رواية البر التاني الفصل السادس والعشرون 26 بقلم لولو محمد

رواية البر التاني الجزء السادس والعشرون

رواية البر التاني البارت السادس والعشرون

رواية البر التاني الحلقة السادسة والعشرون

ناصر / هند على كلمتها من يوم ما دخلت البيت انت اللى بتماطل
مختار / انا !!!
ناصر / هات دبلتك
مختار / دا ظلم
ناصر / بقولك هات الدبله يا مختار
هند تبص لمختار و تبص لناصر عباده يدخل من وسطهم و يشوف
انتصار / ناصر
ناصر / ما اسمعش نفس … مش هكررها اقلع الدبله دى بدل ما اقلعهالك بالعافيه
مختار / هند
هند الدموع تنزل من عنيها
ناصر / هات سلاحك
مختار يبص لناصر
ناصر / اختار يا مختار يا هند يا السلاح واحد فيهم هترميه فى الزباله يلا انجز
عبد الله / هند
ناصر / قولت ما اسمعش نفس .. انت مش صغير اختار و ما تعلقش بنت الناس بيك اكتر من كدا هى قالت كلمتها دلوقت قول انت كلمتك
مختار يبص لهند عينها عليه و بتعيط تبص فى الارض و تحاول تمسح دموعها مختار يطلع سلاحه من البنطلون و يرميه فى الزباله
مختار / هختار هند
مختار يسيب المكان و يمشي و الكل بيبص لبعضه و مش مصدقين اللى حصل و عباده مش قادر يصدق نفسه يجرى ورا مختار
ناصر / كتب الكتاب و الدخله الخميس الجاى اللى ناقصه حاجه يكملها يلا كل واحد يشوف اللى وراه
صمت رهيب ناصر يمشي و الناس تتسرسب واحد ورا التانى فى صمت رهيب انتصار تروح تقعد قدام هند
انتصار / ليه يا هند
شيري / خلاص يا انتصار
انتصار تبص لشيري و تهز راسها
انتصار / اهم حاجه سعادتهم … مفيش وقت ورانا حاجات كتير لازم تتعمل قبل الفرح … جهاز لازم يتجدد و فرش و شوار
شيري / ما الحاجات دى كلها فوق
انتصار / ازاى العرسان لازم يدخلوا على حاجه جديده … عن اذنكوا
انتصار تمشي و يفضل عبد الله و شيري و ياسمينا مع هند
عبد الله / انتى فتحتى على نفسك فتوحه انتى مش قدها
الكل يبص لعبد الله
عبد الله / انتى ما تعرفيش مختار كان بيحب السلاح قد ايه و انك تاخديه منه … يارب تعرفى تملى الفراغ ده يا هند .. عن اذنكوا
عبد الله يمشي و شيري تروح تمسك ايد هند
شيري / عاوزه ايه اكتر من كدا باعوا الكل و اشتروكى يا هند ربنا يتملك على خير يا بنتى
شيري تحضن هند و هند مش مصدقه اللى حصل
…………………….
فوق سطح السرايا
مختار واقف بيبص على البلد عباده يدخل و يروح يقف جنبه
عباده / انت عملت الصح لو مكانك …
مختار / لو مكانى كنت اخترت السلاح
عباده / لو كنت سالتك من كام شهر و قولتلك لو اتحطيت فى نفس الموقف هتختار ايه
مختار / كنت هقول هختار السلاح
عباده / هند تستاهل
مختار / هند ما لهاش غيرى ما كانش ينفع ما اخترهاش
عباده / كان هيكسرها جامد
مختار / و كان هيكسرنى قبليها فكره انها تمشي … مجرد الفكره …
عباده / تفتكر هتقدر تغير رايها
مختار / مفتكرش هحاول
عباده / هتبقي فى عصمتك الوضع يختلف بعد الجواز
مختار / كان اختلف مع ام عبد الرحمن خلاص يا عباده خلصت … نهايه المنافسه بينا
عباده / نهايه الكل فيها طلع كسبان مش كدا
مختار / هههههههههههههههههههههههههههه
عباده / ايه !!!
مختار / هقولك بس ما تزعلش
عباده / ما افتكرش ان فى حاجه ممكن تزعلنى النهرده
مختار / انت ما كسبتش
عباده يرفع حاجبه
مختار / متعتك كانت فى المنافسه بيني و بينك و ياترى مين فينا هيكسب دلوقت هتستني دورك و خلاص
عباده / نوعا ما معاك حق … انت عارف ان الكبير خطبلى خديجه
مختار / وافقت خلاص
عباده / لسه الفتره اللى فاتت الاحداث كانت صعبه ما سالناش و لا اتكلمنا
مختار / تبقي هبله لو رفضتك
عباده / لو وافقت
مختار / اوعى … عباده اوعى
عباده / ايه !!
مختار / انت عارف … الطمع قل ما جمع ما تحاولش تاخد كل حاجه عشان ما تخسرش كل حاجه … عن اذنك
مختار يسيب عباده و يمشي و عباده بيتفرج على الدنيا من فوق
عباده / مش كل الطير اللى يتاكل لحمه يا ابن عمى .. مش كل الطير
عباده يمشي
………………..
فى هول السرايا
مختار نازل من فوق ناصر يناديه
ناصر / مختار
مختار يبصله و يبتسم
ناصر / على فين
مختار / هتمشي بالعربيه شويه يعني الف البلد
ناصر / كنت فاكرك هتروح الفرح
مختار يبص فى الارض
ناصر / احنا حددنا الخميس الجاى كتب الكتاب و الدخله لو ما عندكش مانع يعني
مختار / هههههههههههههههههههههههههههه لا ما عنديش
ناصر / انت عملت الصح حافظ عليها و قرب منها يا عالم يمكن بكره
مختار / مش هعشم نفسي لا انا اخترت و هند تستاهل
ناصر / راجل من ضهر راجل صحيح ايد هند فاضيه
مختار / الدبله ضاعت منها
ناصر / و انت ما عكش تجيب بدالها و لا ايه لو ما عاكش اسلفك
مختار يبتسم و يبص الناحيه التانيه و ناصر بيحط ايده فى جيبه
ناصر / انا هخليهم يجهزوها للفرح و انت روح اشتريلها دبله تانيه و خدها و روح قرب منها و صلح اللى اتكسر بينكوا
مختار / مفيش حاجه اتكسرت ليه بتقول كدا ؟
ناصر / امال ليه من ساعه ما حددنا معاد كتب الكتاب و هى بتعيط فى اوضتها
مختار / بتعيط !! ليه ؟
ناصر / ما اعرفش شوف انت
مختار / هتكلم معاها
ناصر / هو عمك فين ؟ ما شوفتوش من ساعه ما جينا
مختار / و لا انا
……………..
