روايات

رواية هذه ليلتي الفصل الثامن عشر 18 بقلم نجمة براقة

رواية هذه ليلتي الفصل الثامن عشر 18 بقلم نجمة براقة

رواية هذه ليلتي الجزء الثامن عشر

رواية هذه ليلتي البارت الثامن عشر

رواية هذه ليلتي
رواية هذه ليلتي

رواية هذه ليلتي الحلقة الثامنة عشر

تاني يوم شامي بيروح فيلا صلاح

صلاح _ انت هتكون مسؤل عن مشاوير ناردين، ولانك ساعدتها قبل كده ف هتكون في حمايتك.. اي غلط هتتحاسب عليه قدامي مفهوم

شامي _ مفهوم

ناردين _ هو انت اسمك ايه

شامي _ شامي

ناردين بإبتسامة _ طيب انا كنت عاوزة اروح مشوار، جاهز دلوقتى

شامي_ تحت امرك يافندم

صلاح_ روحى بس متتاخريش

ناردين _ حاضر يا بابا.. يلا بينا

بيمشو مع بعض ويفتحلها العربيه، ويركب في المقدمه ويمشو بعيد

شامي_ حضرتك عاوزة تروحي فين

ناردين _ خليك ماشي لغيت ما اقولك وقف

شامي _ امرك

 

 

 

 

 

 

 

 

 

 

ناردين _ اسمك غريب مين اللي سماك

شامي _ معرفش

ناردين _ طيب معناه ايه

شامي _ معرفش

ناردين _ انت حابه

شامي _ معرفش

ناردين بزهق _ امال تعرف ايه

شامي بجدية _ مش مطلوب مني اتكلم مع حضرتك يافندم

ناردين _ يافندم؟

شامي_ ايوه معاليكي

ناردين _ انت بتعاملني كده ليه

شامي _ حفظ للمقامتك سعادتك، ها تحبي اوقف هنا ولا اكمل

ناردين _ لا كمل.. مامتك عامله ايه… هييي انا بكلمك

شامي _ مسمعتش معاليكي

ناردين بانفعال _ بس بقا اتعدل انت وبتكلمني

شامي _ امرك

ناردين بزهق _ وبعدين هتفضل كده لامتي

شامي _ لغيت ما حضرتك تقوليلي وقف هنا

ناردين بغيظ _ قصدي على معاملتك

شامي_ دي المعامله اللي المناسبة من السواق للهانم حضرتك

ناردين بغيظ _وقف هنا

شامي يوقف العربية _ تمام حضرتك

بتنزل وتروح تقعد جمبه وتبصله بحده وبصيغة الامر_ اطلع

شامي _ امر سعادتك

ناردين بقرف _ امري امال امرك انت

شامي يهدي العربيه ويميل عليها ويبصلها برومانسيه ويتأمل ملامحها وهي تبصله بارتباك وتبعد للخلف ولما بيقرب زيادة بتغمض عينيها

ناردين _ انت بتعمل ايه

شامي يفتح الازاز من نحيتها ويرجع تاني وبجديه_ كنت بفتح الازاز لمعاليكي

ناردين بارتباك _ ودي طريقة يتفتح بيها الازاز اتلم

شامي _ امر معاليكي

ناردين محدثه نفسها _ شكلك هتتعبني بس والله لا ماشي

شامي_ لسه هنمشي كتير معاليكي؟

 

 

 

 

 

 

 

 

 

 

 

ناردين_ انت تمشي وبس لما يجيلي مزاجي هقولك وقف وشهل شويه دي مش سواقه

شامي يزيد السرعه فجاه بشكل يخوف _ بس كدة حاضر معاليكي

ناردين بخوف_ براحة هنعمل حادثة، هدي شويه

لكن هو يكمل وميدلهاش اي اهتمام

ناردين_ بكلمك، وقف انا بدوخ.. وبدون رد يكمل ويمشي بسرعه بين العربيات

ناردين بتعب_ كفاايه بقولك

ولكن مبتلقيش رد وبيمشي بسرعه لفتره طويلة لغيت ما بيجيلها دوار

شامي بجدية_ كدة تمام معاليكي

ناردين بتعب _ افتح الباب بسرعه

يحس انها تعبت بجد، ف بينزل ويفتحلها وهي تجري لبعيد وترجع

شامي بشماته _ تستاهلي

بعد شويه بتيجي هي ودايخه وبتسند نفسها على العربيه

شامي _ تحبي اخد معاليكي لدكتور

ناردين بتعب_ ارجع العربيه

شامي_ وحضرتك

ناردين بزعيق _ ارجع العربيه

شامي يسندها _ خلاص انا اسف، تعالي ارتاحي جوه

ناردين تبعد ايده وبتحذير_ اخر مره ايدك تلمسني

شامي بحده _ اخلصي معاليكي خلينا نمشي

ناردين_ انت بتكلمني ازاي كده

شامي_ لو معاليكي مدخلتيش العربيه هدخلك بالعافيه،، ااااخلصي

ناردين بفزع_ طيب وبتدخل العربيه من سكات

وهو بيدخل من النحيه التانيه ويطلع بالعربية

شامي_ حددي مكان تروحيه شغل وقف لما اقولك دا مش عاوزة

ناردين_ عاوزة اروح

شامي_ اوك . وبيرجع تانى بالعربية

وهو وماشي بيشوف توقا، ويوقف العربيه بسرعه وينزل علشان يلحقها بس مبيلقهاش

ناردين_ وقفت ليه

شامي يرجع تاني بخيبه محدث نفسه_ انا متأكد اني شفتها، اختفت ازاي بسرعه كده

ناردين_ بكلمك وقفت ليه

شامي _ اسف معاليكي

ناردين_ بسالك علي السبب

شامي_ شوفت حبيبتي معديه ف حبيت ابصلها شويه

ناردين_ انت قولت انك مش بتحب

شامي_ وحبيت هنعترض على ارادة ربنا

ناردين _ وايه اللي فيها شدك كده في يومين

شامي _ عندها انسانية وبتساعد الناس من غير ما تعرفهم.. تصدقي انها دفعت حساب المستشفى كلها لماما اللي تعبت بسببك ومن غير ما يكون بينا معرفه

ناردين بشررد_ يبقا تستاهل تتحب، خليك وراها لغيت ما توصلها، اتمنالك تكون من نصيبك

شامي_ هتكون من نصيبي انا حاسس بكده وبالمناسبه انا مسميها حورية، اصلها شبه الحوريات جت خطفت قلبي ومشيت

ناردين بإبتسامة_ حبيت شكلها ولا انسانيتها

شامي_ الاتنين

ناردين_ فلنفترض ان هي مجرد وصله من شخص تاني ومش هي اللي دفعت هتفضل تحبها بردو

شامي_ شايف ناردين هانم المنياوي،متهمه بالبنت دي اكتر منى

ناردين_مش حبيبه السواق بتاعي، لازم اهتم علشان اضمن انه ميعملش بينا حادثة وهو بيفكر فيها

شامي_ اطمني معاليكي

ناردين_ اوك اتمنالك التوفيق ومستنيه اسمع الجديد

شامي بتريقه_ مش لايق عليكي الدور ده معاليكي

ناردين_ انا حره اعمل اي دور عاوزاه

شامي_ مش عليه معاليكي

ناردين_ عليك وعلى التخين، بص لسكه

شامي _ امر معاليكي

ناردين بانفعال_ متقولش زفت تاني

شامي_ حاضر معاليكي

ليلى بتقوم الصبح تلاقى يامن نايم على الكنبة. وتقعد علي السرير وتبصله وتحدث نفسها _ زعل علشان ادم قالي بحبك ومحسش بالي حصل بينا امبارح،….. انتي هتخيلي مش انتي اللي رايحه تحضنيه ونسيتي نفسك، غبيه وعبيطه .. غوري خدي دش قبل ما يصحا ابو معرفتك

بتقوم وتمشي براحه تاخد غيار من الدولاب وتروح للحمام، وبعد ما بتدخل يامن بيبتدي يصحا، ويبص حولية ميلقهاش ويحدث نفسه _ راحت فين دي

بيقوم ويقعد شويه لغيت ما يفوق، وبعدين بيقلع التيشرت ويتجه الي الحمام وبمجرد ما بيوصل، ليلى بتفتح الباب وترتطم فيه

وتغمض عينيها بسرعه _ استر نفسك، محدش قالك عيب

يامن _ استر نفسي ايه ما انا لابس البنطلون اهو وسعي

 

 

 

 

 

 

 

 

 

 

 

ليلي _ اقلعو خليها تكمل، عدي دا انت بجح

يامن يدخل جوه ويقفل الباب _ شكرا علي ذوقك على الصبح

ليلي _ العفو، طول مانا هنا تفضل لابس هدومك انت فاهم

يامن _ فاهم، يلا اعملي فطار

ليلى _ خدامه اهلك انا، مش هعمل حآجه

يامن _ مش عاوز منك حآجه، هخلي الشغاله تجبلي

ليلي _ احسن

بعد شويه بيطلع ويوقف قدام المرايا يسرح شعره،،، والباب بيتفتح، وليلي تدخل ومعاها الفطار

يامن بإبتسامة _ جبتي ليه

ليلى _ اصلي جوعت،

يامن _ يعني مش ليه

ليلي _ لينا احنا الاتنين يلا

يامن يقعد ويجمع الكلام بالعافية _ ليلى انا اسف على الي حصل امبارح

ليلى بارتباك _ كل يلا

يامن _ اوكي … هو انتي ليه مروحتيش مع ادم

ليلى _ كنت بحافظ علي صورتك وياريته تمر فيك

يامن_ انا اسف مره تانيه بس انتي عارفه طبيعة الموقف، وخصوصا ان اللي شافتكم رانيا

ليلى بانفعال _ وهي شافت ايه، انا كنت ببكي ف هو مسح دموعي وبس يعني مكنش بيبوسني

يامن بارتباك _ اه . طيب كلي

ليلي _ مش واكله

يامن _ ليه بقا مش لسه قايله انك جعانه

ليلي _ مبقليش نفس، كل انت

يامن _ لو مش هتاكلي انا مش هاكول

ليلى بخنقه _ يامن ملكش دعوه بيه، انا مش جعانه انا حره، مش هتجبرني اكول غصب

يامن _ طيب ومالك متعصبه كده

ليلي _ اتجننت حلو كده، عن اذنك وبتمشي وتروح البلكونة وتبكي من غير صوت، وهو يروح وراها ولما بتحس بيه بتمسح دموعها

يامن _ كملي عياط متتكسفيش

ليلي _ مبعيطش

 يامن _ امال ايه اللي انا شايفه ده،.. هو ادم وحشك ولا ايه

ليلي بخنقه _ لأ

يامن _ صحيح مقولتليش، وصلتي لايه في تفكيرك

ليلي _ ولا حآجه

يامن _ يعني معرفتيش اذا هتقدري تكملي يوم من غير ما يوحشك او لأ

ليلي تبص بعيد _ معرفتش افكر

يامن _ ليه ايه مانعك مانتي كنتي لوحدك يومين

ليلى _ معرفش بقا

يامن بإبتسامة _ انا قولت انك لما تشوفيه هتنسي نفسك قدام بابا وتحضنيه

ليلي بارتباك _ واحضنه ليه، هو مهما كان غريب عني

يامن _ لو قريب منك كنتي حضنتيه يعني

ليلي _ معرفش اهو مجاش على بالى موضوع الحضن ده وخلاص

يامن _ برغم انك مشوفتهوش بقالك كتير، المفروض انه يكون واحشك

ليلي _ ايوه يعني انت كنت عاوزني احضنه ولا ايه مش فاهمه

يامن _ لا

ليلي _ امال بترغي كتير ليه

يامن بإبتسامة خفيفه _ اقصد اقول انك لو بتحبيه كفايه كنتي علي الاقل فرحتي بشوفته، او حضنتيه زي ما حصل معايا

ليلى بارتباك شديد _ انا هاكول وسع، وتزقه وتمشي

يامن محدث نفسه _ طيب والله حبتني.. يارب يا ادم واحده تلوف عليك وتحبها وتنسا ليلي

 

 

 

 

 

 

 

 

 

 

 

ليلى بتقلب في الأكل بشرود ومبتاكلش وتحدث نفسها _ بجح بجد، عاوز يتكلم في اللي حصل، ابوشكلك..

يامن_ ليلي انا خارج عاوزة حآجه

ليلي _ لا

يامن بإبتسامة _ ع فكرة انا شوفت رسايلك اللي بعتهالي

ليلى بارتباك _ ماشي

يامن _ بس باين انك كنتي قلقانه عليه اوي

ليلي _ عادي، انا لو مربيه قط وغاب هقلق عليه

يامن بإبتسامة _ انا بقول كده بردو

ليلي بنرفزه_ انت مش بتقول انك ماشي واقف ليه

يامن _ ماشي اهو مالك متعصبه كده

ليلي _مفيش

يامن بإبتسامة _ اكيييد مش عاوزة اي حاجه من برا

ليلى تمسك المخده وترميها عليه بانفعال _ امشي بقا

يامن يمسك المخدة ويروح عندها ويبصلها بتركيز _ عييب لما ترمي علي جوزك المخده كده

ليلي _ انا معنديش اجواز، متنساش نفسك

يامن يميل عليه وهي تسند نفسها على الكومدينو بارتباك

يامن _ قانونيا انا جوزك. ف احترميني شويه

ليلي بارتباك _ ابعد طيب

يامن ببرود _ انا حر عاجبني المكان ده

ليلي _ طب وسع خليني اعدي

يامن بهمس_ لما تعتذري الاول

ليلي تبصله بشرود وبتركيز في عيونه وتسكت

يامن يبادلها النظرات ويحدث نفسه _ اقدر افهم سبب عصبيتك النهارده، انتي متلخبطه بسبب احساسك بحاجه من نحيتي، انا متأكد اني لو قربتلك دلوقتي مش هتمانعي، بس هسيبك يكون فهمتي انتي حاسه بأيه كويس… وبعدها نشوف حل لا ادم.. مش هسيبك تروحي من ايدي

وبعدها يقترب منها ببطئ وهي تغلق عينيها باستسلام، ثم يبتعد عنها فجاه ويمشي ويسيبها

ليلى تفتح عينيها وتبص حواليها متلقهوش وترمي نفسها على السرير وتبكي وهي تحدث نفسها _ ايه اللى بيحصل معايا ده مالك ، دا مهما كان غريب عنك ازاي تسيبي نفسك كده

*******”

فهد بيدخل عند نور ومعاه اكل

فهد _ الأكل

نور _ مش عاوزة

فهد _ وبعدين مش هنخلص من الحوار بتاع كل يوم ده

نور بحزن _ مش عاوزة سيبوني في حالي

فهد _ مالك زعلانه

نور_ يمكن علشان مخطوفه

فهد _ وهو حد يطول يتخطف، انا كان نفسي اخطفك في جزيرة بس نعمل ايه

نور بكره_ بكررهك

 

 

 

 

 

 

 

فهد ببرود _ اول واحده تعرفني ومتحبنيش، وعلشان كده انتي دخلتي دماغك وخصوصا بعد ما رفعتي ايدك عليه يا شرس،

نور بكره _ نفسي اوريك الشراسه على حق، لو كان بأيدي كنت فرغت في قلبك مسدس كامل

فهد بإبتسامة _ بس كدة، طيب بيقرب منها ببطئ ويطلع مسدس من جيبه ويمسكهولها ويصوبه علي قلبه _ يلا

نور بارتباك _ هموتك بجد ابعد

فهد ببرود _ وانا قدامك اهو يلا

نور تسيب المسدس ويوقع على الأرض

فهد _ مقتلتـ.نيش ليه… خساره كان حلمي اموت على يدك

نور _ انت عاوز ايه دلوقتي

فهد _ كنت بساعدك تعملي اللي نفسك فيه

نور بكره_ مش عاوزة منك مساعدة

فهد ببرود_ طيب يابيبي انا مش حابب اضايقك، هسيبك بس لو حسيتي انك عاوزة تموتيني قوليلي

نور بكره _ ماشي

فهد _ بقولك ايه يابيبي، نفسي اشوف ابتسامتك، اكيد الابتسامة علي الشفايف دي هتكون ساحره

نور _ انت مش قولت هتسبني، امشي يلا

فهد بإبتسامة _ اوكي براحتك بس انا هعرف ازاي اخليكي تبتسمي قبل ما تمشي

نور بتمتمه _ ابتسم على قبرك ان شاءلله

فهد _ بتكلميني يا روحي

نور _ لا

فهد ببرود _ علي الاقل هتبتسمي، بس كان نفسي اشوفها قبل ما ادخل قبري

نور _ لو مشيتني من هنا هخليك تشوفها

فهد ببجاحه_ لو مشيتك من هنا مش هشوف ابتسامتك بس ههههه

نور بانفعال _ انت سا.فل

فهد _ بس عسل والبنات بتعشقني

نور بغيظ _ مش تغور بقا

فهد ببرود _ اوكي يا بيبي، بس ارجع الاقيكي مخلصه الاكل علشان تبقي اسد وتزيدي شراسه

نور تزقه بغيظ _ ياعم غور

فهد يمسك ايديها من المعصم وبابتسامه_ عارفه، واحده قبل كده عملت الحركه دي، عارفه عملت فيها ايه

نور بخوف _ ايه

فهد يقرب من شفتيها وهي تحط ايدها علي بوقه وبخوف_ خلاص فهمت ممكن تبعد بقا

فهد ببرود _ اوك هبعد، يلا كولي بقا وهرجعلك كمان شويه، وبيروح عند الباب ويبوصلها ويرميلها بوسه بطريقة مستفزه ويمشي

 

 

 

 

 

 

 

نور بقرف_ ربنا يخدك

عز _ ههههه طيب افرض كانت فرغت المسدس في صدرك بجد

فهد _ كنت عامل حسابي وشايل الخزنه ههههه

عز _ لا فالح.. طيب واخرت اللي بتعمله ده

فهد _ انا حلفت ماهي ماشيه غير لما تحبني وبجنون كمان، دي ضيعتلي الموزز

عز_ تستاهل الله ينور عليها

فهد _ عز مالك ياحبيبي انت صاحبي ولا صاحبها

عز_ صاحبك انت بس كتر البنات وحش علي صحتك

فهد _ ياعم مش حآجه تطري بدال شغلانتنا الناشفه دي

عز _ عندك حق انا كرهت الشغلانه دي بفكر اسيبها

فهد _ ليه… هي كلمتك تاني ولا ايه

عز _ لا بس بشوفها في البلكونة ولما تلمحني تبصلي بغيظ وتمشي

فهد _ البنت دي لو اختي كنت دبحتـ.ها

عز _ الحمدلله انها مش اختك.. تصدق انا متعاطف معاها رغم اللي بتعمله

فهد _ يا حنين

عز بشرود _ زي ما بقولك.. صعبان عليه بنت زيها تكون. كده، بيتهيالي لو مكنتش غنية كانت هتكون احسن

فهد _ دا انت واقع لشوشتك

عز بخنقه _ للأسف، انا مش عارف اخرت اللي انا فيه ده

فهد _ انساها ياصاحبي، مش هتاخد غير وجع القلب وقطع عيشك ومش بعيد موتك من وراها

عز _ وانت شايفني عملت حآجه، كله مجرد مشاعر بيني وبين نفسي

فهد _ ولما هي بينك وبين نفسك عرفت ازاي انك بتحبها

عز_ معرفش

فهد _ طيب ايه رأيك تسيب حراسة الفيلا وتكون تبع حراسة الشركه، وهو تبقا بعيد عنها

عز _ لا خليني كده، متقلقش مش هغلط، انا بس كفاية عليه اكون قريب منها ومش عاوز اكتر من كده

فهد _ براحتك انا عارف انك قوي ومستحيل تغلط

عز _ شكراً..

