رواية المقابل الفصل الخامس 5 بقلم سارة نصر

رواية المقابل الفصل الخامس 5 بقلم سارة نصر

رواية المقابل الجزء الخامس

رواية المقابل البارت الخامس

رواية المقابل الحلقة الخامسة

= طب هو فين دلوقتي؟
– هو في المستشفى
= يوه لسه مخرجش
– في عمليه هيعملها علشان كده انا بشتغل علشان اوفر فلوس ومكنتش بحضر
= علشان كده متعرفش حاجه في المنهج
– منتي بتفهمي اهو
= شكرا ان شاء الله صاحبك يكون كويس بعد اذنك همشي بقا
– ايه ده
= ايه؟
– انتي بتتكلمى حلو زي بقيت الناس اهو
= طب تصدق انا غلطانه علشان انا بحترمك
– لا ياستي انتي مش غلطانه ولا حاجه
= طيب انا ماشيه
– اوصلك
= لا شكرا انا هروح انا
– سلام
= سلام
_____________

(( وتعدي الايام وانا معرفش حاجه عنه مش بس الايام والشهور كمان والسنين كنت بشوفه في الجامعه لكن مش بكلمه هروح اقله ايه تعال كلمني مينفعش لغايت ما اتخرجت من الجامعه وبرده معرفش حاجه كنت بشوفه في صمت تاام ))
(( كان نفسي اكلمها اقولها على الى بيحصلي المره اللي اتكلمت معاها ارتحت جدا في الكلام معاها كل ما اشوفها احاول ابعد عيوني عنها بس لا اراديا ببص عليها نفسي اسالها عامله ايه و..و..ووحشتيني اه وحشتني نفسي اكون معاه بس مش ده وقته اكيد الكلام ده له وقت وهتكون جمبي ))
______________
: ريناد
= ايوه يا مامتشي
: بطلي الطريقه دي يا بت انتي
= ليه بس يا مامتشي
: بت
= احم احم ايوه حببتي
: في عريس جاي النهارده
= ايه يع عرييييس لا لا
: هو انا بقول عفريت انا بقول عريس
= مش عاوزه يا ماما
: هو ايه اللي مش عاوزه انا بعزم عليكي بكيس شبسي
= انا لسه مش مستعده خاالص يا امى
: ليه بس يا ريناد
=…………
: خلاص يا ريناد اللي انتي عوزاه
= طب انا لو قابلته ورفضت عادي
: اه يا بنتي لو ارتحتي يبقى خير وبركه ولو لا يبقى مفيش نصيب انتي اللي هتقرري
= طب هو جاى امته
: بليل ان شاء الله
= ماشي يا ماما
_____________

~ وحشتيني يا زفته
= انتي برده
~ مالك؟
= في عريس جاي النهارده
~ بجد لوووولووووي
= انتي عبيطه يا به
~ انا جيالك علشان نجهز
= نجهز ليه هو انتي هتقابليه معايا
~ يمكن اطلع انا باخوه ولا صاحبه او اي حاجه
= هههههههههههه طب يالا يا اخرة صبري
~ دقايق وابقى عندك سلااام
= ياسمين
~ ايوه يا قلبي
= اتاخري
~ هههه ليه
= علشان انام شويه
~ روحي تك داهيه
(( ياسمين احلى صاحبه بجد جماعه انا مش هنكر انى كان نفسي ييجي هو حتى عشمي ان يطلع هو العريس انا حبيته اه حبيته دي اكبر غلطه انا عملتها علقت نفسي بحد انا معرفش هييجي ولا لا ))
خرجني من شرودي صوت الفون بيرن ببص لقيته رقم غريب مردتش رن تاني رديت
= الو
………….
= مين معايا
– هتستنيني
= م..مين
– ادم
= ادم مين
-معقول مش فكرانى
= ………
– ريناد ريناد
– لا مش فاكره انت مين وبلاش الشغل ده انا واحده في مقام مخطوبه
– ايه م ايه
= مخطوبه في ايه

– انتى بتتكلمى بجد
= حضرتك عايز ايه
– عايزك مش عايز غيرك
(( قفلت معرفتش اتكلم هقول ايه انا فعلا مستنياك هقوله وانا كمان عيزاك ))
رن تانى مردتش وتالت فضلت مردش لغايت ما سكت بس بعت على الواتس نفسي ارد واول كل اللي جوايا بس مش عارفه
~ هيييي هييي
= ايه يا مجنونه
~ اخيرا هلبس سواريه
= ياسمين بالله انا مخنوقه
~ متخافيش عارفه ان هو اول عريس تقابليه
= طب يلا يلا
___________
فضلنا نجهز لغايت المغرب والعريس ده المفروض جاي بعد العشا جه المغرب وحسينا بدوشه بره خرجنا وانصدمنا
– عمى انا طالب ايد بنت حضرتك
+ والله يابني مش عارف اقولك ايه المفروض جايلها عريس بعد العشا
– واديني سبقته قولك ليه
= نشوف العروسه
(( طبعا كلنا عارفين احنا عملنا ايه دخلنا جوه بسرعه عمرنا ما نقول ان احنا كنا بنتصنت ههههههه))
+ ريناد
= ايوه يابابا
+ عايز اقولك على حاجه
= خير يا بابا العريس مش جاي
+ لا هو جاي بس فيه واحد تاني جه
= واحد ايه يا بابا
+ عريس يا بنتي
~ اللهم صلي على النبي عرسين في يوم واحد
= عليه افضل الصلاه والسلام طب هنعمل ايه يا بابا
+ قومي قابلي العريس اللي بره
= احم حا..حاضر
+ يلا حببتي
: خدي العصير يا ريناد
= هاتي يا ماما
= السلام عليكم

– وعليكم السلام اذيك
= احم الحمد لله بخير
– ايه مش عايزه تشوفيني موحشتكيش
= احم احم منا عارفه ان انت
– ادم اه انا ادم
=…………..
– بتقفلي السكه في وشي
= مينفعش انى اكلمك
– صح بس انتي مش مخطوبه
= كنت بعرفك انى مش هفضل دايما
– ورسالتك وصلت ها
= ها ايه
– موافقه تكوني معايا
= هو انت بتشتغل؟
– هههههه اه بشتغل محاسب في شركه كويسه
= انت بتضحك على ايه
– ولا حاجه المهم موافقه
= هاه هفكر
– وش التقل مش حلو عليكي
+ ها يا ولاد
– موافقه طبعا يا عمي
= لا يا بابا
+ لا ايه يا بنتي
– لا هتفكر يعني صح
= احم اه
+ ماشي يا بنتي اللي فيه الخير يقدمه ربنا
– ان شاء الله يا عمي
+ اتفضل يا بني رايح فين
– انا همشي بقا
+ خليك اما نشوف مين على الباب
+ احم اهلا اهلا اذيك يا يوسف اتفضل اتفضل يا حج
^ اذيك يا راجل يا طيب
+ الحمد لله اتفضلوا جوا
• السلام عليكم
– وعليكم السلام انت العريس
• اه متعرفناش بحضرتك
+ دا ادم يبني

– علشان احوش الحرج من على عمي انا بتاسفلكوا انا كنت خطيب الانسه ريناد بس حصل مشاكل لكن جيت النهارده وكل حاجه بقت تمام الحمد لله
^ احم طيب احنا هنمشي احنا بقا معلش ربنا يتمملكوا بخير
~ عمو اتفضل
+ هاتي يا ياسمين
+ اتفضلوا يا جماعه اشربوا
• هى دي بنت حضرتك يا عمي
+ لا يبني دي صاحبت ريناد
– لو عايزها اخلصلك معاها
• ههههه يا ريت
^ طيب بعد اذنكوا بقا
+ ليه يا حج خليك شويه
^ معلش بقا
– زعلان يا جو
• والله ان جيت للحق انا جاي هنا علشان امى فربنا يتمملك بخير بس شوفلي صاحبتها هههههه
– بس كده عيوني نشوفلك صاحبتها
• مع السلامه
+ سلام
+ الحمد لله عدت على خير كنت متوقع ردت فعل غير كده
– الحمد لله يا عمي الخطوبه امته بقا
+ مش لما العروسه توافق يا بني
– ادخل اسالها هتقلك موافقه
+ طيب الخميس الجاي
– يااه لسه اسبووع
+ اهو على ما الشبكه تيجي والفستان والكلام ده
– وماله بس عندي طلب
+ اتفضل
– عايز اكتب الكتاب ودي فكر فيها براحتك من هنا للخميس
+ ماشي نفكر
– طيب استاذن انا بقا
+ اذنك معاك

(( طبعا كلنا عرفنا مين اللي واقف ورا الستاره ورامي ودنه بيسمع اكيد انا ههههه حاسه اني مبسوطه اوي فرحانه الكون مش سايعني من الفرحه ))
~ مبروك يا قمري
= الله يبارك فيكي كنتي بتجهزي علشان تاخدي اخو العريس ولا صاحبه اديكي اخدتيه هو نفسه
هههههه
~ بس يا بت الكلام ده بس علشان يخفوا الحرج شويه بس
= لا يشيخه
~ اه والنبي
+ ريناد
= ايوه يا بابا
+ مبروك يا بنتي
= الله يبارك فيك يا بابا
+ ادم عايز يكتب الكتاب ايه رايك
= الى حضرتك شايفه يا بابا
+ يبقا على بركه الله ادم شاب كويس مش محتاج نتعرف عليه وانا عارفه كويس
: مبروك يا قلب امك
= الله يبارك فيكي يا حببتي
~ طيب يا جماعه اروح انا بقا
= سلام
: طب اقعدي شويه
~ معلش يا طنط علشان متاخرش
: ماشي سلام يا حببتي خلي بالك من نفسك
= ايه يا ماما دا شقتهم الشارع اللي ورانا
: بس يا بت
~ هههه مع السلامه يا طنط
= باااي
_____________
(( لا بجد انا مش مصدقه جه اليوم اللي هكون معاه حد مصدق انا بتمنى انى لو في حلم مصحاش منه ))
وجه اليوم المنتظر
(((( بارك الله لكما وبارك عليكما وجمع بينكما في خير ))))
(( الجمله دي بعدها لقتني بتشد من وسط الناس كلها علشان اكون معاه هو))
– بحبك
= وانا
– وانتي ايه
= بحبك
– ايه
= ب ح ب ك
___________

على الجانب الاخر
• اذيك
~ احم اهلا
• ممكن طلب
~ نعم
• رقم عمي
~ ليه
• في عنده حاجه بتاعتي عايز اخودها منه
~ حاجه ايه
• اممم هاتي الرقم وانا اقلك
~ اجبلك بابا نفسه
• يا ريت
~ اهو هناك اهو
• هو ده
~ اه
_____________
واخيرا ريناد مع ادم
وياسمين ينتهي بها الامر مع يوسف
_____________
النهايه🌚❤

لقراءة الرواية كاملة اضغط علي : (رواية المقابل)