فى اوضه شاكر
فاطمه / والله والله ما كان قصدى انا كل اللى قولته
شاكر / يا فاطمه انتى مش صغيره على الكلام ده
فاطمه / معاك حق انا غلطت بس غلطى جه فى الاخر بفايده فايده ليها و لمختار حتى لعباده
شاكر / يادى عباده اللى انتى حشراه فى كل حاجه ده
فاطمه / عباده يستاهلها هو احسن من الكل
شاكر / عباده مشغول انه يبقي الكبير لدرجه انه ناسي يعيش حياته
فاطمه / ناصر هيخطبله خديجه
شاكر / عشان يضمن العيلتين ما يمسكوش فى بعض جواز مصالح مش حب
فاطمه / و ماله جواز المصالح احسن من اللى تحرجه قدام الناس و تكسر كلمته
شاكر / فاطمه
فاطمه / مفيش حد غيرنا هنا
شاكر / ولو
فاطمه / انا بقول الحقيقه و انت عارف …مين فينا تجرؤ تتكلم كدا مع الرجاله ؟؟ دى ما لهاش كبير و ما بتعملش حساب لحد
شاكر / بس يا فاطمه عيب الكلام ده
فاطمه / بيحبها بيحبها لدرجه انه نسي انه راجل صعيدى قدامها و لا يمكن حياته فى مصر هى اللى
شاكر / كلمه كمان يا فاطمه
فاطمه / سكت … سكت
فاطمه تروح تقعد بعيد و تبص لشاكر باين انه مضايق
فاطمه / لو عاوزنى اروح اراضيهم هروح
شاكر / انا عاوزك احسن من الكل يا فاطمه مش عاوز كل يوم و التانى حوار
فاطمه / والله لو شعرى شاب و وشي هدل نظرتهم ليا مش هتتغير الكل كان بيتكلم بس فاطمه هى اللى تتحاسب مش عشان اكبرهم فى السن لا عشان متجوزه اكبرهم
شاكر يبصلها
فاطمه / هند هتبقي مراه مختار مش مراه الكبير بس بكره تشوف كلمتها هتمشي عليا و على انتصار و على الكل
شاكر / ما تحطيش البت فى دماغك يا فاطمه دى من دور عيالك
فاطمه / و العيال من امتى كلامهم بيمشي على الكبار
شاكر / انا قولت اللى عندى يا فاطمه ما تحطيش البت فى دماغك و سبيها تعيش البت غلبانه و ملهاش حد
فاطمه / و انا كنت كلمتها
شاكر / انا بقول بس و حاولى تصلحى اللى عملتيه ان كنتى فرحانه ان عباده هيبقي الكبير يبقي تتصرفى على انك ام الكبير ما دام مش شايفه انك تكبرى لمجرد انك مراه شاكر الزيني
فاطمه / يتقطع لسانى لو كان ده قصدى انا اقصد انى ما ليش خبره انا برده صغيره و بغلط بحاول بس غصب عنى لكن انت ربنا يطول فى عمرك عشت و شوفت و اتعلمت هو انت عقلك دلوقت زى عقلك زمان
شاكر / خلاص يا فاطمه
فاطمه / لا ما خلاصش انا ما اقدرش على زعلك دا انا ماليش غيرك و لا عباده و لا غيره انت ضهرى فى الدنيا دى يا سى شاكر انت اللى عملتلى قيمه وسط الناس و خلتني ست
شاكر يبص لفاطمه عنيها مليانه دموع ياخدها فى حضنه
شاكر / خلاص يا فاطمه
فاطمه / انت جوزى و اخويا و ابويا و عيلتى بحالها حقك عليا لو كنت غلطت
شاكر / كلنا بنغلط المهم نتعلم
فاطمه / هتعلم والله بتعلم
شاكر يبوس راسها
شاكر / عارف يا ام عباده عارف يا ست الستات
فاطمه تبص لشاكر و تبتسم يبوس راسها
…………………….
فى اوضه هند
هند قاعده مع البنات بيعدوا الهدوم اللى فى الدولاب و هند شكله حزين
شيري / ما كلها جديده اهو و زى الفل لبستها مره و لا حاجه مش مشكله يعني
انتصار / لا لا لا ما يصحش اكتبى يا مريم عندك اربع عبايات خروج … كتبتى
مريم / كتبت كل حاجه
انتصار تروح تفتح الميني بار
انتصار / نجيب الساقع لترات و لا كنزات احسن
فاتن / كنزات عشان الصوده و علبه تلج و شويه فاكهه
انتصار / صح يا بت
باب الاوضه يخبط
شيري / مين
مختار / انا
مريم تجرى تقعد جنب هند اللى عينها بقت على الباب
مريم / مش قولتلك هيهدى شويه و يجيلك جرى
الكل عينه على هند تقوم تروح ناحيه الباب
مختار / هى هند جوه
هند تفتح الباب مختار يشوف الستات و البنات اللى جوه يرتبك و يطلع علبه قطيفه صغيره حمره
مختار / امممم .. انا جبت ده فى السريع … اقرب حاجه للى كانت عندك و كتبت اسمى و تاريخ خطوبتها زى التانيه بالظبط
هند تفتحها تلاقي جواها دبله
مختار / تحبي تيجي معايا الفرح
هند / مش هتلبسهانى
مختار / ايه دى
هند تهز العلبه فى ايديها
هند / الدبله
مختار / اه .. اه طبعا البسهالك طبعا
مختار ياخد العلبه و يفتحها و يطلع الدبله و يلبسها لهند الستات تزرغط
مختار / انا تحت لو تحبي تيجي يعني
هند / احب
مختار / تمام … عن اذنكوا
مختار يمشي و هند تدخل
مريم / الفستان و العبايه و الطرحه و الجزمه كلو جاهز انا لو منك اللحق اغسل وشي و اجهز … انا لو منك ايه انا يادوب اروح اجهز انا كمان عن اذنكوا
مريم تجري و تقفل الباب وراها و الكل بيضحك
هند / هو حضرتك مش جايه
انتصار / والله ناويه اروح بس اجهزك الاول و بعدين نشوف
هند تبتسم و تدخل الحمام و فاتن تطلع الفستان و العبايه اللى اختاروهم الصبح
………………………..
فى الهول تحت
الرجاله واقفه و عبد الله وسطيهم لابس صعيدى هو كمان
عبد الله / يعني انفع ؟
عباده / لو باللبس ما كانش حد غلب الرك عالراجل اللى جوه
عبد الله / ايه الرد ده لتكون بتشتم بالحداقه
عباده / استغفر الله انا اقصد انك تنفع اى كان لبسك
عبد الله / يكرم اصلك
ناصر يطلع من المكتب
ناصر / جرا ايه يا جماعه كدا هنروح نقفل الفرح ما يصحش كدا
امين / ما انت عارف الحريم يا كبير
انتصار و البنات ينزلوا و هند وسطيهم لابسه كوليه رحمه تبص لمختار و تبتسم
انتصار / مالهم الحريم يا امين
امين / اجدع ناس حد يقدر يتكلم
انتصار / ههههههههههههههههه احنا جاهزين
ناصر / هى فاطمه مش هتيجي و لا ايه
انتصار / تعبانه شويه مش هتقدر
ناصر / تمام هنتحرك و لا فى حد تانى لسه ما نزلش
فاتن / لا كلنا هنا
ناصر / على بركه الله
الكل يتحرك ناحيه العربيات و يركبوا هند تروح تقف جنب مختار
هند / هو انت زعلان منى
مختار / ليه بتقولى كدا
هند / بطمن
مختار / لا مش زعلان … و لا انتى بتحرجمى انى افتحلك الباب
مختار يفتح الباب اللى وراه هند تبتسم و تركب مختار يخبط على الشباك هند تفتحه
مختار / عمالين نقدم فى السبت اهو اما نشوف الحد هيجي امتى
هند / يوم الخميس بالليل ان شاء الله
مختار / اعتبر ده وعد
هند تقفل الشباك و هى مكسوفه الكل يركب مختار يركب و يسوقوا
هند / هو فرح مين اللى احنا رايحينه
مريم / دا فرح حجازى السايس
هند / السايس ده اللى هو …
مختار / حجازى احسن واحد يمرن خيل فى البلد كلها
هند / انا كنت فكراه فرح حد مهم لما لقيت الكل رايح و مهتمين اوى كدا
مختار / مفيش حاجه اسمها حد مهم و حد لا و بعدين ازاى عاوزه الناس تحترمك و تقدرك اذا كنتى مش بتجامليهم و تجبرى بخاطرهم
هند / ما اقصدش بس
مختار / لو فى مشكله بين اتنين فى البلد احنا اول ناس بتدخل و تحلها لو فى فرح احنا اول ناس تحضر لو فى دين على حد او حد عنده حوجه احنا اول ناس يلجالهم
مريم / حب الناس هو السند الحقيقي فى الدنيا و هنعوز ايه اكتر من دعوه حلوه
هند / انا عمرى ما حضرت فرح فى الصعيد بصراحه و متحمسه جدا
مريم / لا ما تخافيش هتنبسطي على الاخر
هند تبتسم و تبص من الشباك على الطريق
…………………….
على قهوه
حمدى قاعد حامد يدخل
حامد / السلام عليكم
حمدى / اتاخرت كدا ليه امال لو ما كنتش ماكد عليا المعاد
حامد / كنت عند المحامى
حمدى / فى جديد ؟
حامد / و لا قديم ناشفه زى المستشفي
حمدى / و العمل
حامد / العمل عمل ربنا بقي هنعمل ايه كلمت اخوك
حمدى / اكلمه فى ايه
حامد / فى اللى قولتلك عليه فى نصيبنا فى المحلات
حمدى / لا طبعا ما كلمتوش هكلمه اقوله ايه
حامد / احنا فى عرض كل جنيه و المحل ده انا ليا فيه التلت
حمدى / باماره ايه يا حامد ما احنا واخدين حقنا و حتى لو مش واخدين انت الربع مش التلت ما تنساش عيال محمد الله يرحمه
حامد / و هو عيال محمد محتاجين لنا الواحد بيضرب نفسه بالجزمه انه مشي ورا محمود و ما حطش ايده فى ايد مختار ما كانش ده بقي حالى

حمدى / هى الحدايه بتحدف كتاكيت يعني
حامد / يا سيدى مش لازم كتاكيت شويه عليقه ما تضرش
حمدى / انا تعبان و مش قادر هات من الاخر انت جايبني هنا ليه
حامد / الله امال انا بقول ايه من الصبح عاوزين نحط ادينا فى ادين بعض عشان نرجع حقنا من اخوك
حمدى / حقنا خدناه و ضيعناه و اكتر من كدا ما لكش عنده حاجه
حامد / يعني هتسكت
حمدى / انت مش لسه جاى من عند المحامى و بتقول طريق مسدود
حامد / ان كنت انت هتسكت انا مش هسكت و هرجع حقي بس ما تجيش ساعتها بقي تاخد على الجاهز
حمدى / انا ماشي يا حامد عن اذنك
حمدى يمشي
حامد / حمدى … حمدى … طب حاسب على الشاى بتاعك طيب … ابو كدا يا جدع … اخوات اخر زمن
………………….
فى الفرح
العربيات تركن و الرجاله عماله تضرب نار مختار يفتح لهند الباب و هى ساده ودانها و مش عاوزه تنزل
مختار / يا بنتي ما تخافيش انزلى
هند / صوته مرعب اوى
مختار / ما تجمدى قلبك كدا و ما تبقيش خرعه
هند / مين دى اللى خرعه
هند تنزل و تبص لمختار ستات يدخلوا يخدوها بالحضن و بوس و زغاريط
ست / نورتى يا ست الكل لولولولولولولولولولولى
مريم / يلا يلا عاوزين نشوف العروسه
مريم و هند يروحوا مع الستات و مختار يروح يسلم على العريس و ينقطه و ياخده بالحضن
مختار / ربنا يتملك بخير
حجازى / تسلم يا سى مختار مجيتك على راسي والله
مختار / ما تقولش كدا دا واجب علينا
ناصر يدخل ينقط العريس و يحضنه
ناصر / عشت و شوفتك عريس يا وله
حجازى / من فضله خيرك يا كبير
ناصر / ما تقولش كدا ازعل منك
حجازى / ما نقدرش على زعلك يا كبيرنا
ناصر يروح ناحيه المزمار و يطلع فلوس
الراجل اللى ماسك المايك / و احلى تحيه لكبيرنا اللى مشرفناااااااا
ناصر / عريسنا
الراجل / عريسنا
ناصر / حجازى
الراجل / حجازى
ناصر / يعني الرجوله و المجدعه
الراجل / يعني الرجوله و المجدعه
ناصر يديله الفلوس و ياخد الميكروفون
ناصر / ان شاء الله يوم الاربع الجاى حنه مختار و الخميس كتب الكتاب و الدخله
الرجاله كلها تضرب نار و الستات بتتفرج من البلكونه تزرغط الرجاله تتلم حوالين مختار و يباركوله مغاورى يدخل و يحدف لمختار شومه
مغاورى / مش هتوجب مع حجازى و لا ايه
مختار / بترجع تزعل
مغاورى يطلع المسرح و يشد المايك و يطلع فلوس
مغاورى / الجوارحه
الراجل / الجوارحه
مغاورى / كمان مره الجوارحه
الراجل / الف مره الجوارحه
مغاورى / الرجاله اللى ما بتخافش
الراجل / الرجاله اللى ما بتخافش
مغاورى / الرجاله اللى على حق
الراجل / الرجاله اللى على حق
مغاورى / و سمعنى احلى سلام لعريسنا
مغاورى يدى للراجل فلوس و ينزل يقف قدام مختار و يرفع قدامه الشومه و الكل واقف بيتابع مختار يبص لواحد من الرجاله يحدفله شومه يرفعها و يلفوا حوالين بعض و هند و البنات بيتابعوا من فوق
سماح / اهى قلبت غم من اولها اهو
هند تبص لسماح
سماح / مغاورى ما بيحبش يخسر بيتعصب
بنت جميله واقفه و لابسه دهب
البنت / و مين فى الدنيا بيحب يخسر يا سماح
الكل يبص على البنت
البنت / العروسه الجديده مش كدا
مريم / دى خديجه بنت الحج شاهين الجارحى اخت مغاورى
هند / اهلا و سهلا هند
خديجه / حمد الله على السلامه نورتى البلد الفتره اللى فاتت البلد كلها ما كانلاهاش سيره الا انتى و خصوصا السرايا عندنا
سماح / مش نتفرج احسن و لا ايه
خديجه / نتفرج
البنات يبصوا مغاورى بيلعب بعنف و مختار بيدافع
مغاورى / عروستك بتتفرج عليك
مختار / عقبالك
مختار يزق مغاورى يرجع لورا مغاورى يهجم بعنف و مختار لسه بيدافع و الاتنين قدام بعض و ملامحهم جد شاهين يدخل
شاهين / مغاورى .. مختار
الاتنين يقفوا عدل و مختار يروح يحضن شاهين و اتنين تانين يلعبوا
شاهين / على ما افتكرت فينك يا جدع
مغاورى / مشغول بعروسته
شاهين / جدع اهى دى الحاجات الحلوه اللى الواحد ينشغل بيها الدخله الخميس الجاى صحيح
ناصر يدخل
ناصر / تنورنا يا سيد الناس
شاهين / امال دا ابنى ده
شاهين يخبط على ضهر مختار و يطلع مسدس من جيبه و يضرب فى الهوا الرجاله كلها تضرب نار فى الهوا هند تتخض و تصرخ و تغطى ودانها
خديجه / ما تنشفي كدا يا عروسه مالك
هند / ممكن حد يتعور
خديجه / ما يبقاش قلبك رهيف كدا بكره تاخدى على الحاجات دى
سماح / ما افتكرش هند اصلها حساسه و رقيقه اوى
خديجه / و ماله تعالوا ندخل جوه مدام ضرب النار بيضايقها و اهو نوجب مع العروسه التانيه
البنات يدخلوا جوه و الرجاله تحت تروح تقعد فى جنب
ناصر / منور يا حج شاهين
شاهين / دا نورك يا حج ناصر
ناصر / ان شاء الله الفرحه الجايه عندنا و اللى بعدها عندنا برده ان شاء الله ههههههههههههههههه
شاهين / هههههههههههههههه و هو الفرح يبقي فرح لو ما كانش عندكوا يا حج
مغاورى / و احنا مش قد الفرح و لا ايه يا ابا
عباده / و احنا و انتوا ايه يا مغاورى
مغاورى / والله كنت فاكرنا واحد بس الفتره اللى فاتت خلت الواحد يعيد حساباته
ناصر / لا اله الا الله ايه الكلام ده يا مغاورى
مغاورى / فى انكوا ترفضونى بسبب العلام و تطلبوا خديجه من ان فى فرق فى العلام برده
مختار / ما اترفضتش عشان علامك
مغاورى / اترفضت عشان مش جاى على هواك مش كدا
شاهين / مغاورى
ناصر / معاش و لا كان اللى يرفضك يا مغاورى الفكره اننا قولنا البت صغيره و هتكمل علامها الاول و من هنا لوقتها ما حدش عارف هيحصل ايه
عباده / و بعدين يا سيدى انت عرضت و ردوا عليك و انا بعرض و خديجه ليها الحق تقبل او ترفض الحاجات دى ما تزعلش يا مغاورى كل شئ بالخناق الا الجواز بالاتفاق
شاهين / عين العقل يا عباده والله عين العقل
عباده / بص يا حج شاهين انا عارف ان علامى على قدى بس عقلى لوحده يوزن مليون شهاده
ناصر / اسمع يا حج شاهين العروسه فى بيتك و الراجل قدامك و الكلمه كلمتك و الشوره شورتك و زى ما عباده قال كل شئ بالخناق الا الجواز بالاتفاق و الحاجات دى لا فيها زعل و لا حرج
شاهين / والله يا حج ناصر انا كلمتها و قالت هتصلى استخاره هسالها تانى و ارد عليك
عباده / و احنا مش مستعجلين فى التأنى السلامه
مختار يقوم مغاورى يقوم وراه
مغاورى / على فين
مختار / بمشي رجلى
مغاورى / امشيها معاك و لا يضايقك
مختار / انا مش عدوك يا مغاورى
مغاورى / دا من بختك
مختار يبتسم و يبص الناحيه التانيه
مختار / من بختى
مغاورى / امال رفضتني ليه
مختار / هو انا اللى هتجوزك يا مغاورى !! انت ليه مصمم انى انا اللى رافضك … و بعدين الحاجات دى قسمه و نصيب ما تقفلش دماغك على الحاجات دى انت اكبر من كدا
مغاورى / انا كبير غصب عن عين الطخين بس فى ناس مش شيفانى كدا
مختار / استغفر الله العظيم
مغاورى / هنلعب نار فى الفجريه
عباده يدخل
عباده / ايه يا رجاله قعدتنا مش على هواكوا و لا ايه سبتونا و واقفين لوحدكوا ليه
مغاورى / كنت بقوله يجي يلعب معانا نار
عباده / ما عدش ينفع خلاص مختار ساب السلاح
مغاورى / ايه !!!
مختار / عن اذنكوا
مختار يسيبهم و يمشي
مغاورى / انت بتقول ايه يا عباده
عباده / اللى سمعته عروسته طلبت مهرها انه يسيب السلاح و هو اختارها
مغاورى / والله كنت عارف ان الحرمه دى مش
عباده / ما تكررش غلطك يا مغاورى مش كل مره هنعديها
مغاورى / الراجل اللى حرمته تمشي كلامها عليه
عباده / الراجل بكلمته مش بسلاحه و مختار ادى كلمه للحج ابو عبد الله الله يرحمه انه هيحافظ على بنته و يتقى ربنا فيها و مختار من الرجاله اللى لما بتوعد بتنفذ حتى لو على رقبتها
عباده يمشي و مغاورى واقف منشكح
مغاورى / و لسه ياما هنشوف
………………….
فى السرايا
العربيات بتركن و العيله بتنزل
عبد الله / لا طبعا مختلفه خالص عن عندنا بس ما تفرقش كتير عن التليفزيون
عباده / عقبال فرحك
عبد الله / هانت النتيجه قربت واخد بالك يا مختار
مختار يبتسم
مختار / تصبحوا على خير
مختار يسيبهم و يطلع اوضته و الكل عينه عليه و بعدين يبصوا لهند
انتصار / الواحد هيموت من التعب و بكره يوم طويل و ورانا تجهيزات ياما يلا نفوتكوا بعافيه تصبحوا على خير
انتصار تشد هند بالراحه و يدخلوا السرايا
عبد الله / هاجى معاكوا الفجر صح
عباده / تنور
عبد الله / تمام تصبح على خير
الكل يتفرق
………………….
فى شقه يوسف
محمود قاعد بيتفرج على التليفزيون و اسراء رايحه جايه
محمود / كدا هيرجع بدرى يعني
اسراء / دا بدل ما تكلمه و تراضيه
محمود / مهواش صغير هيتمشي شويه و هيرجع
اسراء / احنا داخلين على الفجر
محمود / ما يمكن هيبات عند حد من صحابه
اسراء / و هو عادله صحاب يا كبدى قطعت و قطعت سيرتهم
محمود / ما عدش فيا حيل ادلع و ادادى بقيت شايل هم هناكل ايه بكره اللى عمره ما شلته
اسراء / ليه ان شاء الله سيب الكلام ده لحد تاني
محمود / المحل هياخد وقت و فلوس على ما يتفتح تانى و فى الوقت ده ما فيش فلوس تانيه هتخشلنا و لو وقفنا فى النص هنبقي زى اللى رقص على السلم لا اللى فوق شافوه و لا اللى تحت نضروه
اسراء / ان شاء الله خير ما تقلقش هتدبر ان شاء الله
محمود / انا خايف على يوسف انا لو هكلها بدقه مش هتفرق معايا لكن يوسف مش هيعرف يعيش لو محفظته مش مليانه لو هدومه مش مركات ساعاته و برفاناته و عيشته السبع نجوم
اسراء / ربنا يقدرك و تعوض اللى فات ما تشيلش هم
محمود / خايف عليه من بكره خايف ما يقدرش يكمل من بعدى خايف يضيع و يضيع اخواته البنات
اسراء / ما تقولش كدا يوسف راجل و سيد الرجاله كمان
محمود / على الله كلو على الله انا داخل افرد ضهرى مصدع و مش قادر
محمود يقوم و اسراء بتابعه
………………….
