رواية عشقته فدمر حياتي الفصل السابع 7 بقلم مي أحمد

رواية عشقته فدمر حياتي الجزء السابع

رواية عشقته فدمر حياتي البارت السابع

رواية عشقته فدمر حياتي الحلقة السابعة

مايا/ بصدمه ودموع انت ايه اللي عملته ده انت كمان لك عين تواجهني بعد اللي عملته باي وش جاي
صحيح بجح
جواد/ لا انا كده صدقت انك انت الشريفه العفيفه بقى انا جواد المنوفي يتعمل فيا كده بتخونيني بتخونيني يا مايا ومع مين مع اخويا نسيتي كان بيقول عليك ايه دلوقتي هو بقى البطل وانا الوحش مش كده؟
ساكته ليه؟ ما تتكلمي ولا ما لقاش كذبه مناسبه تخدعيني بيها انا ما صدقتش اللي الكلام اللي قالته لي ندى وكنت دايما بوثق فيك انت انسانه خبيثه جدا وشيطانه بجد
مايا بدموع /
خلاص اسكت مش عايزه اسمع حاجه
جواد/انت ازاي خاينه كده ازاي قدرت تنسى كل اللي بينا اول ما بعدت عنك رحت اتجوزت اخويا ولا كاني كنت في حياتك معقول كل اللي بينا كان وهم اتكلمي ساكته ليه؟
مايا بدموع/انت ما لكش حق انك تحاسبني انت سبتني ولا همك نظره المجتمع والناس ليا يبقى تنساني يا جواد احنا مش حننفع لبعض انت اناني ما بتفكرش غير في نفسك انا دلوقتي مرات اخوك يا ريت تعاملني على الاساس ده
وما تحاولش انك تتخط حدودك معايا لو سمحت ابعد عن طريقي وابدا حياتك مع واحده غيري وما تحاسبنيش على حاجه انت عاملها انت الوحيد اللي مش من حقك انك تتكلم في موضوع جوازي اكيد عارف ليه مش كده
لو سمحت بعد خليني امشي جوزي اكيد زمانه جاي من الشغل
جواد بقهر /انت مش هتكوني لحد غيري انت بتاعتي انا وبس انا اكيد كان عندي اسبابي بس انت ايه اسبابك انك تتجوزي وتتجوزي مين اخويا اتكلمي ساكته ليه اكيد كنت بتحبيه من ورايا وانا اللي كنت خايفه على مشاعرك وازاي احط عيني في عينك بس انا بديكي فرصه ان احنا نرجع لبعض لاني انا مش هسيبك انت بتاعتي انا وبس فاهمه ولا لا يا مايا
كان ماسك ايديها جامد وبيضغط عليها بصيت له بصه مليانه وجع والم للاسف هي لسه بتحبه بس مش قادره تنسى اللي عمله فيها واتكلمت بتحدي عكس اللي جواها تماما/لا مش فاهمه يا جواد انت اللي لازم تفهم انك تبعد عن حياتي عارف ليه عشان انا حامل هتقبل انك تاخد واحده حامل من غيرك
جواد بصدمه/ ايه حامل
مايا بوجع /ايوه حامل وهبقى ام شايله طفل من محمد جوايا انا نسيتك يمكن اكون ما قادراش اسامحك على اللي انت عملته بس في النهايه انت ابن عمي وهتبقى عم ابني عشان كده مش عايزه اي حاجه تبقى بينا غير انك اخو زوجي وبس يا ريت تكون فهمت كلامي انا مش هقول لك انت عملت كده ليه وسبتني ليه عشان زي ما بيقولوا الضرب في الميت حرام وانت بالنسبه لي ميت يا جواد ارجوك حاول تتفهم قراري
جواد بجنون /انت بتقولي ايه حامل ازاي قبلت على نفسك ان هو يلمسك ازاي نسيتي كل حاجه بينا يا مايا انت عارفه انا بحبك قد ايه ليه مش عايزه تفهمي اني كنت مجبوره ان اسيبك وانا بعثت لك رساله بتبين لك ان انا كان لازم اسافر عشان مهمه سريه ومهمه جدا في الشغل بتاعي انت عارفه مستحيل اتخلى عنك يا مايا
مايا بصيت له وابتدي تضحك ضحك هستيري
بجد يعني انت عايز تقول لي انك بعثت لي رساله عارف يا جواد انت احقر انسان شفته في حياتي
خدت كم وقت عشان تفكر في الكذبه الجديده دي للاسف يا جواد كذبتك باينه قوي انا اقول لك الحقيقه انت هربت وسبتني لاني ما نسبكش وعلشان خدت اللي انت عايزه وعرفت اني رخيصه
وما الاقيش بسعاده البيه جواد المنوفي الرائد الكبيرودلوقتي اخترعت الكذبه دي
وعشان ترجع العيله وتخلي جدي يسامحك عايز تطلع نفسك انت البريء وانا الوحشه مش كده
مش كده ولا انا غلطانه يا استاذ جواد على العموم انا مش بعاتبك عشان زي ما قلت لك انا بعتبرك ميت مش موجود على الحياه واللي بينا خلاص انتهى انا دلوقتي شايله اسم واحد ثاني غيرك ولو فكرت فيك او قربت منك ابقى خاينه زي ما انت بتقول انا عمري ما هعمل حاجه تغضب ربنا يمكن غلطت مره لما سلمتك نفسي وقلبي لكن انا مش هغلط تاني فاهم يا جواد مش هغلط تاني
جواد بجنون قرب عليها ومسكها من ايديها جامد وبص في عينيها وقال في تحدي يعني انا خلاص ما بقاليش مكان في قلبك يا مايا يعني كل حاجه بينا انتهت يعني تقدري تشوفيني مع واحده غيرك ده
مش هياثر فيكي حاجه
مايا وهي بصه في عيونه بحزن عميق كان نفسها تقول له ان هي حامل في ابنه كان نفسها تترمي في حضنه ودلوقتي بيسالها ان هي تقدر تشوفه مع حد غيرها معقول مش شايف الحب اللي في عينيها هي مش هترجع توثق فيه تاني هي وثقت في مره وندمت بعدت كل الافكار دي عند دماغها و اتكلمت
ايوه انا مش انانيه يا جواد عايز تكمل حياتك كمل انا مش همنعك تقدر تروح وتكمل حياتك وزي ما قلت لك انت ابن عمي وهتفضل اخويا الكبير اللي بلجا له لو حصل مشكله وموضوع جدك ما تقلقش منه انا هحاول اخليه يسامحك ممكن تسيب ايدي بقى
جواد بهدوء /غريب تمام انتي اللي بدات يا مايا اعملي حسابك ان اللي جاي نار مش هتحرق غيرك انتي
وانت اللي لعبت بالنار بالاول يبقى تستحملي وبخصوص جدي انا مستنيه ومش خايف من حد عشان انا ما غلطتش واه كمان نسيت اقول لك موضوع اني شايفك رخيصه انا عمري ما شفتك رخيصه انت كنت دايما غاليه في عيني بس النهارده بس شفتك على حقيقتك
قال الكلماته و سابها وخرج وهي اول ما خرج اترمت على الارض في عياط هستيري جاي دلوقتي بيلومها هي وعايز يطلعها هي الخاينه هي اللي كسرت العهد اللي بينهم هو بيقول لها انه مستعد يرجع لها يرجع لها ازاي وهل هو هيصدق ان الولد اللي في بطنها ابنه طبعا لا لازم تحرمه من ابنه هي ايوه بتعاقب نفسها وبتبعد نفسها عن حبه اللي تغلغل جواها
ودمرحياتها ايه ذنب محمد هي مش انانيه عشان تفكر في نفسها وبس حتى هو مش جاي يعتذر ده جاي بيلوم وبيعاتب على حاجه هي ما عملتهاش
هي بتعترف ان القرار اللي اخذته كان قرار صعب عليها بس هي كانت واخداها من زمان من اول ما سابها وهي كانت ناويه ان هي عمرها ما هترجع له
فضلت تعيط عيطي هستيري وهي بتضرب على قلبها وبتتكلم انت ليه لسه بتحبه بعد كل اللي عمله فيك؟ ليه ضعفت اول ما شفت نظره الحب في عينيه؟ مش هو ده اللي ذبحنا ؟مش هو ده اللي خدعنا باسم الحب؟ اللي فضحنا وكسرنا ليه لسه بتدق له؟ ليه حاسس ان هو مظلوم؟ ليه كان نفسك تترمي في حضنه؟ ليه بعد كل اللي عمله مش قادر تكرهه ؟ليه انا للدرجه دي ما عنديش كرامه؟ للدرجه دي انا مستحيل ابقى خاينه ايوه انا مش خاينه عشان اخون الايد اللي اتمدد لي في الوقت اللي ما كانش حد فيه واقف معايا محمد ما يستحقش مني كده ما يستحقش اني ما احبهوش
انت يا قلبي امرك غريب بتحب اللي كسرك بتحب اللي ذلك وهانك وخلي الناس كلها تفرح فيك ومش قادر تحب الراجل اللي وقف معايا وضحى بكل حاجه عشاني انا لازم احاول اتقبل حياتي الجديده وانسى جواد انا دلوقتي هبقى ام و حتى الحكايه دي بتفكرني بيه انا شايله حته منه جوايا يا رب قويني
على النار اللي شعله في قلبي 💔💔💔💔💔😢😢😢😢😢😢😭😭😭
وفضلت تعيط
******************
اما في الناحيه الثانيه في اوضه جواد
كان واقف بيكسر في كل حاجه في اوضته وبيتذكر كلماتها اللي كسرت قلبه تتهمه ان هو اتخلى عنها
حتى ما رضيتش تسمع مبرره معقول تكون بتحب محمد ايوه اكيد بتحبه عشان كده هي حامل في ابنه في النقطه دي قلبه شعل بنار الغيره اكثر وفضلي يكسر في الاوضه بشكل جنوني
اتذكر لما راح بعد ما اخلص المهمه واللي هو رفعت محمد ابو ندى بلغوا بالخبر
فلاش باك
اللواء رفعت/ عفارم عليك يا بطل كنت عارف ان انت قدها
جواد باحترام /احنا تلميذك يا فندم تؤمرني بحاجه تاني عشان انا تعبان فعلا ومحتاج ارتاح
اللواء رفعت بحزن مصطنع /كان في خبر كنت خايف اقوله لك
جواد بستغرب/ خبر ايه
اللواء رفعت/ بصي يا جواد الجواز اسمه نصيب يا ابني عشان كده عايزك تكون قوي
جواد بخوف /في ايه ما تقلقنيش مايا يحصل لها
حاجه
اللواء رفعت/ ما حصلهاش حاجه بس الماياه اتجوزت اخوك محمد
جواد بصدمه/٠ انت بتقول ايه مستحيل الكلام اللي بتقوله ده ماياه مستحيل تعمل كده
اللواء رفعت/ اهدى يا جواد كل حاجه هتبقى كويسه ما تقلقش وما تزعلش 100 بنت تتمناك واكيد هتتلاقي بنت الحلال تريحك
جواد بجنون /مستحيل الكلام اللي بتقوله ده يبقى صح انا رايحه البيت دلوقتي وخرج وهو متعصب
عوده من الفلاش باك
رجع من ذكريات وهو حزين بس الحب والتملك سيطر عليه
جوا بجنون /مستحيل مستحيل ماياه تعمل فيا كده طفلتي اللي انا ربيتها على ايدي اللي ما تعرفش حد في الدنيا غيري انا ما بقتش ليا خلاص بس لا هخليك تندمي يا مايا
انت اللي لعبت النار بالاول زي ما حرقتيني النار الغيره هخليك تضقي نفس الكاس اللي انت ذوقته لي ما بقاش انا جواد المنوفي اما خليتك تبكي بدل الدموع دم وادفعك ثمن خيانتك كويس قوي
هعرفك اذا انت تقدري تشوفيني مع واحده غيرك ولا لا
خرج من البيت وهو نيران الغيره والحب بتاكل في قلبه هو نار الانتقام بتشعل في عينيه
بعد كم ساعه
محمد كان جي من الشغل ودخل غرفته ليق مايا قاعده على السرير و وسرحانه في عالم ثاني
محمد باستغراب /في ايه يا مايا مالك يا حبيبتي باين عليك انك تعبانه اطلب لك الدكتور في حاجه وجعاكي
مايا بتوتر/ لا ابدا بس شويه صداع هيروحوا لحالها قول لي انت ايه اخبار الشغل معاك
محمد بحب وتعب والله اليوم كان متعب وجد وبابا قالوا هيجوا على اخر النهار من السفر وكان الشغل كله عليا النهارده بس الحمد لله ابتديت ادخل في الشغل بسرعه
مايا/ محمد كنت عايزه اقول لك على حاجه بس خايفه تفهمني غلط
محمد بشك /في ايه يا حبيبتي قولي ما تقلقيش انا مستحيل افهمك غلط
ماياه بتوتر
محمد جواد كان هنا النهارده
محمد بصدمه /ايه طب عمل لك ايه اذاكي قال لك ايه
ايه كان رد فعل لما عرف ان احنا اتجوزنا
ما يا بكذب/ اهدى ما عملش حاجه ده بالعكس ده
بارك لنا واتمنى لينا السعاده مع بعض
محمد باستغراب /بجد يعني جواد ما عملش اي رد فعل يعني ما تضايقش
مايا باستغراب وحيره/ في ايه ما هو اللي سايبني هيضايق ليه؟
محمد بتوتر لا ابدا بس انت عارفه جواد متملك وما يحبش حاجه بتاعته تروح لحد ابدا حتى لو هو سابها على العموم خلاص كويس ان هو رجع عشان ماما كانت قلقانه عليه ما تزعليش مني يا مايا ده مهما يعمل اخويا
مايا بحب/ لا عادي انا كمان هعتبره كانه ابن عمي وهحاول انسى اللي هو عامله يمكن يكون صعب بس مش مستحيل وبعدين عشانك انت هحاول اسامح
اللي انت عملته معايا محدش كان هيعملوا معايا ابدا
محمد بحزن/ لا عادي ولا يهمك انا هدخل اخد شاور
وشكرا لانك سمحتي جواد
راح محمد ناحيه الحمام عشان يهرب من عينيها ومن تانيب الضمير اللي هو بيحس بيه كل ما تجيب سيره الموضوع
اول ما مشي محمد اتنهدت وبصت بحزن على نفسها وعلى الحاله اللي وصلت له بس دعيت ربنا ان هي تكون قد الحرب اللي جايه لان اللي جايه مش هيكون سهله ابدا
بعد شويه وقت خرج محمد من الحمام وظبط نفسه ونزل هو ومايا عشان جه ميعاد العشا وابو ه وجد وصلوا من السفر
والكل كان متجمعين على السفره
اول ما نزلوا كل واحد قاعد مكانه علي
السفره كلهم بداوا ياكلوا لكن فجاه لقوا جواد دخل عليهم
جواد بهدوء/ كده برده يا جدي ما تستناش حفيدك
هي مايا ما قالت لكمش اني جيت ولا ايه
ناديه بحب جواد
وحضنته جامد خرج من حضن امه
وراح ناحيه جده اللي بص له بصه غريبه
جواد بحب وحشتني يا جدي ولسه راح يحضنه لكن الجد بعد وراح ضربه بالقلم
جواد بصدمه وعيون حمراء 😱😭 جدي