رواية احببته ولكن الفصل الثالث 3 بقلم دودي عماد
رواية احببته ولكن الجزء الثالث
رواية احببته ولكن البارت الثالث
رواية احببته ولكن الحلقة الثالثة
* تاني يوم *
مازن صحي وزي كل يوم لقي رودينا بتحضر الفطار وراحلها المطبخ وحضنها من ضهرها بس المرة دي رودينا معملتش زي كل مرة ولفتله وابتسمت لا كملت اللي كانت بتعمله
مازن باستغراب : مالك
رودينا باقتضاب : مفيش
مازن : هو أنا مش عارفك يعني .. مالك بجد
رودينا : انت اتأخرت امبارح ليه
مازن : ما أنا قولتلك كان عندي مشوار مهم
رودينا : والمشوار المهم ده يخليك ترجع بعد الفجر
مازن : انتي بتحققي معايا ولا ايه .. من امتى بتكلميني بالطريقة دي
رودينا : من دلوقتي يا مازن .. تقدر تقولي ليه بتبقى حريص انك متتقابلش مع جودي صاحبتي
مازن : وانا هبقى ليه مش عايز اتقابل معاها .. كل الموضوع أنها بتبقى صدفة وبيجيلي شغل
رودينا : كل مرة يا مازن
مازن : يووووه دي مبقتش عيشة دي .. انا نازل
رودينا : مش هتفطر
مازن : مش عايز اطفح وسابها ومشي
رودينا : كده الموضوع وراه حاجة .. ولازم اعرفها
* عند جودي *
كانت بتكلم مالك جوزها
جودي : يا مالك أنا تعبت من الموضوع ده
مالك : يا حبيبتي ما أنا بقولك أن أهلي اللي في البلد عايزين يجوزوني بنت عمي ف لازم أنا وانتي منخرجش مع بعض
جودي : أيوة بسس أنا مش قابلة الوضع ده ابدا احنا كأننا متجوزين في السر .. ما تقولهم انك بتحبني ومتجوزني
مالك : دول كانوا يقتلوني .. يرضيكي يقتلوني يا حبيبتي
جودي : لا طبعا ميرضينيش بس بردو أنا مش هفضل زوجة في السر كده كتير .. ده انت حتى امبارح جيت ومشيت على طول حتى مهانش عليك تبات معايا
مالك : غصب عني والله يا حبيبتي هعوضهالك أن شاء الله
جودي : امتى .. انت بقالك سنة ونص بتقولي كده ومبتعملش حاجة .. أنا مش قابلة اني افضل زوجة في السر كتير
مالك : يعني ايه
جودي : يعني يا تقول لأهلك أننا متجوزين يا تطلقني
مالك : انتي اتهبلتي العقلي يا جودي أنا مش ناقص كلام اهبل منك على الصبح
جودي : ده اللي عندي يا مالك ولو بتحبني بجد هتقول لأهلك .. سلام
مالك : الو الووو .. يا بنت المجنونة
* في الشركة *
مالك دخل على مازن متنرفز
مازن : ايه مالك أنت كمان
مالك مكشر : مفيش
مازن : مفيش ازاي وانت مادد بوزك شبرين قدامك
مالك : قولتلك مفيش يا مازن
مازن : طب انت جايلي عايز ايه
مالك : عن اذنك
مازن وقفه : استنى عندك
مالك وقف ومن غير ما يبصله : عايز ايه
مازن : يابني قولي مالك ايه اللي مضايقك
مالك : مخنوق شوية بس
مازن : وايه اللي خانقك
مالك : مراتي يا عم
مازن : مالها يابني مش انتوا بتحبوا بعض
مالك : أيوة بس كل يوم مشاكل مشاكل لحد ما زهقت
مازن : معلش هما كلهم كده
مالك : انت متخانق مع مراتك أنت كمان ولا ايه
مازن : كل ما تكلمني تقول انت مش عايز تتقابل مع صاحبتي
مالك ضحك : هههه والله يا عم الستات دي فاضية اوي
مازن : هههه على رأيك .. بقولك ايه ما تيجي نخرج بما اننا مطرودين من بيوتنا
مالك بذهول : ايه ده مازن بجلالة قدره هيتنازل وينزل معايا نخرج
مازن بغرور مصطنع : عشان تعرف يعني أني متواضع
مالك : طب يلا يا عم المتواضع وخرجوا مع بعض
جودي مع رودينا على التليفون
جودي بعياط : شكله كلام انس اخويا طلع صح
رودينا : ليه يا بنتي
جودي : مالك مش عايز يقول لأهله أننا متجوزين وعايزني افضل زوجة في السر وبس
رودينا : متقوليش كده يا حبيبتي انتي بتقولي أنه من الصعيد وأهله عايزينه يتجوز بنت عمه وممكن يقتلوه لو اتجوز واحدة تانية يبقى ايه
جودي : معرفش أنا ماليش دعوة كفاية اني مقاطعة اخويا اللي ماليش غيره بسببه
رودينا : بصراحة انتي اللي غلطانة من الاول
جودي : في ايه بقى
رودينا : انك مقاطعة اخوكي عشانه مهما كنتي بتحبيه مينفعش تقاطعي اخوكي أو اي حد من أهلك عشانه وقولتلك الكلام ده قبل ما تتجوزيه بس انتي اللي مسمعتيش مني
جودي : يعني أنا بكلمك عشان تشوفيلي حل ولا عشان تقعدي تقطمي فيا
رودينا : أنا اسفة مش قصدي اقطم فيكي بس أنا بقولك اني كنت قايلالك بلاش من البداية
جودي : اهو خلاص حصل اعمل ايه بقى
رودينا : ولا اي حاجة اثبتي على قرارك عشان كده هو مش بيحبك وحوار أهله ده طالع بيه حجة واراهنك أنه فيك اصلا
جودي : ما اعتقدش يا رودي يعني هيكدب عليا ليه
رودينا : لسة بتحاميله وتدافعي عنه يا جودي بعد كل ده
جودي : اعمل ايه بس يا رودي
رودينا : انتي لسة عايزة تصالحي اخوكي
جودي : اكيد بس هو مش هيرضى
رودينا : واللي يخليه يرضى
جودي : ازاي
رودينا : بصي احنا نروحله سوا وانا عمليه يصالحك ويقف في وش مالك ده كمان ويشوفله حل معاه
جودي : مش هيرضى يا رودينا هيقولي انتي اللي اختارتي واتحملي نتيجة اختيارك
رودينا : يا ستي متسبقيش الأحداث وبعدين أنا بقولك هروح معاكي يعني مش هسيبك لوحدك
جودي : طب وجوزك
رودينا : مالكيش دعوة بجوزي بقى وجهزي نفسك لمقابلة بكرة
جودي بصدمة : بكرة
رودينا : اه بكرة مش عايزين نستنى متنسيش انك حامل وهو لسة ميعرفش
جودي : طيب يا رودي اللي تشوفيه
رودينا : مش اللي اشوفه لازم انتي تكوني مقتنعة بالحاجة اللي هتعمليها
جودي : ما أنا كنت مقتنعة بجوازي منه وادي النتيجة
رودينا : معلش يا حبيبتي الواحد لازم يغلط عشان يتعلم من غلطه
جودي : ماشي يا حبيبتي هقفل بقى دلوقتي
رودينا : ماشي يا روحي يلا باي وقفلوا
واليوم خلص على كده
* تاني يوم*
رودينا لمازن : أنا رايحة مشوار النهاردة
مازن : مشوار ايه
رودينا : خارجة مع جودي
مازن : هو مفيش غير جودي ولا ايه ما تسيبيها في حالها هي وجوزها
رودينا : وانت مضايقك في ايه
مازن : وانا هيضايقني ليه كل الحكاية أنها مرات صاحبي وهما دايما في مشاكل مع بعض ف سيبيهم يحلوا مشاكلهم
رودينا بسخرية : لا متقلقش أنا مش بتدخل في مشاكلهم كل الحكاية أنها بتبقى زهقانة وهي قاعدة لوحدها وانا كمان ف بتخرج مع بعض
مازن : خلاص ماشي بس متتأخريش
رودينا : اوك
مازن : يلا باي يا حبيبتي
رودينا : باي ومازن مشي
رودينا كدبت على مازن وهي مش عارفة هي ليه عملت كده بس هي حست انها مينفعش تقوله الحقيقة ومتعرفش السبب
* الساعة 10 الصبح *
رودينا وجودي اتقابلوا وراحوا لانس الشركة بتاعت باباهم وطلبوا من السكرتيرة تستأذنلهم بالدخول
انس قاعد على مكتبه ومركز في شغله اوي والباب خبط
انس : ادخل والسكرتيرة دخلت
مي السكرتيرة : مستر انس فيه بنتين بره عايزين يقابلوا حضرتك
انس : مقالوش اسمائهم أو عايزيني في ايه
مي : لا مقالوش
انس : طب دخليهم
مي : تحت امرك وخرجت وقالتلهم يدخلوا وخبطوا وانس اذنلهم يدخلوا وكان باصص في ورقه وهما دخلوا وهو لسة باصص للورق
انس : اتفضلوا
جودي : انس
انس حس أن الصوت مش غريب عليه ورفع عينيه ليهم وشافهم و ………..
Cuuuttt
تفتكروا انس هيعمل ايه
وهل هيصالح جودي ولا هيرفض
وهيساعدها تتطلق من مالك ولا لا
ده اللي هنعرفه البارت اللي جاي أن شاء الله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببته ولكن)
تعليق واحد