رواية أحببت حبك لي الفصل الثالث 3 بقلم ريهام رفاعي

رواية أحببت حبك لي البارت الثالث

رواية أحببت حبك لي الجزء الثالث

رواية أحببت حبك لي الحلقة الثالثة

فتحت الباب و لقت الدكتور خالد قاعد مع باباها
باباها :ادي عروستنا جت اهيه
ريم : عروسة ايه يا بابا معلش مش فاهمه
باباها : الدكتور خالد طالب ايدك يا بنتي
ريم بدهشه : نعم
خالد : أنا مش عايزك تردي دلوقتي خودي وقتك وفكري براحتك خالص
ريم :دلوقتي ولا بعدين انا مش موافقه ومش هوافق
مشيت ريم ودخلت اوضتها
باباها : معلش يا بني أنا آسف ليك جدا أنا هكلمها واعقلها
خالد : عادي يا عمي ولا يهمك مفيش حاجه .بعد اذن حضرتك
مشي خالد ودخل الأب لاوضة ريم بنته
باباها : ايه يا بنتي الي عملتيه ده قدام الراجل
ريم : وانتوا ايه الي عملتوه ده يا بابا ازاي توافقوا وتتفقوا
من غير ما تقولوا لي
باباها : يا بنتي الراجل زي الفل دكتور ف الجامعه ومرتاح ماديا وفوق كل ده شاريكي وبيحبك
ريم : بس انا مبحبوش
باباها : مش مشكله تحبيه دلوقتي حبيه بعد الجواز
ريم : يابابا أنا مش عايزه اتجوز حد مبحبوش
باباها : خالص اتخطبيله فتره طب يمكن تحبيه
ريم : ولا حتي خطوبه أنا مش بقبله اصلا ومستحيل احبه
باباها : من الاخر أنا مش شايف الواد فيه اي عيب و موافق
ريم : وأنا مش موافقه
باباها : مش مشكلتي أنا وافقت وخلص الكلام لحد كده
ريم : خلص يعني ايه انت عمرك ما غصبت حد من اخواتي في جوازاتهم اشمعنا أنا
باباها:عشان أنا شايف ان رأيك غلط وأن الشاب كويس
ريم : يا بابا أنا مش بحبه وبصراحه كده انا بحب حد تاني وعايز يجي يكلم حضرتك
باباها : يجي ويتفضل وأنا إلي هكرر مين أحسن فيهم
خلص النقاش و ف اليوم التالي راحت ريم الجامعه عشان تقابل زياد
ريم : زياد انت لازم تعمل حاجه أنا فيه حد متقدملي وابويا موافق عليه
زياد : تمام الف مبروك ربنا يتمملك علي خير
ريم باندهاش وحزن وبدأت عينها تتملي بالدموع : نعم !!
زياد:ايه عايزاني أعمل ايه ما أنا قولتلك اني مش جاهز ومش هقدر اجي اتقدملك دلوقتي ف خلاص كل واحد يروح لحاله
ريم :بالسهوله ديه للدرجه ديه مش فارقه معاك
زياد زعيق: ياريم أنا أعمل ايه قولتلك أنا مش هعرف اجي اتقدملك خلااص
ريم : خلاص يازياد أنا إلي غلطانه من الأول اني آمنت لواحد زيك أنا غلطانه اني افتكرتك راجل
بصلها زياد بطرف عينه وسابها ومش وقعدت هي وحطت ايدها علي وشها وبدأت تعيط وانهارت من كتر العياط
خالد شافها قاعده كده وبتعيط جري عليها وقعد علي ركبته وبيحاول يشوف مالها
خالد : ريم ريم فيه ايه حد عملك حاجه رييم
ريم رفعت رأسها وقالتله بزعيق: ملكش دعوه بيا قولتلك أنا مش موافقه عليك خلاص حتي لو بابا موافق أنا مستحيل أقبل اتجوز واحد أنا مبحبهوش انت فاهم
خالد : ادي طب لنفسك فرصه وهتحبيني
ريم : أنا مش بحبك ومش هحبك خلاص
قامت ريم و قام خالد من علي الارض ورن تليفونه وكان أبو ريم إلي بيتصل خالد رد عليه علي طول
باباها : تقدر تجيلنا ف أي وقت عشان نتفق ع التفاصيل
خالد بضحكة : ميهمكش أي حاجه يا عمي اي حاجه انتوا عايزينها أنا هجيبهالكوا
باباها : برضه يا بني لازم تيجي عشان نتكلم
خالد : حاضر يا عمي حضرتك فاضي انهارده
باباها : اه يا حبيبي و معلش تجيب ريم وأنت جاي
خالد وهو بيبصلها وبيبتسملها بخبث: اه طبعا من عنيا يا عمي هجيبها معايا
ريم :مش رايحه معاك ف حته
خالد : تمام يا عمي مع السلامه
خالد : يالا بينا
ريم : انت مش سامعني بقولك أنا مش هروح معاك ف حته
خالد : ياريم اخلصي باباكي قالي هاتها معاك
ريم :انت تروح معايا البيت ليه أصلا
خالد : عشان أتفق مع ابوكي علي كل حاجه انا قولتله أصلا أنا هجيب الي انتوا تطلبوه بس هو مصمم نقعد نتفق
ريم : هو انت مبتفهمش
خالد :نعم
ريم : الاستيعاب عندك مش موجود يعني ولا ايه بقولك أنا مش هتجوزك تمام
خالد : طب يالا بينا طب و نتكلم بعدين عشان باباكي مستنينا
ريم : يخربيت استفزازك أنا مش عايزاك وأول ما نوصل هقول لبابا تاني اني مستحيل اتجوزك تمام