روايات

رواية الخروج من صفقه الفصل الخامس عشر 15 بقلم زينب نبي

رواية الخروج من صفقه الفصل الخامس عشر 15 بقلم زينب نبي

رواية الخروج من صفقه الجزء الخامس عشر

رواية الخروج من صفقه البارت الخامس عشر

رواية الخروج من صفقه الحلقة الخامسة عشر

احمد بص لأثير : ادم بيه متقدم ل اثير ومستني معاد منكم
هيام سابت الاكل وبصتله بصدمه : مين دا اللي يتقدم لأثير بنتي ” وكملت بحزن ” لا انا عايزه بنتي جنبي ماتبعدش عني انا ماصدقت بقت معايا
احمد بيطبطب عليها: اهدي يماما كملي اكلك “كمل بضحك” وبعدين ياماما هو مش هيتقدملها ويتجوزوا علي طول احنا اكيد هنحدد فطره خطوبه مش اقل من سنه وبعد كده جواز
اثير بتبص لهيام : ماما انا محدش يقدر يبعدني عنك ابداً انا جنبك علي طول حتي لو وافقتوا عليه واتجوزته هجيلك علي طول
هيام بحزن : طيب يا اثير انتي شوفتيه او تعرفيه؟
اثير : ايوه ياماما المقدم ادم معايا ف الشغل وانا بصراحه بحبه اوي
احمد : ها يعم اسماعيل ” كمل بإبتسامه “عم اسماعيل ايه بس انا اقولك يابابا
عم اسماعيل بنفس الابتسامه: وانا يشرفني يبني ….ياسلام
احمد : طيب يابابا نحدد انهي معاد
عم اسماعيل: شوف والدتك هاتقول ايه وانا معاكم يبني
هيام : لا انا مستعده ف اي وقت حددوا انتوا بس وقولولي
____________________________

 

 

“حد بيخبط ف ادم استغرب مين بيخبط عليه دلوقتي…فتح الباب لقاها نسرين”
نسرين سانده دراعها علي الحيطه: ازيك يا ادم
ادم : نسرين؟…ايه اللي جابك متأخر كدا ؟؟
نسرين : طيب هتسيبني برا كدا؟
ادم : لا اكيد اتفضلي ادخلي
” نسرين دخل وقعدت على الكنبه الطويله وادم قعد قدامها ”
ادم : ها يانسرين جايه ف الوقت المتأخر دا ليه؟
نسرين : انا عايزاك تساعدني ف حاجه وارجوك لو عايز مقابل قوللي
______________________
” هيام لمت الاكل ودخلت بصنية الشاي وقعدوا يشربوا الشاي”
اثير : ماما بقولك انا عايزاكي ثواني
هيام : طيب ياحبيبة ماما
اثير مسكت ايد هيام وبتوجه كلامها لأحمد وعم اسماعيل بإبتسامه: راجعين تاني ياجماعه
عم اسماعيل: ماشي يحبيبتي
“اثير اخدت هيام مامتها الاوضه وقفلت الباب”

 

 

اثير قعدت علي السرير وشاورت علي السرير: اقعدي يا ماما
هيام قعدت وبصت لأثير : ايه يحبيبتي
اثير بتنهد :ماما انا محتاجه اعرف منك انتي سيبتيني كل السنين دي ليه
هيام : بصي يا اثير ….قبل م اتجوز ابوكي كان ابويا العمده الجعفر الله يرحمه ويساحمه بقا كان متفق معاه انو سمير يتجوزني ويجيب عيل يسنده وطبعا يرميني فاكل دا بمقابل مادي وانا ابويا الله يسامحه كان بيحب الفلوس جدا يعني المهم اتجوزنا انا وابوكي وجبتك انتي اول واحده كنتي عسوله خالص وكنت بحبك جدا بس هو للأسف مكانش بيحبك بعد كدا جبنا احمد سمير اخده مني بالعافيه وداه عند جدته كل دا عشان يبعده عني قال هاخدكم وههرب او هأذيه …المهم كبرتي بين ايدي وانا كنت دايما قريبه منك جه ف يوم قولتله يطلقني واخدك قاللي هلي جث’تي طلقني يا اثير وركاني انا اتجوزت واحد ولما عرف اني اتخوزت واختفيت حب ينتقم منك انتي عشان يحر’ق دمي عليكي المهم انا اللي خليت احمد يهرب ودخل الكليه اللي نفسه فيها واشتغل واهو الله يسهله
اثير قاعده مندمجه ازاي مامتها بتحبها اوي كدا وخايفه عليها وعلي اخوها كملت كلامها وهي حاطه ايديها علي خدها: ها كملي ياماما

 

 

هيام : كنت بفكر بأي طريقه اني اساعدك فيها واهربك بيها فكرت اسيب فريد وطبعا فريد زمانه ف السجن لحد الان لأنه متهم ببيع مخد’رات ….المهم فكرت اقرب من فاروق الحارس بتاع سمير لأن كنت بحس منه اهتمام كبير وقت م كنت مع ابوكي ف استغليت دا واتجوزنا ووعدني انه مايقولش لسمير لأنه لو عرف هيقت’لما احنا الاتنين المهم بقيت اتصنط واحده واحده معاه كنت بخليه دايما يطمني عليكي ويجيبلي اخبار سمير وبس كدا
اثير بحزن : بس زعلت اوي انك قت”لتيه ياماما كنتي حتي علي اقل تسمميه
هيام : مش هينفع يا اثير لو سممته هيعرفوا انه انا ف لازم اعمل اي حاجه تانيه
___________________________
ادم : مقابل ايه لا طبعا قولي عايزه ايه
نسرين بحزن : انا عارفه انك ظابط وظابط شاطر…..في واحد كان نفسي انتقم منه بسبب انه قت’ ل بابايا
ادم بإستغراب: مين هي دي؟؟
نسرين : انا معرفش يا ادم انا عايزة اوصلله واجيبه نفسي ادوقه العذاب اللي انا فيه دلوقتي
ادم : طيب اهو ايه السبباللي قت’ ل ابوكي عشانه؟
نسرين : بصراحة معرفش…بس هو قت’ل اقرب واحد لياا يا ادم انا ماليش حد
ادم : ماشي يا نسرين انا هتصرف
” الفون بتاع ادم رن ….ادم رد”

 

 

ادم : الو
احمد: ايوه المقدم ادم
ادم : يبني هو انت مش قلتلي هتقوللي يا ادم عشان هبقا جوز اختك؟…هو انتوا رفضتوني ولا ايه
احمد بضحك : يا دوما احنا نقدر …حددنا معاد هيبقا بكرا الساعه 7 كدا
ادم : تمام علي خير
*******************************
– انا مش هسكت غير لما الواد دا يقع ف مشكلة
: انت اتجننت يا عم دا ظابط مخابرات هيجيبك ف طرفة عين
– مش عليا انا دا عيل معندوش خبره انما انا راجل كبير اقدر العب بيه براحتي
: انا مش عارف بس انا منصحكش يعني لو هتنفذ اللي في دماغك
– لو موقعتوش ف مشكله ف اقرب وقت مبقاش انا
*************************
” وجه تاني يوم وادم راح بعربيته ل بيت اثير…..ادم دخل وسلم علي عم اسماعيل واحمد وقعد”
عم اسماعيل: من يوم ماشافتك يبني وهي جواها كل الحب ليك والله ودايما تخليني ادعيلك
ادم بفرحه : ربنا يبارك ف صحتك….امال فين اثير

 

 

احمد بينادي: اثييرر تعالي انتي وامي
” ام اثير دخلت وبعدها اثير ماسكه ف ايديها صنيه شربات وقعدوا قدام ادم ”
ادم وهو بيبصلها …حس انها مش غريبه عليه: احم ازيك يعمتي
هيام : ازيك ياحبيبي نورتنا وشرفتنا
ادم ابتسملها : دا نورك والله ….”وجه كلامه لعم اسماعيل” نتفق ؟
عم اسماعيل: انا مش عايز اتفاقات يبني…انا عايزك تخلي بالك منها بس وتحترمها ولو عملت اي حاجه ماتمدش ايدك تعالى لكبيرها انا ولو ربنا اختارني يبقي احمد
احمد : بعد الشر عليك يابابا ربنا يديك الصحه
ادم : مش هقدر امد ايدي عليها يعمي انا ايدي تتقطع قبل م افكر امد ايدي عليها
” فضل اسماعيل يتكلم معاه ع حسن اختيار الزوجه وحسن التربيه وفضلوا يتناقشوا كتير جه الوقت بقا ان ادم يستأذن”
ادم قام وقف: يبقي تمام يا عمي الخطوبه هتبقي الاسبوع الجاي ان شاء الله
عم اسماعيل: علي خير ان شاء الله

 

 

احمد بإبستامه: خليك قاعد يعم الدنيا نورت
ادم وهو بياخد مفاتيحه: تسلم والله يا احمد ان شاء الله اشوفك بكرا
“ادم مشي روح البيت….وهيام دخلت تنام من غير كلام”
عم اسماعيل: عايزه حاجه يبنتي
اثير : ايه يبابا رايح فين
عم اسماعيل: هنزل يحبيبتي انام
اثير مسكت ايدوا وبصتله: لا يابا خليك
احمد : خليك يابابا معانا هنا
عم اسماعيل فرح بتمسكهم بيه : بس والدتكم بردوا مايصحش
احمد : لا يابابا امي بتنام ف الاوضه اللي جنب اثير وانا عندي سرير زياده تعالي نام ف اوضتي ….انا هنزل بس اجيب برشامة صداع من الصيدليه
***********************************
” في مكان تاني بنت بتجري بأقصي سرعه ووراها 5 شباب بيلاحقوها….احمد كان ماشي بالعربيه ولاحظها ”
احمد وقف العربيه : تعالي اركبي بسرعه
البنت ركبت بسرعه وبصتله بصدمه: ايه دا احمد؟

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية الخروج من صفقه)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى