رواية سارة 2 الفصل الثاني 2 بقلم إيمان صبحي
رواية سارة 2 البارت الثاني
رواية سارة 2 الجزء الثاني
رواية سارة 2 الحلقة الثانية
رئيفة :مش هترجع يا حسن ..أنت الوحيد اللى تقدر ترجعها…أنت الدكتور الوحيد اللى قدرت تعالجها وانت اللى تقدر تعالجها تانى ..
حسن : أنا مش كويس ..أنت مقدرتش أحميها ..مقدرتش ادافع عنها .عارفة يا رئيفة هانم سترة دى زى الجوهرة تخاف تدوس عليها عشان متكسرش المفروض كانت تتشال جوا قلبى وجوا عينى ومحدش يشوفها أبدا ..
رئيفة : كفاية لوم بقى يا حسن ..متلومش نفسك يا ابنى.خليك قوى عشان تعرف تعالج سارة .
الدكتور يوسف : رئيفة هانم عاملة إيه .عايز اطمنك سارة بدأت تستجيب وقريب قوى هتقوم من الغيبوبة دى وهتبقى أحسن من الأول كمان .
رئيفة : يا رب يا دكتور يا رب ..
(بعد مرور سنة والحال كان زى ما هو مش بيتغير وجه اليوم اللى سارة فاقت فيه ورجعت تانى ..رجعت للحياة اللى مكنتش عادلة معاها ابدا .ولحسن الحظ رجعت كأنها اتولدت من جديد مش فاكرة اى حاجة ولا عارفة حد حتى نفسها.مامتها كانت بتجلها دايما فكانت عارفاها وسارة رجعت شخصية ناضجة كتير عن الأول بس مش بكامل وعيها يعنى برضه لسه خالد واصى عليها وطبعا خالد منع حسن يدخل لسارة من وقت ما فاقت ولحد دلوقتى وهو لسه ميعرفش أنها فاقت )
الدكتور يوسف : سارة انت سامعانى
سارة :ايوا سامعة
الدكتور : طب مش بتردى عليا ليه
سارة: عشان كلامك مش عاجبنى.يعنى إيه مفيش خروج .مامتى قالتلى أنها هتاخدنى .وانا كويسة ومش عايزةاقعد فى المستشفى دى تانى.
الدكتور : بس خالد اخوكى شايف انك لسه محتاجة رعاية
سارة : خالد مين ده .يعنى إيه خالد ده .وهو يشوف ليه .سارة اللى تشوف إيه الأحسن ليها
رئيفة: انا جيت اخدك يا سارة ومعايا أمر بكده يا دكتور
الدكتور : طبعا مفيش مانع
(وللأسف سارة رجعت على بيتها اللى خالد كان عايش فيه ومامتها رجعت معاها عشان خالد واصى على سارة ولازم عينه تبقى عليها يا إما كده تعيش معاه ورئيفة تقعد فى شقتها زى ما هيا )
رئيفة : أحنا راجعين هنا يا خالد مجبورين على كده مش عشان سامحتك لا
خالد:بيتك ده يا امى وسابها ومشى
سارة : الله يا مامتى إيه البيت الكبير ده والجنينة كمان حلوة
رئيفة : أنت مش فاكرة البيت ده خالص يا سارة
سارة : لا
رئيفة : مش مهم .اعرفى تانى وتالت ومش هيأس ابدا إنى اخلى ليكى حياتك الخاصة بيكى وانا يا انت يا خالد
رئيفة : ريحى دلوقتى يا حببتى عشان بكره هنروح مشوار
(تانى يوم)
سارة : إيه ده أحنا رجعنا المستشفى تانى ليه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سارة 2)
