روايات

رواية انتقام أنثى الفصل الرابع 4 بقلم إيمان شلبي

رواية انتقام أنثى الفصل الرابع 4 بقلم إيمان شلبي

رواية انتقام أنثى الجزء الرابع

رواية انتقام أنثى البارت الرابع

رواية انتقام أنثى
رواية انتقام أنثى

رواية انتقام أنثى الحلقة الرابعة

انتي بتعيطي ليه دلوقتي طيب ؟

قالها يامن لحلا اللي كانت قاعده جنبه علي البحر بعد اللي حصل …

حلا وهي بتعيط جامد وج*سمها كله بيت*هز بعن*ف : ع عشان انا خايفه

يامن وهو بيبصلها بهدوء : خايفه من ايه ؟

حلا بتوتر وخوف : خ خايفه من الف*ضايح ،لا انت خطيبي ولا احنا هنكتب الكتاب ولا هو كمان خطيبي و وانا مش عارفه اعمل ايه انا اتفض*حت

يامن وهو بيحاول يهديها قال بهدوء : طب احكيلي انتي ليه قولتي أنه خطيبك من البدايه ؟

حلا وهي بتتنهد بحزن: عشان هدد*ني باختي

يامن وهو بيرفع حاجب وبينزل التاني: ه*ددك !!

حلا بدموع وشهقاات: ايوه

يامن يتساؤل وفضول: ايه اللي حصل بالظبط احكيلي

حكتله حلا كل اللي حصل بالتفصيل بدايه من اليوم اللي هز*قته فيه لحد ما خط”فها وه”ددها بأختها..

كانت بتحكي وهي بتترعش وبتعيط زي الم*جنو*نه ،كانت خايفه ،لا ديه كانت مرع*وبه ،لاول مره تتعرض لموقف وتحس انها ضعيفه اوي كده ،كانت طول عمرها فاكره نفسها شب*ح وانها مفيش اي موقف يقدر يآثر عليها بس اكتشفت انها أضعف حد في الدنيا …

يامن بغموض وهو باصص علي البحر ومربع أيده الاتنين : متقلقيش انا هحل الموضوع ده

حلا باستغراب وهي بتمسح دموعها بكف ايديها زي الاطفال : ه هتعمل ايه ؟

يامن لف رأسه وبصلها وقلبه بيدق بطريقه رهيبه ،كل ما يبص في عينيها يحس أنه متك*هرب،عينيها زي السحر بيخلي اي حد ي*ضعف قدامها ..

مد أيده بدون وعي منه ومسح دموعها بطرف صوابعه وقال بهدوء: متقلقيش ،يالا عشان اروحك

حلا وهي يتبصله وتسائله ببراءه:انت ليه بتعمل معايا كده ؟

يامن بغموض : هتعرفي بعدين ،يالا اروحك

حلا بتوتر : ل لا انا هروح لوحدي شكرا

يامن قام وقف وحط أيده في جيبه وقال ببر*ود : مش بمزاجك

حلا بعصبيه: هو ايه اللي مش بمزاجي ؟

يامن وهو بيش*دها من ايديها وبيقول ببرود اكبر : يعني انا هروحك

حلا شدت ايديها منه وطلعت تجري وكان في طريق هتعديه وهي بتخاف تعدي عندها فوبيا ،بلعت ريقها وبصت وراها علي يامن اللي كان واقف مربع أيده ورافع حاجبه بخ*بث …

حلا قربت منه وقالت بتوتر: مم ممكن اطلب منك طلب ؟

يامن بجمود : اطلبي

حلا وهي بتفرك ايديها بتوتر : م ممكن تعديني الطريق اصل انا بخاف !

يامن ابتسم ابتسامه هادئه وهو بيبصلها وبيهز رأسه بحيره : ماكان من الاول ..

انهي جملته وشبك أيده في ايديها وهي أترع*شت ورفعت راسها تبصله كان وقت غروب الشمس والغروب جاي علي عينه ،عينه جميله اوي اول مره تحس انها متوتره ومرتبكه ومش قادره تنطق قدام عيون حد ونظرته ليها ،معقوله هتقع في الحب !!

عدوا الطريق وحلا ماسكه في أيده بخوف وكأنها بتستمد منه الآمان اللي افتقدته من سنين من بعد موت والدها …

حلا وهي بتبعد ايديها من أيده وبتقول بتوتر : ش شكرا

يامن وهو بيتنهد : حلا

حلا بتوتر : ن نعم

يامن : تتجوزيني؟!

حلا اتصدمت فتحت بوقها علي آخره وبرقت عينيها وهي بترمش عينيها اكتر من مره بذهول وبتشاور علي نفسها : قصدك مين انا ؟

يامن بضحك وهو بيبص حواليه :وهو في حد هنا غيرك ؟

حلا : ا أنا معرفش انت مين لحد دلوقتي ؟!! م معرفش غير اسمك حتي

يامن وهو بيتنهد بخوف من إجابته اللي ممكن تخليها تمشي وللابد : يامن الصياد

حلا حطت ايديها علي بوقها بصتله بدموع نزلت غصب عنها وهزت رأسها بهس*تريه وهي بتب*عد لورا ،معقوله يامن اخو قصي ؟!!!

حلا وهي بترجع لورا وهي بتهز رأسها : ا انتوا عايزين مني ايه ؟! عايز مني ايه انت واخوك عايزين مني ايييه

قال جملتها ومحستش بنفسها وفقدت الوعي ..

