رواية انتقام أنثى الفصل الخامس 5 بقلم إيمان شلبي

رواية انتقام أنثى الفصل الخامس 5 بقلم إيمان شلبي

رواية انتقام أنثى الجزء الخامس

رواية انتقام أنثى البارت الخامس

رواية انتقام أنثى الحلقة الخامسة

 انتي كويسه ياحبيبتي ؟

قالها يامن بلهفه وخ*وف وهو بيخرج حلا من حضنه ،حلا اللي كانت مرع*وبه ،جس*مها كله بيتنفض من الخ*وف ،واللي اول ما شافت قصي بيحط المس*دس في وش يامن اترمت في حضنه من غير تفكير ،الكل استغرب رد فعلها ،حتي هي نفسها استغربت ،مين يامن ده عشان تض*حي بحياتها عشانه ،ده مجرد شخص لسه عارفاه من اسبوع بالتقريب ، ليه تض*حي بنفسها وترمي نفسها في حضن الم*وت لأجل يبقي بخير !

معقوله تكون حبته ؟! طب ازاي وامتي ،مكانتش لاقيه اي اجابه ،هي كل اللي تعرفه في الوقت ده أنها عايزاه بخير وبس !

يامن وهو بيح*اوط وشها بين ايديه وبقلق : حلا ردي عليا فيكي حاجه انتي كويسه

حلا بصت في عينيه وهزت رأسها من غير كلام …

قصي وهو بيسقف بسخريه : لا برافو بجد قصه الحب الرهيبه ديه مش معقوله ،لحظه ابكي ..

في الحقيقه ان الرصاصه مآذتش حد ،ديه كانت مجرد تهد*يد من قصي هو عارف هو مصوبها فين ،صوبها في الحيطه لكن الكل اعتقد ان يامن أو حلا اتصابوا ..

يامن بعد حلا من قدامه وكش*ر عن أنيابه وشمر عن ساعديه وقرب من قصي وض*ربه بوك*س في وشه ،نزل فيه ض*رب بكل غ*ل وغي*ظ …

قصي مكانش قادر يقاوم ،ماهو صحيح يقاوم يامن ازاي وهو اقوي منه ؟ يمكن قصي بي*كره يامن ومن زمان ،يمكن بيحاول يخسره كل اللي بيحبوه ويحبهم لأجل الغ*ل اللي ماليه ،يمكن اتقرب من حلا عشان يح*رق قلبه لانه عرف أنه بيحبها ،يمكن عشان العيله كلها شايفه أن قصي فاش*ل و*فاس*د ،مش بيعمل اي انجاز في حياته غير الس*رمحه وأنه يكسر قلب البنات عشان يبان الدنجوان ،انما يامن الشاب الناجح الطموح المحبوب المتدين اللي كل الصفات الحلوه فيه !

يامن كان بي*ض*رب في قصي ب*غل ،لدرجه أنه جاب دم من كل مكان في وشه ،محدش من رجاله قصي قدر يتدخل ،لانهم عارفين ايه اللي هيحصل في النهاية ،هيطلعوا خسرانين كالعاده …

حلا بصوت عالي وبدموع : يامن خلاص عشان خاطري ..

يامن كان رافع أيده لفوق ولسه هينزل علي وش قصي بس علقها في الهواء لما سمع صوتها ،ضغط علي أيده بغي*ظ وغمض عينه وهو بيتنفس بغض*ب وقام وقف وهو بيقول بحده…

لولا غلاوه حلا عندي انا كنت زماني مخرجك من هنا ج*ثه ..

قصي حاول يقوم ،سند ذراعه الاتنين علي الارض وقام بضعف وتعب وهو بيبص لرجالته بغي*ظ وغ*ضب ووجه بصره ليامن اللي كان واقف مربع أيده الاتنين وبيبصله من فوق لتحت بقر*ف ..

قصي وهو بيتنفس بتعب وبيرفع سبابته وبتحذ*ير : كلامنا لسه مخلصش يا يامن ،واقسم بالله له*ندمك

يامن ببرود : يالا برا انت وشويه النسوان اللي جاي تتحامي فيهم ..

خرج قصي هو ورجالته ويامن لف لحلا اللي كانت واقفه بتترعش وبخوف ودموع ..

يامن وهو بيقرب منها وبيمسح دموعها بهدوء ورقه : خلاص اهدي

عم حلا واللي كان وكيل ليها هي واختها في كتب الكتاب ،قام وقف واتكلم بغل*ظه ..

