رواية حب لن يموت الفصل الثاني 2 بقلم عادل عبدالله

رواية حب لن يموت الجزء الثاني

رواية حب لن يموت البارت الثاني

رواية حب لن يموت الحلقة الثانية

الحلقة الثانية
وذات ليلة استيقظت ام اميرة من نومها فجأة وبحثت عن اميرة ووجدتها تقف في الشباك امام ناصر بينما كانا يتحدثان في الموبايل ويتبادلا الابتسامات .
ام اميرة : بتعملي ايه عندك يابت ؟
اميرة ( في ارتباك ): ولا حاجة يامه .
ام اميرة : بتكلمي مين يا بنت الكلب ياللي هتفضحينا …وراحت عليها علشان تضربها .
ناصر لما سمع صوت بكاء اميرة وامها بتضربها كان زعلان لكن مش عارف يعمل ايه خصوصا ان الوقت متأخر بالليل .
تاني يوم الصبح حاول ناصر انه يتصل بأميرة لكن كان تليفونها مقفول .
استناها عند المدرسة علشان يطمن عليها مشفهاش خارجة من المدرسة .سأل صحباتها و عرف انها مش راحت المدرسة .
زاد قلق ناصر عليها وحاول يتصل بيها طول اليوم تليفونها مغلق لحد قبل المغرب بشوية.
تليفون اميرة اتفتح واتصلت بناصر . ..
ناصر : زي ما يكون روحي كانت رايحة مني ورجعتلي .طمنيني عليكي يا قلبي .كنت هموت من قلقي عليكي .
اميرة : امي بهدلتني البارح وكانت هتموتني لما شافتنا بنتكلم .وخدت مني التليفون ومنعتني من الخروج من البيت وقالت ان اول واحد هيتقدملي هتجوزه غصب عني .
ناصر : انتي مش هتكوني لحد غيري متخافيش .لكن انا عاوز اطمن عليكي اكلمك ازاي واعمل ايه .
اميرة : انا شيلت شريحة الخط من التليفون قبل ما اعطيه لامي وكل ما هقدر هبقي احط الخط في اي تليفون واكلمك لحد ما امي ترضي عني وتعطيني التليفون تاني .
لكن المشكلة دلوقتي مش عارفه هعمل ايه لو امي عملت زي ما قالت وتجوزني لاول واحد يتقدملي .
ناصر : وماله خليها تجوزك اول واحد يتقدملك .
اميرة :بتتكلم بجد !!
ناصر : ايوه بتكلم بجد .
اميرة : ازاي بقه !!انت عبيط يابني ولا بتستعبط ؟
ناصر : علشان انا اول واحد هتقدملك .
اميرة : بتتكلم بجد .طب احلف كده .بجد يا ناصر .انا بحبك اوي يا ناصر .بتتكلم جد .يا قلبي ياناصر .
ناصر : ايه يا بنت المجنونه في ايه .ايوه بجد .هو معقول اسيبك تضيعي مني !! ده مستحيل يحصل ابدا .انتي قلبي وعمري وروحي اللي عايش بيها .هتشوفي بكره هعمل ايه .
اميرة : طب سلام دلوقتي علشان امي زمانها هتلم الفرشة وتدخل .
بعد ما رجعت من الشغل احاول اشوف اميرة .لكن مفيش فايدة .الشباك مقفول .طلعت البيت فوق ودخلت وقفت في البلكونه .هكلم امها ازاي؟ ويا تري امها هتوافق ولا لاء ؟ وهل ابويا هيوافق ولا لاء ؟ خصوصا ان الفلوس اللي معايا علي اد الخطوبة ويمكن احتاج فلوس تاني كمان .
فضلت افكر لغاية ما النهار طلع وروحت فطرت ولبست وخرجت علي شغلي .
وفي نص اليوم استأذنت من صاحب الورشة امشي نص يوم .
روحت البيت استحميت ولبست قميص وبنطلون حلويين ووقفت في البلكونه مستني ام اميرة تخلص شغل وتدخل بيتها .
لكن مش قادر استني .نزلت ورحت اخدت قفص وقعدت جنب ام اميرة وكلمتها ….
ناصر : ازيك يا ماما ؟ انا عارف انك زعلانه مني لكن صدقيني انا بحب اميرة واديني اهو جاي البيت من بابه .
ام اميرة : بس كلامك للبت من ورايا عيب يا بني .ودي مش اصول .ترضاها لاختك ؟
ناصر : انا عارف انه غلط لكن انتي عارفه ان امي ماتت وانا صغير وانا بعتبرك امي وعاوزك تسامحيني وتنصحيني .
ام اميرة : ماشي يا ناصر مسمحاك يابني .
ناصر : طب دلوقتي انا طالب ايد اميرة منك قوليلي اعمل ايه وانا من ايدك دي لايدك دي .
ام اميرة : لا يا حبيبي مش هينفع .
ناصر : مش هينفع ازاي يعني ؟
ام اميرة : مش هينفع وخلاص .شيل الموضوع ده من دماغك .لكن عاوزاك تبعد عن البت علشان نفضل جيران و غاليين عند بعض .
ناصر : لا معلش انا لازم اعرف السبب.
ام اميرة : هي لسه صغيرة وبتكمل تعليمها وانت كمان ياحبيبي لسه صغير .وقدامك المشوار طويل .اعتبرها اختك يا حبيبي وانسي الموضوع ده .
ناصر : احنا نعمل خطوبة دلوقتي والجواز بعد ما تخلص تعليم .
ام اميرة : وتفضل داخل خارج علينا وبعدين الله اعلم بالنصيب ..ده غير ان انا مش شايفة انك بتعمل حاجه في مستقبلك .اعتبرها اختك وانسي الموضوع ده .
ناصر : انتي بتقفلي الكلام من كل الجهات معايا ومش عاوزة تديني فرصه ليه ؟
ام اميرة : يا حبيبي انا مش بقفل الكلام .هو مقفول لوحده .يلا يا حبيبي علش