رواية من الجاني الفصل السادس عشر 16 بقلم هدى مرسي أبوعوف
رواية من الجاني الجزء السادس عشر
رواية من الجاني البارت السادس عشر
رواية من الجاني الحلقة السادسة عشر
ذهب عصام ومنتصر الى فيلا فى احد الكمبوندات على اثر بلاغ وبدأا التحقيق فى الحادثه .
عصام : ممكن يا دكتور ماهر تقولنا ايه اللى حصل؟
ماهر : انا دكتور فى علم الحشرات وعامل معمل حشرات فى مبنى جنب فيلتى واضطريت اسافر انا وزوجتى اسبوع بسبب مرض حماتى ولما رجعت لقيت حد رش مبيدات ودمر المعمل نهائي وموت كل الحشرات الموجوده فى المعمل انا عايز اعرف مين اللى رش مبيدات على معملى بوظلى كل التجارب اللى كنت بعملها وكلها تجارب مهمه جدا .
عصام : طب مين المسؤل فى الفيلا فى غيابك ؟
ماهر : ذكى مدير المعمل وفايزه مديرة الفيلا وصبحى الجناينى .
عصام : طب هسالهم واكيد هعرف مين اللى رش المكان بالمبيدات بس هشوف منتصر شاف ايه فى المعينه
منتصر : واضح ان اللى رش المبيدات كان قاصد يموت كل الحشرات اللى فى المعمل .
عصام : دكتور مين كان يعرف بالتجارب اللى بتعملها ؟
ماهر : الثلاثه دول المساعد طبيعى يبقا عارف ومديرة المنزل عشان متقربش منهم وتأزيهم، والجنينى عشان يخلى باله وهو بيرش الجنينه ميضرهمش .
اتى الثلاثه وبدأ عصام سؤالهم كل واحد على حدا
……….
عصام : ذكى قولى تفتكر مين يكون له مصلحه فى رش المبيدات دى ؟
ذكى : فى دكتور تانى كان بيعمل نفس الابحاث بتاعت الدكتور وخسارته دى مصلحه له .
عصام : طب هو ممكن يعرف يدخل هنا ويرشهم بالليل ؟
ذكى : استحاله المكان متامن جدا .
عصام : تفتكر ايه المبيد اللى اترش فى المعمل ؟
ذكى : من ريحته مبيد عادى من اللى موجود فى اى محل .
عصام : امتى اخر مره دخلت المعمل ؟
ذكى : الصبح عشان مشيت بدرى لان والدتى تعبت شويه ووصيت فايزه تتم عليه بالليل .
………….
عصام : فايزه امتى اخر مره جيتى المعمل ؟
فايزه : جيت امبارح بصيت عليه ومشيت على طول عشان بخاف من الحشرات .
عصام : يعنى دخلتى ولا بصيتى من بعيد ؟
فايزه : فتحت الباب وبصيت على الحشرات، وشوفتها بتتحرك وخرجت بسرعه، ومكنش في ريحه لاي مبيد في المكان.
عصام : تفتكرى اللى رشهم امتى دخل المعمل ؟
فايزه : معرفش بس هو ممكن يكون دخل الصبح، لان الدكتور اول ما جه دخل على المعمل على طول، وذكى قبل ما يمشى باليل اتاكد منه، واكيد لو كانوا ماتوا كان قال.
………
عصام : قولى يا صبحى وانت بتشتغل فى الجنينه ملاحظتش حد دخل المعمل او قرب منه ؟
صبحى : محدش بيقرب منه غير فايزه و ذكى بس حتى انا مش بدخل بظبط الجنينه حوليه بس .
عصام : تفتكر ايه اهمية التجارب دى عشان حد يرشهم بالمبيد ؟
صبحى : الدكتور قال انها مهمه قوى وقال كلام علمى مفهمتش منه حاجه .
عصام : الحشرات دى كانت بتضايقك ؟
صبحى : بصراحه ايوه بس حاجه بسيطه وبعرف اتصرف معها يعنى .
عصام : انا كده عرفت مين الجانى؛ يا ترى انتو كمان عرفتو ؟؟
الحل
عصام : قوليلى يا فايزه انت ازى اشتغلتى عند دكتور حشرات وانتى بتخافى منها ؟
فايزه بتردد : اصل انا مليش دعوه بيهم يعنى تعاملى معاهم من بعيد .
عصام : ازى يعنى وانتى قولتى انك دخلتى وبصيتى عليهم وذكى قال انه مشى بادرى وقالك تممى عليهم انتى
فايزه بتلجلج : اه نسيت انه قالى صح ودخلت تممت عليهم بالليل
عصام : يعنى انت استغليتى غياب ذكى وقتلتى الحشرات ؟
فايزه : لاء انا معملتش حاجه انت عايز تحبسنى فى شوية حشرات .
عصام : ماهو انت متقدريش تقتليهم وهو موجود غير ان احنا لقينا علبة المبيد وعليها بصماتك .
فايزه : بصمات ايه اذا كنت بلبس جوندى اغلب الوقت .
عصام : يعنى انت اللى قتلتيهم واخدتى ثمن قتلهم من الدكتور الثانى لقينا فى حسابك فى البنك مبلغ كبير انضاف امبارح .
فايزه بخوف : حرام عليك تضيعنى على حاجه ملهاش لازمه حرام .
عصام : وليه مفكرتيش فى ده قبل ما تقتلى الحشرات للدكتور عموما كاميرات الفيلا صورتك وانتى داخله المعمل وخارجه باليل بعد ما الكل نام يعنى لبساكى لبساكى .
فايزه ببكاء : طمعت فى الفلوس ومتوقعتش ان الدكتور هيبلغ قولت هيطردنى وخلاص انا مستعده اديله الفلوس بس متسجنش .
عصام : الامر ده يرجع للدكتور بس ياريتك فكرتى كويس قبل ما تنفذى .
يتبع…
لقراءة اللغز التالي : اضغط هنا
لقراءة الرواية كاملة اضغط على : (رواية من الجاني)