فهد _ اقولك، روح شوف البنت خلصت اكل ولا لسه ولو مخلصتش اندهلي

عز _ الله يتولها وقعت في مصيبة

فهد _ محدش قالها تغلط معايا

 

 

 

 

 

 

 

 

عز _ والله خايف تيجي توقعها توقع انت، هتبقي كبيره في حقك

فهد _ تبقا مش عارفني كويس، مش انا يا عزوز

عز_ يارب اشوفك واقع علشان اشمت فيك

فهد _ أرغى كتير وسيب البنت .. ما تتحرك

عز _ باشا اوامرك

زياد بيتصل ب جيلان

جيلان _ عاوز مني ايه

زياد _ وحشتيني يا جيلان مش قادر اعيش من غيرك

جيلان ببكاء _ عشان كده مسالتش عليه ا زعلانه منك

زياد _ مانتي عارفه ياحبيبتي ابوكي خد بنت خالتي ومش عارف اوصلها

جيلان _ هي موجوده في مخزن الفيلا

زياد _ طيب انتي وحشتيني اوي هتقدري تهربي وتقابليني عشان نتجوز

جيلان بفرحه _ بجد يا زياد يعني انت لسه بتحبني وعاوزني

زياد _ اوي ياروحي، عشان خاطري متسبنيش، اهربي وتعاليلي يابيبي انا مقدرش اعيش من غيرك

جيلان بفرحه _ حاضر ههرب باي شكل، وهجيلك، انت هتكون فين بس

زياد _ لما تهربي ابقي اتصلي بيه علشان اقولك

جيلان _ بحبك اوي يا زياد

زياد _ وانا كمان ياروحي،، ها هتهربي امتي علشان اجهز المأذون

جيلان _ مش عارفه الفيلا مليان حراس، لما الاقي فرصه ههرب

زياد _ حبيبتي انا مش قادر اصدق انك هتكوني ليه

جيلان _ ولا انا ، بس يارب اقدر اهرب

زياد _ اتصرفي لو بتحبيني، اقولك اغري الواد اياه اللي بتقولي بيحبك

جيلان بانفعال _ متجبليش سيرته، انا هقدر اهرب من غيره ، بس اديني فرصه كام يوم

زياد _ معاكي يومين

جيلان _ هشوف يا زياد

 

 

 

 

 

 

 

 

 

في المستشفي

شاب اسمه احمد بيروح ل بسمه المستشفي

بسمه_ ومين قالكم اني بدور علي شغل

احمد_ عرفنا وخلاص.. المهم اننا محتاجين محاسبين في الشركه عندنا لو جاهزه تقدري تيجي علشان المقابله

بسمه _ لا لازم اعرف انتو عرفتو ازاي

احمد _ اخو حضرتك قال لمديري وهو حابب يقدمله مساعده

بسمه بفرحه _ ماشي موافقه، فين العنوان

احمد _ اتفضلي دا الكارت بتاعي ودا عنوان الشركه..

بسمه بابتسامه _ ماشي يافندم متشكره اوي

احمد_ استناكي امتي

بسمه_ بكره

 احمد _ تمام، يلا اسيبك

بسمه تتنطط بفرحه _ هيييي لقيت شغل ياهوووو

الممرضه _ لوسمحتي هدوء

بسمه تبص حوليها باحراج _ اسفه

ادم _ تمام يا احمد قابلها واعملها مرتب كويس مش عاوزها تمشي اوك

احمد_ تحت امرك ادم باشا

ادم _ متشكر.. سلام

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية هذه ليلتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى