رواية انت عوضي الفصل الرابع عشر 14 بقلم الكاتبة الصغيرة

رواية انت عوضي الجزء الرابع عشر

رواية انت عوضي البارت الرابع عشر

رواية انت عوضي الحلقة الرابعة عشر

خرجت انا وآية بس انا ونازلة شوفت حاجة خلتني استغرب لقيت تامر قدامي وباين انه كان جاي عندنا
تامر : كويس اني لقيتك
اميرة : وانت عاوز ايه ان شاء الله
تامر : عاوز اكلمك في موضوع ضروري
اميرة : وايه هو الموضوع
تامر : تعالي بس نتكلم لوحدنا
اميرة : قول اللي عاوز تقوله هنا
تامر : تمام .. انا سمعت انك هتتخطبي
اميرة : دا فعلا صحيح وانا كنت نازلة اشتري المستلزمات بس انت ظهرت في وشي
تامر : يعني انتي نسيتيني خلاص
اميرة : وانت عاوزني افتكر ايه للاسف كل ما افتكر افتكر الالم اللي انت كنت سببه من وقت ما اتجوزنا مورتنيش يوم حلو
تامر : بس انا لسة بحبك وعاوز نرجع لبع
اميرة بمقاطعة : متكملهاش انا مستحيل ارجعلك وانت مبتحبنيش انت بس عاوز تسيطر عليا زي ما كنت بتعمل دايما بس انسي
تامر : انتي لو مبقتيش ليا مش هتبقي لحد غيري
اميرة : فوق بقي احنا اتطلقنا خلاص ومفيش حاجة تربطنا ببعض واتفضل امشي لاننا اتاخرنا بسببك
تامر : انا همشي ي اميرة بس هرجع تاني
اميرة : انا مش عاوزة اشوف وشك
مشيت بسرعة وانا عينيا مدمعة جات آية ورايا وهي بتواسيني لانها عارفة اللي عمله فيا والالم اللي سببهولي
آية : اهدي ي اميرة ومتزعليش نفسك عشان واحد زي دا
اميرة : انا كنت نسيته خالص وقولت ابدأ حياتي من اول وجديد بس هو مش راضي يسيبني في حالي مصمم يكسرني ويدمرلي حياتي
آية : مش هيقدر يعمل حاجة طول ما ياسين جمبك مش هيقدر يؤذيكي انتي هتقولي لياسين
اميرة : لا مش عاوزة اقلقه بسبب الحكاية دي
آية : اللي يريحك يلا بقي عشان منتاخرش
اميرة : عندك حق
مشيت انا وهي بسرعة وروحنا علي المكان اللي المفروض نشتري منه الحاجة اشترينا حاجات كتير بس آية كانت عاوزة حاجات كمان فانا استنتها وهي راحت ولقيت ايد بتسحبني لمكان التفتت لقيته تامر كنت لسة هصرخ بس هو طلع منديل وكتم نفسي بيه محستش بالدنيا بعدها
آية : كنت عاوزة اشتري حاجات تانية لكن اميرة قالتلي انها مش قادرة وانها هتستناني دخلت اشتريت الحاجة وبعد ما طلعت دورت كتير اوي علي اميرة ملقتهاش حسيت بالخوف طلعت من المول لقيت السواق برة في العربية واميرة مش موجودة بردوا اتصلت علي ياسين وانا خايفة وبعيط هو استغرب مكالمتي
ياسين : في حاجة ي آية خلصتوا شراء واللا لا
آية ببكاء : ابيه
ياسين بخضة : في ايه ي آية بتعيطي ليه حصل ايه
آية : اميرة ي ابيه مش موجودة ودورت عليها ملقتهاش
ياسين : ممكن تكون في اي مكان متقلقيش
آية : لا ي ابيه انا خايفة عليها احنا قابلنا الكائن اللي اسمه تامر وهو هددها
ياسين : وازاي متقوليش ليا ي آية
آية : هي اللي طلبت مني وقالت انها مش عاوزة تقلقك
ياسين : طب انا جايلك ي آية متتحركيش من مكانك
عند اميرة : بدات افوق لقيت نفسي في مكان جميل اوي افتكرت اللي حصل وان تامر خطفني كلها دقايق ودخل تامر عليا
تامر : اخيرا فوقتي ي حبيبتي
اميرة : انا مش حبيبتك متقولش الكلمة دي تاني
تامر : لا انتي حبيبتي انا ويلا اجهزي عشان كتب الكتاب
اميرة : كتب كتاب مين
تامر : كتب كتابنا ي عروسة انا هسيبك عشان تجهزي
اميرة : انت مجنون انا مستحيل اتجوزك لو خيروني بين الموت وبينك هختار الموت افضل
تامر : بلاش الكلام اللي هيزعلني منك دا
اميرة : طلعني من هنا ي تامر
تامر : هتطلعي من هنا ي روحي بس بعد ما نتجوز
وبعدها خرج وسابني وانا هتجنن من البرود اللي هو فيه
اميرة : بطل جنان ي تامر وطلعني من هنا
ولكن لا حياة لمن تنادي كنت بفكر في اللي ممكن المجنون دا يعمله انا خايفة علي ياسين منه فضلت ادعي ان ربنا يحمينا كلنا من جنانه
ياسين : كنت في الشركة بكمل الشغل كله عشان بكرة بس جالي اتصال من آية استغربت بس جه في بالي انهم ناقصهم فلوس لكن صون آية وهي بتعيط هو اللي قلقني وخوفني قالت انها مش لاقية اميرة حاولت اطمنها بس انا خوفت علي اميرة وزاد قلقي لما عرفت ان تامر قابلها وكمان هددها روحتلها بسرعة لقيت آية بتعيط هدتها وانا من جوايا هموت من القلق حكتلي اللي حصل روحت شوفت الكاميرات وكان ظاهر تامر وهو بيخدرها اتصلت بعمي محمد ( ابو اميرة ) وروحتله البيت اول ما دخلت سالني علي ايه اللي حصل
محمد : ايه اللي حصل ي ياسين
ياسين : اميرة اتخطفت
محمد : ومين اللي خطفها دي مبتاذيش حد
ياسين : تامر هو اللي خطفها
محمد : لا ي ابني هو فعلا حقير بس ميعملهاش
ياسين : هو اللي ظهر في كاميرات المراقبة وهو بيخطفها وبعدين هو هددها انها لو مش هتبقي له مش هتكون لحد غيره
محمد بقلق شديد : ياتري المجنون دا وداها فين
ياسين : انت متعرفش مكان ممكن يكون موجود فيه
محمد بتفكير : اه اميرة كانت حكتلي ان عنده بيت هو كان بيروحه لما كان بيخونها
ياسين : طب والمكان دا فين
محمد : في …………
ياسين : يبقي كدة وصلناله