رواية الصهباء الفصل الثالث 3 بقلم آلاء محمد
رواية الصهباء الجزء الثالث
رواية الصهباء البارت الثالث
رواية الصهباء الحلقة الثالثة
رد محمود وقال _دي اجمل وألطف برتقانه ف الدنيا وبصلي جامد كده قلبي اترعش فيه احساس غريب اوي جوايا اتجاه محمود ف وقتها حسيت اني مهمه عند حد بيحاول يطبطب علي قلبي ببعض الكلمات
اتكسفوا هما من رد محمود عليهم وسلموا عليا عادي من غير أي كلام دخلنا قعدنا انا ومحمود وأحمد جنب بعض وف وشنا قمر ومالك وعلي الجنب بابا وماما وعمتو وعمي وطنط
لقيت احمد بيميل عليا بيقولي -قمر اوي قمر دي
بصيتله بصه استحكار كده=زوقك زي وشك بالظبط
رد بثقه-يعني حلو انا قولت كده بردوا
ضحكت عليه غلبان احمد اوي فضل باصص علي قمر ومتنح كده كل شويه ازغد فيه علشان يتلم منظرنا بقي يعر قدام الناس بصيت علي محمود وقولت ف ودنه=اخوك فضحنا لمه بدل ملمه انا
_سيبيه يحب مالك عدوه الحب ليه
=تصدق انا غلطانه عيله تقرف
انا رايحه البحر
_استني اجي معاكي
=خليك انا شويه وجايه
سالت عمي مكان البحر طلع الشارع اللي قصادهم
استأذنت منهم علشان اروح وطبعا ماما وبابا مقولكوش
خلي بالك علي نفسك يا جوري
خلي حد يروح معاكي طيب
متنزليش البحر لتغرقي (مع العلم انا متعلمه سباحه )
وبعد توصيات دامت نص ساعه اخيرا نزلت روحت البحر اول أما شوفته وشميت اليود اللي بعشق ريحته قعدت علي كرسي قدام البحر علطول وفضلت اعيط قد ايه واحشني احمد اخويا قد ايه انا عانيت ف حياتي مع التنمر قد ايه معنديش أصحاب قد ايه انا وحيده وسط عالم كبير اوي
لقيت حد بيحط كرسي وبيقعد جنبي ببص لقيته مالك نفخت بحرقه اللي هو جاي تكمل ولا ايه
قال بصوت فيه ندم-حقك عليا ياچوري انا كنت صغير ومش فاهم وانتي كنتي مختلفه حقك عليا لو دايقت أو كنت السبب ف زعلك انا اسف
=كلامك علي راسي يا مالك بس انت لحد انهارده كنت بتسخر مني فمتقولش كنت صغير
-دي قمر مش انا
=انتوا الاتنين يا مالك متحورش
_حقك عليا عموما انا اسف مش هدايقك تاني خالص خالص
بصيتله=خالص خالص
-خالص خالص
ضحكنا وقعدنا نتكلم قدام البحر
انا مش حمل زعل وقرف وخناق وعياط تاني بكفي بجد كلنا بنغلط كلنا بنتنمر علي الناس واحنا مش واخدين بالنا
بصي لبسها عامل ازاي
بصي شعري
بصي سوده ازاي
بصي تخينه ازاي
بصي رفيعه ازاي
بصي طويله ازاي
بصي قصير ازاي
بصي ودانه عامله كده ليه
بصي مناخيره كبيره ازاي
كل ده تنمر كل ده تريقه علي حاجه ياريتها كانت بأيدينا دي خلقه ربنا الشاطر اللي ياخد باله يعرف أن دي مش روشنه انت بتجرح اللي قدامك ف حاجه هو ملوش فيها الشاطر اللي يعرف غلطه ويصلح من حاله ومش عيب انك تعتزر انت بكلامك جرحته وكلمت انا اسف أو حقك عليا بتداوي ولو حاجه بصيته من جرح كبير انت سببته ليه
اتصورنا انا ومالك ونزلناها علي الانستجرام وروحنا بعد ساعتين تقريبا عمالين نتكلم كويس مالك مش وحش زي ما انا كنت فاكره مالك عنده ٢١وقمر ١٩
روحنا البيت لقيتهم كلهم قاعدين ماعدا محمود سالت عليه قالوا يمكن ف الجنينه ببص لقيت قمر وأحمد عمالين يهزروا ويضحكوا جتك القرف يا احمد لما نقعد مع بعض بس هتشوف طلعت الجنينه علشان اشوف محمود لقيته بالفعل قاعد بس مقشر جامد اول مره اشوفه كده قعدت جنبه وانا بدعي ربنا أنه يسترها معايا انا غلبانه وصغيره
=مالك
_ملكيش دعوه بيا
=ليه بس كده بس كده بس (بصوت حزلقوم)
بحاول اهدي الدنيا بدل ما يديني بضهر أيده دلوقت
ضحك بس لف وشه النحيه التانيه وهنا اتاكدت أنه زعلان مني انا
=فيه ايه بس انا دايقتك
لف ناحيتي وياريته ملف
بعصبيه وزعيق_سيباني لوحدي وقاعدالي مع مالك بيه وأحمد وقمر قاعدين مع بعض وانا مليش حد خالص بقي عندك صحاب غيري تقعدي معاهم يبقي خلاص ملكيش دعوه بيه
الله الله الله محمود مقموص محمود غيران محمود بيطلع نار
بثقه وانا برجع شعري لورا=ايه دا محمود غيران عليا ولا ايه
_اتلهي
=هو اللي احنا بنعمله ف الناس هيطلع علينا ولا ايه
ضحك
=ضحك يعني قلبه مال
_مش هكلمك بردوا ها
مثلت الزعل =بقي مش هتكلم جوري حبيبتك يا محمودي
بصلي جامد ف نن عنيا وقال وهي بيبص ف الارض _لا بردوا محمود زعلان من جوري اوي
=متزعلش انا معنديش حد اغلي منك والله انت صاحبي وأغلب الناس لقلبي حقك عليا مش هقعد معاه تاني هقعد معاك انت بس
_انا معرفش حد هنا وانتي عارفه اني مبعرفش اتعامل مع الناس من اول مره مش زي البغل اللي بره اول اما شاف البت هوب كلام هوب نكت هوب سخافه
ضحكت=الواد بيحاول يبهرها ياعم متاخدش بالك احسن المراره واحده يا خويا
_عندك حق يا اوختشي
=اللي يشوفك يقول اجنبي يا اخواتي شعر وتاتو وملامح خواجه خواجه يعني تفتح بوقك يقول من امبابه
_امبابه دوله وانا فرد منها
سقفت وانا بضحك=الله الله تربيتي يولا ياحوده ياجامد
فضلنا نضحك قد كده
وجودك مع حد ميهونش عليه أنه يفضل زعلان منك اكتر من خمس دقائق ده نعمه وجودك مع حد أنت متقدرش علي زعله ده نعمه وجود حد ف حياتك قادر يغير مودك قادر يطبطب علي قلبك بابسط الكلام ده نعمه وجودك مع حد فاهمك وعارف قيمتك ده نعمه وجودك مع حد بيحتويك وواقف جنبك وقت زعلك ومرضك ده نعمه بجد
طلعنا نمنا الوقت مر عليا ف اسكندريه بقالنا ١٠ ايام كل يوم بنخرج نتفسح بنروح البحر نقعد مع بعض كلنا بليل الأهل حاجه ف قمه الجمال علاقتي انا وقمر اتحسنت سيكا بقينا بنتكلم ونهزر يمكن اللي خليني اخد الخطوه دي هو محمود وأحمد
لاني شايفه أن احمد بدأ يميل ليها وأحمد عندي حاجه كبيره ولازم احب اللي يحبه
ومحمود عايزني اتخطي اي حاجه حصلتلي علشان ابدا حياه سويه جميله مع كل الناس
كنت قاعده مع قمر ومالك ف الجنينه وبابا وباقي العيله مع بعض ف البيت مش عارفه محمود وأحمد فين نازلين من بدري وانا قلقت مقالوش ليا هما رايحين فين برن عليهم فونهم مقفول ايه القرف ده بجد يارب يكونوا بس كويسين
كله لاحظ توتري وقلقي لقيتهم داخلين عليا الجنينه قومت من مكاني جري عليهم وقولت بسرعه وقلق=انتوا كويسين حاجه حصلتلكم انتوا بخير قافلين فونكم ليه انا قلقت عليكم حرام عليكم بجد
حط محمود أيده علي كتفي_اهدي بس فيه ايه احنا كويسين المكان اللي كنا فيه مفيهوش شبكه أهدي
=كنتوا فين
_هتعرفي
لقيت احمد بينزل علي ركبه قدام قمر
الله الله الواد اتهور لا قوم يلا انت صاحبي وحبيبي انا بس قوم يلا (وده طبعا اللي كان بيدور ف دماغي )
لقيته بيقول -تقبلي تتجوزيني يلي سحرتي قلبي من اول ما قابلتك
فضلت قمر تتنطط وانا ببص اللي هو ايه اللي بيحصل ده ببص علي محمود لقيته بيضحك وبيسقف ايه الهطل اللي بيحصل ده ردت قمر عليه -طبعا طبعا
لبسها الخاتم وحضنوا بعض وبابا والعائله كلهم كانوا واقفين وقالوا إن الخطوبه الكبيره بعد اسبوع أن شاء الله
قعدنا انا ومالك ومحمود وأحمد وقمر جنب بعض مشغلين اغاني وعمالين نغني وندندن لقيت احمد بيرفع كم القميص لقيت كاتب قمر حياتي تاتو ايه المحن ده علي المسا قمر اول أما شافتها فضلت تعيط من الفرحه وتقوله بحبك بحبك وانا مرارتي بتبكي ف الزاويه من المحن
قاموا بعد مده وانا ومحمود اللي فضلنا
_حلوين اوي احمد وقمر
بصيتله وقولتله=ياعم روح شوف حالك دا انا مرارتي فرقعت
_غيرانه أن مفيش حد عملك كده ولا ايه
=اكيد لا انا مش وحشه اني استكتر علي حد حاجه حلوه انا بس مليش ف المحن
_بالعكس انا بشوفك رومانسيه جدا
=اللي انا بحبه بحب ادلعه بحب اعبرله عن حبي دايما بحب احسسه بوجوده المميز ف حياتي دايما بحب اعمله حاجه تفرحه يعني مثلا لو بيحب الكيكه اعمل الكيكه مخصوص ليه علشان اشوف الفرحه ف عينه لو بيحب مكان معين لو هفضل سنه كامله بحوش علشان اوديه المكان ده بعمل بس علشان اشوف فرحته الحب حاجه كبيره كل الناس بتحب
اللي بيحب أهله
اللي بيحب عائلته
اللي بيحب صحابه
اللي بيحب نصه التاني
كلنا بنحب كلنا نستحق الحب مهما كنا عاملين ازاي
_كلامك لطيف
=زيك بالظبط
_عايز اقولك حاجه
=قول يا آخره صبري
_انا بحبك
=أن أن اهههه (بصوت خالتي نوسه)
_ايه الرد ده
=اصلي اتفاجئت
_واضح انتي هتقوليلي
بصيت ف الارض بكسوف الصراحه قلبي دلوقتي بيرقص وانا هموت وأقوم ارقص انا كمان بس والله استحي قلبي حبه من اول أما شافه شاف فيه فتي أحلامه شاف فيه قلبه الطيب الحنين شاف فيه الحنيه والتفاهم شاف فيه اللي كنت بحلم بيه انا حبيت محمود من اول مقابله من اول نظره من اول كلمه هو يستاهل حب الدنيا ده كله يبقي ليه هو يستاهل حبي هو يستاهل كل حاجه جميله شبه قلبه الجميل الدافئ الحنين الطيب هو حد ميتعوضش نظرته كفيله أنها تغير قلبك كفيله تفك ميت قفل علي قلبك من كتر الصدمات كفيل أنه ينعش قلبك ويخليه نضيف وبرئ هو حد مشوفتش زيه ولا هشوف هو حد ميتوصفش بكلام هو كل كلام الدنيا الحلو ميكفيهوش هو اللي ملك قلبي هو اللي يستحق قلبي
قولتله وانا ببص ف عيونه وانا متاكده مليون مره من احساسي اللي مكنتش فهماه غير بكلمته هو حبيب جويريه ومالك قلبها=بحبك اكتر بكتييييييييير
بفرحه _قولتي ايه
=قولت بحبككككككك اويييييييي
قام اخدني ف حضنه قد ايه مريح قد ايه هو جميل قد ايه بحبه الولا ده
طلع من أيده خاتم ونزل علي ركبه وقال _تتجوزيني
=هو فيه حد هيرضي بيك غير طبعا يا ولا
_بموت ف رومنسيتك
اخدني حضن تاني قد ايه لقيت الراحه معاه احساس مختلف وانا معاه
اتفقنا أننا هنعمل حفله خطوبتنا مع احمد وقمر علي البحر
يوم الخطوبه
وانا بحط الميكب واه انا اللي بحط لنفسي لاني شاطره جدا فيه حطيت لقمر كمان بس عملتلها هي قبلي علشان انزل تاخد السيشن اكون انا خلصت مطلعاهم كلهم بره لحد اما اخلص لاني مبحبش الدوشه بتوتر
لقيت حد بيدخل عليا فاتح القميص الابيض والشورت الابيض ببص لقيته احمد اخويا قومت جري حضنته شالني من علي الأرض وانا بعيط من الفرحه بقالي ٤سنين مشوفتهوش=وحشتني اووووووووي
وحشت قلبي وعيوني وحشت جوري
-وحشتي احمود يا بت ياجوري كبرتي واحلويتي وهتتخطبي كمان يا بت
بعياط اصلي كئيبه يا جماعه= جوري كبرت واحمود مش معاها اتفووووو عليك
-ايه يا هبله القلبه دي حقك عليا انا خلاص مش هسيبك تاني أن شاء الله
حضنه جامد اوي =بحبك يا احمودي
لقيت حد بيشدني من ايدي بيبعدني عن أحمد ببص لقيته محمود بص لاحمد وقال _انت مين
-انت اللي مين
=احمد ده محمود خطيبي وابن عمتو
=محمود ده احمد اخويا اللي حكيتلك عنه
حضنوا وسلموا علي بعض ونزل احمد علشان يسلم علي العيله لانه طلعلي علي طول
لقيت محمود بيقولي _كنت هموتكم
ضحكت=ليه بس
_لقيتك حاضنه واحد انا معرفهوش وبتقوليله بحبك عيزاني اعمل ايه اقوم ارقص
بهزار =ياريت
ده اخويا العشق ياعم
ببص عليه لقيته علي صدره كده حاجه مكتوبه بالتاتو قربت وقريت لقيته كاتب بالخط العربي (احبك يا مالكة قلبي بين كوسين جوري)
=ايه ده شكله تحفه اوي
_عملته مع احمد ساعت الاعتراف بالحب بس محبتش حد يشوفه غيرنا
=حلو جدا بحبك اوي يا محمودي
_عجبك
=عايز الصراحه
_طبعا
=مبقاش فيه مكان ف جسمك فاضي من كتر التاتوهات احنا مسلمين يا عم مش كده
_دول علي الطبقه الخارجيه مش دق
=كلهم واحد يا حبيبي
_تمام
=انت زعلت انا بفهمك أن ربنا اهم مني يا محمودي
_عندك حق
=بحبك
_بحبك
بدأنا الخطوبه من احلي ايام حياتي بعد يوم لقاه
رقصنا انا وهو علي اكتر اغنيه بنحبها
🎶كلام عينيه ف الغرام احلي من الاغاني من كلمتين من سلام ببقي حد تاني لما يميل قلبي انا وياه يميل تفديه عيوني وعمري كله مش قليل
ياليل ياليلي حبيب سنيني ياليل ياليلي من غرامه ليلي طااااال حبيب سنيني 🎶
واحنا بنرقص لقيت المأذون داخل علينا لقيت محمود بيميل عليا _عايزك تبقي مراتي انا متاكد مليون ف الميه انك اللي تستحقي حبي وقلبي وعمري كله انتي حبيبت سنيني بحبك يا جوري
عيط=بحبك اوي اوي يا قلب وروح جوري
كتبنا الكتاب
(بارك الله لكما وبارك عليكما وجمع بينكما في خير)
قومنا حضنا بعض بس المراضي بنحضن بعض واحنا قره عيون بعض واحنا متجوزين يالهوي يالهوووي انا اتجوزت وانا كمان شهر هبقي ١٩يا خالي ياعوض ودوني الجامعه
بعد مرور خمس سنوات
=بصي بقي انا مجنونه وممكن ارميكي من الشباك يا بت انتي
طفله ف الرابعه من عمرها صهباء الون قليله الادب طلعتلي لسانها وبتقولي-مش هتعرفي تعمليلي حاجه
قعدت اعيط انا بجد تعبت واتخنقت واه يا جماعه انا بتغاظ بسرعه وقماصه كمان
لقيته بيدخل علينا بطلته البهيه الجميله بعد مشال كل التاتوهات اللي كان عاملها علشان ربنا علشان عايز يقرب من ربنا اكتر
لقيته قرب مني بخضه_فيه ايه ياروحي مالك
=انا تعبت واتخنقت كيان عماله تدايقني من السبح انا مش عايزاها خلاص
_اهدي يما دي حبيبت قلبي لو انتي مش عيزاها انا عايزها
لقيتها بطلعلي لسانها بتغيظني بعد اما حضنها
قعدت اعيط اكتر
اخدني ف حضنه _مالك بس يا جوريا
=بتقولي انك بتحبها اكتر مني وانت قولت أنها حبيبت قلبك بتحب حد غيري يا محمودي
_بحبها علشان منك
حضنته وانا بقوله=بحبك
_بعشقك
-انا طالعه لنوح بدل ما مرارتي تفرقع
قعدنا نضحك=متنسيش تقولي لطنط قمر وعمو احمد ينزلوا قعدوا معانا
-حاضر
_لسه حبي ليكي زي ماهو لسه نظرتي ليكي زي ماهي لسه بحبك زي اول مره
=لسه قلبي بينبهر بيك وبحبك لسه قلبي مبيحبش قدك ولا هيحب لسه شيفاك فارس احلامي واكبر واجمل وحلي من احلامي بكتير كمان
وتحت مقوله اختر لقلبك ما يليق به اخترتك ❤️
تمت
لقراءة الرواية كاملة اضغط على : (رواية الصهباء)
