رواية اعتقال قلب من فولاذ الفصل الثالث 3 بقلم هبة الله محمد
 |
| رواية اعتقال قلب من فولاذ الفصل الثالث 3 بقلم هبة الله محمد |
رواية اعتقال قلب من فولاذ الفصل الثالث 3 والأخير بقلم هبة الله محمد
هادي باحتقار: سيبتي راجل يلمسك وتحملي منه ده مش حاجة
سيدة: والمصحف الشريف ما عملت حاجة
هادي: ازاي؟
عبد اللطيف: هاه نقول مبروك
هادي: على بركة الله يا عمي بس استأذنك كتب الكتاب الخميس الجاي
عبد اللطيف: مش بسرعة كده يابني
هادي: ياعمي ولزومه ايه خير البر عاجله
…
“بارك الله لكما وبارك عليكما وجمع بينكما في خير”
عبد اللطيف: يلا يا عروسة على بيت جوزك
سيدة: حاضر يا بابا “امسك يدها”
هادي: مع السلامة يا عمي
..
في البيت
هادي: انا عاوز اعرف منك بالتفصيل ايه اللي حصل بالظبط
سيدة بدموع: ك كنت بتكلم معاه ع الواتس وقالي تعالي نتقابل ف كافيه كنت خايفة بس هو هددني انه هيسيبني ويبعت الشات لأهلي المهم روحت معاه لاقيته واخدني على مكان غريب ديسكو وطلبت عصير وبعد العصير نمت محسيتش بنفسي غير “اكملت بشهقات” تاني يوم وانا وانا
هادي: خلاص خلاص عموما انت هتقعدي ف الأوضة دي وهتاخدي بالك من حملك خشي ريحي على ما افتح الباب
سيدة: انا متشكرة جدا يا هادي مش عارفة اقولك ايه
هادي بابتسامة: لا شكر على واجب انت اختي يلا ادخلي ولو عوزتي اي حاجة خبطي عليا دقيقة هفتح الباب واجيلك
هادي: ايوه أيوه جاي اهو.. مرتضى؟ خير يا مرتضى
مرتضى بشر: هييجي منين الخير بعد اللي انت نيلته ده
هادي: بقولك ايه هتخلص تقول عاوز ايه ولا اقفل وامشي
مرتضى: لا راجل اوي ياخويا متجوز واحدة حامل من اخوك لا راجل
هادي: اسم الله عليك
مرتضى: انا جاي احذرك لو مطلقتهاش هفضحك وافضحها
هادي بسخرية: اثبت
مرتضى: صورتها
هادي بسخرية: هو انت كنت فاكرني مش متوقع ده فونك اتمسحت كل الصور اللي عليه عاوز حاجة تاني ولا ادخل لعروستي
مرتضى بشر: مش هسيبك يا هادي
هادي: أعلى ما ف خيلك اركبه شرفت ياخويا
..
بعد شهر من معاملة سطحية جدا يادوب ع الأكل وطلبات البيت وكل واحد ف أوضته
هادي داخل البيت لقى سيده واقعة وحواليها دم كتير
هادي: سيدة سيدة قومي حصل ايه
سيدة:…..
..
هادي: طمني يا دكتور
الطبيب: واضح انها وقعت وقعة شديدة للأسف البيبي نزل
هادي بصدمة: ن نزل يعني ايه
الطبيب باستياء: ربنا يعوض عليكم هي بقت كويسة وتقدر تخرج كمان يومين
هادي: طب هقدر ادخلها؟
الطبيب: اه طبعا اتفضل
..
هادي: حمد لله على سلامتك
سيدة: بارهاق الله يسلمك هو هو ايه اللي حصل
هادي: يعني مش عارفة؟ الطفل نزل
سيدة بدموع وصدمة: ن نزل نزل ازاي
هادي بسخرية: قال يعني مش عارفة متحاوليش تكدبي عليا وتقولي انه غصب عنك وانك مش قاصدة
سيدة بدموع وتعب: ا انت بتقول ايه يا هادي انا اه غلطت بس مش بعد ما ربنا سترها عليا اقتل ابني الله يسامحك
هادي: طب خلاص خلاص اهدي
سيدة بدموع وحزن: ا ا ابني مات يا هادي ماات خلاص
هادي: اهدي عشان خاطري واحكيلي حصل ايه
سيدة: كنت بمسح واتكعبلت وقعدت أصوت بس محدش سمعني
هادي: طيب خلاص خلاص انا هروح اجيبلك اكل
..
هادي وهو يطعمها: كلي بقى
سيدة: مش عاوزة
هادي: يا سيدة عشان خاطري انا كلي ماينفعش كده
سيدة وهي تأكل: ح حاضر شكرا
هادي بابتسامة: فيه واحدة تقول لجوزها شكرا
سيدة: انا ياهادي انا لو عيشت طول عمري تحت رجلك مش هوفيك حقك
هادي:أنت بتقولي ايه يا سيدة انت ملكة متقوليش كده ابدا وبعدين يا ستي انا لو اطول اشيلك من ع الأرض هعملها
..
مرت الأيام وهو مش بيشوفها تقريبا بس كان بيعاملها بما يرضي الله زي اخته وف ليلة كان معدي قدام اوضتها بالليل سمعها
سيدة بهمس وبكاء: يارب سامحني يارب انا غلطانة يارب سامحني يارب وارحمني يارب اغفرلي وبارك لهادي هو ملوش ذنب ف كل ده يارب واحفظه من كل شر يارب انا استاهل اللي يجرالي حقك متسامحنيش ومتغفرليش والنار اتعلمت للي زيي بس أحفظه عشان سترني
“الباب خبط”
هادي: احم ممكن ادخل… سيدة
دخل الأوضة لقاها عاملة نايمة فسابها وخرج وقرأ قرآن بصوت عالي وهو متعمد عشان يسمعها “قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ”
بعد أربع ايام في القسم
العسكري: المجرمين اللي اتقفشوا بيبيعوا مخدرات بره يا قندم
هادي: دخلهملي
العسكري: خش يا مجرم منك ليه
هادي وهو يشعل سيجارة: عاملينلي فيها.. م مرتضى؟ ايه اللي جابك هنا
مرتضى:….
هادي: كنت بتبيع مخدرات؟ ليه يا اخي ليييه
مرتضى:…
هادي بوجع: يا عسكري خده ع الحجز
…
حكمت المحكمة حضوريًا على المتهم مرتضى السيد بدر بالأشغال الشاقة المؤبدة..
…
سيدة: يا هادي كل انت بقالك يومين مدوقتش الأكل من ساعة ماحصل اللي حصل
هادي بدموع: مش قادر مش قادر يا سيدة خلاص اخويا راح مش مصدق
سيدة وهي تضمه: معلش قدره اللي يمشي ف البطال مبيطولش كل بقى عشان خاطري
هادي وهو يخرج من حضنها: ح حاضر
نام ورأسه على رجلها
هادي: كنت بحبه اوي يا سيدة كنت بحبه اوي كان قاسي ودماغه ناشفة بس كان ضهري وسندي انا مش مصدق
سيدة وهي بتلعب ف شعره: هو موجود وهتشوفه بس هو هياخد جزاؤه بس ومين عالم مش يمكن يتوب ف السجن
هادي بدموع: يارب يارب
سيدة: غمض عينك يا هادي ونام شوية انت تعبان
هادي بارهاق: سيدة انا
سيدة بحنان وهي تربت على شعره الناعم: بااس بلاش كلام نام دلوقتي
…
“الصلاة خير من النوم.. الصلاة خير من النوم”
سيدة: هادي يا هادي قوم
هادي بخضة: ايه حصل حاجة ولا ايه
سيدة: لا محصلش حاجة قوم نصلي الفجر
صلى بيا جماعة وكانت اول مرة يصلي بيا صوته كان حلو اوي ف سورة البقرة “إِلَّا الَّذِينَ تَابُوا وَأَصْلَحُوا وَبَيَّنُوا فَأُولَئِكَ أَتُوبُ عَلَيْهِمْ وَأَنَا التَّوَّابُ الرَّحِيمُ ” كان بيعيط وحسيته بيقولهالي زي ما خرج من عندي وقرأ برضه حسيته قاصد وعارف اني لسه بعذب نفسي بس هو عاوز يقولي ان ربنا غفور رحيم
بعد أسبوع
سيدة وهي بتتسحب ف اوضته: هادي هادي
هادي بخضة: ايه ايه حصل ايه
سيدة بحرج: اسفة اني دخلت اوضتك بس بصحيك عشان تروح الشغل
هادي: قولت مش رايح
سيدة: هتوقف حياتك يعني خلاص اللي حصل حصل عيش بقى انت ظابط شاطر ومش من حقك تتخلى عن كل ده يلا قوم
هادي: انا قولت لأ يعني لأ
سيدة: يا هادي حرام عليك مش كده قوم وخلي ربك يبارك وبعدين بص محضرالك فطار انما ايه ولا اجدعها شيف يعمله
هادي باستسلام: حاضر قايم
بعد أربع ساعات
سيدة: ألو
مجهول: حضرتك زوجة المقدم هادي السيد بدر؟
سيدة بقلق: ا ا ايوة خير
مجهول: زوج حضرتك حصل عليه هجوم ف القسم وهو دلوقتي ف مستشفى ****
..
سيدة بجري: لو سمحتي فين اوضة المقدم هادي السيد
الموظفة: حضرتك ده ف العناية ف اوضة **
سيدة بدموع: ف العناية طب حالته ايه
الموظفة: حضرتك تقدري تطلعي تشوفي والدكتور هيطمنك
سيدة بدموع: طمني يا دكتور هو ماله
الطبيب باستياء: للأسف الإصابة جات ف المخ شديدة شوية ادعيله
سيدة بدموع: يارب يااارب استرها معاه يارب
مجهول: حضرتك زوجته
سيدة بدموع: ايوه مين حضرتك
مجهول بدموع: انا الرائد مصطفى زميله هو اتصاب لأنه كان بيجري عليا يوقعني عشان متصابش زوجك بطل
سيدة بدموع: شكرا لحضرتك ادعيله بس ربنا يقومه هو على طول بيضحي عشان غيره “ثم اكملت بشهقات” يارب يارب سلمهولي يارب هو معملش حاجة انا ماليش غيره يارب
الدكتور: حالته بتتحسن يا فندم
سيدة: طب هو انا ممكن ادخله؟
الدكتور: هننقله غرفة عادية وتتفضلي
الدكتور: تقدري دلوقتي تدخليله هو شوية ويفوق
سيدة بدموع وهي تمسك يده: كده يا هادي قوم عشان خاطري متسيبنيش عشان خاطري ” قبلت يداه وبدأت تقرأ القرآن”
وَإِذَا أَذَقْنَا النَّاسَ رَحْمَةً مِنْ بَعْدِ ضَرَّاءَ مَسَّتْهُمْ إِذَا لَهُمْ مَكْرٌ فِي آيَاتِنَا”
هادي بوهن: س س سيدة
سيدة بخضة ودموع وشهقات: ه ه هادي انت كويس
هادي بوهن: انا كويس يا بنتي فيه ايه عادي مش اول مرة وبعدين عادي كلنا للوطن
سيدة بدموع وهي تقبل رأسه: بعد الشر عليك متقولش كده تاني
مصطفى وهو قادم: حمد لله على السلامة يا سيادة المقدم كده تقلقنا عليك
هادي: معلش بقى ياعم عمر الشقي بقي
مصطفى: الدكتور قالي هتقدر تخرج بكره وصحيح زوجة حضرتك كانت هتموت من القلق ربنا يخليها لك
هادي بابتسامة وهو ينظر ليها: يارب
مصطفى بضحك: نحن هنا
هادي: يا اخي ده انت فصيل
مصطفى بضحك: طب استأذن انا بقى عشان يخلالك الجو
هادي: الحمد لله طلعت بتحس بس مش اوي يلا طرقنا
مصطفى بابتسامة: حمد لله على سلامتك يا بوص مع السلامة
هادي بابتسامة: قلقتي عليا؟ “نظر ليدها الممسكة بيده” يابختي والله
سيدة بخجل: احم يعني مش يعني بص هو مش انا هروح اجيبلك حاجة تأكلها
هادي بضحك: ماشي
بعد يوم
سيدة: اسند عليا بس عشان متقعش
هادي: يابنتي عادي هتحامل عليها شوية
سيدة اسمع الكلام بقى على مانروح
هادي بابتسامة: عيوني ليكي
بعد ساعتين
سيدة بابتسامة: تاتاتا انت هتاكل شوية المكرونة بشاميل دول هتنسى اي اكل اكلته قبل كده
هادي بابتسامة: انا بنسى اي حاجة قبل كده وانا معاكي اصلا
سيدة بتوتر: احم مش هتدوق بقى
هادي بابتسامة: هدوق هدوق مصيري هدوق
بعد اسبوع من تلميحاته وتوترها وخجلها الدائم
هادي: سلام عليكم
سيدة من المطبخ: وعليكم السلام ورحمة الله وبركاته حمد لله على السلامة يا حبيبي
هادي: يا ايه
سيدة بانشغال مصتنع: حط هدومك على ما احط الاكل
هادي وهو يضمها من الخلف: بس انا مش عاوز
سيدة بتوتر: ف ف فيه ايه هو
هادي بهمس: بس بس اهدي انا بس عاوز اشكرك على شيلك ليا طول فترة تعبي وحزني دي
سيدة: أقل حاجة اعملها معاك بعد كل اللي عملته معايا
هادي وهو يبتعد عنها ويلفها ويجعل وجهه امامها: يعني انت عملتي كل ده عشان ترديلي اللي عملته
سيدة بتوتر من عينيه: انا انا
هادي بهمس: أنتِ ايه اتكلمي سيدة بصيلي انا انا بحبك
سيدة بدموع: انا مش عاوزة اظلمك معايا
هادي: تظلميني ليه ربنا غفور رحيم وانت استغفرتي كلنا بنغلط بس انت رجعتي لربنا
سيدة: يعني مش هتذلني ولا هتعايرني ف يوم
هادي وهو يقبل رأسها: مقدرش
سيدة بدموع وحب: يعني انت انت
هادي: انا بحبك
سيدة وهي تضمه بقوة: و وانا كمان
هادي بمشاكسة: وانت كمان ايه
سيدة بحب: بحبك
تمت الحمد لله بقلم هبة الله محمد
لقراءة باقي فصول الرواية : اضغط هنا
نرشح لك أيضاً رواية الخادمة والأمير للكاتب محمود حماد
