رواية عشقت عذابي الفصل السادس عشر 16 بقلم زهرة الربيع

رواية عشقت عذابي الجزء السادس عشر

رواية عشقت عذابي البارت السادس عشر

رواية عشقت عذابي الحلقة السادسة عشر

نادر بصلها بوقاحه وقال..اقلعي اهو اعتبر اني جيبت واحده من الشارع انتي هتأدي الغرض اصلا متفرقيش حاجه عنهم … وحط ايده عليها بطريقه وقحه
فتون اتصدمت من كلامو وبصتلو بزهول وفاجأتو بقلم قوي جدا جدا
نادر بصلها بزهول شديد ..وفتون قالت بغضب…انت قولت ايه..هتعتبر انك جيبت واحده من الشارع مش كده .. ومفرقش عنهم كمان…عارف انا كنت بحطلك في دماغي اعزار وبقول اخوه مات بسببنا وابوه كمان اتشل ويمكن اتربي على انو يكره فمش قادر يحب..بس اكتشفت اني بضحك على نفسي وانك حيو*ان بطبعك لما تقول كلام زي ده لمراتك تبقى حيو*ان وو*سخ
نادر اتعصب جدا ولف دراعها ورا ضهرها وقال بفحيح جمب ودنها ….عارفه المفروض تفضلي تحمدي ربك انك حامل بأبني ..لانك لو مكنتش كده كان زماني وريتك الو*ساخه على اصولها …وزقها على السرير
فتون وقفت بغضب ودموع وهيه بتزعق جامد وبتضربو في صدره بوجع وقالت …وريني ..وريني هتعمل فيا ايه اكتر من الي عملتو..وريني ممكن تهني قد ايه تاني..اجرحني وعذبني وزلني كمان يمكن حبك يقل في قلبي يمكن انساك وارتاح تعبت وانا بقنع نفسي انك متستهلش نفسي اكرهك نفسي .. ووقعت على الارض بانهيار شديد
نادر نزلت دموعو على منظرها وقعد في مستواها وحضن وشها باديه وبص في عيونها جامد وقال بهمس…انا كمان نفسي اكرهك..نفسي محسش بوجع لما اشوف دموعك نفسي اقدر ااذيكي وانا مبسوط نفسي يا فتون ومش قادر
فتون بصتلو بدموه وقربت منو اكتر وباستو بقوه ونادر اتفاجأ بس كان في قمه السعاده وبادلها بنفس الشوق واكتر ونسيو الدنيا وكل مشاكلهم لمشاعر كانت اكبر بكتير منهم
فتون بعدت عنو ونامت على كتفو وبقت تحضنو وهيه مغمضه وناسيه كل الي عملو معاها ونادر بيحضنها بقوه ونفسو يخبيها في قلبو لحد ما حس انها مش بتتحرك ونفسها هدي جدا بيبص عليها لقاها نامت في حضنو شالها براحه وحطها على السرير بحب ونام جمبها واخدها في حضنو واستسلم لنوم عميق بدون تفكير
عند سراج وصل لنفس المكان الي بيخبي فيه تقى ونزل وشدها بقوه ودخلها وقال بغضب..عملتي كده ليه..وزعق وقال..ردي علياااااا
بقلمي زهرة الربيع
تقى انتفضت من زعيقو ووقفت مكانها بدموع شديده وقاالت بتهته..انا..مش ….مش عايزه..افضل معاك..سبني..سبني امشي وانبي
سراج قرب منها بغضب وقال..حرام عليكي..حرااام لو حجر كان حس بيا اعمل ايه علشان تحسي مفيش حاجه معملتهاش ارحميني بقى
تقى قالت بزعيق ودموع..وانا مش عايزاك مش قادره احبك ارحمني انت ووديني لاهلي هموت واشوفهم
سراج قال بغضب…يا رب…يارب صبرني ..انتي مبتحسيش …تمام…مبتحسيش..طب مبتفهميش ..مليون مره قولتلك انتي ليا انا وبس مش هسيبك مجبوره تحبيني لو عايزه ترتاحي يا تقى
تقى بصتلو بدموع وبقت تبكي بشده ورعب حقيقي
سراج قرب منها وقال بدموع…ليه بتعملي فيا كده معقوله بتحبيه لدرجادي..ليه عملتي معايا كده امبارح لما بقيتي تداوي جروحي بايدك وكلمتيني بحنيه لاول مره..حسيت..حسيت ان فيه امل..وانتي كنت بتعملي كده علشان تهربي ليه يا تقى ده لو فضلتي عمرك كلو تدوري مش هتلاقي حد يحبك قدي
تقى بصتلو بدموع وقالت..انا نفسي تفهم..انا تعبت من كتر ما فهمتك انا مش..بحبك..انا..مش ..بحبك وديني لاهلي ابوس ايدك
سراج قعد عند رجلها وقال بدموع..هتحبيني..هتحبيني انا متأكد ..انا..انا معنديش غيرك برتاح معاه مقدرش اخسرك انتي حياتي كلها..طب..طب لو وديتك تشوفي اهلك هتحبيني
تقى ضحكت بالم وقالت..انت سامع نفسك يا سراج ..يعني هو قلبي ده ايه..هقولو يحبك ابقى حبيتك خلاص ..يا سراج افهم علشان احبك لازم ارتحلك واثق فيك الاول وده عمره ما هيحص طول ما انت حابسني ومخليني معاك بالاجبار كانك امر واقع ولازم ااقبل بيه
سراج بصلها بحب وقال…طب..اعمل ايه قولي الطريقه الي تحبيها انا بحبك بكل الطرق ومستعد اشتري رضاكي بالدنيا كلها قوليلي على اي حاجه تحبي اعملها بس اديني امل ارجوكي
تقى بصت لعيونه وللعشق الواضح فيهم وقالت..تمام ..انا مستعده اديك فرصه بس هنبتدي من الصفر
سراج قال بلهفه..ولو من تحت الصفر الي تحبيه
تقى قالت ..الاول توديني لاهلي
سراج قال بحزن..انتي عايزه تهربي تاني برضو مفيش فايده
تقى قالت بحنان..تؤ تؤ لا مش عايزه اهرب عايزه اشرح لهم الوضع وكمان نغير المكان ده يعني نقعد في اي مكان تاني
سراج قال..الي تحبيه لو عايزه قصر تحت الميه اعملهولك
تقى ضحكت وقالت..مش لدرجادي شقه في اي مكان كويس كفايه اوي
سراج قال تمام.بس اهلك مش هيسيبوكي تيجي معايا بعد الي هيعرفوه منك
تقى قالت …انا عارفه هقولهم ايه انت بس وديني
سراج قال بتردد…انتي مش عايزه تهربي تاني مش كده يعني لو وديتك هتيجي معايا تاني صح
تقى ابتسمت وقالت…انا عمري قولتلك اني عايزه اكمل معاك يا سراج عمري ما قولتها صح لاكن دلوقتي بقولك اهوه انا هديك فرصه مدام انت حابب تتغير
سراج حضنها بشده وقال..شكرا ..شكرا بجد
تقى بعدتو عنها وقالت…يعني كده اتفقنا هتوديني دلوقتي
سراج ابتسم وقال..اتفقنا
في قصر النوري خالد كان قاعد بيشتغل على الاب وعلا قاعده بحزن شديد على تقى
خالد قرب منها وقال بابتسامه..الحلو مكشر كده ليه
علا قالت بحزن يعني مشوفتش بابا عمل ايه سلمهالو كده ده الدكتور قال انو كان بيعتدي عليها يا خالد تخيل كميه الاذى الي حصل لها منو وجات عندنا استنجدت بينا واحنا عملنا ايه قولنالو خدها كده ببساطه
خالد اتنهد وقال ..معاكي حق والله مش عارف عمي عمل كده ليه بس متنسيش كمان انها مراتو يا علا وحامل كمان
علا قالت باندفاع ..ايوه بس هو اتجوزها غصب عنها وهيه مبتحبوش مفيش واحده تقدر تستحمل تعيش مع شخص مبتحبوش ومش عيزاه وجبوره عليه انا مش عارفه هو ازاي قابل على نفسو كده اصلا و
علا خدت بالها لكلامها وخالد ابتسم بحزن وقال..معاكي حق
علا قربت منو وقالت بحزن…انا..انا مش قصدي حاجه يا خالد ووضعنا يفرق كتير انت ابن عمي وعمرك ما أذيتني انا مكنتش اقصد اجرحك ابدا
خالد ابتسم وقال..انتي طيبه قوي يا علا انا مزعلتش اصلا وانتي معاكي حق في الي قلتيه الانسان لازم يختار شريكه بنفسو علشان ميحسش بصعوبة العيشه معاه انا …انا الي غلطت انا الي كان المفروض ارفض انا محدش كان هيجبرني بس لما انتي رفضتيني بالطريقه الغريبه دي محستش غير اني عايز ادايقك وبس مع انو غباء والمفروض افهم ان عمرنا ما هنرتاح
خالد قام بحزن ولسه هيمشي علا قالت…بس انا مرتاحه…
خالد بصلها بدهشه وعلا كملت وقالت…انا مرتاحه قوي معاك يمكن ده ميكونش احساسك وانا عذراك لان قلبك.مشغول بس..بنسبالي انا مرتاحه
خالد معرفش يميز احساسو ابدا بس حس انو مبسوط قوي وقال ..احم…يعني..يعني انتي حابه وجودنا مع بعض
علا ابتسمت وهزت راسها بمعنى ايوه ونزلت عنيها بكسوف
خالد رفع وشها بصوابعو وقال…انا …انت مش قادر احدد انا حاسس بايه بالظبط بس الي اعرفو اني مبسوط قوي كلامك بيحرك قلبي مهما كان بسيط شكلو عمي هيطلع معاه حق
علا قالت باستغراب…في ايه
خالد قرب منها وباسها جمب شفايفها برقه وقال…لا ده كلام كبير عليك يا صغنن
علا برقت بشده وشها بقى احمر من الكسوف واامفاجأه وخالد ضحك على منظرها وخد هدوم ودخل يستحمى
عند سراج اخد تقى عند اهلها ووقف العربيه قدام بيتها وقال يلا بينا
تقى قالت..لا انت روح وتعالى خدني بالليل
سراج قال بقلق..ليه.. انا اطلع معاكي احسن
تقى بصتلو وابتسمت وقالت..علشان اقدر اقنعهم براحتي وبعدين هما هيتفاجأو قوي لما يشوفوني
سراج اتنهد وقال .ماشي روحي
تقى لسه هتنزل مسك ايدها وقال…هاجي هلاقيكي هنا مش كده انتي مش بتضحكي عليا صح
تقى ضحكت على خوفه ده وقالت…ياسراج قولتلك متقلقش يلا روح انت
سراج قال… تمام هاجي باليل بعد المغرب على طول تمام
تقى قالت ..تمام يا سيدي ونزلت وهو فضل متابعها بنظره اول ما لقاها هتطلع ندالها بسرعه
تقى وقفت وقالت… فيه ايه تاني
سراج نزل وقرب منها وحضنها بشده وهيه كمان حضنتو وقالت..متقلقش بالليل هتلاقيني مستنياك
سراج ابتسم ومشي وهيه طلعت لاهلها
بقلمي…زهرة الربيع
فتحت اختهامريم واول ما شافتها صرخت بخضه وطلعو اهلها ومكانوش مصدقين خالص وفي صدمه حقيقيه وبقت تحضنهم وبقو يسألوها الف سؤال في بعض وتقى ابتدت تحكيلهم كل الي حصل معاها وازاي هيه عايشه وكانو بيسمعوها بصدمه حقيقيه
اما سراج طلع على بيتو ولسه هيطلع اوضتو نزل ابوه وقال بغضب..كنت فين يا بيه حتى تليفونك مش بترد عليه انت عايز تجلطني
سراج وقف وقال…مع واحد صاحبي هو انا صغير يا بابا
فؤاد قال بعصبيه..انت بتستعبط وهو صاحبك الي خرشمك كده ايه الي وداك عندهم
سراج قال بزهق..انت مين الي قلك اني روحت هناك
فؤاد مسكو من قميصه بعصبيه وقال..لتكون فاكرني نايم على وداني انا مش قولتلك متروحش الفرح ومع ذالك روحت وخلتهم بهدلوك وانهارده كمان روحت تاني واطحنت تاني انت مش هتبطل التهور ده
سراج اتنهد وقال..انت بتراقبني بقى
فؤاد قال..ايوه براقبك ..وبما اني براقبك فاكيد عرفت الي حصل فحضرتك زي الشاطر تقولي مين البنت الي كنت عايزها من قصرهم وبتقول انها مراتك
سراج قال بتعب..بابا انا تعبان ومن امبارح منمتش لو سمحت نتكلم بعدين ولسه هيطلع فؤاد قال..شوفت فتون هيه كويسه مش كده
سراج ابتسم بحزن وقال..طب اسأل من الاول على فتون مكانش فيه داعي تعمل مهتم بيا على العموم هيه كويسه ..كويسه قوي وطلع على اوضتو بسرعه
في قصر النوري فتون قامت لقت نفسها في حضن نادر بقت تبص على ملامحو بابتسامه بس اختفت ابتسامتها وبرقت بكسوف شديد اما افتكرت الي حصل بينهم قامت من مكانها وقالت بغضب من نفسها..يا غبيه..لدرجادي مش قادره تبعديه عن قلبك مستنيه يعمل فيكي ايه تاني خليكي كده لما يولع فيكي ابقى اكرهيه
فتون كانت بتكلم نفسها بغضب ونادر قام وسمعها وكان عايز يضحك على كلامها قال ببروده المعتاد..مش لدرجه اولع فيكي انا مش قاتل زي اهلك
فتون اتخضت واتكسفت قوي وقالت بتهتهه..انا..انا..انا هدخل استحمى عن..عن اذنك وقامت بسرعه وكانت هتقع من كتر الارتباك
نادر ضحك على شكلها وبقى يفكر في لحظاتهم الجميله اتنهد وقال ..يا خوفي منك يا فتون
عند سراج قام قبل المغرب ولبس واتشيك وكلم واحد في العقارات علشان يشتري فيله وقال..عايزها على البحر وتكون كامله من كلو يا كريم مش هوصيك
كريم قال…باسم حضرتك يا سراج بيه
سراج قال..لا باسم مراتي تقى عبد الواحد انت بس ابعتلي الصور واحنا هننزل نتمم الورق بعد ما تختار منهم وقفل معاه ونزل جري على بيت اهلها
اول ما طلع لقا الباب مفتوح وابوها قاعد على كرسي في وش الباب وقال اتفضل ادخل ياابني
سراج دخل ولسه هيتكلم اتفاجأ باتنين ظباط مسكوه بقوه والباقي طلعو من الاوضه
سراج بص لتقى بزهول وقال بصدمه..فيه..فيه ايه
الظابط قال .. انت متهم بقضيه خطف واغت*صاب مدام تقى اتفضل معانا ووووووو