Uncategorized

رواية رياس الفصل السابع والثلاثون 37 للكاتبة شيماء عسكر

 رواية رياس الفصل السابع والثلاثون 37 للكاتبة شيماء عسكر

رواية رياس الفصل السابع والثلاثون 37 للكاتبة شيماء عسكر

رواية رياس الفصل السابع والثلاثون 37 للكاتبة شيماء عسكر

نبدأ من عند جاسر و رياس 
جاسر بغضب ومسك ايديها جامد..انا بكلمك و تاني مره لما اتكلم مش تمشي من قدامي فاهمه ولا لا 
رياس بقوه..لا مش فاهمه روح ليها 
جاسر..هي مين 
رياس.. رزان ايه مش كانت بتحسس علي ايدك زي كدا  
(ده كان اخر جزء من الفصل اللي فات) 
كانت رياس ماسكه ايد جاسر زي ما رزان كانت عامله و بتحرك ايديها ب اغراء  
جاسر قبض علي ايد رياس بقوه و بص في عيونها بغضب  .. ايه الغيره عمت علي عيونك من دلوقتي انتي بتعملي فينا كدا ليه 
رياس و الدموع ظهرت في عيونها.. انا اللي بعمل ولا امك طول الوقت عايزه الست رزان تقرب منك لا و قال ايه ادم يتربى وسط اهله خليه يتربى عادي معنديش اي مشكله انا خلاص تعبت منك و من كل حركات دي  
مش شايف بتعمل فيا اي من  اول يوم ليا  معاك مش شوفت يوم حلو الشهور اللي فاتت دي و انا بحاول اتقبل كل تصرف ليك لكن للأسف انا الكيل طفح و زاد اوي يا جاسر منك 
و من نيسان هانم يومين مش قابله مرات ابنها هي تعرفني منين علشان كل الكره اللي جوا قلبها ليا،، فضلت تقول بنت من الشارع و معرفش اي اهو طلع ليا اهل  احسن منها هي شخصياً،، بتضحك رياس وبتحط ايديها علي دماغها و وشها بقا احمر و عيونها بقيت كلها دموع  … زي كدا 
و بقا صوتها بـ تخنق  ،، سمعتها بتقول لرزان ان هي ليها كل الحق فيك انت ابو ابنها و هي ام ابنك لكن انا  .. سكتت رياس من كتر الدموع و ضيق النفس،،  روح يا جاسر لـ ابنك 
لان عمري ما هكون زي ابنك في حياتك ده قطعه منك،،وانا مش هقدر اكون ام تاني،  زي ما نيسان هانم بتقول 
كان جاسر وقف بسمع كل حرف بخرج منها بـ اهتمام شديد عايز يوصل لكل حاجه في دماغها سبها لحد لما سكتت مره واحده  
جاسر بقرب منها.. خلصتي 
رياس كانت هتمشي من قدامه زي كل مره لكن هو وقف في وشها..  زي كل مره بتمشي و تهربي عارفه ليه لانك جبانه ايوه انتي جبانه
لو فعلاً بتحبي جاسر هتقفي في وش اي حد يتكلم و يقول  انا لو ساكت علي حركات امي في ده لان عايز اشوف مراتي هتقدر تصبر لحد امته بس انت ههه مفيش اي صبر منك وانا كانت عارف لو رزان جت ده كله هيحصل كل الوقت امي هتحاول  تقرب رزان طول الوقت مني انا مش عبيط يا رياس انا فاهم كل واحد هنا بفكر ازاي ومين معايا و مين عليا بس انتي ههه  طلعتي ضعيفه من كل كلمه تعملي فيلم و حكاية فوقي بقا فوقي انا لعند اللحظه دي مش عايز ابعد عنك،، لكن مش كل شويه تقولي مش هقدر اخلف و الكلام الفارغ اللي عقلك الباطل مصوره  قدامك طول الوقت،، لو فعلاً هتفضلي علي تفكيرك ده انا اللي هقولك اسف مش هقدر اكمل معاكي باقي الطريق،،  و حاول يكون نبرة صوته حنينه عليها لانه عارف كلامها جارح اوي بس هو عايز يغير رياس الجديده عايز رياس القديمه ترجع،، رياس اللي كانت عيونها كلها تحدي،، لكن دلوقتي شايف انسانه تانيه هو عارف انه السبب،، لكن مفيش راجل بقول علي نفسه غلطان،،  
جاسر.. حبيبتي انا مش عايز منك اي حاجه غير انك تفضلي جنبي،، انا عمري ما ادخل ست تانيه لحياتي انتي وبس يارب يكون كلامي انحفر في دماغك الكبيره دي  ،، اما بقا عن امي في مالكيش اي علاقه بيها امي عندها مرض نفسي ومحدش يعرف ب ده غيري انا وبس،، هي انانيه مش بتحب غير  نفسها،، وانا عارف اني مينفعش اقول عنها كدا لان دي امي بس انا عايزاك تكوني قويه ومش اي كلمه تزعل القمر حقي ولا اي مش انتي القمر حقي 
رياس بتقعد على الارض جنب السرير.. و بضم رجلها.. جاسر اخرج برا دلوقتي لو سمحت
جاسر..لا مش خارج  ،، و راح قعد جنب منها كمان و بحضن رياس وعلشان يضحك رياس عمل كدا 
و أخيراً رياس ضحكة لجاسر  .. اقفل بوقك بلاش تبلع ناموسه و تكون قد الجاموسه 
جاسر بصدمه.. ناموسه و جاموسه  ماشي ياستي مقبوله 
جاسر.. مبسوطه ان حاتم مش ابوكي 
رياس بفرحه..ايوه لانه طول عمره والغدر في دمه يلا الحمدلله 
جاسر بقوم وهو ماسك ايديها.. طب يلا انام و بكرا نشوف الموضوع ده 
رياس..انا بكرا هروح اتعرف علي شهد و فيروز ام المي و بابا هيعمل مناسبه صغيره  
جاسر.. ماشي يا قلبي 
بعدي الليل و بطلع النهار بتكون رياس لسه نايمه و جاسر مش موجود 
بتروح الحمام بتطلع تصلي الصبح  و بتنزل تحت بكون جاسر كان بلعب ادم و ماسك العبه الخاصه ب ادم،، زي كدا 
رياس.. صباح الخير 
جاسر.. صباح النور ي قلبي ايه الحلاوه دي 
شايفه ادم عيونه عليكي ازاي يكونشي الواد بعاكس 
رياس و هي بـ تبوس ادم.. اه هيطلع لمين يعني 
جاسر.. قصدك اي بقا اني بعاكس البنات 
رياس وهي بتقعد جنب ادم.. وانا اعرف منين 
في الوقت ده جت نيسان..  صباح الخير يا حبيبي  
جاسر.. صباح النور 
نيسان لرياس.. انتي لسه قاعده  هنا ليه روحي حضري الفطار 
رياس بتلف راسها في  المكان يمكن بتقول  الكلام ده لحد تاني غيرها  لكن مفيش حد  ..  الكلام ده ليا انا 
نيسان.. ايوه ليكي انت امال ليا 
رياس بغرور.. معلش  اصلي هفطر مع بابا في مفيش وقت  احضر فطور  I’m sorry 
و بتقوم علشان  تبوس جاسر قبل لما تمشي و بصوت واطي.  انا اسفه لازم اعمل  كدا و بكرا اعوض الفطور ده في الشقه القديمه و هيكون فطور خاص بيك انت و انا و عمزت لجاسر و مشيت 
نيسان كانت هتشيط منها اوي.. شايف مراتك 
جاسر و لسه بلعب ادم… مالها مراتي ماهي عسل اهي 
نيسان.. عسل اه خليك كدا لحد لما تقولك امك في العش ولا طارت 
جاسر بمسك ادم علشان يخرج برا في الحديقه.. يلا يا حبيبي نلعب برا شويه لما ستو تروق كدا 
و بطلع جاسر و بتفضل هي و لو فيه عود كبريت جنبها تولع 
اما في بيت فريد كان الكل مجهز فطار مناسب لكن فيروز متعرفش كل الاكل ده لمين 
فيروز وهي بتشرف علي الاكل.. انا مش عارفه جوزي بقا عباره عن كتلة غموض ليه النهارده عايز فطار كويس مناسب معرفش حتي كل ده لمين 
رعد و هو بشرب كوبايه عصير.. الصبر حلو يا مرات عمي 
فيروز.. انت عارف مين جاي صح 
في الوقت ده دخلت شهد المطبخ و كانت لابسه هدوم ضيقه شويه  
صباح الخير 
فيروز..صباح النور يا حبيبتي ايه النشاط ده كله 
شهد.. ولا نشاط ولا حاجة الساعه تسعه،،وقبل لما تكمل كان رعد خرج شهد من المطبخ 
فيروز..  براحه علي البنت مش قدك 
لكن مش سمع الكلام 
رعد بمسك شهد من ايديها و بطلع علي الغرفه الخاصه بيها و بقفل الباب جامد.. البس ده يتغير فوراً انتي فاهمه 
شهد بخوف.. حاضر 
رعد بروح يختار هو ليها…  مناسب الفستان ده خمس دقايق و تكوني جاهزه مفهوم 
شهد و راسها في الارض..حاضر 
و بخرج رعد يقف قدام باب الاوضه.. 
وهي بتلبس و بتخرج ليه.. 
رعد باخد نظرة عليها من فوق لتحت.. تمام يلا انزلي 
شهد بشوية قويه في صوته لكن من جوا خايفه منه.. انت بتعمل معايا كدا ليه كأني آله و بتحرك فيها 
رعد بقرب منها وهي كانت وقفه علي باب الغرفه في ده سهل لرعد انها يدخل بيها جوا،،وقفل الباب عليهم و قال،، اي حاجه خاصه بيا لازم يكون عيوني عليها طول الوقت والي ممكن اخسر 
شهد عيونه في عيون رعد..بس انا مش حاجه خاصه بيك انا بنت عمك وبس 
رعد برجع شعر شهد لورا و بقرب منها.. لا انتي حاجه خاصه بيا  و غاليه اوي عليا علشان كدا بخاف عليكي حتي من نفسي 
شهد بصدمه من كلامه مش فاهمه يقصد اي بيه بس اكيد يقصدها هي يعني ايه هو بحبني  .. 
قبل لما تفتح عيونها من فقرة الاحلام دي كان هو خرج برا الغرفه  
بتفرح جدا من كلامه  و بتنزل تحت كان في الوقت ده المي و رياس برا الفيلا واقفين وقفت انبهار من المنظر…  
المي.. واوووو 
بفتح فريد الباب ليهم و باخد رياس في حضنه و اول لما فيروز  شافت فريد وهو حاضن واحده  قالت بصوت عالي..  فريد 
فريد بهزار..  جالك الموت يا تارك الصلاة  
بتدخل  المي في الوقت  ده الفيلا و كانت فيروز  بتقرب عليهم لكن اول لما شافت المي و قد ايه في شبه بنهم  قالت بصوت واطي الاول.. بنتي  ..  بتقرب فيروز  علي المي بتلمس  كل شبر في وشها بشوق..  
فريد…  قلب الام حساس اوي 
فيروز  مش مصدقه  ان دي المي و من الصدمه اغمي عليها  
فريد بخوف..  فيروز  
رياس.. دي اغمي عليها 
المي بتقعد جنب امها علي الارض  .. ماما قومي ماما 
و لما شهد شافت المنظر طلعت تجري  علي فيروز  
وبعد شويه بتقوم فيروز  مش مستوعبه  الوضع  ..  انا بحلم صح 
رعد بضحكه..  بس اي رايك في  الحلم جميل  مش كدا
فيروز بتقعد.. بتمسك ايد المي و بضم المي جامد 
اما رياس كانت مفتقده  حضن الام ده اوي 
فيروز  ..  طب دي بنتي المي و دي مين 
فريد.. بنتي برضو رياس 
فيروز  بتغضب.. بنتك ازاي و من مين 
يتبع..
لقراءة الفصل الثامن والثلاثون : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى