رواية وحوش الأرض الفصل الحادي والعشرون 21 بقلم منة ضياء

رواية وحوش الأرض الفصل الحادي والعشرون 21 بقلم منة ضياء

رواية وحوش الأرض الجزء الحادي والعشرون

رواية وحوش الأرض البارت الحادي والعشرون

رواية وحوش الأرض الحلقة الحادية والعشرون

بسم الله..
وعد قعدة مع البنات و شربت العصير و هديت نوعا ما..
همس اتكلمت بقلق : مش هتقولي بردو اي اللي حصل..
البنات بصوا ليها علشان تتكلم..
وعد اخدت نفس عميق : بصوا انا مش عارفه اي اللي حصل بالظبط.. بس كل اللي اعرفه اني كنت جايه ليكم و كنت ف الطريق و قربت اوصل اصلا بس لقيت عربية قطعت طريقي و انا بحاول ابعد عنها دخلت ف عربية تانيه و ملقتش نفسي غير وانا مربوطه ع الكرسي..
و عند نطقها لاخر كلمه عيطت..
ياسمين : ط،طب اهدي ي وعد كويس انك بخير.
وعد حركت راسها بنفي : لا انا مش كويسه خالص.. انا تعبانه كل اما احاول اتخطى
اللي انا كنت فيه يحصل حاجه تجيب كل محاولاتي الارض.. حقيقي تعبت ليه ماما و بابا سابوني ف دنيا مش عادله نازله فيا خبط و رزع لما خلاص ضهري اتقطم.. و حركة راسها.. فعلا انا اتهزمت و ضهري اتكسر و قامت واقفت و خرجت برا الفيلا..
همس : وعــــــــد..
مليكه و ياسمين و همس خرجوا وراها..

وعد كانت بتجري و كانها بتهرب من حد ياسمين راحت مسكتها من دراعها و اتكلمت بعصبيه : انت ماشيه كده راحه فين..
همس : وعد تعالي ندخل جوا مينفعش كده.
وعد : لا انا همشي..
مليكه : هتروحي فين..
وعد : همشي ادوس ف الدنيا ولا هي بس اللي متاح ليها تدوس عليا؟
همس : وعد ممكن بس تهدي و ترجعي معانا نتكلم و احنا معاكِ ف اي حاجه..
وعد اترمت ف حضنها و قعدة تعيط و البنات قربوا ليها و اخدوها ف الفيلا تاني..
________
ايهاب و مروة رجعوا من المستشفى و ايهاب قالها ع اللي حصل لوعد.
مروة بحزن: وعد دي شافت كتير اوي يا ايهاب.. بحسها دايما وحيده و مسكوره حتى لو احنا كلنا حواليها..
ايهاب : معاكِ حق ربنا يقويها..
مروة : ايهاب.. متسبش حق وعد، انت لازم تعوضها عن المر اللي شافته ف السنين اللي فاتت.
ايهاب : طبعا مش هسيب اللي عمل فيها كده غير و هو مي،ت..
مروة : هو انا ممكن اروح اشوفها..
ايهاب : بكرا.. لان مش هينفع انهارده لان اكيد هي هتبقا تعبانه..

مروة حركة راسها بتفهم و سابته و راحت ع اوضتها..
ايهاب طلع اوضته و قعد يفكر ف وعد و مين البي عمل فيها كده.
ايهاب نفخ بخنقه و اتصل بوالده علشان يشوف اذا كان الشغل ف الشركه كويس ولا ف حاجه ناقصه..
_________
عند ياسين..
ياسين راح ع القسم..
سلم ع الظابط اللي كان قابض ع عصام و شاهي..
الظابط : خير يا ياسين؟ ف حاجه ولا اي
ياسين: شاهي..
الظابط بصله بترقب..
ياسين حرك راسه : شاهي فين؟!
الظابط اتكلم بهدوء : انا مش هكدب و اقولك انها موجوده ف السجن لانها هربت..
ياسين بدهشه و انفعال : هربت.. هربت ازاي يعني هو لعب عيال.
الظابط(طارق) : ممكن تهدى.. احنا اكيد مش هنسكت.. احنا بندور عليها و هي بقالها يومين بس برا يعني مش هتلحق تهرب برا البلد..

ياسين: يعني اي.. انت عارف هي عملت اي ف اليومين دول.. دي شيطا،نه ف يومين قدرت تتصرف و تتفق مع ناس و خطفت وعد.. و الحمدلله ربنا كان معانا و قدرنا نوصلها تقدر تقولي لو مكناش و صلنالها كان اي اللي هيحصل؟!
طارق باستفهام : هو انتم لقيتوها.. لقيتوها فين؟!
ياسين مسح بايده ع وشه و شعره : ايوه لقيناها و انا هقولك كل حاجه بالتفصيل.. و بدا ياسين يقول كل حاجه حصلت.. وقال ع الشاب اللي ايهاب ضر،به و ربطه ف المخزن
الظابط : كويس.. اللي انت قولته ده هيساعدنا كتير ف اننا نعرف مكان شاهي.. لانها زي ما قولت اكيد مش هتلحق تسافر برا البلد.. و من خلال الشاب ده احنا هنقدر نوصل لمكانها بسهوله.
ياسين : طب اتصرف ازاي انا الوقتي.. شاهي طول ما هي برا وعد مش ف امان..
الظابط قام وقف: انا عايزك تيجي معايا المخزن اللي فيه الشاب.. و فريق البحث هيعملوا الواجب و هيجيبوا شاهي اكيد لو معرفناش نوصلها
ياسين : تمام.. و راحوا المخزن..
__________
عند ايهاب و مروة..
مروة كانت ف اوضتها قعدة بتفكر ف وعد و عايزه تطمن عليها بس مش عارفه ازاي.. ايهاب قالها انه هيوصلها هناك بكرا..
رجعت بضهرها ع السرير بياس : خلاص بقا مفيش حل غير اني استنى لبكرا.. و بعد ثوانِ صفقت بايديها : ايوه لقيتها.. وقامت راحت ع اوضة ياسين..

خبطت ع الباب..
ايهاب اعتقد انه خالد : اتفضل يا بابا..
مروة دخلت : احم.. بابا لسه ماجاش.. المهم مالك كده
ايهاب بضيق ظاهر ع ملامحه: مفيش..
مروة قربت و قعدة بجانبه: اممم.. ع مروة بردو.. ع العموم انا هقولك انت فيك اي.. انتَ عايز تطمن ع وعد بس مش عارف توصلها صح؟!
ايهاب مستغربش كلامها لانه عارف انهم دايما فاهمين بعض من غير ما يتكلموا..
ايهاب حرك راسه يؤكد كلامها..
مروة : طب ما توصلني عندها و اطمن عليها ليا و ليك..
ايهاب باعتراض: لا ي مروة مش هينفع انهارده.. خلاص الشمس بتغيب و هي اكيد عايزه تبقا لوحدها علشان ترتاح ما هي اللي شافته مش قليل..
مروة : لا ي ايهاب.. هو انت مفكر اننا لما نسيبها لوحدها هي كده هترتاح لا بالعكس دي لو بقت لوحدها هتتعب اكتر حتى لو هي كانت رافضه وجود حد معاها و جنبها.. دايما يا ايهاب الانسان بيمر بفترات صعبه ف حياته و ف الوقت ده بيكون مركز اوي مع مين جنبه و معاه و مين اللي اتخلى عنه ف وقت احتياجه للسند.. فاهمني يا ايهاب؟
ايهاب حرك راسه بتفهم: و مطلوب مني اعمل اي يا ام المفهوميه..
مروة رفعت راسها بغرور مصطنع..

ايهاب : يخربيت التواضع اللي انتِ فيه ي شيخه..
مروة : مش بحب اتكلم عن نفسي كتير ي بوب.. المهم انتَ طبعا مش هتعرف تروح لوعد و تقعد معاها.. بس انا طبعا موجوده ف الخدمه يعني انتَ تقوم كده تلبس اكون انا كمان لبست و توصلني ليهم و اكون معاها و جنبها.. و لا اي ي برنس..
ايهاب : ماشي بس خلصي بسرعه علشان منروحش ف وقت متاخر و ساعتها هيكون موقفنا وحش بجد..
مروة : ثانيه و هكون قدامك
مروة قامت رجعت اوضتها تاني و هي فرحانه و قالت لنفسها : والله طلعتِ شاطره يا بت ي مروة و عرفتِ بكلامك تقنعيه..
_________
بقلمي/منه ضياء♡
عند البنات..
كانواةقعدين ف جنينة الفيلا و بيحاولوا يخرجوا وعد من مود الحزن و الزعل اللي هي فيه..
همس فونها رن و كان اتصال من مالك جوزها.. قامت بعدت عنهم خطوتين و ردت..
مالك : الوو.. همس انتِ اتاخرتِ كده ليه؟ ده معاذ قالب الدنيا عياط و انا و ماما مش عارفين نتصرف.. هو انتِ فين اجي اخدك
همس : انا ف فيلا ياسين.. تعالي خدني بسرعه لابني يا مالك
مالك باستغراب:بتعملوا اي ف فيلا ياسين.. همس هو حصل حاجه ولا اي؟
همس : تعالى بس و بعدين هفهمك كل حاجه
مالك : تمام خلي بالك من نفسك لحد اما اجيلك

همس : تمام متتاخرش.. وقفلت المكالمه..
همس قربت من وعد باحراج : معلش ي وعد مضطره امشي انا و مليكه لان مالك كلمني الوقتي وقالي ان معاذ بيعيط و مش بيسكت و ماما احلام مش عارفه تتصرف معاه.. و مالك هيجي ياخدني و مليكه معانا لانها مش هتعرف ترجع لوحدها..
وعد بتفهم: ربنا يقويكِ يارب.. روحي لابنك انا كويسه اهو هو اكيد محتاج ليكِ اكتر مني..
مليكه : طب فرفشي كده.. ده انت قربتي تبقي عروسة.. والله مش عارفه اي الجوازه اللي مش ليها ملامح دي..
ضحكت وعد بسخريه : عروسه؟! ده ايهاب لو فضل معايا بعد كل ده هقول ان ف حاجه مش طبيعيه
-هو ايهاب يقدر يعمل حاجه غير انه يكون معاكِ؟! ده انا اخلص عليه
الكل بصوا عليها بدهشه.
مروة: متقلقيش ي وعد ايهاب معاكِ برضاه او غصب عنه و كله تحت تهديد السلا،ح 🔪
كلهم ضحكوا عليها..
وعد قامت : مروة انتِ ماشيه ع رجليكِ بجد
مروة : ايوه الحمدلله.. بس اي رايكم مطلعتش قصيرة اوي زي ما كنتم بتقولوا..

ياسمين : لا ي بت مزه.. مزه يعني مفيش كلام.
ضحكوا كلهم و قعدوا مع بعض و مالك وصل و اخد همس و مليكه و مشيوا..
مروة : بت يا ياسمين.. هو انتم عاملين اكل اي
ياسمين : مكرونه و فراخ.
مروة : طب حلو اوي.. انتم خليكم هنا و انا هامن ع سلامة الاكل و اجيلكم..
ياسمين : طب خدينا معاكِ
مروة سابتهم و دخلت جوا… ياسمين بضحكه: استني ي بت يخربيت طفاستك..
و دخلوا التلاته مع بعض.. و مروة مسابتش وعد غير لما اكلت بعد محاولات كتير بالرفض..
_________
عند ياسين.
ياسين و طارق وصلوا المخزن و كان الشاب ده مربوط ف مكانه..
الشاب بدا يصرخ : خرجوني من هناا.. خرجوني
اتكلم ياسين بعصبيه : اكتم صوتك ده.. بدل ما اخفيك من ع وش الدنيا خالص..
طارق : هتتكلم بالذوق و تقول مين اللي امرك بخطف الانسه وعد و لا اتصرف انا بطريقتي و بردو هعرف.. و لا اسهل عليك الدنيا اكتر.. قولي مكان شاهي فين كده اسهل صح..

الشاب بلع ريقه : ش.. شاهي مين
طارق : انتَ هتستعبط يالا.. شاهي اللي قالتلك تخ،طف وعد
الشاب : معرفش مكانها.. معرفش
ياسين : معنى كده ان هي فعلا اللي خط،فت وعد.. قبض ع ايده.. اااه ي بنت ال****
طارق قرب منه : قولي مكانها فين.. اهي هتخفف عنك الحكم بتاعك.. لكن لو مظهرتش يبقا البس انت القضيه لوحدك..
الشاب اتعصب : لا ازاي يعني البس انا القاضيه.
ياسين : يبقا تقول مكانها فين..
الشاب مكانها*** و هو قريب من سكة القطر..
طارق تعالى ورايا يا ياسين..
ياسين خرج و قفل المخزن تاني..
طارق : الووو.. تعالوا بسرعه ع *** هنلاقيها هناك..
قفل طارق الفون و راح بسرعه ع العنوان..
ياسين اتصل ع ايهاب و هو ف الطريق..
ياسين : الوو يا ايهاب انت فين.
ايهاب : انا قريب من الفيلا بتاعتك.. كنت بوصل مروة لوعد.. انت فين
ياسين : تعالالي ي ايهاب ع **** شاهي هناك.. و هي السبب ف خط،ف وعد..

ايهاب : مش هي كان مقبوض عليها؟!
ياسين : و قدرة تهرب.. المهم يلا بسرعه روح ع هناك..
ايهاب تمام..
و بعد حوالي ربع ساعه ياسين و طارق وصلوا ع العنوان.. و ايهاب وصل وراهم ع طول لان المسافه مش كبيره بالنسبه للمكان اللي ايهاب كان فيه
ايهاب : ها يا ياسين.. هي فين؟
ياسين : ده الظابط طارق.. و هو اللي هيساعدنا ف اننا نخلص وعد من الكابوس اللي هي فيه..
ايهاب : طب يلا مستنين اي..
طارق : هي اكيد ساكنه ف العماره دي.. لان هي دي اللي قالنا عليها.
ياسين : ايوه هي دي اقرب عماره
طلعوا التلاته الشقه اللي الشاب قال عليها..
ياسين خبط.. و ردت واحده باين عليها انها ف سن الاربعين
طارق : المدام شاهي فين
ردت هي بتوتر : ش.. شاهي مين
طارق هز راسه : اممم.. هدخل انا اجيبها بنفسي و هعرفك هي مين.. زقها و دخل

-انت ازاي تدخل كده
شاهي كانت قعده جوا بتهز ف رجليها بخوف..
طارق : مسكها من شعرها.. و خرج بيها من الشقه و هي بتصرخ و بتحاول تفلت من ايده لكن صعب..
ايهاب و ياسين كانوا بيبصوا عليها بشر واضح.. ايهاب لسه بيقرب منها.
طارق : احنا هنتصرف معاها احنا و هتتحاسب ع هروبها و ع خط،ف وعد..
و بص للست اللي كانت واقفه ع الباب و كان الفريق اللي بيدور ع شاهي اجى..
طارق : اقبضوا ع الست دي بتهمت التستر ع مج،رم
الست : هي مش مجر،مه انتم اللي مجر،مين..
قربوا و حطوا الكلبشات ف ايدها.. و كان طارق ماسك شاهي من شعرها و نزلوا من العماره..
الكل بدا يطلع العربية البوكس و الست معاهم لكن شاهي و هي بتطلع رجعت تاني بضهرها و طلعت تجري اتجاه السكه الحديد و القطر كان معدي داس عليها و ما،تت..
الكل واقف بزهول من اللي حصل..
_________
..
-بارك الله لكما و بارك عليكما و جمع بينكلم ف خير..

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية وحوش الأرض)