اقدر افهم ايه اللي حصل ده ومين ده ؟

يامن وهو محاوط كتف حلا وبشجاعه وبرود : ده خلاف قديم بيني وبين ابن عمي وانتهي ياحج محروس

محروس وهو بيبصله برفعه حاجب : وايه هو الخلاف بقي يااستاذ يامن ؟

يامن : خلاف عائلي ياحج ..

محروس بغيظ : وانا ايش ضمني أن الخلاف ده مش هيطول ومش بعيد بنت اخويا تتآ*ذي !

يامن بضيق : بنت اخوك في عيني متقلقش ..يالا ياحج عشان نكتب كتاب امنيه وأحمد ..

محروس هز رأسه بغي*ظ وخلص كتب الكتاب وكل واحد راح علي بيته ماعدا يامن وأخوه ..

ام حلا بدموع : انا مش عارفه اقولكوا ايه ياولاد ربنا يخليكوا يارب ،ا انا طبعا عارفه اني ورطتك انت واخوك ،هو بس شهر بالكتير ولو حابين تطلقوا البنات انا علي راحتكوا،لحد بس ما أدبر مكان محدش يعرفنا فيه ..

يامن : بس انا مش هطلق حلا ياامي

احمد بجمود: وانا مش هطلق امنيه

امنيه وهي بتبصله بغي*ظ: بس انا عايزه اتطلق!

احمد وهو بيبصلها من فوق لتحت ببرود: في المشمش

امنيه بعصبيه وهي بتدبدب في الأرض : هو ايه اصله ده انت مجنو*ن !

احمد : امممم واضح كده ياطنط انك مربت*هاش كويس

امها وهي بتبصلها بحرج : اه يابني حقك عليا

احمد بابتسامه بارده : ولا يهمك انا هتولي مسؤوليه تربيتها ..

امنيه وهي بتحط ايديها في وس*طها بغ*يظ: ليه أن شاء الله كنت ابويا ،كنت اخويا ،كنت حبيبي !

احمد وهو بيم*يل بجسمه وبيتكلم بهمس في ودنها وهو بي”غمز بطرف عينه : جوزك ياقمر ،وقره عينك

امنيه بتوتر ووشها كله احمر : مستفز.

يامن : ممكن نتكلم شويه ياحلا ده بعد اذنك ياطنط ..

ام حلا : طبعا يابني اتفضلوا

يامن شبك ايديه بين ايديها وراحوا علي البلكونه ..وهي ماشيه معاه زي المتغيبه عن الوعي ،حاسه بأمان لاول مره تحسه ،لمسه ايديه فيها دفئ مش طبيعي ،حضنه كأنه معطف بيحسسها بالدفي والآمان …

يامن وهو بيطرقع صوابعه قدام وشها : حلااا

حلا بأنتباه: هه نعم

يامن وهو بيسند بذراعه علي سور البلكونه : بقولك كنتي عايزه تعرفي انا بعمل كل ده ليه ..

حلا بتوتر : ليه يا يامن

يامن غمض عينيه بقوه مانع نفسه يحضنها ويدخلها بين ضلوعه ،لاول مره تقول اسمه ،لاول مره يحس أن اسمه جميل كده ،هو لاول مره قلبه يدق كده …

يامن بحب : عشان بحبك ياحلا

حلا وشها بقي احمر ورمشت عده مرات وقلبها بيدق حتي أن صوت دقاته وصلت لمسامع يامن …

حلا بتوتر اكبر وهي بتفرك ايديها : ا ازاي ..

يامن وهو بيتنهد تنهيده طويله : زي الناس ،شوفتك اكتر من مره في الكليه ،حبيتك ،حبيت عفويتك ،طفولتك ،جن*انك ،حبيتك من غير مجهود منك ياحلا ،مش عشان غيرتي نفسك ،بحبك من زمان عشان شوفتك بقلبي مش بعيني …

حلا بدموع : ي يعني انا ا اتحب فعلا ..

يامن وهو بيمسح دموعها برقه : طبعا تتحبي ياحبيبتي ..

حلا بطفوله : مش هتمل مني ؟!

يامن بابتسامه برزت غمازته : عمري ما همل منك ..

حلا : هو انا ممكن احضنك ؟!

يامن بصلها وابتسم ابتسامه واسعه وهو بيش*دها لحضنه وباس شعرها وقال بحنيه …

حضني ملكك في أي وقت ياحلا ..

حلا غمضت عينيها وهي سانده رأسها علي صدره ومحاوطه وس*طه ومغمضه عينيها بأمان ،كانت حاسه قلبها هيخرج من مكانه ،وهي في حضنه ،مبسوطه مرتاحه والاحري من كل ده حاسه بآمان افتق*دته من سنين ،في الوقت ده افتكرت جمله شافتها علي الفيس بوك من كام شهر

لسه فاكرة أول مرة شوفته فيها وكان بيبصلي إزاي، كنت عارفة إني هحبه، وحبيته !”

ساعتها حلا فضلت تقرا الجمله ديه اكتر من مره وهي بتتمني تحس بالشعور ده ،تتمني تحس بالحب ،وتتمني تحس ان في حد بيحبها بجد ،تتمني تحب وتتبادل نفس الشعور ،تتمني شخص يشوفها كل مره ينبهر بيها وكأنه اول مره يشوفها ،تتمني حد تحس معاه بالآمان ،وبالفعل كأن ربنا استجاب لدعوتها وجه يامن بين يوم وليله ،حسسها انها اجمل بنت في العالم ،حسسها انها تتحب وهي كمان كانت عارفه انها هتحبه وبالتقريب هي حبته !

………………………………………….

احم ا انت عندك كام سنه يااخ ..

ديه كانت جمله امنيه اللي مامتها سابتها تقعد مع احمد شويه عشان يتعرفوا.

احمد وهو بيبصلها وبهدوء : ٢٦

امنيه : امممممم اكبر مني يعني

احمد بسخريه : مش كتير يعني

امنيه وهي بتبصله بغي*ظ: وانت تعرف انا عندي كام سنه اصلا ؟!

احمد بتريقه : عندك ٢٢ اصلا

امنيه : احم ،ا انت عرفت منين ؟!

احمد وهو بيضحك علي غبائ*ها : بطاقتك مثلا ؟!

امنيه وهي بتحك رأسها بغ*باء : تصدق صح ..

احمد وهو بيبصلها وبيهز رأسه وبيضرب كف علي التاني بضحك ..

امنيه برفعه حاجب : انت بتضحك علي ايه ياعسل ؟!

احمد وهو بيقعد جنبها علي الكنبه وبيه*مس في ودنها : ولما انا عسل انتي تبقي ايه ؟!

امنيه كانت متوتره جدا وقلبها كان بيدق بطريقه رهيبه ووشها كله احمر …كانت هتقوم بس هو مس*ك ايديها وقال بخ*بث

مالك يا قطه رايحه فين ؟!

امنيه بتوتر : ل ل ل لو سمحت عيب كده ممكن حد يشوفنا

احمد بهمس : طب وايه يعني مانا جوزك

امنيه كانت هتعيط وهي بتبص لأحمد اللي كان بيبص في عينيها بهيام ،سرحت للحظه في عينيه ،مالت بنص راسها وهي بتبص في لونها ،كانت بني غامق ،قلبها دق بسرعه ،ابتسمت بدون وعي وهي بتقوله بهيام …

عينك

احمد بابتسامه هادئه : مالها ؟!

امنيه : حلوه اوي

احمد : عينك احلي منها ..

امنيه بنبره صوت باكيه : ياخرابي

احمد بقلق : مالك في ايه؟!

امنيه : شكلي هحبك وانا اصلا بكراش علي اي حد معدي ..

احمد بضحك : هههههه طب ما تحبيني

امنيه بهيام : يخرب*يت ضحكتك

احمد : لا لا ده أنا شكلي انا اللي هحبك ..

امنيه بتوتر : ب بقولك ايه تشرب شاي

احمد : مش بحبه

امنيه بابتسامه واسعه : الحمد لله

احمد باستغراب : مالك استغربتي ليه ؟!

امنيه بحرج : اصلي عليا واحد شاي لو شربته تاكل صوابعك وراها ..

احمد : حلو يعني

امنيه : توء

احمد برفعه حاجب : اومال ؟!

امنيه : هتاكل صوابعك من الن*دم

احمد بضحك : هههههههههههه يخربيت فقرك ،طب وبالنسبه للأكل ايه نظامه احفظ رقم الإسعاف ولا ايه

امنيه بحرج : ا احم ورقم الم*طافي كمان ..

احمد : امممم شكلك ست بيت هايله

امنيه : عليا واحد اندومي محصلش

احمد بخفوت : اوعي تقولي لحد الكلام ده لتتحدسي

امنيه بخفوت اكبر : عيبببب محدش يعرف الكلام ده غيرك يامعلم

احمد بتعجب : معلم ؟!

امنيه باستغراب : ايه في حاجه ؟!

احمد بضحكه هادئه : لا يباشا مفيش

واضح كده انكوا اتفاهمتوا ؟!

ديه كانت جمله يامن من وراهم اللي خرج وفي ايده حلا وكأنه ما صدق تبقي مراته عشان يقدر يمسك ايديها ويح*ضنها ويتعامل معاها بدون خوف…

احمد بضحك : لا ديه دمها خفيف خالص لطيفه

امنيه بحرج : احم ميرسي

احمد باستغراب : ميرسي ؟! طب تليق ازاي علي يامعلم اللي انتي لسه قايلاها …

امنيه بحرج : عديها الهي تنستر

يامن وهو بيتنهد : مش يالا يا حماده ولا ايه ؟!

احمد بجديه: يالا

ام حلا كانت في المطبخ خرجت وهي بتتنفس بتعب : انتوا رايحين فين ؟!

يامن بابتسامه واحترام : هنمشي بقي ياامي ،وبكره باذن الله هنجيب اهلنا ونحدد الفرح أمتي ..

ام حلا : لا والله ما نتوا ماشين من غير ما تتعشوا معانا …

يامن بحرج : ب بس

ام حلا بتصميم : مفيش بس انتوا هتتعشوا معانا يعني هتتعشوا معانا ..

يامن باستسلام : امري لله ياست الكل ..

بعد شويه الكل كان متجمع علي السفره وسط جو عائلي لطيف وحلا وامنيه كانوا بيضحكوا من قلوبهم لاول مره من بعد موت والدهم الضحكه تترسم علي وشهم من تاني ….

…………………………………………..

في فيله قصي الصياد ،كان قاعد في أوضته مستني الممرضه اللي هتعالج وشه تيجي ،كان قاعد يبص علي نفسه في المرايه وهو مستحقر نفسه اوي …لاول مره يحس بتأنيب ضمير واستح*قار لنفسه ،لاول مره يحس أنه اناني ،ضعيف ،والاحري من ده كله يحس نفسه شيطان …يمكن اكتر حاجه كانت مضايقه قصي أنه برغم نيته أنه ين*تقم من حلا ،لكنه حبها ،لاول مره يحس أن قلبه بيدق لحد ،لاول مره يحس أنه عايز يبص في عين حد وميغمضش عينه ،لاول مره يشفق علي بنت ،ويحس أنه عايز ينهي كل حاجه واي حاجه وحتي لو ده هيبين أنه ضع*يف قدام صحابه لأجل ميشوفش دموعها اللي شقت قلبه لنصين ،كان هو اللي عايز ي*نتقم منها الظاهر أن انقلب السحر علي الساحر وهي اللي انتقمت منه واتجوزت يامن ،اكتر حد بيك*رهه في الدنيا ….

سمع صوت خبط علي باب الاوضه ،قام يفتح ،امتعضت ملامح وشه لما شاف سهي اخت قصي واقفه قدامه ..

قصي ببرود : نعم عايزه ايه ؟!

سهي ببرود اكبر: وانا هعوز من وشك ايه ؟!

قصي بعصبيه : اومال جايه ليه ؟

سهي وهي بتدخل الأوضه ببرود : جدو قالي أن وشك متخ*رشم وطلب مني اعالجك وانا بصراحه بحب جدو ومش بحب ارفضله طلب ..

قصي برفعه حاجب : والله

سهي وهي بتش*ده من دراعه وبتخليه يقعد علي الس*رير: اه والله وياريت لو سمحت تخلصني عشان عندي شغل مش فاضيه ..

قصي كان متغ*اظ منها وبصلها بكل ش*ر وغ*ضب ..

سهي بسخريه : ياتري الخناقه المره ديه كانت بسبب ايه ؟! بنت كالعاده ولا سبب جديد

قصي بعصبيه وغيظ : ملكيش دعوووه

سهي وهي بتهز رأسها بقله حيله : مش هتتغير ابدا

قصي بغضب وهي بيز*قها : امشي اطلعي برااا

سهي فاض بيها الكيل وضر*بته قلم وهي بتقول بع*صبيه : غب*ي ،غب*ي ومري*ض نفسي ومش بتحس ،طول عمرك انا*ني مش بتحب غير نفسك وبس ،طول عمرك بتك*ره قصي عشان احسن منك ،طول عمرك بتح*قد عليه ،طول عمرك بتاع مشاكل وشايف أن كل حاجه بالفلوس ،غبي*يي ،مش هتتغير ولا هتحس ،انا كان عقلي فين لما حبيت حد زيك ياخي ..

قال جملتها الاخيره وخرجت من الأوضه وهو واقف مش مستوعب اللي قالته ،القلم مصدمهوش زي ما صدمته جمله ” كان فين عقلي لما حبيتك “

معقوله سهي بتحبه !!! طب ازاي وامتي وليه ، ده حتي الكل بيك*رهه هي بتحبه ليه وعلي ايه…

كان بيسال نفسه ومش لاقي اجابه واحده تبرر حب سهي ، ،لكن ميقدرش ينكر انها صح وان كل اللي قالته صح …

…………………………………………..

بعد مرور شهرين ..

كانت حلا واقفه قدام المرايه بتلف حولين نفسها بفرحه وهي لابسه فستان فرحها ،النهارده اسعد أيامها ،فرحها هي ويامن …

يامن الشخص اللي حبته وحبها ،اللي خلاها تستغرب هو بجد في حد ممكن يحب حد كده !!

طول عمرها كان نفسها تتحب ،وبالفعل اتحبت اكتر ما كانت تتخيل ،وهي كمان حبته الحب ملهوش معاد وترتيب ،الحب بيجي خطفه !

امنيه كانت واقفه تبصلها وهي مدمعه مش قادره تتخيل أن اختها عروسه لا ديه اجمل عروسه شافتها فعلا ..

حلا وهي بتلف بفرحه : شكلي حلو ؟!

امنيه وهي بتحضنها : شكلك قمر

حلا بمشاكسه: عقبالك ياجميل

امنيه وهي بترفع ايديها في السما : يااااااارب

حلا بذهول : شوف البت الواقعه ..

امنيه بهيام : مانا حبيته اوي بصراحه

وانا كمان بحبك اوي ..

شهق*ت امنيه وهي بتلف لمصدر الصوت اللي كان أحمد اللي طلع فجأه يشوف إذا كان خلصوا ولا لا…

امنيه بتوتر : ا أنت جيت منين

احمد بمشاكسه : جيت من تحت

امنيه بتريقه : نينينيني

احمد بضحك : خلصتي ولا ايه يا عروسه ،العريس قاعد مستني علي نا*ر

حلا بتوتر : خ خلصت

احمد وهو بيمد أيده ليها بحنان اخوي: تسمحيلي بما اني اخوكي اققدمك لعريسك ؟!

حلا هزت راسها بدموع وفرحت وحطت ايديها في أيده وخرجت وامنيه وراهم …

يامن كان واقف مستنيهم تحت واول ما شافها واقفه مع اخوه بفستانها اللي زي الملايكه ،قلبه اتن*فض ،عيونه دمعت ، قد ايه هو كان مستني اليوم ده ،قد ايه كان مستني تبقي ملكه قدام كل الناس …

ابتسم بحب وهو بيستلمها من اخوه وب*يب*وس رأسها بحنان وحب : مبروك ياحبيبتي

حلا بتوتر: الله يبارك فيك ياحبيبي

يامن بصدمه: ايه قولتي ايه؟!

حلا : هه م مقولتش

يامن بهمس وهو واقف قدامها : حلا ارجوكي قوليها تاني ..

حلا وهي بتبص في عينه وبضعف : ياحبيبي ..

يامن ش*دها لحضنه ،حضنها بكل ق*وته ،هو فعلا بيعشقها ،حس أن النهارده عيد،فرحه هو وحلا حبيبته ،مستغرب نفسه ،هو ازاي حبها الحب ده كله !!

كانوا في الفرح ودخل شخص محدش كان يتوقع وجوده ابدا في اليوم ده ..

كان شكله حزين ولكنه وسيم في نفس الوقت ..

قرب من يامن وحلا ومد أيده يسلم علي يامن بهدوء : مبروك يابن عمي

يامن بص لحلا باستغراب وحلا هزت راسها بابتسامه أنه يسلم عليه …

يامن قام من مكانه وشده لحضنه : الله يبارك فيك يابن عمي

بالرغم من أن قصي مكانش بيحب يامن لكن يامن بيحبه وكان دائما ينصحه أنه يتغير ،كان دايما يرد اسا*ءه قصي بالخير ،كان يدعيله دايما أنه يتغير لانه فعلا بيحبه وعارف أنه من جواه شخص كويس …

قصي وهو بيتنهد وبيبص لحلا : حلا انا اسف ،اتمني تسامحيني علي كل اللي عملته ..

حلا وهي بتبتسم بهدوء: مسامحاك ياقصي …

قصي وهو بيتنهد براحه : شكرا

انت ايه اللي جابك هنا جاي تب*وظل*هم الفرح ..

ديه كانت جمله سهي اللي كانت واقفه ورا قصي ولابسه دريس اسود وحاطه ميك اب رقيق كان شكلها يخطف القلب حتي قلب قصي اتخطف !!

يامن : اهدي ياسهي قصي كان جاي يبارك

سهي وهي بتبصله بسخريه : لا كتر خيره

قصي: يامن

يامن باستغراب من هدوئه: نعم ؟

قصي : عايز اتجوز اختك

سهي بشهقه : نعممممم استحاااله

قصي بغموض: يوم ٥/٨ اللي جاي ده عيد ميلادك مش كده؟!

سهي باستغراب من سؤاله : ايوه ليه أن شاء الله ؟؟

قصي بب*رود وهو بيحدفلها بوس*ه في الهواء : اصله هيبقي عيد جوازنا كمان ياقمري ،بااااي

سهي وهي بت*دب في الأرض بع*صبيه : مستفزززز

حلا ويامن كانوا بيضحكوا علي سهي لانهم عارفين انها بتحب قصي ،هي حكت لحلا انها بتحبه ،ويامن عارف من تصرفاتها ومن عينيها اللي بتلمع لما تشوفه ،ومن ارتباكها …

امنيه بضيق : أنا مش فاهمه انت زعلان ليه دلوقتي ؟!

احمد بعص*بيه : يعني مش عارفه ليه ؟!

امنيه وهي بزعل : توء

احمد بعصبيه: وأقسم بالله لو شوفتك بترقصي تاني *هك*سرلك رجلك

امنيه بلهفه وفرحه : ايه ده الله انت زيهم ؟!

احمد باستغراب : زي مين مش فاهم ؟!

امنيه بفرحه وهيام : بتغير زي بتوع الروايات ..

احمد وهو بيشبك ايديها في أيده وبي*ضغط عليها بغيظ: لا غيرتي اصعب

امنيه بهيام : يادكرر**رررري

احمد وهو بيضحك علي حنانها : مجنونه والله …

بعد مرور شهر

النهارده ٥/٨ عيد ميلاد سهي وفرحها هي وقصي

” الثبات علي المبدأ ده غريب جدا 😂😂 “

سهي بالرغم من أنها كانت متضايقه من قصي وتصرفاته إلا انها بتحبه وشافت أنه اتغير ،اتغير للأفضل بكتير ،لو كانت بتحبه زمان قيراط ،فهي دلوقتي بتحبه ٢٤ قيراط !

حلا كانت واقفه قدام المرايه بتظبط نفسها وهي بتبتسم بفرحه وحاطه ايديها علي بطنها اللي فيها بيبي عمره اسبوع بالتقريب ، كانت مبسوطه اوي انها حامل وخاصه من حبيبها ،حبته وبتحبه وهتحبه مهما مرت الايام أو حتي الشهور أو السنين ،لانه باختصار غير كل الناس ،هو حبيبها وأبوها وأخوها وكل ما ليها في الوقت ده..

حبيبي خلص ولا لسه !

قالها يامن وهو بيدخل الاوضه وبي*قرب منها يح*اوط وسط*ها ويسند رأسه علي كتفها …

حلا وهي بتبصله في المرايه بحب : خلصت

يامن وهو ب*يلفها ليه وبيبص علي لبسها بتقيم: امممم حلو بس ناقصه حاجه

حلا باستغراب : ناقصه ايه ؟!

يامن وهو بيخرج علبه قطيفه من جيبه كان فيها عقد شكله حلو اوي…

حلا بأنبهار: الله حلو اوي

يامن وهو بيلبسهولها بحب : هو حلو عشان عليكي

حلا وهي بتح*ضنه بحب وآمان : ربنا يخليك ليا بحبك اوي.

يامن : اول مره شوفتك كنت عايز اسمع صوتك ولما سمعت كنت عايز ابص في عينك ،ولما بصيت حبيتك ياحلا ..

تمت..

لقراءة الرواية كاملة اضغط على : (رواية انتقام أنثى)