رواية إذا ناداك الحب الفصل الثامن 8 بقلم سلمى سعيد

رواية إذا ناداك الحب الفصل الثامن 8 بقلم سلمى سعيد

رواية إذا ناداك الحب الجزء الثامن

رواية إذا ناداك الحب البارت الثامن

رواية إذا ناداك الحب الحلقة الثامنة

امنة: انت بتقول ايه يا ياسين، انت اتجننت انت اتجوزت واحدة مجنونة ، لا وخطفها من اخوها كمان
ياسين: انا مخطفتش حد، دي مراتي و اخوها اللي بتقولي عليه ده اول لما خدها ادها حقن بتخليها مش حسة بحاجة في الدنيا
امنة: يعني انت تروح تنقذ امير من مصيبة وترمي انت نفسك في مصيبة تانية
ياسين: جميلة مش مصيبه يا امي، جميلة دي مراتي وانا بحبها
امنة: مراتك بالتزوير يا ياسين انا آسيا حكتلي كل حاجة ، اوعي تستخف بعقلي يا ابني
ياسين: انا مبستخفش بعقلك يا امي، بس هو ده اللي حصل حبيتها وحبيتها اوي كمان مكنش في حل غير ان اعمل كده ،لو كنت رجعتها لاخوها من غير ما اتجوزها، وعرف ان ابن عمي وصحابه هما اللي خطفوها مكنش ممكن يوافق على ارتباطي بجميلة ابدا
امنة: لا غلط..هو مكنش هيوافق بسبب حالة اخته، انا بجد مش مصدقه انك تعمل كده يا ياسين ، ده انت طول عمرك بتعمل حساب كل خطوة بتاخدها وبتفكر في كل حاجة وفي كل الناس ، انا مش مصدقة انك تعمل حاجة متهورة وطيشه زي دي يا كبير العائلة

ياسين بنظرة تعب: من حقي يا امي ، من حقي ولو مرة واحدة في حياتي اتهور واعمل حاجة انا عايزها بجد و عارف انها هتفرحنى ،وجميلة مش هتفرحنى بس.. جميلة من اول لحظة شوفتها فيها وهي بقت حياتي خلاص..حبيتها وغصبن عني معرفتش اعمل اللي المفروض يتعمل وارجعها لاخوها…جميلة دي حقي يا امي..حقي من سنين التعب اللي عشتها للبيت ده ولناسه ، هي دي اللي ورتني في اسبوع يعني ايه حياة وفرحة وحب
امنة بحنان: انت لو عشت سنين تعب للعائلة دي يا ابني ف انت هتتعب معها اكتر واكتر وسنين فوق سنين ،انت مش شايف حالتها ولا ايه
ياسين: وانا معنديش مانع في ده..انا هتعب اه بس هتعب عشان البنت اللي بحبها وانا مستعد عشانها لاي تعب
امنة : ياسين يا حبيبى والله انا مش ضدك انا امك و اكتر واحدة عرفة انت تعبت للعائلة دي اد ايه ، عارفة ان بسبب وصية جدك وابوك ضيعت سنين مرهقتك وشبابك بس هو ده الثمن ثمن انك تبقي الكبير، وعشان كده لازم تفكر كويس هل البنت دي تنفع تبقي مرات راجل في مكانتك ومسؤولياتك ولا لا
ياسين: خلاص مش عايز ابقي الكبير، عمي خالد موجود خليه هو يبقي الكبير ويمسك كل حاجة انا مش عايز حاجة يا امي
امنة: مش بمزاجك يا ياسين ،جدك وابوك كانوا عارفين ان خالد مستحيل يعرف يمسك شغل العائلة ومسؤوليتها ، خالد مراته هي اللي ماشيه يعني كل اللي جدك وابوك وانت بنتوه هيتهد في ثواني ، مش ده الحل الصح يا ابني
ياسين: اومال ايه الحل الصح..اسيب جميلة
امنة: بص يا ياسين ، انا شخصيا معنديش أي مشكلة مع جوازك منها وانت عارف انا مش بحكم على اي حد من برا ولا باخد من المظاهر الكدابة…بس انا بفكر كمان بعقلي..انت كبير العائلة يعني محتاج زوجة تبقى سيدة مجتمع وتدعمك في حياتك وتاخد بالها منك ، وانت الكبير يعني الكل هيبقى منتظر ولي العهد بعد جوازك..وانا واثقه ان البنت دي مش هتقدر تديك اي حاجة غير ابتسامة حلوة وحضن عفوي مش اكتر
ياسين: ده كفايه عندي
امنة: بس مش كافيه ليا يا ياسين، هتتجوز يعني بعد سنة بالكتير ابقي شيلة حفيد في حضني ، الكل هيبقى واقف مستني ابن كبير العائلة
ياسين: انا مش مصدق اللي انتي بتقوليه ده يا امي ، انتي من متى بتبصي للأمور كده
امنة : اسمع يا ياسين، انا لو عرفة ان علاقتك بالبنت دي هتريحك بجد…والله العظيم اروح لحد اخوها وابوس ايده ورجله عشان يوافق على جوازكم بس انا عارفة انا بقولك ايه…انت محتاج واحدة تكون زكيه و وعيه لكل حاجة بتحصل حوالينا
ياسين: زي اسيا مش كده…انتي عايزة تجوزيني اسيا

امنة : لا…أسيا متنفعكش ولا انت تنفعها..اسيا زيها زيك شافت كتير في حياتها وتعبت كتير..يعني انتو الاتنين متنفعوش لبعض..تعب على تعب بيسبب الم ملهوش نهاية…وانت وآسيا تعبتو لدرجة ان لو حد فيكم اتكسر التاني مش هيقدر يطبطب عليه ويساعده
ياسين: امي ،انا اسف بس انا خلاص خدت القرار الصح ، جميلة مراتي..وانا هفضل ورا اكرم لحد ما يقتنع وبعد كده هعمل اكبر فرح فى مصر ل جميلة
امنة قامت في صمت وخرجت من جناح ياسين..ياسين خرج من الصالون اللي في جناحة ودخل اوضته يشوف جميلة اللي نامت وهو بيفكر ايه الخطوة الجايه مع اكرم
ياسين لانه كبير العائلة عنده دور خاص بيه لوحده فيه چيم وصالون و حمام سباحة كمان وصالون…محدش بيطلع الدور ده غير رئيسة الخدم و امنة
ياسين نام جنب جميلة وحدها في حضنه وبقي يتكلم معاها وهي نايمة
ياسين: جميل يا حبيبتي هتصحي امتة بقي ، انا مش مصدق اللي امي قالته ده وهي كمان لسه مش مستوعبه انا بحبك اد ايه يا جميلة…مش عارفة ان انا ممكن احرق الدنيا كلها عشانك
طفي ياسين النور وقرب جميلة منه اكتر ونام
*************************
في الصالون تحت كانت شكريه هتتجنن
شكريه: اتجوز..ياسين اتجوز يا نهار اسود
اسيا: ممكن تقعدي بقي خيلتيني
شكريه: انتي كنتي عارفة يا بت
اسيا: عارفة!! انا اللي قولتلكم انها مراته على فكرة
شكرية: ينهار ابوكي اسود يا اسيا…انتي غبيه يا بت ولا بتستعبطي..تسيبي كنز زي ياسين يتجوز وانتي عادي كده
اسيا: وانا هعمل ايه يعني.
شكريه: تتجنني طبعا..كده خلاص كل حاجة بح..ياسين وفلوس ياسين راحت…بس لا..الشرع حلل اربعة
اسيا: انتي اتجننتي
شكرية: ما انا مش بعد كل اللي انا عملته ده تيجي واحدة كده وتاخد كنز العمر بالسهوله دي
في الوقت ده دخل خالد زهران عم ياسين (خالد زهران..راجل طيب جدا وساذج…بيقول حاضر ونعم وتقريبا معندوش شخصيه..٥٧سنة)

خالد: في ايه يا شكرية..ايه الصوت العالي ده
شكرية: اهلا..اهلا بيك يا خالد باشا
اسيا: ممكن ملكيش دعوة بيه..
اسيا راحت حضنت خالد
خالد: ازيك يا روحي
اسيا: زعلانة منك كده اسبوع متتصلش عليا ولا مرة
خالد: معلش والله بس انا كنت في اسكندريه بستلم شحنات العربيات بتاعة توكيل دبي
اسيا: ربنا معاك يا حبيبي
شكرية: يا حبايبي..والله انتو الاتنين هتشلوني
خالد: في ايه بس يا شكرية
شكرية: انت مبتفهمش قولتلك ١٠٠ مرة اسمي شاكي
خالد: احمم في ايه يا شاكي
شكرية: ياسين اتجوز
خالد: هو ياسين رجع من السفر
شكرية: البيه طلع كان في شهر العسل مش مسافر في شغل
خالد: ربنا يسعده ياسين يستاهل كل خير
شكرية: خالد..مترفعليش الضغط وحياة عيالك..ابعد عني وسبني في حالي..
امير دخل القصر
شكرية: وادي البيه التاني وصل
امير مبصش لحد كان سرحان في يمني ، طلع علطول على اوضته
اسيا خدت بالها من حالة اخوها ، خصوصا انها عارفة كل تحركاته من الحرس
طلعت وراه ،دخل امير اوضته واسيا وراه
اسيا: مين دي
امير: هااا..انتي بتعملي ايه هنا
اسيا: بقولك هي مين دي اللي كنت ماشي وراها بعربيتك لحد دار الايتام
امير: انتي كده شطره يعني لما تبقي عارفة كل حاجة انا بعملها
اسيا: طبعا شاطرة..ولازم تديني جائزة كمان عشان انا اللي بلحقك يا امير
امير: انا مكنتش بمشي ورا حد…انا كنت بشبه عليها مش اكتر
اسيا: طب خد بالك يا أمير من كل خطوة انت بتاخدها ، واه ياسين رجع
امير: هو فين
اسيا: مع مراته فوق
امير بذهول: ايه..مراته
اسيا: انا عايزاك اول لما تشوف البنت اللي هو اتجوزها تعمل نفسك اول مرة تشوفها
امير: ليه هو انا اعرفها
اسيا: ياسين اتجوز البنت اللي انتو خطفتوها

