روايات

رواية انتقام مشترك الفصل التاسع عشر 19 بقلم نيرة عبدالله ونسمة حامد

رواية انتقام مشترك الفصل التاسع عشر 19 بقلم نيرة عبدالله ونسمة حامد

رواية انتقام مشترك الجزء التاسع عشر

رواية انتقام مشترك البارت التاسع عشر

رواية انتقام مشترك
رواية انتقام مشترك

رواية انتقام مشترك الحلقة التاسعة عشر

ندي فتحت عنيها وشافت جاسر واقف قدامها ومبتسم ليها؛ ندي اول ما شافته ملامح وشها اتغيرت للغضب وقالت بزعيق: انت اتجننت ي جاسر إزاي تخطفني
جاسر: دي كانت الطريقة الوحيدة اللي لاقيتها عشان اعرف اشوفك واتكلم معاكي
ندي: مفيش كلام بينا ي جاسر الكلام اللي بينا انتهي وكل حاجه بينا خلصت وياريت تتطلقني بهدوء بدل ما تتطلقني في المحكمة
ولسه هتمشي جاسر مسك دراعها وشدها له وقال: الكلام اللي بينا لسه مخلصش ي ندي أرجوكي اسمعيني
ندي بغضب: انت ملكش اي حق انك تتكلم خاصة بعد اللي عملته فاهم كنت عارف الحقيقة كلها وبالرغم من كده انتقمت مني وانت عارف اني مليش ذنب انتي خنتني ي جاسر وكسرتني وكسرت قلبي اللي ….. وسكت قبل ما تكمل كلامها وديرت وشها وقالت وهي بتحاول تمسك دموعها: أنا عاوزه امشي من هنا
جاسر: مش هتمشي من هنا ي ندي من غير ما تسمعيني واسمعي بقي طلاق مش هطلق فاهمه
ندي بصتله بصدمه من رده وجاسر سابها ومشي وقفل الباب عليها؛ وندي فضلت تحاول تفتح الباب بس معرفتش تفتحه وقالت بتحدي: إما وريتك ي جاسر مبقاش أنا
********
عند أسد كان يحاول يرن علي ندي بس مكنتش بترد
واتصل بيها اكتر من ٣ مرات بس مردتش وده خلي أسد يقلق اكتر؛ لحد ما قرر أنه يتصل بيها علي تليفون البيت وبالفعل اتصل بيها والخدامه ردت عليه
أسد: ندي هانم رجعت ولا لسه
الخدامة: لا ي أسد باشا لسه مرجعتش
أسد: اول ما ترجع خليها تكلمني
الخدامة: تحت أمرك ي باشا
أسد قفل معاها وهو قلقان علي ندي؛ وقال يتري انتي روحتي فين ي ندي المفروض تكوني روحتي البيت من ساعتين أنا خايف لتكون هدي نفذت اللي في دماغها أو يكون جاسر الاهبل ومره واحده وقف وافتكر كلمه جاسر لما قاله( متزعلش من اللي عمله) وقال بضيق: إزاي مفكرتش في كده ازاي ورن علي جاسر لحد ما رد عليه
جاسر: فيه حاجه ولا اي
أسد: ندي اختي لسه مرجعتش البيت ي جاسر
جاسر: وترجع بيتك ليه وبيت جوزها موجود
أسد بضيق: جاسر بطل استعباط ورجع ندي اختي البيت احسن بدل ما ابلغ عنك واقول انك خاطفها
جاسر: جري اي ي أسودي في حد بيخطف مراته برضوا
أسد بعصبية: ولااا بطل برودك ده وبعدين مراتك منين دي رافعه عليك قضية طلاق
جاسر: ندي مراتي ي أسد وهتفضل مراتي وطلاق مش مطلق وخليك في نفسك وبلاش تقطع عليا بدل ما اقطع عليك ومتقلقش هي في امان معايا خلي بالك انت من ولادك ومن نور وخاصة نور اظن انت فاهمني سلام
أسد: ابو شكلك عيل رخم وبارد واخد حاجته ومشي
********
جاسر طلع لندي بصنية الاكل وأول ما فتح الباب ندي بصت له بغضب وعصبية وجاسر اتنهد وحط الأكل قدامها وقال: انا جبتلك الاكل اهو ممكن تاكلي بقى
ندي بعصبية: انا مش عاوزه اكل كل اللي انا عوزاه اني امشي من هنا لو سمحتي
جاسر: ندي عشان خاطري إسمعيني الاول
ندي بدموع: انا مستحيل اسمعك ي جاسر مستحيل اللي عملته فيا مفيش كلام يتقال بعديه انت إغتصبتني فاهم يعني اي اغتصبتني ومثلت عليا انك بتحبني وعاوزني عشان تعرف تكسرني وتنفذ إنتقامك عيشتني في وهم جميل وصحتني مني علي كابوس بشع اوي
جاسر بندم: انا اسف ي ندي سامحيني صدقيني مكنش قصدي أعمل فيكي كده بس ساعتها الشيطان عمي عيوني ي ندي وكل اللي كان قدام عينيا اللي حصل ليا انا واختي من 3 سنين صدقيني أنا ندمان علي كل اللي عملته فيكي سامحيني
ندي: اللي عملته فيا صعب اني اسامحك عليه ي جاسر انت كسرتني وكسرت قلبي واللي اتكسر مش بيتصلح ابدا
جاسر: ندي انا بحبك صدقيني والله العظيم بحبك
ندي بإستهزاء: خطة جديدة دي ولا اي بس يتري المره دي بتخطط لايه بقي
جاسر: لا ي ندي مش خطة كل حاجة خلصت خلاص وانا وأسد اتصافينا ي ندي انا فعلا بحبك ومن زمان اوي وكنت مستني بفارغ الصبر الوقت اللي تخلصي فيه دراستك عشان أتقدم ليكي انا قلبي عمره ما حب غيرك
ندي وهي بتمسح دموعها: بس حبك انتهي من قلبي ي جاسر
جاسر بصدمة: يعني اي
ندي: يعني كل حاجه بينا خلصت ي جاسر وياريت تتطلقني بهدوء
جاسر: ده أخر كلام عندك؛ ندي هزت رأسها بأه
جاسر بتنهيدة: وأنا هنفذ ليكي اللي انتي عوزاه بس مش دلوقتي اول ما الامور بس تهدي وتستقر وهطلقك
ندي والدموع في عنيها: انا عاوزه امشي
جاسر: يلا عشان أوصلك ومشوا الاتنين
**********
عند نور كانت قاعده في الجنينة سرحانه في المرتين اللي شافت فيهم أسد وكانت بتفتكر كلامهم سوا وحطت إيديها علي قلبها وقالت: معقوله لسه بحبه بعد كله اللي حصل بينا؛ طب يتري هو ييحبني ولا
وسمعت صوت بيقول ليها: هو محبش غيرك أصلا
نور ديرت وشها لمصدر الصوت وقالت بصدمة: أسد

أسد مسك إيديها وباسها وقال: أيوه أسد ي روح قلب أسد إنتي
نور بدموع: إنت فعلا بتحبني؟!
أسد وهو بيمسح دموعها: انا محبتش غيرك اصلا ي نور انتي الوحيدة اللي قلبي حبها وبالرغم من كل اللي حصل عمري ما بطلت أحبك تعرفي اني طول السنين اللي فاتت مفيش يوم كان بيعدي والا بفكر فيكي كنت بتعذب بدل المره ألف وأنا بمنع نفسي إني أدور عليكي واعرف أخبارك
نور: لما انت بتحبني ليه عملت فيا كده ي أسد
أسد بندم: كنت اعمي ي نور شيطاني كان متحكم فيا والشر كان عامي عيوني وغير كده كان مضحوك عليا من شويه شياطين بس وعد اني هدفعهم التمن حتي لو كان التمن حياتي
نور: بعيد الشر عنك أوعى تعمل أي تصرف يأذيك فاهم
أسد بإبتسامة: خايفة عليا
نور بصتله بكسوف وهزت رأسها بأه؛ أسد إبتسم ومره واحده قرب منها وباس شفايفها بشوق كبير وبعد شويه بعد عنها وهو بينهج وقال: بحبك ي نوري
نور وهي بتلمس خده بحنية: وانا كمان بحبك
أسد باس باطن إيديها بحنية وخدها في حضنه وبص في عيونها وقال: أوعدك اني هعوضك عن كل حاجة وحشه حصلت ليكي بسبب
نور بصتله وإبتسمت ودفنت وشها في حضنه وأسد شدد من حضنها
**********
تاني يوم
هدي وسيف كانوا قاعدين مع جاسر في فيلته
سيف: ممكن اعرف بقي انت عاوزنا ليه
جاسر: عشان نفكر هندمر اسد ازاي
هدي: أسمع ي جاسر أسد عامل زي القطط بسبع أرواح وكل ما يقع هيرجع يقوم تاني والمره دي وقعه أسد لازما تبقي من غير قومه خالص
جاسر: قصدك إي
هدي: أسد لازما يموت ي جاسر
جاسر: عاوزه تقتلي ابن أخوكي
هدي: انا عملت فيه الاسوء من الموت ي جاسر ولا نسيت اللي عملته في سلمي وابنه
سيف: أسد بالنسبه لينا عدو ي جاسر مش قريب وموته هو الحل الوحيد لينا ولو مات انت هتطلع كسبان لانك هتاخد نصيبك في ثروته كمان
جاسر: ونصيبه هاخده ازاي بقي وبعدين انتوا نسيتوا ندي أخته ولا اي ندي هتاخد تقريبا كل ثروته
سيف: متقلقش ندي بقت ضعيفه أوي خاصه بعد اللي عملته فيها وهتتضعف أكتر بعد وفاه أسد يعني يدوب قرصه ودن صغيره منك ليها هتخليها تتنازل ليك عن كل حاجة
جاسر: وهتموتوا أسد إزاي
هدي: بسيطة فرامل العربية بتاعته تبوظ وتبقي حادثة عربية يعني قضاء وقدر
جاسر بصوت عالي: إي رأيك في الكلام اللي سمعته ده ي أسد
هدي وسيف بصدمة وفي صوت واحد: أسد
**********
*تفتكروا اي اللي هيحصل؟! توقعاتكم للبارت الاخير؟!

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية انتقام مشترك)

‫2 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى