رواية مطلقه في قلب صعيدي الفصل العاشر 10 بقلم مروة ماجد
رواية مطلقه في قلب صعيدي الجزء العاشر
رواية مطلقه في قلب صعيدي البارت العاشر
رواية مطلقه في قلب صعيدي الحلقة العاشرة
بسم الله الرحمن الرحيم والصلاه والسلام على رسول الله صلى الله عليه وسلم
حسن نزل يجرى يدور على نغم فى كل مكان فى الفيلا ، ويسأل اللى صاحى من الخدم لكن غريبه نغم مش موجودة ، وهنا حسن بدا يحس بالقلق وقرر انه يدخل اوضته يغير هدومه وينزل بالعربيه يدور عليها فى البلد او حتى يبلغ البوليس 👮
حسن دخل اوضته ونور النور وفجأه ……
الاوضه كلها شموع 🕯🕯🪔ونغم و أدهم قاعدين مستنيين حسن
حسن بيبص لنغم واخيرا خد نفسه ، وشايف قدامه ست شبه أميرات الأحلام 👗
حسن
نغم، انتى هنا انا قالب الدنيا عليكى
نغم
ليه يا حسن انت كنت بتدور عليا ولا ايه
حسن
ايوة يا حبيبتى خبط على اوضتك ومش لاقيتك ، وفتحت الباب ادور عليكى ولما مش لاقيتك انتى وادهم كنت هاموت من الخوف عليكى ، خصوصا انى عارف انك متعرفيش حد فى البلد غيرى
نغم بتبتسم وتقول
الحمد لله انى اطمنت ان ربنا عوضني بحد حنين كدة لو غبت ولا احتجته هلاقيه فى ظهرى
حسن بيلفت نظرة وجود أدهم وبيشيله ويبوسه ويقوله
ادهم يا حبيبى ايه الجو الحلو ال انت عامله دة كل دة علشانى
أدهم بيرد بكل براءة 🧑🏼 وبيقول
لا مش انا اللى عملته دى ماما قالت عمو حسن مسافر الصبح وهيفضل هناك شهر ولازم نسهر معاه سهرة حلوة
حسن
بجد شكرا ليك يا أدهم انت وماما ، وعاوزك وانا مسافر تبقى راجل البيت دة كله وتخلى بالك من مامتك وامى الحاجه كمان واوعى حد يزعلهم
وبدأت السهرة والكلام الجميل والجو الهادى اللى نغم عملته لحسن وطبعا ابنها معاهم ، والفجر اذن والعشاق لسه سهرانين ، ومش حاسين بالوقت
وفى اوضه نعمه بتصحى مع الفجر علشان تسلم على حسن قبل ما يسافر ، وتنزل نعمه تخبط على حسن وتفتح الباب بسرعه قبل ما حد يفتحلها علشان تشوف السهرة الحلوة ، طبعا نعمه مش ضايقه نفسها ، لكنها لسه عايشه فى دور البقرة الحلوب الحنونه 🐄🐄
صباح الخير على العرسان ، اسم النبى حارسكم وصاينكم ، يااخواتي جوزين عصافير ربنا يحميكم ويحفظكم
نغم
صباح الخير يا نعمه هانم
نعمه
لا نعمه هانم ايه، احنا كلنا اخوات يا حبيبتى وانتى بإذن الله هتبقى مرات الغالى من النهاردة اسمى نعمه حاف اكدة
نغم
طبعا اخوات يا حبيبتى متشكرة اوى
حسن بيقرب من نعمه ويطبطب عليها ويقول
نعمه انا قولت ل نغم تخلى بالها منك وانتى كمان تخلى بالك منها ، وعلى فكرة نغم شاطرة وتعرف دكاترة كتير اوى ومكن تساعدك فى مشواريك للدكتور
نغم بترد وتقول
دكتور ايه ، هى نعمه تعبانه ولا ايه
حسن
لا ابدا موضوع تأخر الحمل يعنى ، كل فترة كدة نعمه بتابع مع دكتور
نغم
خلاص يا حسن ولا يكون عندك فكرة انا ليا واحده صاحبتى دكتورة شاطرة اوى فى القاهرة وممكن نسافر بكرة نعرض عليها حاله نعمه وبإذن الله خير
نعمه طبعا مش ضايقه كلام نغم لكنها ردت وقالت
حبيبتى يا نغم مش عاوزة اتعبك معايا ، انا الحمد لله على كل شىء بس كل الدكاترة قالوا ان الحاله ميؤوس منها علشان اكدة انا بطلت ادور على الخلفه
نغم
لا متقوليش كدة ، ربك كبير اوى وعلى فكرة الدكتورة سهام صاحبتى دى درست برة وشاطره اوى ، اعملى حسابك بكرة بإذن الله نسافر القاهرة تشوفك ونرجع فى نفس الليله
وخلاص لازم حسن يسافر ، سلم على الكل اللى من اولهم نغم، ووعدها انه بعد شهر هيرجع يتتمووا الفرح بإذن الله
وبالليل نغم بتتابع شغلها كممرضه لوالده حسن وبتعامل الكل بكل زوق وأخلاق
إنما طبعا فى ناس كدة متسبش حد فى حاله
وأولهم عصام ، اللى كان تقريبا شارب حاجه وقاعد مع واحد صاحبه فى بيته وبيقول
عارف يا واد يا ابراهيم انا طول عمرى النسوان دى عندى زى السيجارة تولعها وبعدين تدوس عليها برجليك لحد ما شوفتها
ابراهيم
شوفتها ، هى مين دى يا عصام، انت بتحب ولا ايه
عصام
عمرى ما كنت افكر فى اللى اسمه الحب ده ولا اعرفه ، واول ما شوفتها قولت واحده حلوة شويه وديتها كام الف هدايا وخروجات وتقع تحت ايدى، لكن للاسف طلعت لا بتاعه فسح ولا خروجات ، واللى يغيظ يا ابراهيم انها كمان مطلقه وانا طول عمرى اسمع ان المطلقات دول سهل قوى يقعوا ويبلعوا الطعم ، وان المطلقه كل إلى عاوزاه من الدنيا واحد يصرف عليها ، انما دى لا عاوزة فلوس ولا عاوزة حنيه والاكتر ابن عمى يخطبها وعاوز يتجوزها طب ازاى، ازاى فريسه عجبانى تروح من يدى اكدة وانا واقف اتفرج عليها
ابراهيم
خلاص بقى يا ابراهيم ، مدمت بتقول ان حسن ابن عمك عاوز يتجوزها يبقى خلاص بلاها دى انت تعرف حريم كتير مجتش على دى يعنى
عصام بعصبيه 👿
لا يا ابراهيم نغم دى بتاعتى انا ولا يمكن هتكون لحد غيرى ، وهتركع تحت رجليا بالزوق او بالعافيه ، ولو حسن وقف قدامى هاقتله
ابراهيم 😳
ايه الكلام إلى انت بتقوله دة يا عصام تقتل ابن عمك علشان واحده ست ومطلقه كمان
عصام
بحبها يا ابراهيم ومش هتكون لحد غيرى
ومن الواضح ان نغم هتواجه مواقف كتير اوى عاوزة قوه وصبر وصمود، ربنا معاها
طيب يا ترى حسن عامل ايه فى امريكا ، ويا ترى حسن بيحب نغم فعلا ولا مجرد إعجاب بواحده حلوة
طيب ايه رايكم نطير بسرعه على امريكا ونشوف مين مستنى حسن
وفى اوضه فى سكن المفروض انه بتاع حسن ، بيدخل بيلاقي بنت حلوة اوى نايمه على سريرة
حسن اول ما شافها باين على ملامحه عدم الارتياح وانه مضايق اوى و قرر انه يسيب السكن ويرجع تانى ، ولسه حسن بيلف نفسه علشان يخرج ، البنت صحيت وقالت
حسن حبيبى حمدالله على السلامه، معقول مش وحشتك زى ما انت وحشتنى
حسن
ميرا لو سمحتى مليون مرة اقولك ما احبش حد يدخل بيتى وانا مش موجود ، وبرضو بتعملى زى زمان ونايمه فى اوضتى وانتى عارفه انى رافض الموضوع دة
اه نسيت اعرفكم
ميرا 👱♀️ بنت امريكيه شابه مجنونه وبتعشق العرب ، وكانت بتشتغل فى الجامعه اللى بيدرس فيها حسن وحبته من زمان اوى وبتسيب بيت اهلها عادى جدا الموضوع دة عندهم ، زى تقولوا كدة الدنيا باظظ خالص 😆، و عاوزة تبات فى بيت حسن ، اللى معاها مفتاحه برضو غصب عن حسن او لأنها كانت واخده المفتاح من وراه
ميرا بتحاول تثير حسن وتلفت نظرة علشان تعيش معاه زى المتجوزين زى ما بيحصل فى بلدهم ولكن حسن ديما يفهمها انه دينه واخلاقه بيمنعوه من العلاقات دى وان تربيته وعاداته وتقاليده غيرها خالص، لكن برضو ميرا مصرة على رأيها
حسن بيقول
ميرا اتفضلى روحى بيتك لانى جاى من السفر تعبان ومش شايف قدامى وعندى بكرة شغل كتير اوى
ميرا
حسن انت متعرفش انت وحشتني ازاى انا بالعافيه لما عرفت من شغلك انك جاى النهاردة وجايبه هدومى وعامله حسابى ابات معاك كام يوم ، حسن بليز بلاش تزعلني منك
حسن
لا هتزعلى يا ميرا ولو سمحتى يا تخرجى انتى يا انا اخرج انا
ميرا زعلت جدا وقررت انها تمشى ولكن لازم انها ترد كرامتها وتعمل زى ما بتعمل على طول مع حسن وتعمله مشاكل فى شغله بسبب انه رافض انه يبقى على علاقه معاها
حسن بيقفل الباب وراها وكأنه خايف على نفسه منها ، وبيتصل بنغم يطمنها انو وصل بالسلامه ويطمن عليها
وتانى يوم نغم بتنفذ وعدها لنعمه ويسافروا سوا لعند الدكتورة سهام صاحبه نغم ، اللى فعلا قعدت مع نعمه وكشفت عليها وقررت ان حاله نعمه مش صعبه ولا حاجه ، هى بس محتاجه انها تهتم اكتر باعلاج وتاخده فى مواعيدة وتخس شويه
وهنا نغم بتقرر انها تساعدها وتكتب المواعيد بتاعه الدوا فى اجنده صغيرة وكل معاد دوا تفكر نعمه بيه ، وكمان نغم عملتها برنامج رجيم وتلعب انما ايه 🤸🧘♀️ ميخرش الميه، و قررت انها هى كمان تخس معاها علشان تشجعها
ويوم ورا يوم نغم بتعمل تقريبا كل واجباتها مع الحاجه اللى بقت بتعتبر نغم اكتر من بنتها ، وتراعى ابنها اللى بقا كمان بيتعلم القراءة والكتابة فى البيت لانه طبعا بسبب تعبه ميقدرش يروح حضانه ، وفوق كل دة نغم بتاخد بالها من علاجات نعمه ، وتمر الايام وحسن كمان بيحاول يخلص شغله بأسرع وقت لكنه زعلان لان سفرة ممكن يزيد اكتر من شهر ويوصل شهرين أو تلاته
نغم بتشجعه على الشغل وتقوله اشتغل علشان انا ما احبش الفشل ومتستعجلش على الرجوع اللا لما تخلص شغلك كله
وكل يوم مكالمات بينهم كأنهم مع بعض كل واحد بيحكى تفاصيل يومه
وعصام كل يوم بيروح الفيلا عند نعمه ونغم ويحاول يتقرب من نغم بكل الطرق ولكنه بعد فشله فى كل المحاولات خلاص مش عارف يعمل ايه تانى معاها
وفى ليله عصام مع صاحبه ابراهيم بيشكيله همه ويقول
ابراهيم انا خلاص مبقتش عارف اوصلها ازاى ، انا هاموت من غيرتى عليها وهى طول الوقت تجيب سيرة حسن وتهتم بامه واخته ، دى حتى نعمه بنت عمى الل كانت بتقول عليها ما فى الخمر بقت بتحبها وتسمع كلامه
ابراهيم
باقولك ايه يا عصام ايه رايك بقى فى اللى يخلى نغم دى تركع بجد تحت رجليك وتطلب منك الجواز كمان
عصام
بجد يا ابراهيم وراس ابويا اديله اللى يطلبه لو طلب حتى كل ما أملك، انت متعرفش انا بعشقها ازاى
ابراهيم
خلاص يبقى تسمع كلامى وتنفذه بالكلمه وتبدأ فى التنفيذ من الصبح بدرى
وفعلا سمع عصام للخطه اللى بيقولها ابراهيم صاحبه،
ومن الواضح ان ابراهيم وميرا هيقلبوا الروايه راسا على عقب
وتانى يوم الصبح بيروح عصام لفيلا الايوبي علشان يبدأ فى تنفيذ الخطه الجديده ، لكنه اول ما دخل سمع صوت صريخ نعمه وهى بتصرخ و بتقول…….. انا حامل انا حامل 🤰🤰يا نغم المعجزة حصلت ياااناس
يا ترى نعمه خلاص هتهدى وتحب نغم من قلبها ولا لسه روح الانتقام مسيطرة عليها ؟؟
ياترى عصام هينجح فى تنفيذ الخطه الجديدة ؟؟
يا ترى ايه هى اصلا الخطه الجديدة ؟؟
ياااه شىء صعب اوى لما تحس ان الكل بيعمل مخططات علشان يكسروك ، بجد ربنا يحفظ بنات المسلمين وشباب المسلمين..
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية مطلقه في قلب صعيدي)
تعليق واحد