رواية غرام الفصل الخامس 5 بقلم زهرة الربيع

رواية غرام الجزء الخامس

رواية غرام البارت الخامس

رواية غرام الحلقة الخامسة

هشام كأن طاقة القدر انفتحت له قال وهو بيبص شمال ويمين …تعالي معايا يلا اركبي بسرعه
غرام ركبت العربيه معاه من غير ماتفكر حتى وهشام ركب جمبها وقال….اطلع بسرعه يا عم عادل على شقة المهندسين
بدر كان بيتكلم هو وسحر ودخلو بعدها القصر وبدر كان قلقان على غرام خايف لتعمل حاجه قال…انا هطلع اشوفها نامت ولا لا واشوف لو عايزه تاكل
سحر بسرعه…خدني معاك اشوفها
بدر بضيق…تعالي يا سحر
بدر وسحر طلعو واول ما فتح الباب اتفاجأ انها مش موجوده فى الاوضه بس افتكرها في الحمام فضل يخبط على باب الحمام بس لقاه مش مقفول من جوه فتح الباب واتصدم لما لقاها مش موجوده
بدر كان زي المجنون مش مصدق انها مش موجوده فضل يدور في الاوضه بجنون لحد ما شاف المفارش الي نزلت عليهم حس الارض بتدور بيه لمجرد فكرة انها هربت خاف تحصلها حاجه بقى نفسو ضاق جدا وبقى مش قادر يتنفس
سحر جريت عليه بخوف وقالت…بدر ..مالك يابدر وطلعت البخاخ الي بيستخدمو وحطتو في بقو وحطتلو منو لحد ما هدى شويه قالت..انت كويس يابدر..احسن دلوقتي
بدر مردش عليها سحب سلاحو ونزل بسرعة البرق مكنش شايف قدامو لدرجة انو والدتو فضلت تنادي عليه بس مكانش بيرد ساق عربيتو وطلع بسرعه
على الطريق رن لعصام وقال بقلق…ايوه يا عصام اسمعني كويس غرام هربت حاول تجبلي تسجيل الكميرات بتاعت الشارع كلو بسرعه يا عصام
غرام كانت وصلت هيه وهشام شقتو دي شقه بتاعت هشام بعيد عن فيلتهم فتح الباب وقال بابتسامه..اتفضلي يا غرام ادخلي انتي خايفه مني ولا ايه
غرام دخلت وقالت بسخريه والم…اخاف منك هو مين يخاف من التاني دانت قاعد مع واحده مجنونه
هشام قعد جمبها وقال…اوعي تقولي على نفسك كده الي يقول عليكي كده هو الي مجنون دا الجمال ده يجنن بلد
غرام ضحكت بحزن وقالت..بجد شكرا ياهشام بس انا خايفه عليك من بدر ده لو عرف اني معاك هيأذيك وانا مش هقبل تحصلك حاجه بسببي ونزلت دموعها وقالت..انا مش حمل ذمب تاني
هشام مسح دموعها باديه وقال بابتسامه…متقلقيش عليا هو ميعرفش الشقه دي اصلا واخرو هيجيلي على البيت يهدد وشاور على دراعو المكسور وقال..وبعدين هيعمل ايه اكتر من كده
غرام قالت بخضه..يا نهار ابوه اسود هو الي عمل فيك كده
هشام قام وقال بخبث..ايوه هو وايه السبب تفتكري كل الحكايه اني قلتلو انو غلط يفضل معاكي كده ويضحك عليكي ويقلك انكم متجوزين
غرام بلهفه….يعني هو فعلا مش متجوزني انا كنت متأكده طب جاب قسيمة الجواز الي معاه دي الزاي
هشام بخبث..تلاقيه ضاربها هو هيغلب ده بدر القاضي يعني مش صعبه عليه حاجه زي دي
غرام بحزن..انا تعبت انا بكره اوي نفسي اخلص منو وارتاح
هشام بغل…هيحصل وحياتك هيحصل بس انا وانتي لازم نسافر بره البلد انا هتصرف في الاوراق في اققرب وقت ونمشي انا وانتي
غرام بفرحه…بجد هتمشيني هتعرف تسفرني
هشام بابتسامه…طبعا اعرف انتي متشغليش بالك انتي روحي ارتاحيلك شويه وانا هاروح اشوفه وصل لايه ضروري هيجي البيت يسأل عني
هشام نزل وراح بيتهم لقا بدر مستنيه اول ما دخل مسكو من قميصه بعن.ف وقال بغضب مرعب.. غرام فين يا هشام
هشام بتمثيل…غرام ..وانا هعرف ازاي غرام فين هيه مش في بيتك
بدر كان متعصب جدا بس حاول يهدى علشان يعرف ازا كانت معاه او لا قال… هو انت مش كنت هتيجي تاخد سحر مجتش ليه
هشام ببرود…عادي محبتش اضايقكم قلت اسيبكم تتصافو واهو تضحك عليها بكلمتين وتصدقك زي العبيطه ادخل انا ليه واعطل المراكب السايره
بدر اتعصب جدا بس حاول يداري قال…غريبه مع ان الكميرات صورتك وانت داخل الشارع وقريب من القصر
هشام بنفس البرود….طب ما انا بقولك كده بعد ما جيت اخدها قلت اسيبكم تتكلمو ورجعت وبعدين انت بتحقق معايا ليه مش فاهم
بدر بضيق شديد…بكره تكبر وتفهم يا هشام وكمل بنبرة تحذير ..وتعرف ان مش انا الي يتلعب معايا قال كلامو وخرج من غير ما يستنى رد
بدر رجع القصر اخر اليل بعد ما دور في كل المناطق القريبه منهم وسأل كل الي يشوفه وكان هيتجنن حرفيا وصل القصرلقا والدو ووالدتو وسحر وعصام مستنيينه حكالهم الي حصل وكل الاماكن الي دور فيها ولما راح لهشام
سحر بضيق….هو انت قلقان كده ليه يا بدر مسرها ترجع وبعدين ايه دخل هشام انت كل حاجه تقول هشام وامبارح كسرتلو دراعو من غير سبب انت على طول مستقصدو
بدر كان هيتكلم بس صفاء قالت بسرعه….يا حببتي هو هيستقصدو ليه بس ده اخوكي وابن خالتو وبنسبه لغرام ازاي عيزاه ميقلقش ده مخرجها من المستشفى على مسؤليتو الخاصه ودي مجنونه و
بدر اتعصب جدا قال بزعيق….ماما …غرام مش مجنونه وانا بدور عليها لانها بنت عمي ومراتي اما يا ست سحر بالنسبه لدراع اخوكي فانا كنت هكسر رقبتو وهو عارف عمل ايه كويس وبعدين انا مش فاضي للهري ده تعالى معايا بره يا عصام
محمود قال بسرعه..طب يا ابني حتي فهمني ناوي على ايه
بدر بيأس..لو كنت عارف كنت قلتلك يا بابا يلا يا عصام ..بدر خد عصام وخرجو في الجنينه
بدر بجديه…انت متأكد يا عصام ان المقاطع الي شفناها دي كل الي الكميرات صورتو حاسس ان فيه حاجه محذوفه
عصام بحزن….ومين بس الي هيحزفهم يا بدر انت بس بيتهيألك
بدر بضيق…طب بص خلي الرجاله يدورو في كل حته ميسبوش مكان وهشام يتراقب ثانيه بثانيه
عصام …انت لسه شاكك فيه
بدر اتنهد وقال..اصلا مش شاكك غير فيه دخوله الشارع في الوقت ده وكمان قلي انو دخل الشارع ورجع على طول مع ان الكميرات صورتو هو وداخل ومجبتهوش وهو وخارج ده غير انو حتى لو مجاش غرام متعرفش حد غيره تروحلو
عدو يومين وبدر قالب الدنيا على غرام بيخرج الصبح يجي اليل مسابش حته مدورش فيها لحد ما جالو اتصال من عصام
بدر بيأس…. ايوه يا عصام فيه جديد
عصام بفرحه…فيه بص يا سيدي الرجاله فضلو ورا هشام كل يوم كان بيحاول يضيعهم تقريبا عارف انو متراقب لحد انهرده نزل بسرعه رهيبه وراح شقه في المهندسيين سألنا البواب قال انها شقتو من زمان
بدر بفرحه..طب مقلكش ازا كان جاب بنت معاه
عصام بحرج شديد…ما انا ..سألتو..وقال..احم يعني قال انو كل يوم بيجيب واحده شكل وهو ميعرفش بنسأل عن مين فيهم بالظبط وانا مكنش معايا صوره لغرام
بقلمي..زهرة الربيع
بدر اتنرفز وقال بهدوء بيحاول يظهره…الكلام ده من امتى يعني هو لسه في الشقه
عصام ..ايوه لسه هناك
بدر بهدوء مرعب…انا جاي ميغيبش عن عينك
………
عند هشام كان قاعد مع غرام
هشام بضيق…يعني يا غرام فضلتي تقوليلي تعالى بسرعه تعالى بسرعه ومفيش حد اهوه يعني افرض رجالة بدر شافوني دلوقتي هنعمل ايه انا بقالي يومين مش عارفين يوصلو لحاجه معايا حتى الكميرات قدرت اوصل لها قبلهم واحذف المقطع الي انتي معايا فيه
غرام بكسوف…خلاص يا هشام مشيني من هنا انا هعرف اتصرف متجبش لنفسك الاذيه
هشام بابتسامه..يعني انا علشان خايف عليكي تقوليلي مشيني انا بس عايزك تاخدي بالك احنا انهارده بالليل هنمشي انا جهزت كل حاجه
غرام بفرحه…بجد ..الحمد لله شكرا بجد يا هشام وانا هاخد بالي والله انا بس اتخضيت حسيت ان فيه حد بيخبط ومعرفتش اتصرف
هشام قرب منها ورفع وشها بصوابعو وقال…ولا يهمك انا معاكي وبص على عنيها وقال عنيكي حلوين قوي يا غرام وركذ على شفايفها وقال بهمس وشفايفك احلى…وقرب شفايفو من شفايفها بس غرام دفعتو بقوه وبعدت وقالت بزعيق…انت بتعمل ايه يا حيوان انت انا غلطانه اني صدقت انك عايز تساعدني
هشام بقلق…اهدي يا غرام انا مقصدش متزعليش والله غصب عني لسه بحبك يا غرام ومش قادر انساكي
غرام اتنهدت وقالت..بص يا هشام انا مش بحبك ولا بحب حد ولا بحب نفسي ولا الدنيا كلها كل الي بطلبو منك انك تبعدني عن بدر مش عيزاه يلاقيني تبقى عملت الي عليك وزياده
هشام ..حاضر هبعدك.. انهارده باليل ان شاء الله هنسافر متقلقيش انا همشي دلوقتي تمام وانتي خدي بالك من نفسك ومتدخليش المطبخ ولا تفتحي البوتجاز انا هبعتلك دليفري تمام
غرام هزت راسها بايوه وهشام خرج
بعد شويه الباب خبط غرام بصت من الباب وكان بتاع الدليفري
غرام فتحت الباب والراجل اداها العلبه ومضت بالاستلام وكانت هتقفل الباب بس بدر حط رجلو بيمنعها وقال لعامل التوصيل.. شكرا روح انت
غرام حاولت تقفل الباب برعب بس بدر كان اقوى ومنعها تقفلو بسهوله جريت علشان تستخي بس ملحقتش
بدر شدها من شعرها بعنف وقال بغضب مرعب….هو انا كل يوم هجيبك من شقه واحد يا روح امك ووووووو