فى اوضه هند
هند رايحه جايه فى الاوضه و الموبايل فى ايدها و شيري و ياسمينا نايمين تروح تقعد على كرسي و تنفخ تفتح الواتس عند مختار و تكتب ” بحبك ” و تبعتها تليفونها يرن مختار تبتسم و ترد
هند / الو
مختار / ما نمتيش و لا ايه
هند / مش عارفه انام
مختار / و لا انا
هند / مختار انت زعلان منى
مختار / سالتيني و قولت لا
هند / انت متغير
صمت
هند / للحظه شكيت انك مش هتختارنى
مختار / و اخترتك
هند / بتحبني يا مختار
مختار / اعمل ايه اكتر من كدا عشان اثبتلك
هند / انا بس عاوزه اسمعها محتاجه اطمن
مختار / بحبك اكتر من اى حاجه تانيه يا هند بحبك لدرجه انى بقيت مالسه البلد عشان ارضيكي
هند / ليه بتقول كدا
مختار / عشان دى الحقيقه مختار الزيني ساب السلاح عشان مراته منعته مختار حرمته بتمشيه مختار
هند / ما حصلش
مختار / هو انا ممنوع من تجاره السلاح و لا من شيل السلاح عموما يا هند اصل الرجاله هيلعبوا نار الفجر فقولت اخد الاذن الاول
هند تعيط
هند / انت مش ممنوع من حاجه و ما تتكلمش معايا بالطريقه دى ما اجرمتش انى بخاف عليك مختار انت وعدتنى
مختار / انتى بتعيطي ليه
هند / و انت مش سامع بتقول ايه
مختار / سمعتى انتى انا بيتقال عنى ايه
هند / انت وعدتنى
مختار / وعدتك بايه
هند / انك مش هتسمح لحاجه تفرق بينا
مختار / ما انتى كمان وعدتيني نفذتى وعدك
هند / انا اسفه
هند تقفل السكه و تعيط تليفونها يرن تكنسل و تقفله و تبص حواليها و تروح تلبس الاسدال و تفتح باب الاوضه و تنزل المكتب تلاقي المسدس فى باسكت الزباله تمسكه و الدموع عماله تنزل من عنيها تمسح دموعها و تطلع تخبط على اوضه مختار ما حدش يفتح تفتح الباب تلاقي الاوضه فاضيه تستغرب مريم تفتح الباب تلاقي هند تتخض
مريم / هند !!! بتعملى ايه هنا يا هند ؟
هند تبصلها
هند / ما بعملش
مريم / ايه السلاح ده
هند / ما فيش
هند تنزل
مريم / طب رايحه فين السعادى
هند ما تردش و تخرج من السرايا تروح الجنينه الورانيه و تقعد على المرجيحه و تحط السلاح جنبها و تعيط ثوانى و المرجيحه تتهز بيها تبص وراها تلاقي مختار بيمرجحها تمسح دموعها
مختار / طلعتلك الاوضه ما لقتكيش اما اتصل بخالتى اطمنها عليكى
مختار يطلع التليفون
مختار / السلام عليكم … ايوه لقيتها بتتمرجح فى الجنينه … معاكى
مختار يناولها التليفون
هند / ايوه يا ماما … كويسه مفيش حاجه .. زهقت شويه عادى يعني … تمام … تمام … سلام
هند تقفل و تدى مختار الموبايل يروح يشيل السلاح و يقعد و يمرجح برجليه و يدى السلاح لهند
هند / جتلك اوضتك عشان اديهولك ما لقيتكش
مختار / اعمل بيه ايه
هند / احنا هنتجوز الخميس … دا كمان كام يوم يا مختار مش بعيد يعني
مختار / الحمد لله
هند / هنعيش فى النكد ده العمر كله دا مش طبعك انت بتعمل كدا قاصد بتضغط عليا عشان ارجع فى قرارى خد السلاح اهو خده
مختار / بس انا اخترتك انتى
هند / لحد امتى … فاكر لما اتكلموا عنك فى الكليه فاكر لما نشروا صورك مع البت اياها فاكر كنت هادى ازاى و مش فارق معاك كلام الناس
مختار / انا اسف انا بس مرهق و مضغوط مش سهله و الله ما سهله
هند / اللى انت عاوزه اعمله
مختار / عاوزك انتى .. السلاح ده هيفضل معاكى انتى لحد ما تاخدى على البلد و تفهميها و ان حصل و لا ما حصلش مش هشيله الا بموافقتك و رضاكي
هند / انا بس بخاف عليك من حقى اخاف عليك من حقى
هند تعيط
مختار / مش كان خير البر عاجله و اتجوزنا النهرده و خلصنا و خزينا الشيطان ده عمال يوزنى و يقولى طبطب عليها و احضنها و امسح دموعها هتدخليني النار يا منيله
هند تبصله و ما تقدرش تمسك نفسها و تضحك
مختار / لو رجع بيا الزمن هختارك و لو بعد مليون سنه سالتيني هتعمل ايه لو رجع بيك الزمن هقولك هختارك
هند مبتسمه
مختار / قومى نامى و ارتاحى و انسي اللى حصل مع انى عارفكوا قلبكوا اسود و ما بتنسوش كلو بيتخزن
هند / يا سلام
مختار / يلا يلا تعالى اوصلك
هند تقوم
مختار / هند
هند تبصله
مختار / السلاح
هند / هو اللعب ده فيه خطوه عليك او على عبد الله
مختار / ان شاء الله لا
هند / لو ده هيبسطك روح اللعب معاهم
مختار / بتديني الاذن يعني
هند / بس بقي يا مختار
هند تسيب مختار و تمشي يجرى وراها
مختار / بهزر معاكى فى ايه
هند تديله ضهرها يلف حواليها
هند / هزارك سخيف
مختار / هى حصلت ماشي ماشي عشان لوحدينا بس
هند تبصله و يبتسموا لبعض
هند / انا بحبك
مختار / و انا كان دهولنى كدا غير انى متنيل بحبك
هند تلف حوالين نفسها و هى رافعه اديها لفوق و مختار بيضحك
هند / مختار الزيني يا جماعه و رومانسيه مختار الزيني
مختار / ان كان عاجبك
هند / عاجبنى و مفيش غيره بيعجبنى
مختار / يا سعدك يا مختار
هند / هههههههههههههههههه
امين من شباك اوضته / مهو يا نراعى ان فى عزاب هنا يا تجوزونى
هند و مختار يبصوا لفوق كل شبابيك الاوض مفتحه و الكل بيبص عليهم هند تتكسف
عباده من شباكه لامين / انت هتفضل حلوف لحد امتى يا جحش انت خش ياض بدل ما اجيلك … احنا اسفين يا جماعه استمروا استمروا
مختار / نستمر ايه بقي دا الحفله ما شاء الله اهى ايه يا جماعه هو الفرح ما فرهدكوش و لا ايه … ايه اللى مصحيكوا
انتصار / بنطمن عليكوا الحق علينا
مختار / لا ازاى ما تتفضلوا معانا
عباده / مره تانيه الفيلم خلص
مختار / ليك يوم يا حبيبي ليك يوم … يلا يا اختى ادى اللى بناخده من وراكوا
هند / مختار بس
مختار و هند يلفوا يدخلوا السرايا انتصار تزرغط
ناصر / بس يا وليه الناس نايمين
انتصار / يا خويا بقي طلعت و خلاص
…………………..