امير: مش معقول ياسين اتجوز البنت المجنونة دي
اسيا: امير احترم نفسك…ايوا اتجوزها وجابها معاه هنا
امير: انا كده مستحيل اقعد هنا
اسيا: ليه
امير: لانها تعرفني ولو شافتني هتعمل فضيحة
اسيا: متخفش ياسين كان عامل حساب الحوار ده
امير: ازاي
اسيا: هتيجي تعيش معايا مؤقتا لحد ما ياسين يرتب الامور هنا
امير: لا انا عايز اقعد في شقة لوحدي واعتقد ان دي حاجة مش صعبة انكم تعملوها ليا
اسيا: ليه عشان تعمل مصايب براحتك
امير: احترمي نفسك يا اسيا..وبطلي اسلوبك ده
اسيا: انا سيبهالك وماشيه ، واه اوعى تقول لامك على حوار جميلة مش ناقصة مشاكل هي
*************************
دخلت يمني شقتها بعد ما خلصت كل مشاويرها..كانت شايلة شنط فيها طلبات البيت
: حمدلله على السلامة يا اختي
يمني اتخضت و الشنط وقعت من ايدها
يمني: بسم الله الرحمن الرحيم…في ايه يا طنط سعاد
سعاد حماة يمني: في ايه يا قطة..اتخضيتي
يمني وهي بتلم الحاجة : انا اسفة يا طنط والله بس مختش بالي انك هنا

سعاد : انا ابقي هنا براحتي يا حبيبتي دي شقه ابني وادخلها براحتي
يمني: طبعاً يا طنط ده بيتك
سعاد: كنتي فين كل ده يا هانم
يمني: كنت في الجامعة وبعدين روحت جبت طلبات للبيت
سعاد: الحاجات دي فيها لحمة وفراخ
يمني: ايوا يا طنط
سعاد قامت وشدت الشنط من ايد يمني
سعاد: هاتي يا اختي..ابقي جيبي بكرا ليكم انا عايزة الحاجات دي ومكسلة انزل اشتري
يمني: طبعا يا طنط اللي انتي عايزاه…انا هبقي اجيب غرهم بس ممكن اخد الكريمات والحاجات بتاعتي
كانت يمني مشتريه كريمات للبشرة و حاجات تانيه خاصه بيها
سعاد: يختي عايئة اوي اللي يشوف كده ميشفش الهم والنكد اللي معيشه ابني فيهم ، ابقي هاتي غرهم هما كمان يا حبيبتي ،ما كله بفلوس ابني
يمني اتحرجت ومتكلمتش
سعاد : وسعي يا حبيبتي ،بلا هم مش عارفة انا شهاب اتجوزك على ايه.
سعاد خرجت ، و يمني وقعت على الكنبه وقعدت تعيط
..من الذل والمهانة اللي كل شويه تتعرض لها من جوزها وامه
جرس الباب رن
سارة: ايه يا بنتى فينك
يمني: ادخلي يا سارة
سارة: مالك يا يمني..هو شهاب رجع ولا ايه
يمني: لا دي طنط سعاد كانت هنا
سارة: و عايزة ايه العقربه دي
يمني: مفيش يا سارة.. خلاص سيبك منهم
سارة: انا مش عارفة بس انتي مستحملة القرف ده كله ليه ، انتي بتشتغلي يا يمني وبتاخدي مرتب بالدولار يعني ممكن تطلقي وتعيشي من غير الذل ده كله
يمني: بس انا مش عايزة
سارة: ليه يا يمني

يمني: اطلق..يعني هعيش لوحدي وانتي عرفة انا طول عمري عندي فوبيه من الوحدة مصدقت يبقي عندي عائلة
سارة: دي مش عائلة يا يمني..دول مجرمين..شهاب كل يوم يديكي علقة وحماتك عارفة تفصيل حياتكم حتي الخاصة..وبتدخل وتخرج من الشقة في غيابك عادي كأن ده مش بيتك ، وانتي غبيه وسكتة على كل ده ، ده انا عايشه مع اخويا وكل ما يرخم عليا شويه اطلع عينه واخر مرة ولعت في الهدوم بتاعته عشان قالي يا عجلة
يمني: ههههههه يا مفتريه
سارة: اعمله ايه بس هو اللي بيلعب مع الشخص الغلط..
يمني: طب يلا اطلبنا حاجة ناكلها
سارة: مش كنتي هتطبخي وبتاع .. فين الاكل
يمني بأحراج: حماتي خدت الحاجات اللي اشترتها
سارة قامت وبدأت تردح حرفيا
سارة: نعم يا روح امك..خدت الحاجة طب والله العظيم ل اطلع اجيبها من شعرها العقربه دي وانفضها…ده انا هخلي العيال في الشارع يذئلوها بالطوب ويقولها يا ام اربعه واربعين..بنت المفترية دي
يمني: طب بس بقى وطي صوتك ل ام اربعة واربعين..اقصد طنط سعاد تسمعك
*************************
اكرم كان خرج من القسم على المستشفى يشوف البنت اللي في غيبوبة دي
شريف: إيه يا اكرم جميله عامله ايه دلوقتي
اكرم: الحمد الله بخير..بس اللي اسمه ياسين زهران ده شكله راجل مش سهل و وراه حاجة
شريف: ليه
اكرم: هقولك بعدين..المهم البنت حالتها ايه
شريف: مش بتفوق خالص
اكرم: البنت دي لازم تفوق يا شريف…هي دي اللي هتعرفنا طريق العصابة
فون اكرم رن

اكرم: نعم يا دادة زينب
زينب: اكرم في راجل جه وخد جميلة وبيقول انها مراته !!
اكرم: يا اين الكلب..والله لقتله
**********************””
ياسين: هو في امل جميلة تتحسن وترجع لطبيعتها ، و يبقي جوازنا حقيقي
نوال: اكيد طبعا…بس مشكلة جميلة انه مكانش في حافز يخليها تتحسن ، بس اللي انا شوفته ده وطريقة تعلقها بيك وكلامها وحتي حركاتها ، تقريبا جميلة بتخرج من المكعب بتاعها عشان تعجبك وتلفت انتباهك ليها ، احنا كمان ممكن نبداء معاها جلسات خاصة نستغل فيها حبها ليك ، ونخليها هي تاخد خطوات في علاقتكم
ياسين: ازاي
نوال: يعني مثلا هي دلوقتي متعرفش انكم اتجوزتو ، بس لو انا شرحتلها الوضع وفهمتها ازاي تتعامل معاك ك زوج هي ممكن تعمل بكلامي عشان بس تخليك تحبها اكتر
ياسين: يعني ممكن حياتنا الزوجية تبقي طبيعية
نوال: اكيد بس الموضوع عايز وقت وتدريب وكلام كتير مع جميلة
ياسين صحي من النوم ، كانت جميلة لسه نايمة وده خوفه جدا
اخد فونه واتصل على الدكتورة نوال
ياسين: جميلة لسه نايمة لحد دلوقتي ، هي الحقنة دي بتنيم قد ايه
نوال: حوالي ١٢ساعة
ياسين: كده عدا منهم ٨ ساعات بس
قفل ياسين مع نوال ،و غير هدومه ولبس لبس كاجول و خرج على المكتب بتاعة في نفس الدور بتاعه…وطلب اسيا عنده
اسيا: نعم
ياسين: اعملي حسابك يا اسيا بكرا هتسافري الصعيد
اسيا: انا!!
ياسين : ايوا انا هتابع كل الشغل من البيت اليومين دول ، وانتي هتسافري الصعيد عند عائلة الورداني
اسيا: عند زيدان الورداني قصدك

ياسين : بالظبط…هو كلمني لما كنت في المزرعة ، وعايز يشاركني في مشروع الاوتيل..هو مشروع كويس بس لازم انتي تروحي تشوفي الارض وكمان تعرفي باقي تفاصيل المشروع ..هتقعدي في ضيافة زيدان زهران في البيت عندهم الموضوع هياخد حوالي اسبوع
اسيا كان قلبها بيرتجف مع كل كلمة ياسين بيقولها، هتروح لزيدان برجلها..وهتشوف الستات اللي هوا متجوزهم !!

يتبع…

لقراءة الفصل التالي : اضغط هنا

الرواية  كاملة اضغط على : (رواية إذا ناداك الحب)