بعد مرور ساعه

كانت نايمه علي الس*رير في اوضتها حواليها اختها ومامتها ويامن واقف فوق راسها بيحاول يفوقها …

فتحت عينيها بتعب وهي بتبص علي كل الوشوش واتنف*ضت من مكانها لما شافته واقف وقالت بذ*عر وخ*وف : ا أنا فين ؟

مامتها وهي بتحاول تطمنها: متقلقيش ياحبيبتي انتي في بيتك

حلا وهي بتبص ليامن بغض*ب: أنت ايه اللي جابك هنا

مامتها بحرج : الاستاذ يامن هو اللي جابك علي هنا وكتر خيره قال مش همشي غير لما اتطمن عليها ..

حلا بقرف وكره : شكرا تقدر تتفضل انا كويسه

يامن وهو بيبصلها ببرود : اتفضل فين ؟

حلا وهي بتبصله بطرف عينيها : يعني ايه تتفضل فين ؟!!

يامن وهو مربع أيده : يعني انا في بيتي ومع مراتي اتفضل فين بقي ؟!

حلا وهي بتتنف*ض من الس*رير بصدمه وذهول : هو ايه التخر*يف ده .

وبصت لمامتها وهي بتسألها : هو مين ده اللي جوزي ؟!

امها بتوتر : حلا انتي لازم تتجوزي يامن وضروري جدا

حلا بجنون : هو ايه اللي ضروري انا مش فاهمه حاجه

امها : بصراحه كده يابنتي قبل ما يامن يجيبك علي هنا عمك كان عندنا ،و وعايزك تتجوزي ابنه وح*ذرني لو رفضت هيخ*طفك ويخليكي تتجوزي ابنه ،ع عشان ياخد الورث اللي ابوكي كتبهولك

حلا بغيظ وعصبيه : نعم هو ايه ده اصله ايه ده ،هو مفكر نفسه مين ،انا هروح ابلغ عنه ..

امها بخوف ودموع وصوت واطي : ارجوكي يابنتي بلاش مشاكل انتي عارفه أهل ابوكي ناس مش سهله ،انا قولتله أن كتب كتابك النهارده …

يامن بجمود : المأذون برا

حلا : بس

امها بدموع : ارجوكي يابنتي انا مش مستغنيه عنك وعن اختك ،المأذون برا ع عشان اختك هتكتب كتابها هي كمان

حلا بصدمه : نعم علي مين وليه !!

امها : ل لما قولتله ان كتب كتابك قالي يبقي ناخد امنيه اختك و وانا قولتله أن كتب كتابها هي كمان علي اخو خطيبك ..

حلا بصدمه: نعممممم قصي !!!

امها : والله يابنتي ما اعرف اسمه

يامن : متقلقيش ياحلا مش لقصي هخليها تتجوز اخويا الصغير ..

حلا اتنهدت براحه وهي بتبص لاختها اللي كانت واقفه حاطه وشها في الأرض بزعل وقربت منها وهي بتحا*وط وشها برقه وحنان ..

امنيه حبيبتي لو مش عايزه تتجوزي دلوقتي قوليلي انا مستعده اعمل اي حاجه واضحي باي حاجه عشانك انتي وماما…

امنيه اترمت في حضنها وقالت بابتسامه صغيره وبخفوت : أنا مش زعلانه ياحبيبتي وبعدين مش يمكن موز زي بتوع الروايات وأحبه ويحبني !

حلا وهي بتبعدها عنها بغي*ظ وبتضر*بها علي كتفها بخفه: بصي البت بتقول ايه !

يامن : احم انا طالع برا هستناكوا تجهزوا عشان نكتب الكتاب …

بعد مرور ساعه بالتقريب كانت قاعده حلا ويامن جنبها وبيكملوا إجراءات الجواز

قال المأذون جملته وحلا قاعده مش مستوعبه ابدا يعني معقوله الكلام اللي بتقرائه في الروايات بيحصل في الحقيقه،في يوم وليله تلاقي نفسها اتجوزت لا وبأرادتها ،ولشخص مكانتش تتوقع ابدا انها تتجوزه ،بعد ماقررت في لحظه أما عرفت أن اخوه قصي انها تقطع علاقتها بيه ،يصبح في خلال ساعتين بالتحديد جوزها !!!!

فعلا تخطيط ربنا بيبقي غير ،ساعات كتير بنفضل نخطط لحاجات ونبني حياتنا عليها ويجي موقف يغير كل ده ويشقلب حياتنا ميه وتمنين درجه …

يامن وهو بيهمس في ودنها: مبروك

حلا وهي بتبصله وبتسأله بتوتر : ق قصي عارف انك اتجوزتني

يامن وهو بيتنهد : حلا قصي مش اخويا ..

انتفض*ت من مكانها والكل اتنف*ض لما اقتحم البيت ناس مل*ثمين وماسكين مس*دسات …

حلا راحت استخ*بت في ظهر يامن ،ويامن واقف بيبص علي الاشخاص اللي دخلوا بكل برود وشجاعه …

يامن ببرود : عايز ايه ياقصي ؟!

قصي شال اللي كان علي وشه وقال بخبث وابت*سامه ش*ريره : طب كويس انك عرفت أنه انا !

يامن : عايز ايه من مراتي؟!

قصي وهو بيبصله وبيبص لحلا وبغي*ظ: عايزها ..

يامن وهو بيس*حب حلا لح*ضنه وقال بابتسامه بارده : ده علي جثت*ي ياقصي

قصي وهو بيهز راسه وبيسحب الزناد وهو بيقول بش*ر : يبقي علي جثتك فعلا …

صوت رصا*صه طايشه خرجت من مسدس اخترقت ج*سم حد فيهم فياتري مين اللي اتصاب وهل يامن هيستغني عن حلا ولا قدرهم حالف يجمعهم في كل مره !

يتبع…

لقراءة الفصل التالي : اضغط هنا

الرواية كاملة اضغط على : (رواية انتقام أنثى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى