رواية حب اخر الفصل الرابع 4 بقلم رنا سليمان

رواية حب اخر الجزء الرابع

رواية حب اخر البارت الرابع

رواية حب اخر الحلقة الرابعة

_اكدب عليا وقول انها كويسة يا دكتور …….قول انها هتخرج دلوقتي وهتبقي كويسة
_انا اسف………حاولت اعمل كل اللي اقدر عليه علشان انقذها بس مقدرتش………انا حذرتها كتير ان حِملها دا ممكن ينهي حياتها بس هي مسمعتش كلامي وصممت تكمل الحِمل……..البقاء لله يا استاذ اياد
سابني واقف في مكاني ومشي………مشي بعد ما قالي ان احلي حاجة في حياتي راحت………الحاجة الوحيدة اللي كُنت مستعد اعمل اي حاجة علشانها راحت……..قعدت علي الارض وبدات اعيط ومش قادر اصدق انها راحت…….طيب ازاي قدرت تسيبني وتمشي…….في الوقت اللي انا محتاجها فيه……..ازاي هقدر اعيش من غيرها ……..دا انا كُنت مصدقت ربنا جمعني بيها بعد تعب ………لية اخدها مني بالسرعة دي……..كُنت قاعد علي الارض وبعيط ……..تايه ومش حاسس ب اي حاجة حواليا………لقيت وحد وقف قدامي………بصيت ل فوق لقيت الممرضة واقفه وشايلاه علي ايديها………قومت وقفت وبصتلها وحاولت ابعد نظري عنه………بدات تتكلم
_البقاء لله يا استاذ اياد………دا قضاء ربنا ولازم حضرتك تتقبله حتي لو كان صعب………ابن حضرتك دلوقتي محتاج لوجودك جمبه لانه فقد والدته من اول ما جاه علي الدنيا
فضلت باصص عليها وبهز في راسي ب لا……..بعدت عنها وخرجت من المستشفى ومهتمتش بصوتها وهي بتنده عليا……..خرجت من المستشفى بسرعة…….مقدرتش اني اخده في حضنه او حتي اشوفه………مش قادر اتخيل انه بسبب اتحرمت من جميله باقي عُمري واني مش هشوفها تاني……….مش هقدر اني اعيش معاه في نفس البيت ……..عارف انه ملهوش ذنب في اي حاجة حصلت بس………بس لو جميلة مكنتش حامل فيه كُنت هتكون بينا دلوقتي ومكنتش هتحرم منها
كُنت قاعد في العربية ومرجع راسي لورا بتعب……..بصيت علي البيت وانا مش قادر انزل من العربية ولا ادخل البيت……..مكنتش قد اللحظة دي ولا اني اشوفه بعد اربع سنين………اتنهدت وفتحت باب العربية ونزلت منها……..قفلت الباب وفضلت واقف وباصص علي البيت وانا بحاول اني اتاخر في دخول البيت ب اي طريقة………..بدات امشي بخطوات بطيئة وانا بحاول اقدم رجل واخر الثانية لحد ما وصلت لباب البيت………اتنهدت وبدات اخبط علي الباب لحد ما فتحت………اول ما شافتني بدات تعيط واخدتني في حضنها ……….حضنتها وبدات انا كمان اعيط……….من يوم موت جميلة وانا مانع نفسي اني اشوف اي حد فيهم ……كُنت عارف اني غلطان واللي عملته دا مينفعش علشان كدة مكنتش بحاول اقابلهم علشان عارف اللي هيحصل ……..عيني جات عليه وانا حاضنها……..فضلت باصص عليه وهو بيلعب ومش واخد باله مني……..بعدت عنها وبدات اقرب منه…….قعدت جمبه علي الارض وفضلت باصص عليه……..اول ما شافني ضحك ليا واداني العربية اللي كان بيلعب بيها……..اخدته في حضني وبدات اعيط
“رنا”
_كان لازم اعمل كدة يا مريم……..لو مكنتش عملت كدة مكنش هيروح ويشوفه……..بس انا لية حاسة اني عملت حاجة غلط واني مكنش ينفع اقوله كدة اصلا
_انتي مش غلطانة……..انتي عملتي الصح واللي كان لازم يحصل واديكي شوفتي النتيجة انه راح ل ابنه وهيجيبه اهو…….لو مكنتيش عملتي كدة اياد عُمره ما كان هيروح لكريم
_صح……..قوليلي انتي عملتي اية مع خالد……….لسة متخانقين
_يعني انتي سايبة كل المشاكل اللي عندك وبتفكري في علاقتي ب استاذ خالد
_ما دي مشكلة بردو من مشاكلي يا مريم……..انتي مش اختي ولازم اعرف اللي مزعلك واحاول اساعدك
_ربنا يخليكي ليا يا رنا……..بس خلاص…….مبقاش في حل غير الطلاق
_انتي اللي بتقولي كدة يا مريم……..مش دا خالد اللي عملتوا المستحيل علشان تتجوزوا و وقفتوا قدام اهلكم علشان تتجوزوا……..جايين دلوقتي عايزين نتطلقوا وتنهوا اللي بينكم السهولة دي
_اومال عايزانا نعمل اية يعني يا رنا……….رنا احنا بقالنا ١٠ سنين متجوزين ومش قادرين نجيب طفل واحد……..كل الدكاترة قالوا اننا معندناش مشاكل واننا نقدر نخلف بس ربنا اللي مش عايز ………انتي فاكرة ان الموضوع سهل عليا واني انا اللي طالبة الطلاق……….بالعكس يا رنا انا اكتر واحدة مش عايزة الطلاق ولو بعدت عن خالد ممكن اموت بس……..بس انا علشان بحب خالد هعمل كدة………مش انانية مني والله بس انا عايزاه يكون مبسوط وانا عارفة انه هيكون مبسوط لو بقي اب………يمكن لو راح واتجوز غيري تعوضه وتخلف ليه الطفل اللي نفسه فيه………في نفس الوقت انا مش هقدر ان واحدة تانية تشاركني فيه يا رنا………انتي اكتر واحدة المفروض تحسي بيا يا رنا بلاش تكوني زيهم انتي كمان
قعدت جمبها واخدتها في حضنها وطبطبت عليها وحاولت اهديها
_ربنا عارف انتو قد اية بتحبوا بعض يا مريم ……..دا اختبار منه علشان يختبر صبركم وحبكم ل بعض…….ان شاء الله ربنا هيكرمكم وهيبقي عندكم اطفال كتير……..هو عُمره ما ساب حد احتاج ليه ……….صدقيني يا مريم ربنا هيحلها من عنده وهيكرمكم ب اكتر من اللي كُنتو عايزينه بس انتو اصبروا شوية وبلاش تضغطي على خالد وتقوليله كل شوية طلقني……..حالد بيحبك يا مريم ومش عايز يبعد عنك
_غصب عني يا رنا……..انا بعمل كدة علشان انا كمان بحبه وعلشان عايزاه يكون مبسوط حتي لو مش معايا
_ان شاء الله يا حبيبتي ربنا هيحلها من عنده……..بس انتي ادعيه وخلي خالد يدعيه وهو عُمره ما هيرد دعوتكم
_يا رب يا رنا
فضلت واخدة في حضني وانا ب طبطب عليها لحد ما هديت وبطلت عياط
“اياد”
_كدة بردو يا اياد……..٤ سنين بحالهم وانت ولا بتسأل فينا ولا بتيجي تشوفنا
_كُنت فاكر اني كدة بعمل حاجة صح واني لما ابعد عن كريم هنسي اللي حصل………مكنتش اعرف اني اول ما اشوفه هيحصلي كدة………شكرا يا امي
_بتشكرني علي اية يا حبيبي
_علي انك خليتي بالك من كريم طول الوقت دا……..وانك كمان جيتي ل رنا وقولتلها عنه………لولا كلامك ليها وانها جات وكلمتني انا مكنتش جيت انهاردة
_خلي بالك من مراتك يا اياد……..شكلها طيب وبنت حلال
_حاضر……..ممكن تجهزي شنطة كريم علشان هنروح
_بالسرعة دي……..طيب حتي استني اتغدا معانا يا حبيبي
_مش هينفع يا امي ………مرة تانية ان شاء الله
_طب حتي استني سلم علي ابوك
_لسة مش قادر اني اواجه يا امي علي اللي عملته دا……..بس ان شاءالله هاجي قريب
_ماشي يا حبيبي…….هستناك يا اياد تيجي انت ومراتك وولادك
_ان شاء الله يا امي
قامت وحضرت شنطته…….فضلت قاعد وباصص عليه وانا علي وشي ابتسامه……..اخدته وروحنا علي البيت وعرفته علي فريدة ورنا……..فضل هو وفريدة يلعبوا وفريدة كانت مبسوطة وهي بتلعب معاه………اكتشفت ساعتها اني كُنت غبي………غبي لما بعدت ولادي عن بعض وحرمت ابني اللي ملهوش غيري في الدنيا مني………سيبته اربع سنين بعيد عني من غير حتي ما اشوفه او اخده في حضني ………لولا كلام رنا معايا كان زماني لسة مكمل في غلطي دا وكُنت هبقي بعيد عنه………الحمدلله اني اتجوزتها………بعد معاناة ل رنا مع كريم وفريدة علشان يسيبوا اللعب ويدخلوا يناموا قدرت تقنعهم ودخلت كل واحد فيهم علشان ينام………كُنت واقف قدام باب الاوضة وساند ايدي علي الباب وباصص عليها وهي بتغطي كل واحد فيهم ………قفلت النور وخرجت وقفلت باب الاوضة………بدات تتكلم وهي بصالي
_هيناموا مع بعض انهاردة لحد ما نعمل لكريم اوضة ليه ونحطله الحاجات بتاعته فيها……..انا هروح احضرلك العشا
_رنا
_نعم يا اياد
_انا مش عارف اشكرك ازاي………لو مكنتيش عملتي اللي عملتيه معايا دا وكلامك مكنتش فكرت حتي اني اروح واشوف كريم……..انتي مش فاهمة انا كُنت محتاج اني اشوف كريم اكتر ما هو كان محتاج يشوفني ازاي
_دا واجبي اللي كان لازم اعمله……..انا عملت كدة علشان فريدة وكريم واي حاجة هتكون في مصلحتهم هعملها حتي لو انت مش موافق عليها يا اياد
_شكرا مرة تانية يا رنا………رغم غلطتي معاكي واني ضحكت عليكي في موضوع جوازنا وفهمتك اني بحبك بس
_اياد لو سمحت بلاش نفتح الموضوع دا……….اللي انت عملته معايا دا حاجة ووجودي هنا حاجة تانية………انا لو علي اللي انت عملته معايا انا عُمري ما كُنت هسامحك ولا هفضل في البيت دا دقيقة واحدة بس انا هنا بس علشان فريدة وكريم ……….ف ياريت لو سمحت يكون تعاملنا علشان خاطر الاولاد وبس غير كدة اتمني ميكونش في تعامل بينا لاني مش هسامحك علي كدبك ليا دا يا اياد
سمعنا صوت زعيق جامد جاي من الاوضة……..جرينا انا وهي علي الاوضة واحنا خايفين ومش فاهمين في اية