ف الاتوبيس واتحركوا وبدات الرحله..
كان عادل وياسر و عمرو و حازم قعدين ورا خالص.. والباقي قعدين قدامهم يعني ايمن وعايده و ريم ورحيم جنب بعض.. وطبعا شريف قعد جنب نسمه وابتسام قعدة جنب شهد و دعاء قدام خالص ورا السواق وادهم وهدى جنب بعض و جنبهم فاتن.. وسعد وامنيه..
الكل قعد يتكلم مع بعض وف اللي نام.. وبعد مرور حوالي 3 ساعات وصلوا..
شريف دخل وحجز كذا اوضه حسب التقسيمه اللي كانت نسمه قالتها وكل واحد اخد المفتاح بتاعه و طلعوا يرتاحوا..
ياسر شاف دعاء وراح عليها وكان الكل مشغول ف الشنط و كده…
ياسر : هو انتي حضرتك اخت الانسه شهد.
دعاء رفعة حاجبها 🤨 : وانت حضرتك تعرفني..
ياسر ضحك : انا اللي كنت بوزع العصير ف الخطوبة..
دعاء افتكرت الموقف واتكلمت ببعض الاحراج : احم.. انا بعتذر لو كنت ضايقت حضرتك.. بس انا حقيقي كنت متلخبطه يومها
ياسر : لا ولايهمك.. هو ممكن اعرف اسمك.
دعاء : انا دعاء.. اخت شهد.
ياسر : اتشرفت.. وانا ياسر ابن عم عمرو..
دعاء : اتشرفت بحضرتك..
ياسر : ع فكرة انا فرحة لما اجيتي معانا ..
دعاء : نعم؟!
ياسر : احم.. قصدي افرحي معانا.. احنا عيلة بردو.
دعاء : شكرا.. وسابته وراحت مع ابتسام..
ياسر مبتسم وراح مع عمرو..
الكل دخل غرفته..
…
____________
بصت عليه بصدمه : لاااااااا.. ياااااسر.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مقصود)
تعليق واحد