اسكريبت الأميرة وحراسها الثلاثة الجزء الأول 1 بقلم إيمان عبدالرؤوف

_بتعيطي ليه في حد كبير كده ويعيط.

كنت قاعده في القطر بعيط على حالي لقيت الشخص ده بيسألني بالله مش ناقصه وجع دماغ كملت عياط ومسألتش فيه… 

_ طب قوليلي مالك يمكن اساعدك… 

بصيتله وضحكت.. 

_اهلي سابوني ومشيوا هتعرف تجيبهم؟ .. 

_طب راحوا فين وممكن اجييهملك.. 

بصيت فوق ودمعه نزلت من عيني وقولت… 

_راحوا عنده هتعرف تجيبهم؟ 

ابتسم_اللي بيروح عنده مبيرجعش بس انتي ادعيلهم بالرحمه عشان يفرحوا طول مانتي بتعيطي هما زعلانين قوليلي عاوزه تزعليهم؟ 

مسحت دموعي وقولت 

_لا مش عاوزه ازعلهم عاوزه افرحهم… 

_طب حلو اضحكي بقاا وافرحي كده 

ضحكت لقيته حط ايده على قلبه وقال

_تبا لجمال ضحكتك يا فتاه اللي اخدت قلبي دي 

رديت بخجل وقولت _ممكن بس بقاا

ضحك_اسمك اي بقاا

_ريهام 

_يااه اسمك فكرني بجدتي كنت اقولها التجاعيد اللي عندك دي بتحبيها؟ كانت تقولي بحبها عشان بوريني قد اي ضحكت طول ايام حياتي عارفه بتقولي الخط ده بحبه عشان كان أول ضحكه ضحكتها كانت مع جدك حبيبي 

ابتسمت _ربنا يديمهالك قولي بقا اسمك اي؟ 

ابتسم _ اسمي على حظابط على بس انتي قوليلي يا علوة هي بتقولي كده برضو.. 

ضحكت _ماشي يا علوة

_احلى علوة دي ولا اي

ابتسمت وجات محطتي كنت نازله 

_مع السلامه انا نازله.. 

_مع السلامه عاوز اشوفك تاني 

_بصيت لفوق وابتسمت وقولت 

_لو هو عاوز هيحصل كله بأمره 

_ونعم بالله..

اول ما نزلت من القطر قلبي انخلع ياترى هشوفه تاني؟ طب انا قلبي ليه بيوجعني كده انا معرفهوش حتى واول مره اشوفه  بس كان لطيف كلامه حلو فرحني اووي ابتسامته خطفت قلبي رجعتني للحياه… بصيت ورايا على القطر لقيته واقف ومبتسم واول ما بصيت ضحك زي ما يكون عارف اني هبص لقيته شاورلي وقال.. 

_هشوفك تاني يا قلب علوة   

ضحكت _ماله ده اهبل ولا اي.. 

نزلت البلد روحت البيت الكبير بتاع جدي وعيلتي كلها.. 

ابتسمت قبل ماادخل عشان عيلتي محدش يعرف اني لما بفتكر ماما وبابا بفضل اعيط كده وهنا مبيحبوش يشوفوني متضايقه ابتسمت ودخلت… 

_اهلا ياأهل الدار اي لسه عايشين.. 

لقيت طبعا الثلاثي المرح ولاد عمي التؤام  التلاته و

اخواتي في الرضاعه  بيردوا بدراما.. 

زين_مكناش عارفين نعيش من غيرك يا هانم

يزن_قلبي دق اول ما جيتي

عدي_لسه قادر دلوقتي  اتنفس يابنتشي بقاا

فضلت اضحك عليهم وقولت_مش هرد عليكم ده لأني محترمه… 

لقيت جدي بيقول _سيبك منهم ولاد الكلب دول وتعالي قوليلي عملتي اي في الكليه.. 

_الحمد لله والله يا جدو كان يوم حلو كنت مرتاحه ادعيلي ابقا اكبر دكتوره ذي ماكان حلمي وحلمهم.. 

كانت دموعي هتنزل بس حاولت على قد ماقدر مسيبهاش تنزل بس مقدرتش وفضلت اعيط 

_ليه سابوني يا جدو وحشوووني اووي انا محتاجاهم اووي.. 

لقيت التلاته حضنوني وعيطوا معايا وقالوا

_احنا معاكي هما سابونا كلهم ومشيوا لكن احنا معاكي صح. 

_صح ايوه انتوا معايا انا مليش غيركم اصلا 

_حضنوني _واحنا بنحبك اصلا

زين يزن عدي جدي هما دول عيلتي من بعد ما ماما وبابا وعمي ومراته ماتوا بحادثه عربيه مبقاش ليا غيرهم بيحاولوا يفرحوني بأي طريقه حقيقي الحياه من غيرهم مش حياه…. 

كنت قاعده بقرا روايه كنت بفكر في البطل افتكرت على كان لطيف هو قالي هشوفه تاني قلبي دق لما افتكرت لما قال يا قلب علوه لا لا ده مش هيجبها لبر.. 

شغلت اغنيه انا حاسه برتباك وبحاله مش عاديه قومت اتنطط على السرير وافكر فيه لقيت الثلاثي المرح داخلين بيرقصوا 

_في اي حيلك حيلك انت وهو 

زين بخبث_بس مقولتلناش يااختنا اي الحكايه

يزن بخبث_بتفكري في مين يااختنا

عدي بخبث_بدي اعرف هالحين مين اللي بتفكري فيه يا اختنا بقاا… 

_اطلعوووااااا برااااااا ياحيوانااااااات….

_هو جدو مجمعنا ليه يا شباب

رد عليا عدي وهو بياكل فشار _مش عارف بس هو قال استنوني كلكم.. 

_انا مجمعكم علشان اقولكم ان ريهام جايلها عريس 

اول ما قال كده لقيت التلاته نطوا بسرعه 

_نععععععمممم ممميين الللي عااااااوز يتتججووز اااختنا

زين_مين هو عشان اجيبه اموته كده

_يزن _ايوة يا جدي مييين عشان بالله هموته

عدي _ايوة قووول يا جدي مين ده عشان هموته اصلا

لقيت جدو قام وقال… 

_انا عطيت كلمه للراجل وهنشوفه بكره.. 

سابنا ومشي لقيت التلاته جايين يجروا عليا.. 

زين _شوفي احنا نبوظلك وشك بالميكاب اصلك مينفعش تتجوزي حد وتمشي بعيد عننا.. 

يزن_او احنا نحطلك برفان بريحة المجاري اول ما يشمك يمشي من نفسه.. اصلك مش هتتجوزي وتمشي ها 

عدي _شوفي احنا نحطله ملح في القهوة وبدل  اللبن نحط خل اها حلو الخل اصلك مينفعش تمشي وتتجوزي وتسيبينا اصلا.. 

_بببببسسسسسسس احنا هنشوفه بكره كويس ماشي مش كويس يغووور

_مفييش حااااجه اسمهااا مااشي 

قومت وسيبتهم الحيوانات دول مش قادره اتكلم عاوزه اشوف أفكاري طب طب وعلى اللي قالي اني قلبه اها لسه فكراه ده اللي اول دقه قلب مني كانت ليه ده اللي خلاني اضحك ده اللي حبيته ايوه حب من نظره من نظره واحده بس… 

العريس جه… 

دخلت شوفت العريس كان اسمه مصطفى هو من بلدنا كان دايما بيعاكسني في الروحه والجايه عمر ي ما حبيته انسان لزج كده نظراته غريبه لقيتهم قاموا سابونا وجدي شد التلاته بالعافيه حرفيا فضلت اضحك عليهم وعلى شكلهم وهما عاوزين يقتلوووه.. 

_ها اي رأيك فيا موافقه صح…

استغربت_موافقه على اي

_على جوازنا 

_بس لسه

_شوفي لازم توافقي عليا انا قتلتهم علشان توافقي قتلتهم عشان كانوا هما اللي مانعنيني اتجوزك.. 

قولت بحذر _مين اللي قتلتهم.. 

لقيته قام وقرب مني وقال _ابوكي وامك عمك مرات عمك وشاور على صوره التلاته وقال ودول الدور عليهم لو موافقتيش.. 

كنت مصدومه لقيته  قام ومشي  فضلت باصه قدامي واخواتي وجدي عاوزين يعرفوا رأيي. 

قومت وسيبتهم وكنت ماشيه لقيت جدي قال.. 

_ريهام اي رأيك. 

_هصلي استخاره يا جدي وهقولك. 

انا لازم أبلغ البوليس لازم اعمل حاجه بجد مينفعش كده. 

طلعت لبست ونزلت كان جدي والشباب بيتناقشوا في جوازي. 

روحت بسرعه _لو سمحت عاوزه اعمل بلاغ في قضيه قتل.. 

_اتفضلي جوه. 

دخلت بصيت على الظابط اول ما شوفته ابتسمت زي مايكون ربنا بيجيبه في الوقت اللي محتاجاه فيه… 

مكنش شايفني كان سرحان حاولت الفت انتباهه.. 

_زي ما قولت هنشوف بعض تاني 

لقيت عينيه نورت وابتسامته ملت وشه ووشه فرح كده وقال.. 

_زي ما يكون قلبي اتمناكي تعرفي كنت سرحان في اي.. 

ضحكت ونسيت انا جايه ليه اصلا. 

_كنت بتفكر في اي ياحظابط علوة

لقيته اخد نفس وضحك وحط ايده على راسه وقال.. 

_كنت بفكر فيكي يا قلب علوة. 

وقتها قلبي دق للمره التانيه