رواية أقتحمت قلبي حورية الحادي والثلاثون 31 بقلم هاجر أحمد
 |
| رواية أقتحمت قلبي حورية الفصل الحادي والثلاثون 31 بقلم هاجر أحمد |
رواية أقتحمت قلبي حورية الفصل الحادي والثلاثون 31 بقلم هاجر
صباح يوم جديد فى اوضه حور ورعد، حور بتصحي رعد لقيت السرير والمخده غرقانه دم
حور بخضه وخوف: رعد يا رعد قوم انت بتنزف من مناخيرك رعد قوم يا رعد
رعد بهدوء: اهدي يا حور ده نزيف عادي بسبب تغير الجو
حور بعياط: عادي ازاي انت مش شايف الدم قد ايه
رعد: متقلقيش والله عشان تغير الجو ده حصل
حور: بس لازم نشوف دكتور ضرورى
رعد: حاضر يا حبيبتي بعد مؤتمر النهارده هنروح
حور: وعد يا رعد
رعد: وعد يا عيون رعد
حور: عندي طلب صغير
رعد باس ايدها: انتي تومري يا قلبي
حور: انا رايحه النهارده عند الدكتور عشان نشوف موضوع الحمل والمتابعه وكده
رعد: اسمها انا رايحه عند الدكتوره مش دكتور
حور: حاضر دكتوره مش دكتور
رعد: ايوه كده شاطره
حور: طب عوزاك تيجي معايا
رعد: اكيد طبعا هكون معاكي في كل مره، هخلص المؤتمر واجيلك علي طول
حور بفرحه: حبيبي ربنا يخليك ليا
رعد: ويخليكي ليا يا حبيبتي، يلا قومي اندهي داده عائشه تغير فرش السرير اللي غرقان دم ده وانا هاخد دش والبس عشان الشغل
حور: حاضر
في شركه الاسيوطي
جابر بقلق: مجاهز كل حاجه يا ادم
ادم: كل حاجه تمام لو الصفقه دي اتمضيت النهارده هنكسب 100 مليون جنيه واحنا حطين رجل علي رجل
جابر: رعد السيوفي لو عرف لعبنا فى الورق هتبقا نهياتنا
ادم: صعبه انهم يعرفو انا مظبط كل حاجه
جابر: ربنا يستر
في جنينه قصر السيوفي العيله متجماعه علي الفطار
رعد: صباح الخير
كلهم: صباح النور
فريد: جاهز يا رعد
رعد: اكيد عوزاك النهارده تتفرج على المؤتمر الصحافي وتشوف فضيحه جابر الاسيوطي وابنه
اكمل: من غير مشاكل يا رعد
رعد: متقلقش يا عمي، ياسين وجاسر اسبقوني علي مكان المؤتمر وانا هجيب بدر واجي وراكو
جاسر: ليل مش جاي
رعد: ليل في الساحل مش هيلحق يجي وبعدين مينفعش يسيب شهر العسل ومراته ويجي
ياسين: طب يلا احنا
جاسر: يلا
رعد: ماما والنبي خالي بالك من حور ومتخليهاش تتحرك كتير وخاليها تاكل كويس لحد ما ارجع اوديها لدكتور
مرفت: متقلقش يا رعد في عيني
نور: هييييح عقبالي يارب لما جوزي يقول كده
سلوي ضحكت: ههههه مستعجله اوي كده يختي
نور بخجل: ها مش قصدي كده
رعد: ماشي يختي يلا يا جماعه سلام، وباس راس حور خالي بالك من نفسك يا حبيبتي
حور: حاضر وانت كمان
فى مكان المؤتمر
ادم: ممكن تهدي شويه
جابر: احنا بنلعب بالنار الموضوع مش سهل
ادم: متقلقش انا واثق من كل حاجه
وصل رعد وبدر وبداء المؤتمر الصحافي وسوال من هنا وسوال من هنا وجه وقت توقيع الصفقه
ادم مضئ العقد هو وجابر الاسيوطي وجه وقت توقيع رعد
رعد مسك القلم وابتسم وبعد كده رما القلم علي الطربيزه وقام وقف
ادم: ممكن افهم ايه ده
رعد بسخريه: معلش يا جماعه بس حابب اوضح نقطه صغيره اوي ل ادم باشا الاسيوطي،انت اغبي رجل اعمال في الدنيا
ادم بعصبيه: نعم مسمحلكش
رعد: شششش انت مين اصلا عشان تسمحلي ولا متسمحليش،يوم متيجي تلعب وتنصب تلعب مع رعد السيوفي فكرك ده غباء ولا لا
جابر بتوتر: قصدك ايه
رعد: مبلاش انت عشان مقلش منك انت مش صغير
ادم بقلق: ممكن افهم في ايه
رعد: لازم تفهم طبعا،جاسر فاهم ادم باشا والموجودين في ايه
جاسر: ادم باشا غش فى المواد ولعب في بنود العقود وكان بكل غباء مفكر اننا مش هنعرف
بدر: يعني دي جرايمه لو كانت المباني اتبنت بالمواد المغشوشه كان حصل كوارث
ياسين: ولعب فى بنود العقد بمبالغ 100 مليون جنيه طب يا راجل لو قدرت تخدع فريق الحسابات اللي في الشركه كله هتقدر تخدع رعد السيوفي
رعد: قولى يا جابر باشا عقاب اللي يخدع عيله السيوفي ايه
جابر بخوف: سامح يا رعد باشا ابني صغير وغلط
رعد: طب هو صغير وغلط انت يا كبير غلطت معه ليه
جابر: غلطه ومش هتتقرار
رعد: انا اللي احدد،بدر بلغت اصحابك
بدر: اكيد ومستنين اومرك
رعد: خاليهم يشوفو شغلهم
تم القبض علي جابر وادم الاسيوطي بتهمه الغش والاحتيال والتلاعب في اوراق رسميه ووقعت اسهم شركتهم واعلنو افلاسهم
فى بيت عم مح
مود
مود
سندس بتتفرج علي المؤتمر و هي حاسه بالفخر باللي عملو رعد
سميه: عفارم عليك يا رعد يا ابني
معاذ: اللعب مع رعد مش سهل بردو
محمود: رعد دماغه كبيره مشاءالله عليه
سندس: عارفين مين ادم الاسيوطي ده
معاذ: مين
سندس: دكتورى في الكليه
محمود: معقوله
سندس: ايوه اهو خد جازته علي اللي عملو
سميه: ربنا مش بيرضي بظلم
سندس: فعلا
في قصر السيوفي
وصل رعد والشباب القصر
فريد بفخر: كنت واثق انك هتعرف تتصرف صح
رعد: تربيتك يا فريد باشا
اكمل: كانت الضربه القاضيه لشركه الاسيوطي
جاسر: هما اللي لعبو مع الشخص الغلط
تلفون رعد رن وكان ليل
رعد: كنت واثق انك هتتصل يا ابن الهوارى
ليل: لازم اتصل بعد العظمه اللي شوفتها علي التلفزيون دي
رعد: اي رايك
ليل بمرح: لا عجبتوني بصراحه وكان نفسي اكون معاكو
رعد: يا راجل يعني لو كنت قولتلك تعالي كنت هتسيب رقيه وتيجي
ليل: ولا اعرفك
رعد: واطي من يومك
ليل: حصل ويلا بقا من هنا وقتك خلص
رعد: تمام ليك وقت يا ابن الهوارى
ليل: سلام يا ابن السيوفي
رعد: سلام
بدر: بيرخم كالعاده
رعد: ايه الجديد
بدر: عندك حق،يلا يا جماعه عن اذنكو انا همشي
ميرفت: خاليك اتعشا معانا يا ابني
بدر: مره تانيه ان شاءلله عشان اسراء تعبانه وانا سيبها لوحدها
ميرفت: ربنا يقومهالك بسلامه يا ابني
بدر: يارب
ياسين: نور تعالي عوزك
نور: حاضر
رعد: حور يا حبيبتي جاهزه
حور: اه يا حبيبي
رعد: طب يلا
ميرفت: رايحين فين يا رعد
رعد: هنروح المستشفي لدكتوره اسماء عشان تتابع حمل حور ونطمن عليها وعلي البيبي
ميرفت: ماشي يا حبيبي ربنا معاك
مشي رعد وحور وكل واحد شاف هيعمل ايه في يومه
عند ياسين ونور
ياسين: نور انا عوز نتجوز قريب
نور: مش احنا اتفقنا بعد مخلص دراسه يا ياسين
ياسين: انا مش هقدر استنا تلات سنين كمان يا نور عوز اخد فى حضني اخر كل يوم عوزك تبقي مراتي بجد مش علي الورق بس
نور بخجل: موافقه بس بعد امتحانات السنه دي
ياسين بفرحه: موافق وانا هكلم عمي ونعمل الفرح مع جاسر وسندس
نور: ماشي يا حبيبي
ياسين بحب: بحبك يا نور حياتي
نور: وانا كمان بحبك يا عيون نور
عند جاسر في الاوضه بيكلم سندس فى الفون
سندس: وحشتني
جاسر: وانتي كمان وحشتيني اوي عامله ايه
سندس: بخير بيك
جاسر: ده احنا بقينا رومانسين اوي
سندس: اومال انت لسه شوفت حاجه
جاسر بخبث: طب متوريني دلوقتي
سندس بخجل: اتلم انا بهزر
جاسر: ايوه جيبي وراه يختي بس هانت كلها شهر وتخلصي امتحانات ونتجوز ومحدش هيغيتك مني يا دوسه
سندس: روح نام يا جاسر وانت رخم كده
جاسر ضحك: ههههه خلاص متزعليش يا دوسه تعالي نرغي في اي حاجه عشان انتي وحشتيني اوي
نسيبهم يكملو محن ونروح ل رعد وحو فى المستشفى
الدكتوره اسماء: انتي حامل في تلات اسابيع يا حور يعني الحمل لسه فى اوله ومحتاج راحه وغذاء كويس
رعد: يعني مفيش اي قلق يا دكتوره
اسماء: لا خالص هي بس محتاجه راحه وغذاء وشويه فيتامينات وهتبقا كل حاجه كويسه
حور: متشكره يا دكتوره
اسماء: العفو هستناكي الاسبوع الجاي
حور: ان شاءلله عن اذنك
اسماء: اتفضلو
خرجت حور ورعد من عند الدكتوره
حور: رعد بما ان احنا في المستشفى تعالي اكشف انت كمان عشان الصداع والنزيف ده
رعد: مش وقته يا حور
حور بعند: لا وقته يلا فى دكتور مخ و اعصاب هنا
رعد: اكيد انتي في مستشفى السيوفي يعني فيها اكبر فريق طبي فى مصر
حور: طب يلا
رعد بستسلام: يلا
دخلو لدكتور هاني اكبر استشارى مخ واعصاب
هاني: بتحس ب ايه يا رعد باشا
رعد: صداع جامد ودوخه والنهارده حصل نزيف جامد من مناخيري
هاني بقلق: ممم طب عشان نتاكد اعمل الاشاعات والتحاليل دول وهنفهم في ايه
حور بخوف: هو في حاجه تقلق يا دكتور
هاني: لا انشاءالله خير
رعد: طب ممكن تكتبلي مسكن قوي عشان المسكن العادي مش بيعمل حاجه
هاني: حاضر بس ده هيبقا موقت
رعد: تمام
راح رعد عمل الاشاعات اللي طالبها الدكتور ومشيو وهما في السكه
حور: رعد نفسي اكل مانجه
رعد ضحك: هههههه هو الوحم بيبقا في الاول كده
حور: مش عارفه بس انا شامه ريحه مانجه جامده جدا
رعد: عيوني يا حبيبتي اجبلك عصير مانجه
حور: عصير ايه انا عوزه مانجه تتاكل بحالها
رعد: اجبلك منين انا دلوقت
حور بدموع: ماليش دعوه اتصرف
رعد: ايه ده انتي بتعيطي خلاص والله هجيبلك انتي بتعيطي ليه انا بهزر
حور: مش عارفه
رعد: طب خلاص متزعليش
حور: حاضر