فى المحل تانى يوم
محمود واقف مع مهندس
محمود / لا لا لا انا عاوزك تلم الليله باقل التكاليف و فى اسرع وقت دا انت لو ينفع تديها وش بياض على الناشف كدا اديها و خليني افتح من بكره اليوم بيخسرنى جامد
الباشمهندس / ايوه يا حج بس
محمود / يا هندسه انا جاى صريح معاك الميزانيه تعبانه على الاخر و المحل كبير و هيحتاج فلوس بالكوم عشان يتفرش فابوس ايدك انا فى عرض كل جنيه
الباشمهندس / تمام يا حج هحاول اعمل اللى اقدر عليه
محمود / ربنا يباركلك
محمود يشوف حامد جاى من بعيد
محمود / عن اذنك يا باشمهندس شوف شغلك
محمود يروح لحامد
محمود / ازيك عملت ايه مع المحامى
حامد / و لا اى بتنجان القانون لا يحمى المغفلين حتى وصولات الامانه اللى معانا نبلها و نشرب ميتها مكتوبه غلط
محمود / طب و بعدين
حامد / هعمل ايه يعني اديني بدور عليه فى كل السكك اللى اعرفها بس لحد ما الاقيه هعمل ايه يعني هاكل طوب انا و عيالى و اديك شايف الواد اترفد من شغله
محمود / و ممدوح كمان بس ما تشيلش هم ان شاء الله لما المحل يتفتح يجوا يشتغلوا معايا لحد ما ربنا يكرمهم بشغلانه كويسه
حامد / طب و انا و البنات و ام البنات انت عارف ان مرتب الحكومه لا بيشفع و لا بينفع و انى كنت داخل فى اخر عمليه دى بتقلى كله و اداينت لطوب الارض و جمعيات بالهبل
محمود / والله يا حامد زى ما انت شايف المحل على البلاطه و انا لسه النهرده بايع شقه يوسف بالخساره عشان اوضبه و افرشه و لسه حالا قايل للمهندس يلمه باقل القليل عشان مفيش فلوس و لو المحل ما اتفتحش كلنا هنعض فى الارض العمليه اللى فاتت ما عورتكش لوحدك كلنا اتلطينا معاك
حامد / يعني مش هتقدر تساعدنى
محمود / لو تصبر لما المحل يتفتح اديك عيني بس انا ما بعتش شقه ابنى و مغضبه منى و مبيته بره البيت من امبارح عشان اديك الفلوس و يبقي كانك يا ابو زيد ما غزيت و لا انت ايه رايك دا انا حتى عارض عربيتي و عربيه يوسف للبيع عشان تسند معانا فى المصاريف باى حاجه
حامد / طب و العمل
محمود / العمل عمل ربنا هنصبر فى ايدنا ايه تانى
حامد / ان كنت انا هصبر عليك الناس مش هتصبر عليا و انا مش حمل بهدله
محمود / انا قولتلك اللى عندى و اديك شايف الظروف غير كدا انت عارف انا عمرى ما اتاخر عنكوا
حامد / تمام … ما دام انت شايف كدا انا هشوف مشترى لنصيبي
محمود / نصيبك فى ايه
حامد / فى المحل نصيبي فى المحل تلت المحل
محمود / تلت انهى محل … المحل ده … انت بتتكلم جد يا حامد انت واعى للى بتقوله
حامد / ايوه انا ليا تلت المحل ده
محمود / دا باماره ايه انت فاكر انى عشان كنت ناوى اديكوا نسبه من الارباح تبقوا شركاتى طب ما دام انت يا خويا شريك فى المحل ما تدفع فى تصليحه
حامد / ليه و هو انا اللى حرقته مش انت و ابنك السبب انت المسؤول يبقي لازم تعوضني
محمود / و احنا كنا قولنالك انك السبب فى الفلوس اللى ضاعت كنا قولنالك عوضنا انت عارف احنا خسرنا كام فى حوار العربيات بتاعك ده
حامد / انا هتحبس يا محمود
محمود / الاول قولتلك اصبر دلوقت بقولك مليش دعوه اديكوا صباعى تطمعوا فى دراعى عينك فى رزقى و رزق عيالى شقايا و تعبي سنين و انا بكحت فى الصخر و اديكوا و فى الاخر تقول التلت طب باماره ايه التلت فهمنى
حامد / انا و انت و حمدى حق ربنا ورثنا
محمود / دا انت فاجر يا اخى اقسم بالله … فاجر
محمود يسيب حامد و يمشي
حامد / حقى هاخده يا محمود مش هسيبه هاخده
………………….
فى سرايا الجارحى
مغاورى / قولتلكوا مختار طرى بسبب عيشته مع المصراويه ضحكتوا عليا اهو راح جابله واحده تمشي كلمتها عليه
شاهين / مش داخله دماغى ابدا الحكايه دى ناصر مش هيضحى بالساهل بمختار كلنا عارفين هو شاطر قد ايه فى الشغلانه دى دا كفايا سيطه اللى بيسمع فى كل طلعه بيطلعها
بنت / و لا اللى عمله فى بتوع اللعب البلاستيك
شاهين / الحكايه دى وراها انه
خديجه / ما ورهاش هند بتخاف من ضرب النار و هو ما بيقدرش على زعلها خيرته بينها و بين السلاح اختارها هى
شاب / الزنايته كلمتهم واحده مستحيل يكون بيسكتها لحد ما يتجوزها ما دام ساب السلاح يبقي سابه
مغاورى / فيها ايه يعني ست هند دى دونا عن اى حرمه تانيه يضحي عشانها بالشكل ده
خديجه / القلب و ما يريد حبها
مغاورى / ما تلمى روحك يا بت
شاهين / ما غلطتش يا مغاورى معاها حق و هو ايه يخليه يتنازل الا عشان بيحبها و خاطرها غالى عنده
مغاورى / صحيح عباده طالب ايدك احنا قولناله انك بتصلى استخاره
شاهين يبص لمغاورى و يبص لخديجه
شاهين / عباده راجل ابن حلال
خديجه / عباده ما يتعيبش يا ابا بس
شاهين / زى ما قولنا للناس صلى استخاره و الخيره فيما اختاره الله يا بنتي
خديجه / اللى تشوفه حضرتك
مغاورى / و الله لحد امبارح كنت اقولك ارفضي لكن بعد اللى حصل تبقي عبيطه لو رفضتيه
شاهين / مغاورى
مغاورى / كدا عباده هيبقي الكبير و لو رفضتيه تبقي انتى الخسرانه
خديجه / جواز مصلحه كمان يعني مش بس صالونات لا و كمان مصلحه
مغاورى يقوم يقف و يرزع على السفره
مغاورى / و انتى كنتى ناويه على جواز حب و سرمحه و لا ايه
خديجه / ليه و هى هند و مختار اتسرمحوا انا عاوزه واحد يحبني مش يتجوزنى عشان انا بنت شاهين الزيني زى ما انت بتفكر كدا هو كمان اكيد بيفكر كدا
شاهين / عباده متقدملك من قبل ما مختار يسيب السلاح و نعرف انه هيبقي الكبير و بعدين ناصر لسه بصحته و عافيته يعني عباده لسه قدامه كتير على ما يبقي الكبير و يا عالم مين هيدفن مين ربنا يدينا الصحه جميعا
الكل / امين
شاهين / فكرى فى الراجل لروحه و زى ما قولت صلى استخاره
خديجه / هفكر فيه ازاى و انا ما اعرفوش انا علاقتى بعباده من اللى بسمعه وسط الكلام
مغاورى / انا من الاول قولت العلام هيفتح عنيكوا و يقلعكوا برقع الحياه و ادى اللى خدناه
خديجه / و انا قولت ايه
شاهين / خلاص خلصنا
مغاورى / انت هتسكت على كلامها ده
شاهين / انا هكلم عباده و اخليه يجي السرايا هنا و تتكلموا
مغاورى / ايه الكلام ده يا ابا
شاهين / اللى سمعته
شاهين يقوم و يسيب المكان و مغاورى بيبص لخديجه و هى بتتهرب بعنيها منه
…………………….
فى الجنينه الورانيه
مختار و هند قاعدين على المرجيحه و مختار بيمرجحها برجله و كل شويه يبص لفوق الشبابيك مقفله و مختار لابس صعيدى
هند / لا بس اصلي استغربت لما لقيتك هنا بعد كل اللى حصل امبارح
مختار / و هو ايه اللى حصل امبارح غير الحفله اللذيذه بتاعتى
هند / تحب ندخل جوه بدل لوحه رقبتك كل شويه دى
مختار / بفكر اجيب قناص اوقفه هناك اللى يفتح شباكه ينشه و بعدين انا انش القناص
هند / هو بيت العيله كدا مفهوم الخصوصيه فيه مختلف
مختار / احنا لسه مخطوبين المفروض ما فيش خصوصيه اصلا
هند / يعني هتفرق اوى بعد الجواز
هند تبص الناحيه التانيه
مختار / هتفرق
هند تبصله
مختار / كل حاجه هتفرق بعد الجواز
هند / نرجع لموضوعنا عشان السكه دى هتاخدنا فى سكه تانيه و انا لسه مش متاكده اوى عاوزه اروح هناك دلوقت و لا استني شويه
مختار / لا بالله عليكي استني شويه عشان انا لو روحت مش هعرف ارجع
هند تبتسم و تغطى وشها بايدها
مختار / الفرامل باظت منى خالص
هند / و جايلى انا افرملك !!! نرجع لموضوعنا انت ليه ما روحتش تلعب معاهم
مختار / عشان انا وعدتك انى مش هسمح لحد يفرق بينا
هند / ايه !!
مختار / اقولك ايه بس .. هروح يتحرق دمى و يتحفل عليا و ارجع … الناس هنا اهلى … فاهمين … فاهمين انتى بالنسبالى ايه و انا .. بالنسبالك ايه … فاهمين انك من مكان تانى … فاهمين انى دى مش نهايه الدنيا و ان مش ده اللى هيقل منى
هند / ما فيش حاجه فى الدنيا هتقل منك
مختار يبتسم
مختار / مش هكدب عليكي لسه جوايا هنا حاجه متمسكه بالسلاح فى جوايا حاجه بتقولى هيجي يوم و تفهمى
هند / و ان ماجاش اليوم ده
مختار / يبقي على العهد
مختار يبص الناحيه التانيه
هند / ما تزود السرعه شويه ايه الملل ده
مختار / مش عوزانى اقلبها بالمره في ايه يا حجه الحق عليا يعنى
هند / خلاص خلاص خلينا زى ما احنا … ايه المعامله دى
مختار يبص فوق
هند / بقولك ايه قوم نلف بالعربيه انا رقبتنى وجعتنى
مختار / والله بقول كدا من الصبح قومى
مختار و هند يروحوا ناحيه العربيه يقابلوا انتصار
انتصار / الله انتوا رايحين فين دا انا لسه كنت جايه اناديكي تنقى الحاجات الجديده
هند / على زوقك الحلو ده بقي يا قمر
انتصار / عيني
هند تركب العربيه مختار يشاور لانتصار تبصله و هى مبتسمه مختار يسوق و يمشي
……………………..
فى شقه محمود
اسراء / يخربيت بجاحته
محمود / تخيلى لا و الفاجر بيقول التلت طب قول الربع تتبلع
اسراء / و لا مليم قولتلك اخواتك دول ما فيش منهم خير و انت تقولى ابويا موصيني اهلى اخواتى اهم افتكروها حق مكتسب
محمود / انا دمى محروق من ساعتها و مش طايق نفسي
اسراء / انا اللى قلبي واكلنى على يوسف اوى كلمت كل صحابه كلمت كل اللى نعرفهم حتى كلمته من رقم غريب و خليت اخواته يكلموه مش بيرد
محمود / هو كان معاه فلوس قد ايه و هو نازل
اسراء / ما اعرفش بس اكيد مش كتير
محمود / كويس اما نشوف هيقعدوه قد ايه
اسراء / يعني هتسيبه يا محمود
محمود / خليه يغير جو و يهدى
اسراء / جبت جموديه القلب دى منين
محمود / مش جموديه يا اسراء تعب تعبت كل حاجه حواليا بايظه و واقف بطولى
اسراء / شده و تزول ان شاء الله … تعرف انا اللى قالقنى انه يكون لسه بيفكر فى هند و يسافر وراها
محمود يبصلها و يقوم يدخل اوضته و يقفل الباب و اسراء قاعده تضرب كف على كف
………………..
فى ارض زراعيه كبيره
هند و مختار بيتمشوا و بياكلوا دره مشوى
مختار / طب الارض اللى هناك دى مزروعه ايه
هند / سمسم
مختار / جدعه لا اللعبه دى سهله عليكى
هند / ما فيش اخبار عن النتيجه
مختار/ يا اختى ندخل و بعدين ندور على النتيجه و الجيش و الافلام اللى مستنيانا
هند / انا كنت سقطت حوار الجيش ده خالص هنعمل ايه
مختار / هنعمل ايه فى ايه اللى فى نصيبي هاخده
هند / طب و انا
مختار / مالك
هند / هعمل ايه من غيرك
مختار / اعمليلى حله محشي كبيره و برام ملوخيه انا بعشق الملوخيه فى الفخار بصي انا بحب الطبيخ فى الفخار الاكل بوجه عام فى الفخار طعمه بيبقي احلى
هند / فخار ايه انت هتنزل اجازتك تاكل
مختار / ما انا هبقي هفتان
هند / سعد زغلول قال مفيش فايده و لكنكم تحبون مصطفى كامل
مختار / لا ياس مع الحياه و لا حياه مع الياس
هند / ايوه هو ده … الدره ده حلو اوى
مختار / الف هنا
هند / هو انت فى الفرح هتلبس صعيدي زى عريس امبارح
مختار / لو مش هيضايقك
هند / انا عادى المهم بس تحضر
مختار / يا شيخه
هند / هههههههههههه بهزر
صوت كلاكس عربيه مختار يبص يلاقي عباده بيركن و العربيه بينزل منها ماجد و هشام
ماجد / ابو المخاميييييخ
مختار / اوعااااا
هند تشد كم مختار يبصلها
هند / عم عارفين
مختار / جايين زياره يوجبوا الفرح و يروحوا
هند / يعني ما يعرفوش
مختار / و مش هيعرفوا
هند تهز راسها ماجد و هشام يدخلوا يحضنوا مختار و يسلموا عليه
هشام / سلامتك يا هند كنا هنموت من القلق عليكي والله
هند / الله يسلمك
ماجد / المهم احنا مش هنطول عليكوا يعني و نبقي عازول و كدا خدوا راحتكوا
مختار / و دا من ايه يعني ان شاء الله
ماجد / ابن عمك بيقول عاملين عيش شمسي و ويكا يعني خليك فى عروستك
مختار / هههههههههههههههههه ماشي يا عم الله يسهلوا
ماجد / الله يسهلك انت يا عم … عن اذنك يا هند
هند / سلام
ماجد و هشام يمشوا مع عباده
هند / انا بقول نروح احنا كمان و لا ايه
مختار / ايه جوعتى و لا ايه
هند / لا بس الفلاحين بيبصوا علينا
مختار يبص وراه يلاقي تلت فلاحين واقفين
راجل ١ / الف مبروك يا عريسنا
مختار / عقبال عندكوا جميعا … انا بقول نلحق العيش الشمسي و هو سخن
هند / انا بقول كدا برده
هند و مختار يمشوا
……………………..
فى المضيفه
الشباب قاعدين و قدامهم صوانى اكل
ماجد / يا عم اقسم بالله ما عرفتك
مختار / حالا نشوفلكوا اتنين
عبد الله / اريح من الكاجوال بكتير بس صعبه شويه فى ركوب الخيل هما محترفين لكن انا بتكعبلنى لسه
هشام / انتوا عملتوا ايه مع عمامكوا
عبد الله / ما عملناش ماما اتنازلت و الموضوع خلص
مختار / و عندنا فرح و هيصه و عاوزين نولعها
ماجد / امال احنا هنا ليه يا اسطا بص احنا عاوزين نخلص الغدى ده نشيله نحبس بالحلو فنجزع فنحدق بحته فطيره مشلتته كدا مع شويه مش بدوده نكتم عليها بكبايه شاى صعيدى التقيل الحبر ده و بعدين نطلع نفرش فى الغيط نشوى دره و نمص قصب
هشام / دا فى ذهب و لم يعد الكلام ده
عباده / و انا مش هكسرلك كلمه انا مربط على شويه دبايح للحنه و الفرح الجنينه دى كلها هتتفرش صوانى اكل كدا دا فرح الغالى
عباده يخبط على ضهر مختار مختار يبتسم
ماجد / انا كدا اطمنت على اجازتى نطمن بقي على الدنيا ايه النظام
مختار / عملتوا ايه فى الانترفيو بتاعكوا
هشام / فستك احنا شوفنا كام حوار كدا هنقدم فيهم برده
عباده / على فكره الارض هنا كبيره و لو تحبوا
هشام / صعب اوى يا عباده اهلى و كدا على العموم فى اراضي زراعيه كتير فى محيط القاهره يعني و صوبات زراعيه و الحاجات دى
ماجد / بقوله على المشروعات الجديده نقدم فيها و لا نسال فى حوار الاستصلاح الزراعى
هشام / يا عم ابعدنى عن الحكومه خالص
ماجد / اهو من اخر يوم فى الامتحانات و احنا فى الحوار ده
مختار / فى قدامكوا وقت تفكروا انتوا عاوزين تعملوا ايه
امين / ابويا ليه واحد صاحبه فى العياط لو عاوزين اخليه يساله لو محتاج مهندسين للارض بتاعته
هشام / كتر خيرك يا عم بس
مختار / بقولك ايه ما تقفلش البيبان سبها لله و سيب كل الطرق قدامك و ربنا هيقدملك اللى فيه الخير
ماجد / امين … ايه الرغيف اللى ما بيخلصش دا يا عم
الكل يضحك
……………………….
فى اوضه مريم
البنات مشغلين اغانى و ام داوود بتعملهم بديكير واحده واحده و كل واحده حاطه رجليها فى طبق بلستيك فيه مايه و شيري بتتفرج
انتصار تدخل
مريم / خبطى يا ماما خضيتينا
انتصار / الرجاله كلهم خرجوا خدوا راحتكوا مفيش فى السرايا جنس راجل … احنا نقلنا حاجه مختار فى المضيفه مع الشباب و حطينا حاجتكوا فى اوضته
هند / حاجتنا ايه
انتصار / ما كنتش بكلمك يا قلبي كنت بكلم شريهان
مريم / طب ما كنتوا طلعتوا حاجه عمى فوق بدل ما تفضل طالعه نازله
انتصار / الجديد كدا كدا فوق فى اوضه هند القديم بقي يبقي يشوف هيعمل فيه ايه هيخلى ايه و لا هيطلع ايه لله هو حر
شيري / عاوزين نفضي التلاجه اللى فوق
انتصار / حصل فضيتها كلها بس مش هملاها غير بعد الحنه عشان الفاكهه و الحاجه تبقي صابحه
سماح / ما تيجوا نعمل افتكاسه فى الحنه
فاتن / قولى يا جهبز هنفتكس ايه
سماح / نعمل هندى مثلا و نلبس سوارى و كدا
هند / انا عايشه من الخطوبه للنهرده و انا بحلم اللبس الفستان الاحمر فافتكسوا فى اى مناسبه تانيه
سماح / هو انتى هتلبسي بدى تحت الفستان و لا هتسبيه مكشوف
هند / بفكر اسيبه مكشوف ايه رايكوا مش هنبقي بنات بس و لا ايه
شيري / انا بقول خلى البدى عشان الصور
انتصار / انا بقول كدا برده
هند تبص لمريم بنظره خيبه امل و تهز راسها
انتصار / بقولك يا اختى عوزاكى فى كلمتين
شيري تهز راسها و تطلع بره مع انتصار يروحوا اوضه مختار
انتصار / شوفى لو الاوضه ناقصها حاجه قوليلى
شيري / كتر خيرك بس اهى حاجه تفى بالغرض لحد الجمعه و كدا كدا احنا مروحين
انتصار / اخص عليكي و نهون عليكي يبقي انتى لسه زعلانه من فاطمه على فكره هى كدا غشيمه و ما بتبقاش عارفه هى بتقول ايه بس طيبه
شيري / الموضوع مش موضوع زعل بس هنصبح على هند و نطمن عليها هنقعد ليه بعد كدا
انتصار / بقولك ايه انتى فاكره دخول الحمام زى خروجه الاوضه دى بقت بتاعتك انتى و ياسمينا و خلص الكلام احنا خلاص خدنا عليكوا و ما نقدرش نستغنى عنكوا دا مختار عمل المراجيح مخصوص عشان ياسمينا تقومى تاخديها و تمشي
شيري / انا مش عارفه اقولك ايه
انتصار / ما تقوليش احنا بنحب الزحمه بس الزحمه الحلوه زحمه الاهل هو احنا ما نقدرش نبني بدل السرايا اتنين بس لا بنحب دوشه العيال و زنقه الستات بنحب البيت يبقي علاطول مليان ناس كدا ربنا ما يكتب علينا ننقص ابدا
شيري / احلى لمه ربنا يديمها عليكوا نعمه
انتصار / انتوا خلاص بقيتوا مننا انتى و عبد الله و ياسمينا احنا ما نقدرش نستغنى عنكوا لو لينا غلاوه عندك ما تمشيش
شيري / لحد امتى
انتصار / هو احنا قعدتنا وحشه اوى كدا