رواية الشهر الأسود الفصل الأول 1 بقلم ندى شريف
رواية الشهر الأسود الجزء الأول
رواية الشهر الأسود البارت الأول
رواية الشهر الأسود الحلقة الأولى
احم احم اهلا بيكم في الشهر المظلم أو زي ما بيقولوا الشهر الاسود……ليه سميته كده؟؟…قصدي ليه سموه كده؟؟…عشان الشهر ده مبيطلعلوش شمس حرفياً…يعني ليل 24 ساعه…..و اكيد درجه الحراره بتكون تقريبا تحت الصفر …و طبعا الشهر ده مش هيعدي ع خير……ده في الشهر ده الطيور بتنتهز الفرصه و تطلع….بس اكيد مش اي طيور . . .
***************
الإذاعة : عاملين ايه يا رب تكونوا بخير…عايز افكركم بتاريخ النهارده….أو اقولكم انتوا كده كده عارفين…اتمني تكونوا مستعدين لبكره……بكره يوم صعب…و الصراحه مش بكره بس…ده الشهر كله…استأذن انا بقى عشان الحق اروح البيت ……اشوفكم الشهر الجاي…تن…..تن…..تن…برجاء التزموا الصمت و ابقوا في بيوتكم…..تصطحبكم السلامه . . .
★★★★★★★★★★★★★
سميحه : الحقي حطي الفويل على الشبابيك…بسرعه
جميله : حاضر يا ماما
سميحه : يا محمد انت و اختك بطلوا لعب…اقعدوا اتفرجوا ع التليفزيون و اشبعوا منه عشان مش هنشغله تاني
محمد : تمام
سميحه : انا نازله اجيب الأساسيات…تلاقي الناس كلها شمعت المحلات
جميله : و عقبال ما تيجي اكون خلصت الشبابيك
سميحه : خلي بالك على اخواتك..و انا مش هتأخر
جميله : تمام
★★★★★★★★★★★★★
حازم : انا جيت
نرمين : وحشتني
حازم : اديني يا ستي هقعد معاكي شهر كامل و مش هوحشك تاني
نرمين بقلق : انا خايفه اوي…..الولاده المفروض تبقى الشهر ده و مش عارفه هعمل ايه
حازم : متخافيش انا هبقى معاكي….و مش هخلي اي ضرر يمسك…..لا انتي و لا ابني
نرمين بقلق : ربنا يستر
حازم و هو يلطف الجو : بصي بقى انا جبتلك خزين يقضينا لحد السنه اللي جايه….عامله أكل ايه ده انا هموت من الجوع
نرمين : عاملالك محشي
حازم : و بتقوليها في وشي…..اجري اغرفيلي بسرعه
نرمين و هي تضحك : فوريره
★★★★★★★★★★★★★
سامح : مستعدين يا رجاله
_ مستعدين
شادي : الأسلحه كلها شغاله و الرصاص موجود….كله تمام من الآخر
سامح : اشطا….بس تستخدمهم للضروره مش عايزهم يتلموا علينا زي السنه اللي فاتت
شادي : متقلقش كلوا في الاحتياط
سامح : اكيد انتوا عارفين هتعملوا ايه
هشام : هنحاول نحمي اكبر قدر من الناس اللي موجودين في الشارع
سامح : فاضل ساعه اجهزوا
_ تمام
★★★★★★★★★★★★★
جميله : ايه كل التأخير ده؟؟….قلقتيني عليكي
سميحه : مانتي عارفه…..ده انا تعبت عقبال ما لاقيت الحاجه
جميله : طب غيري هدومك….و انا هحط الأكل
سميحه : تمام
بعد الغداء….
سميحه : فهمّي محمد و كنزي على اللي هيعملوه عقبال ما اغسل المواعين….السنين اللي فاتت كانوا صغيرين كنا بنعرف نسكتهم….بس دلوقتي هم بيفركوا كتير….فياريت بقى يا فلحوسه انتي تفهميهم بطريقه سهله
جميله : ماشي
و بدأت تنادي….
جميله : محمد…..كنزي…..تعالوا اقولكوا على حاجه
جاء محمد و كنزي و جلسوا بجانبها..
جميله : ممكن اطلب منكم طلب
كنزي : اتفضلي
جميله : ممكن لما الليل ييجي منعملش صوت خالص
محمد : ليه؟؟
جميله : في حاجه بره بتمنعنا أننا نعمل كده…..ها هتسمعوا الكلام؟؟
فأومأ كلاً منهما إيجاباً..
جميله : متأكدين؟؟
محمد : خلصينا بقى
جميله : عيل رخم صحيح……يلا كملوا فُرجه على التليفزيون
★★★★★★★★★★★★★★
حازم : 5
سميحه : 4
نادين : 3
سالم : 2
جميله : 1
ثم انطفأت الكهرباء و عم الهدوء….و الجميع أضاء الشموع..
و فجأه تَعالَىَ صوت الطيور…
سامح : استعدوا
ثم فتح الباب..
سامح : يلا بينا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الشهر الأسود)
تعليق واحد