رواية البنت غير الشرعية الفصل الثامن والأربعون 48 بقلم ياسمين
رواية البنت غير الشرعية البارت الثامن والأربعون
رواية البنت غير الشرعية الجزء الثامن والأربعون
رواية البنت غير الشرعية الحلقة الثامنة والأربعون
اليوم صبحت مبكرة غسلت لبست حوايجي مشطت شعري مكياج خفيف وجدت دوزاني ناض يوسف قالي صباح الخير الشاطرة قتلو صباح النور هبطنا تقهوينا وصلني للجامعة وهو راح لخدمتو كملتي قرايتي درت فوتوكوبي على الدروس لي غبتهم مع العشية روحت للدار مع يوسف ،هذي 15 يوم جبتها غير قراية نسهر مرات حتى ل 2 والصباح نوض بكري نروح نقرا وقت الفراغ نبقى مع رجاء نريفيزو مع بعض مرات حتى مع العشية ونبقى معاها حتى نكملو يجي يوسف يعشيني برا وندخلو نروح طول لشومبرتي منقعد معاهم منشوفهم غير عجوزتي نصيرة لي نصبح عليها وهوما موش عاجبهم الحال غير مرة ويقيسولي الهدرة بصح انا منديهاش كامل فيهم وهوما ذاك وين يزيدو أميمة خاطيها كي نتلاقاو نتسالمو عادي صح علاقتنا مهيش كيما من قبل بصح تاني موش متعاديين ، السمانة هذي الاختبارات راني حاطة معاهم قلب ورب كيما يقولو الحمد لله اليوم نهار التالي فوت غير الصباح تغديت برا وجيت للدار خلاص التعب مكملني قلت خلي ندوش نحي التعب ونجي نرقد
عمرت لابينوار وجيت فيه يا عمري ذيك الراحة قريب رقدت فيه ، نضت كملت دوشي وشللت مع نجي خارجة من لابينوار ونزلق ونطيح على مساسيطي ياحي نضريت بصح حكيتها ووليت نضحك على روحي مزية غير وحدي نشفت شعري ظلمت الحالة وجيت في بلاصتي جبتها برقدة منضتش حتى لل6 لقيت ظهري داير فيا حالة قلت سيغ من الطيحة برك شعلت لاتيلي وبقيت نتفرج بصح السطر غير يزيد يقوى دخلت عندي عجوزتي جمعت معاها شوية وراحت عيطلي يوسف قالي جاي إذا نجيبلك من برا ولا توجدي روحك نخرجو قتلو لالا عيانة منخرجش قالي صحا شوية جا لاح السلام رجعتلو قالي واش بيك وجهك صفر قتلو لالا بالاك غير من التعب والسهرة قالي معليش راني وصيتهم يطلعونا العشا قتلو درت مزية والله ماحاملة نشوفهم ولا نهدر معاهم جا داخل للدوش حتى قالي بسمة يسجيك معليش ديريلي تيليفوني في لاشارج مع وقفت حسيت غير بحاجة سخونة هبطت مع سيقاني وذيك التبهديلة لابسة فوندوغوب تحت الركبة غير شوية جا يوسف يجري واش هذا الدم لي هابط معاك حشمت قالي بالعادة يا حي عندي 5 شهور هنا ولا مرة عرفني وينتا مريضة بيها و هذي المرة تفضحت قالي روحي غسلي ممبعد ندخل أنا دخلت غسلت ولبست سروال مع ليكات خيط وباينة درت ساغفيات خرجت لقيتهم
جابولنا العشا أنا وياه نتعشاو بكري موش كيما هوما قعدت نستنى فيه حتى يغسل ويجي بصح السطر غير يزيد يلز ليا عيطت لكريمة قتلها جيبيلي تيزانة خرج تعشينا مقدرتش ناكل بالسيف طبعت لقمات مالغري جيعانة قالي هيا كولي قتلو مقدرتش حنا هكاك جابتلي كريمة التيزانة شربتها وهو كمل عشاه وخرج السنيوة ورجع قعد في بيروه وقيلا عندو خدمة عييت نستحمل مقدرتش نضت مرتين بدلت الثالثة دخلت بدلت وخرجت رحت عندو كان مكوسونتري مع خدمتو منتبهش كامل معايا حتى حطيت يدي على كتفو دار ليا واش بسمة غير الخير قتلو موجوعة بزاف معليش تديني للسبيطار يديرولي تشكة وقف مخلوع واش يوجع فيك قتلو كرشي غير من …..قالي موالف تتوجعي هكا قتلو لالا نتوجع بصح موش لذي الدرجة زرب لبس وانا لبست غير المونتو والبوت جينا هابطين مع الدروج قالي هيا نرفدك قتلو لالا قادرة نمشي قالي مالا شدي فيا نتي اطيحي مع هبطنا لقيناهم ذاك وين يتعشاو قالتنا زينب وين بيها نتوما ديما برا كملنا طول مجاوبناهاش كامل ركبنا اللوطو وقلعنا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
تعليق واحد